اغتصبني ضابط

اخذ قلبي وذهب 😢

صلاح / ولج شلون تنطيها ذهبج اني اشتريه الج ولج تعبت ومتت منا لمن اشتريتهن الج بقيت ٣ اشهر بس اشتغل علمودج وانتي تنطيهن الها ليش ها ليش ( صياح)
جوري/ اهئ اهئ اهئ شمدريني اني هي كالت مالتي   اريدهن وعبابلي محتاجه
صلاح/ افففففففف ياربي  كافي ياروحي لا تبجين هي بس ترجع اخذهن منها وانطيهن لجوري مالي تعالي اكلي انسي السالفه بعد هي العيون الحلو ماتبجي افتهمتي
جوري/ اي😢
كعدنا ناكل ونحجي ويسولفلي على اهله وعلى دراسته ونضحك شويه ودخلت عمتي وتضحك
سعاد/ ها يمه اجيت هلا بيك
صلاح / يمه وين الذهب مال جوري
سعاد/ اهئ اهئ اهئ يايمه عبالي مثل بنتي وامن واخذ منها بس طلعت فتانه وراحت كالتلك
صلاح/ يمه لا كلتلي ولاشي اني شفتها ماالبسه الذهب ولحيت عليها هس كليلي وين ذهبها
سعاد/ يايمه الصبح اتخربطت وانتو نايمين ومااعندي فلوس وردت اطلب منك بس كلت اكيد مااعندم لذالك اخذتهن من بنيتي بعتهن ورحت لدكتور وجبت دواء
صلاح / يمه شسالفه شلون تاخذين ذهبها مو خطيه حرام واصلا هي حلقه وقلاده
سعاد/  اهئ اهئ اهئ اي لعد اموت علمود هي مرتك وهي وين طالعه ولبستهن
جوري / صلاح كام يتعارك وياي امه وصياحهم لسالع جار واني مااريد مشاكل كمت ابجي وبالكوه هدئت صلاح هو كافني وطلع اعصاب وامه اجتي اتعركت وياي عبلها اني شكتله وكتله ورادت تضربني بس لزمتني من شعري وهددتني راحت انظف الاماعين شفت عمتي مامتغديه راحت خليت الاكل بالصنيه كلت خطيه مريضه بعدني ردت ادك الباب مال الغرفه وسمعتها تضحك بصوت عالي وتكول اي بعتهن الذهبات وباجر انطيك الفلوس لا تخاف اني انصدمت هي شتحجي معقوله يعني مو مريضه ولا شي ليش لعد تاخذ ذهبي ومستغلتني لان يتيمه محد اليه دكيت باب الغرفه مال عمتي
سعاد/ منو
جوري/ عمه هي اني جبتلج اكل
سعاد / خلي يم الباب وولي
جوري/ عفت الاكل يم الباب ورحت لغرفتي ظليت افكر ليش هيج اسوي والمن تنطي الفلوس انوب كلت شعليه اصلا شسوي بالذهب اهم شي صلاح وياي وحبه اليه كافي تانيت صلاح هواي بس ماكو طبيت غسلت ولبست دشداشه نوم قصيره وخليت عطر ونمت راحت بسابع غفه من التعب حسيت على واحد يبوس بيه كعدت لكيت صلاح
صلاح / ها يروحي كعدتي اعتذر اتاخرت عليج بس جبتلج هي الحلقه صح فضه ومالها قيمه بس والله اعوضج ان شاء الله
جوري/ تخبل ياروحي والله احلى من هذيج الذهب تسلم ياروحي 
بقينا اني وصلاح على الحلوة وعلى المرة وتمشي الايام واني ابدا مااكتله على امه وهي دائما معذبتني حتى مرات تضربني واكعد ابجي بس مااكول لصلاح مااريد مشاكل صار شهرين على زواجنا وهو يحبني موت واني هم احبه يوم من الايام تخربطت وكعت وهو خطيه شاني وركض بيه لمستشفى كعدت هو فراحان ويضحك والدموع بعيونه
جوري/ شبيك حبيبي ليش تبجي وشسوي هنا
صلاح / الحمدالله على السلامه ياعمري انتي تخربطتي وجبتج هنا
جوري/ لعد ليش تبجي بيه شي
صلاح / ياعمري هي دموع الفرح انتي حامل اني راح اصير اب وانتي ام هي ثمره حبنا واخيرا هيكون اليه عائله واني اجمعكم بيت واحد
جوري / صدك يعني اني حامل اهئ اهئ
صلاح / اي ياعمري صرتي ام لا تبجين ياروحي
جوري / فرحت هواي اني صرت ام هي ثمره حبنا اني وصلاح خلص المغذي وطلعت لبيت وصلتح كال لامه وامه تعاركت وياي تكله ميلنا مصرف حتى اكل مااعدنا تريد نربي طفل حفاظات وحليب ميلي طبعا صلاح صار نار وكامو يتعاركون هو يكلها الفلوس مني اني يايوم ماخذ منج لو منقص عليج حاجه شو كال ماتريدين اني انطيج هي بدال ماتفرحين صار عندج حفيد جاي هيج تحجي هي نعمه من الله هيج ترفسيها هي ظلت تحجي وصيح وفوكاها تغلط عليه وتريد تضربني وكامت اطردنا من بيتها وتكول امشوا اطلعوا من بيتي مااريدكم الله لا ينطيج ياجوري انتي وهذا ابني الاغم امشوا اطلعوا برررررررره جرني صلاح اخذ  ملابسه وملابسي واخذني وطلعنا
جوري/ وين رايحين صلاح
صلاح / لبغداد هناك نكعد يم اهلي فترة ونطلع اناجر بيت لو شقه
جوري/ وانت عندك ايجار لشقه يكولون الايجارات بغداد غاليه
صلاح / الله يسهلها ونشوف شقه صغيره نكعد بيها منا لمن اشوف تعين
جوري / وصلنا لبغداد يالله تخبل هي اول مرة اطلع من الريف نزلنا وكمان نمشي واشوف البنات لبسات ملابس تخبل بنطرون وفستان واني عباتي واسحل بيها يله الحمدالله على كل حال بس الزلم تباوع عليه لان حلوة بس اني ادنك راسي وامشي اخاف من الفضايح وصلنا لبيت اهل صلاح استقبلنا ابو رجال كبير بالعمر كعدنا واجتي بنيه قدمتنا عصير وابوه كام يحجي عليه لان مايجي يعيش اهنا لان يعرف مرته مو خوش وظل يحجي ويحجي واني راسي يفتر داخت من حجيه ومااكلت شي من الصبح لهس شويه وطبت مرة لبسه كلبيه حلوة سلمت على صلاح  وعليه وهي هم كبيرة بالعمر باركتنا على الزواج  وظلت تسألني على اهلي وشنو مكمله دراسه وتافجئت من عرفت عمري  ١٣ ومزوجه وزلت تحجي على اهل ابويه شلون هيج ظلموني وانطوني واني صغيرة بقينا يمهم يومين ثالث يوم راح صلاح دور شقه بس كلهن غاليات مر اسبوع واحنا يمهم اني اشتغل واساعدهم بس احس نفسي غريبه وثكيله عليهم وبناتهن يضحكن عليه اذا حجيت وصراحه اضوج واحصر بقلبي مااكول لصلاح لان هو هم ضايج وصاير اعصاب لان قدم على تعين ومااكو وحتى شقه ماكو فاهو ضايج كلش فد يوم اجى كلي اني بعد مااتحمل راح اقدم على عسكريه اني كمت ابجي واكله لا عفيه لا تعوفني هو كعد يهدي بيه واني ابجي كلي مااكدر اعيش هيج اريد اني اصرف عليج وعلى ابنا الجاي مااريد الذل من احد ومااكو تعينات كلها مسدوده واني ماعندي بجيبي غير ربع دينار وامي هناك تخابرني تكلي متخربطه ارجع انت ومرتك مااكدر جوري افهميني لازم اروح واشتغل اني ظليت يومين اتوسل بيه وابجي بس هو ماقبل كعدنا الصبح رجعنا لريف يم امه سلمنا عليها وهو اخذ الجنطه وراح لمعسكر واني قلبي بقى يمه كل ساعه اصلي واندعي يرجع بالسلامه وابجي عليه خايفه عليه مرات الايام والحمدالله رجعوبطني بدت تكبر والحمدالله حياتنا حلوة بس مشاكل عمتي موتتني بس ماازعج صلاح واني وصلاح كل يوم حبنا يزيد عن القبل وكل مايروح اني قلبي يروح وياه واظل ابجي لحد مايرجع صارت روحي معلقه بيه احبه حب مو طبيعي بطني بدت تكبر واني من اضوج واشتاق لصلاح احجي ويي ابنا واكله شكد مشتاقه لابو مرت الايام واجى الوكت ليه ينزل بيه صلاح من العسكريه سويت دولمه وعدلت نفسي وحضرته الحمام خطيه يجي ميت من الحر مااعفت شي بالبيت ماسويته وبطني شكبرها بالشهر٧ ظليت منتظرته صار الساعه ١٢ شو هذا ماكو اني كمت الوب ساعه اطلع ساعه اطب اخابر عليه مقفل ممت من الخوف صار الدنيا عصر واني وعمتي ميتين من الخوف واني كاعده على السجادة وابجي انخابر عليه مقعل ظليت كاعده لحد الساعه بال١٢ باليل وصلاح ماكو هلكت من البيجي الساعه بال١ اندك الباب قوي كمت ارجف راحت راكض لعمتي
جوري/ عمه عمه كعدي واحد كسر الباب شوفي منه
سعاد/ يممممه ياستار
جوري/ راحت عمتي تركض شفت عمتي كامت اصيح وتكول راح ابني يبووووووووو واكعه بالكاع وتبجي ودك على راسها اني بهي الحضه مااتحملت وكعت من طولي وبعد مااحس شكو صار بالدنيا حست واحد يضرب بيه حيل كعدت لكيت بيبتي
اتكعد بيه كعدي يايمه كعدي اني ظليت اصيح وين صلاح وين صلاااااااح اصيح وادك على راسي واصيح صلاااااح وين عفتني واحدي صلااااح لا تعوفني اني وابنك محد النا اهى اهئ اهئ لا تعوفني حبيبي لا تعوفني انت ابويه وامي انت كل حياتي ليش خليت ابنا يتيم ليش ياروحي اني انهاريت فد مره وتخبلت بزياده من ماخلوني اروح وياي حبيبي لمقبرة وتخربطت من البجي ونقلوني لمستشفى والطفل راد يموت واني بس ابجي مااريد ازيد جروحكم بس كل شخص فقد شخص عزيز عليه يعرف شنو مريت بيه شخص كان معوضني عن الدنيا كلها خلصت شهر واني بعدني على بجي وعلى لطمي على حبيبي مامصدكه راح مني بس هذا قدر الله بقيت يم عمتي وهي هم مكسوره بس مو مثلي تاكل وتشرب وماتبجي اني بس ماء بجسمي وانام على الجربايه واذكر حبيبي ضعفت حيل طبيت بالشهر التاسع وتخربطت ونقلوني لمستشفى طلع عندي فقر دم كلش حاد وهذا الشي ماثر على الجنين ولازم اجيب بسرع وكت لان الجنين كلش ضعيف ومهدد بالسقاط طبعا عمتي كامت تحجي عليه واني ابجي اتمنى من الله اموت بالعمليه والحك حبيبي 😭😢😭😭😭😭😭😭 ظليت ابجي لحد مادخلت العمليه وخدروني  كعدت وراء العمليه جسمي كله يوجعني وعمتي نايمه
جوري/ عمه كعدي وين ابني
سعاد / ابنج يامعزايه بالخدج ضعيف بس الحمدالله جبتي ولد سميته مصطفى
جوري/ ليش مصطفى اني ردت اسمي صلاح على اسم حبيبي
سعاد/ انجبي ياخايبه مابيه حيل احجي وياي تعبانه الله لا ينطيج تعبتني
جوري/ عفتها تحجي عليه فوك الساعه اني سكتت اذكرت صلاح جان هس يمي وميت من الفرح هو من در اني حاما كام يبجي لو هس شايف ابنا كمت ابجي من الوجع ليه بقلبي من حظي من اني صغيره لهس جابوا ابني وفدوة يخبل يشبهني اكثر بس نفس ملامح ابه طلعت من المستشفى وعمتي اكلت راسي من وراء افلوس التكسي ليه دفعتهن بقيت يم عمتي بالويل من العراك اليوميه حتى اهلي لا اجوي لا شافوني صوفي صار عمره ٤ اشهر وصار يشبه ابوه وعيونه مثل عيوني يخبل بالجمال ماشاء الله بس عمتي تتعارك وياي ولزمتني طردتني لبيت جدو وهناك هم اعراك وعراك مليت ومتت كل يوم باليل اكعد ابجي منا لمن الله يكلي بس حتى عمامي يضربون بيه وماكو وشغل البيت كله عليه بعد فتره سمت عمتي ازوجت ماادري اضحك شلون ازوجت وابنها ماصله سنه متوفي ماادري ابجي على صلاح طبعا العالم كامت تحجي عليها وكثر حجيهم لذالك باعت البيت وراحت لبغداد بعد فتره صارت مشكله عرفت ابن عمي محمد داعم واحد جبير ومتوافي طبعا البيت صار قيامه يصيحون ويبجون بس طبعا عمي ضابط لذالك يوم واحد وطلع من السجن بقت بس كعده العشيرة كالوا يدفعون كم فلس وهم تنحل طبعا ابن عمي كاعد بغداد واحد سرسري مايستحي رايح هناك علمود الكليه وهو لا يهمه كليه ولاشي لذالك عمي جهز نفسه وطلع لبغداد علمود يسون كعده عشاير وياه عائله الولد طلع اني راحت اشتغل وظهري انكسر من الشغل كملت راحت العب وياه صوفي فدوة حبيبي بال١٢ باليل كنت نايمه ويمعت عياط فريت وفر صوفي كام يبجي شلت مصطفى ونزلت اشوف شكو لكيت العائله كلها مجمعه ويبجون طلعوا واحد من عائله هذا الرجال كات ابن عمي وهس هو بالمستشفى مرت الايام واحنا خايفين على ابن عمي مرت مدة والحمدالله صار زين سوى كعده عشائر وطالبوا بالولد راد يكتل ابن عمي بس هم كاموا يفاوضون وعمي طلب ١٠٠ مليون وهم جابوهن طبعا عمامي وبيبي كاعدين بالغرفه ويتناقشون وطاروا بال١٠٠ مليون بيبي كامت تركص ثاني يوم اجوي واني كنت العب ابني كالوا انتي راح تزوجين واحد من ولدهم طبعا اني مااستوعبت شنو ازوج شنو هذا الحجي تخبلت وهم كالوا زين قبلوا واحده فكر مثلج ارمله وعدها طفل يزوجها اني ظليت اصيح والطم شنو ازوج مو بكيفكم هم لزموني شبعوني كتل كالوا لعد احنا ملبنا نعيشج انتي وابنج هاا يا **** هي بكيفج ماتقبلين بقيت يومين بس يضربون بيه وانوع التعذيب  ثالث يوم جروني وغصب عني زوجوني واني ابجي واجهي ازرك من الضرب عقدت بس سيد وطبيت لبيت ماشاء الله يخبل اجلى رجال هذا لعقد عليه كال طبي هي غرفتج اني طبيت كلش حلوة الغرفه صوفي نايم من التعب واني هم ضليت كاعده انتظر احد يجي محد اجى مااحسيت على نفسي نمت كعدت على بجي مصطفى شلته غسلته اكو حمام بالغرفه ورضعته وبقى يلعب شويه وطب رجال
يزن / السلام عليكم
جوري/ وعليكم السلام
يزن/ اسمعي يابنت الناس اني انغصبت ازوجج علمود اخويه وانتي تعرفين هذا الشي اكيد مو
جوري/ اي اعرف
يزن/ اني اخليج فوك راسي انتي وابنج وابنج اعامله مثل ابني بس لا تتاملين اكونين زوجتي من صدك بس كدام الناس افتهمتي
جوري/ رحمه على والديك اني ردت هيج مااريد اكون بينتتا اي شي 😢
يزن/ لعد هاهيه اتفقنا
جوري/ الحمدالله خلصت من حمل هواي كبير لان احب صلاح مااكدر افكر برجال غيره مشت الايام وتعرفت على عائلت يزن هم لا زنين ولا مو زنين ابدا لايحجون وياي او يحتكون بس يزن اربع وعشرين ساعه لازم صوفي ويلعب وياه وين مايروح ياخذه وياه وكومه غراضه يشتريله بس ابدا ماايحجي وياي بس يكلي محتاجه شي ناقصه شي انسان محترم ....
يتبع
هلو بنات هذا البارت عباره عن ٢٠٠٠ كلمه اتوقع مو قصير تستاهلون احبكم اريد متابعه هواي حبابين حتى انشر اسرع وهس عرفتوا قصه جوري ومصطفى