اغتصبني ضابط

ملاك حولت قلبي الى جحيم

حيدر/ مااكدرت اعيش حياتي هيج كل يوم احس روحي تطلع مني مااكدر ولا اكدر اذي ملاك لاني احبه على الرغم هي هواي جرحتني بحجيها بس مااكدر اذيها لو بكلمه واحده نزلت يوم الجمعه لاهلي شفت يزن شايل صوفي واكف باباب
حيدر/ هلا ابو مصطفى شلونك خويه
يزن / هلا والله الحمدالله انتي شلونك خويه شلون الشغل
حيدر/ الحمدالله على الله
يزن / لعد شبيك ياخوي متغير وضعفان
حيدر/ اففففف ياخويه اففففف كلبي تعبان من الحب
يزن/ ههههههههه والله وهم حبيت ياحيدر
حيدر/ اي حبيت وشلعت قلبي من وراحها
يزن / اي شعبالك هو هيج الحب طحان حظ تعال طب اكيد ميت من التعب مال الطريق
حيدر/ اي والله موت حر
ليلى/ هلا هلا بابني وقره عيني
حيدر/ هلا بيج يايمه بعد كلبي شلونج ياست الكل
ليلى / الحمدالله انت شلونك شلون شغلك
حيدر/ الحمدالله يمه على الله
ليلى / تعال اكعد يمه
ولج جوري تعالي جبي عصير
حيدر/ ظليت كاعد يمهم وراسي يريد يطك من الوجع اجتي مرت اخويه سلمت عليه وشربت عصير شويه وراحت نمت لان ميت من التعب راحت نمت يعني من فترة مانايم هيج اجوز على ريحه اهلي هيج بسرعه نمت ..... فزيت على صوت اعياط كمت اركض شفت امي كاعده بالصاله
حيدر/ يمه شكو احجي منو يصيح
ليلى / اسوده عليه يايمه اخترعت
حيدر/ يمه ماتحجين منو هي لصيح احجي
ليلى / هذا يزن يضرب هي مرته
حيدر= ليششش مو حرام
ليلى/ عوفها يمه يربيها
حيدر/ شبيج شنو هذا الحجي
عفت امي وراحت ركضت ادك باب الغرفه
حيدر/ يززززززن افنح الباب حرام عليك يتيمه تضربها افتح الببببباب يله حرام عليك
يزن / حيدر مالك شغل بيه عوفني مرتي وحر بيها
حيدر/ افتح الباب حرام عليك صح حر بيها بس مو تضربها
بقيت اقنع بيه بلكوه طلع جريته وطلعته بره
حيدر/ شبيك ليش خطيه هيج تضربها
يزن / معليك لاتدخل بيه بعد
حيدر/ وين رايح انت هس
يزن / لجحيم اخلص منكم
حيدر/ راح يزن بس اني ادري يزن ماايعصب على شي تافه وبحياته مايمد ايده على مره بس ليش هيج يسوي كلت خلي اروح اشوفها خطيه
راحت دكيت الباب
جوري/ منو اهى اهئ اهئ
حيدر/ اني اختي خما بيج شي اوديج لمستشفى
جوري/ اهئ اهئ اهئ لا خويه مااريد مشكور
حيدر/ اي شي تحتاجين كوليلي اني هم مثل اخوج
جوري/ مشكور خويه
حيدر/ العفو اختي
راحت كعدت يم امي وهي ظلت تحجي عليها وتغلط طبعا اني مااقبل من تغلط لان خطيه هي يتيمه وماعدها احد بس مبينه امي ماتحبها ابدا ... صارت الساعه بال٥ طلعت لصدقائي افتر شويه واتونس
راحت لاصدقائي ضحك وسوالف ونركيله وجكاير وسوالف ويسولفون على عرس هيثم صديقي بعد اسبوع عرسه وانريد نروحه كلنا هو عايش بالشمال واتفقنا نروح نبارك اله صارت الساعه بال٧ ونص امي خابرتني كالت تعال نريد نكعد وياك مشتاقيلك يعني من هي السوالف مال امي 😅 هي ودعت اصدقائي وطلعت لبيت كتن موجود يزن كاعد بالصاله وكاعد بحضنه مصطفى سلمت عليه واخذت مصطفى شلته وابوس بيه فدوة يخبل بالجمال الله يحفظه اخذته وكمت ابوس بيه 
حيدر/ يزن راح اخذه شويه نطلع عادي
يزن / انت عمه بعد بكيفك بس اتعشى اول بعدين اطلع
حيدر/ لا اني اتعشيت وياه الجماعه
يزن / بالعافيه لعد روح اتوكل على الله
حيدر/ اكلك خاف امه ماتقبل اطلع ابنها
يزن / شنوه هو بكيفها هذا ابني اني ربيته
حيدر/ ها لعد هاهيه مع السلامه
يزن / الله وياك
___________
جوري/ يزن وين مصطفى
يزن / اخذه حيدر
جوري / وين اخذه
يزن / ماادري شويه ويجون
جوري/ مو هو بعده مااكل شي من الضهر ليش ماكلتلي
يزن / شوفي لا ادوخيني افتهمتي روحي انجبي وكعدي بالمطبخ مااريد اشوف وجهج
جوري/ 😢 حاظر
جوري/ راحت كعدت بالمطبخ وكمت ابجي احس فقدت كلشي