اللهم صل وسلم على نبينا محمد
.
.
كانت منسدحه على السرير
وتفكر ليه عبدالعزيز يبغىى
يشوفني وش عنده اكيد في
شي مهم ولا كان تكلم على
الجوال وخلص ياربي وش
يبغى فزت على الفكره اللي
جت ببالها .. لالا ياربي لا
مايصير يمكن يبغى يقول
لي انه بيرجع السعودية هزت
راسها يمين ويسار لالا اكيد
مايروح لسه شغله ماخلص
اي اي رجعت انسدحت وهي
تدعي انه مايرجع .. وهي بين
صراع افكارها سمعت دق
الجرس جلست و لفت لساعه
اللي معلقه على الجدار يووه
مين يجي بهالوقت يمكن واحد
من رجال جنيفر اي وفي غيرهم
رجعت انسدحت وهي تقول
خلي يدقون لين بكرا ماني فاتحه
الباب .. بس سمعت الدق صار
اقوى خافت ووقفت طلعت
من الغرفة و مشت لباب فتحته
وشافت ساره ما لحقت تقول
شي الا وهي رمت نفسها
بحضنها استغربت : س ساره
وش فيك صاير شي ماسمعت
غير صوت شهقاتها من البكاء
رفعتها وبخوف وقلق : ساره وش
صاير في حد سوا لك شي تكلمي
ساره بصوت باكي : ففيصل
حنين : وش فيه فيصل
رجعت رمت نفسها بحضنها
بدون ما تقول شي
مشتها لين الغرفه وجلستها على
السرير : ساره وش فيه فيصل
ساره : قال لي انه يحبني
انصدمت حنين : وش
ساره : قال انه يحبني و يبغى
يخطبني و قال لي فكري و ردي علي
فرحت حنين : طيب ياهبله
ليه تبكين مو كنتي تنتظرين
هذا اليوم .. يلاا قولي لي
بتفصيل وش صار
ساره قالت لها وش صار : وبعد
ما مشى و جيت لعندك
حنين : طيب وش اللي
يخليك تبكين يغبيهه
ساره : مادري متوتره وفرحانه
بنفس الوقت مدت يدها شوفي
كيف ارجف مادري ليه
ضحكت حنين عليها : والله انك هبله
هذا وهو بس قال لك احبك
كيف اذا تزوجك
رفعت واسها بخوف و فرح : وش يتزوجني
حنين : لا يتزوجني انا وش فيك
طير عقلك هالفيصل .. قال لك
بخطبك و فكري و تقولين وش يتزوجني
ساره : تتوقين جد يتزوجني
و يحبني واحبه ونعيش ايام حلوهه
حنين بفرحه لها : اي و تجيبين
لنا بنوته تناديني خالتو
ساره بشعور اول مره تحسه
فرحانه بس بشكل جديد بطعم
مختلف : يااربي ياحلو هالافكار
يكون عندي بنت وابوها فيصل
وش ابغى اكثر
حنين : والله اني فرحت لك
ساره رجع لها خوفها
وتوترها : طيب وش اقول له
حنين : ساره وش صار لك
معقوله ماتعرفين وش تقولين له
ساره : لا تلوميني والله متوتره كثير
حنين : مادري والله هذي حياتك
ولازم تفكرين كويس و خلي
مشاعرك على جنب و فكري بعقلك
لا تسمحين لقلبك يقودك
ساره : والله ماعرف وش
اسوي .. احسن حل اسحب
بكرا و ما اداوم
حنين : وش تسحبين غبيه
انتي .. بعد ما تركتيه اليوم بدون رد و
نزلتي و تسحبين بكرا اكيد
يفكر انك ما تبغينه
ساره بتوتر : طيب وش اسوي
حنين : ساره انتي عاقله وخاصه
بهالمواقف فكري كويس و شوفي
وش تبغين واهم شي مثل ما
قلت لك لا تخلين عواطفك تسيطر
عليك عشان ما تندمين بعدين
ساره : طيب
حنين : والحين تعالي نامي جنبي يالبكايه
ساره وهي تقوم : لا بتوضى
واصلي استخاره وقرا قران عشان ارتاح
حنين : اي احسن لك.. تقبل الله
انا بروح اسوي لك عصير
ليمون يريحك
ساره : مشكورهه يقلبي مادري
وش اسوي بلاك
حنين : ولو مابينا ___
أحبَبتكَ وقضِي الأمّر،، .
.
أنت تقرأ
رواية عندما إلتقيت بعيناك فُقد السلام من مشاعري
Romance. تراقصت نبضات قلبي بلقيا عيناك بحدتها و عنادها ، أصبحت تهتف لقلبي بأن الذي بجوارها ليس كائنا من كان انه مكمل لقلبي و روحي .. في لحظتها علمت ماذا كان ينقصني في زماني .. لم أشعر في زماني بهذة السعادة التي ترقرقت إلى قلبي في وجودك أنها سعادة بلون جديد...
