تحررت من عقلة

بارت 1

بالبداية هلاو اني اسمي ميس عمري ٢٦ سنة خريجه طب اسنان تقريبا قصتي حتكون شوي مختلفة ⁦^_^⁩
-اني حسن ما داعي اوصف نفسي لأنو حتعرفون بالقصة بس احجيلكم بشكل عام اسمي حسن عمري ٢٨ خريج صيدلة 🌺 خ نبدي بقصتنه ..
...

ماما الله يخليج ما اريد بعد نص ساعه واروح امتحن وكلشي طار من عقلي متكوليلي يا ريوك هذا مصيري كدامي (ميس)
ام ميس" ميوس حبيبتي غير تاكلين شي علمود تركزين بامتحانج ميصير تحين ع فراغ بطنج
ميس" لا حبيبتي ارجع من الامتحان واكل انتي بس ادعيلي رحمة لاهلج
.(.بعد مرور شهر وخلصت امتحانات السادس)
ميس" ماامااااا خللصصتتت يربييي ممصدككهه تعالولي فرحوا وياية 😂😢ميس خلصت من السادس وين الكيك وين العصاير
ابو ميس" هههههه ولج هسة انتي نجحتي خاطر كيك وعصائر خ نشوف معدلج ودللي بنيتي
ميس"حبيبي بابا ميهم هاي كلها شكليات معدل ما معدل "تتشاقة وي ابوها"
ابو ميس" يي خاطر اشوفج كل انواع العذاب 😑😂 اذا مو معدل كامل اموتج
ميس" ههههه باباتي اني العلية سويتة والله كريم ...

((وراهه طلعت النتائج))
ميس جانت نايمه  اجاها احمد((اخوها))
احمد" مييسسس لج كعدي ابوية يريدج طلعت نتائجج ومعدلج ٦١ وين ترحين منة اليوم 😥
ميس" ((بصدمه وخوف)) لااا لك انت شدتحجي اني مجاوبة ومتإكدة من نفسي وليي مني خ اشوف مصيبتي ..نزلت بخوف والدرج صار ع بالك ميخلص ع ما نزلتلهم لكيت امي الدمعه بعينها وابوية بوجهه ضحكه هنا حرت بعدين اجيت شفت معدلي ٩٧,٢ ما اعرف شلون بلحظتها اعبر ع الي صار كمت اصيح واكمز وابجي
وراها قدمت وطلع قبولي جامعه بغداد كلية طب الأسنان
((نرجع لحسن ))
- حسن" يابة تعالو راح تنزل النتائج 😂لحد يفكر يحاسبني على معدل لو درجة
ام حسن" لك يووم دطلعها هسة والله كريم
حسن" لك هاي شنو 😳😳 لا طبعا اكو غلط وغلط جبير هم ،مستحيل هاي درجاتي ام حسن" شكو لك كم درس واكع ، شراح تكول لابوك عزا بعينك
حسن" لا يمة على بختج دتعاي شوفي معدلي ٩٥,١١
ايهاب اخو حسن الجبير " دمشي لك جذاب مطلع ٩٥ شو بالله جيب ، لك هاي شنو صدك هاي درجاتك
حسن" شنو ليش متصدكون 😂😳 ولوو اني بنفسي ممصدك كلت مجاوب بس مو هيج
(طلع القبولات  ونقبل حسن جامعه بغداد كلية صيدلة ))
حسن شاب حالة حال كل شبابنة شكلة عادي بس هو مهتم لنفسة جان فرحان كلش لأنو حيدخل لهيج كلية وحيبدي حياة جديدة
طبعاً حسن وميس اقارب بس من بعيد تقريبا محد يعرف لخ
بعد مرور شهر ع الدوام الجامعي
ابو ميس" ميسو تعاي بابا
ميس" جيت جيت كول بابا
ابو ميس" اكولج يكولون حسن ابن صادق كرايبنة وياج بالجامعه هم شايفتة
ميس" يابة هو اني شايلة راسي من الدراسة خاطر اعرف حسن , زين يا كلية هو؟
ابو ميس" يكولون صيدلة
ميس" والله ما ادري اني اصلا ما اعرفة ولا شايفته
ثاني يوم جانت عد ميس محاضرات قليلة جانت كاعدة وي كروبها بالسنتر فتذكرت سالفة حسن ، سألت صديقتها صيدلانية ((سرى))
سرى" يي لج ويانة بس يا اختي مدري شجابة ع الصيدلة 🌝
ميس"هههه ليش ولج
سرى " يمعودة كاضيها طربكة وضحك حتى محاضرات ميحضر
ميس" هههه عود كوليلة اقاربك ميس وياك بالجامعه واهلها خلوها امانة يمك ...

يتبع ......
حبيبيني 😻😩 اذا شفت تفاعل على القصة اكملها

#أغسطس_الأول 🌺