"امير"
زين كانت رد فعله غير متوقع ماتوقعتش اللى هو عملوا
زين: انت واحد حقير ازاى تعمل كده ديه كانت صديقة اختك يعنى ذى اختك
انا: زين انا حاولت اعتذرلها بس هى اللى ماقبلتش و ده كان زمان
زين: ولا مليون اعتذار هيخليها تسامحك انت ازاى تعمل كده
انا: زين ماتحسسنيش انك معاملتش كده مع ملك او اى واحده تانية
زين: انت مجنون انت عارف انك بتكلم على اختك
انا: عادى انا متاكد انك عملت كده معاها
زين: انت حقير
و فجاه لقيت زين ضربنى و كان لسه بيضربنى لولا ان فى حد منعه و قال: خلاص سيبه حاولت اشوف مين طلعت ملك
زين: انتى ماتعرفيش هو بيقول ايه دا واحد حقير
ملك: مهما قال ده بردو اخويا
زين: اخوكى يقول انى اكيد عملت معاكى نفس اللى عمله مع منة
ملك: منة!! هو عمل ايه مع منة
بصلى زين و قال: انت ماقولتلهاش انت عملت ايه
انا: لا ماقولتلهاش هى بس كل اللى تعرفه انها ضربتنى بس
ملك: قصدك ايه يا امير مش انت قولتلى انها ضربتك من غير سبب
زين: قالك كده و صدقتيه
ملك: ده اخويا اكيد هاصدقه ليه هو فى سبب تانى
زين: اه فيه
ملك: ايه
زين: تقولها انت ولا اقولها انا
انا: لا هاقلها انا
و حكيت لملك كل اللى حصل
ملك: انت حقير ازاى تعمل كده فى صحبتى و خلتنى اكدبها و اقطع علاقتى بيها و اقطع علاقتى بكلهم مع انى كان ممكن يفضلوا صحابى و كل ده بسببك و دلوقتى انا فهمت هم ليه بيعملونى كده كل ده بسببك هم فاكرنين ان انا الحقيرة ازاى تعمل فيا كده
امير: انا اسف انا مافتكرتش ان كل ده ممكن يحصل
ملك: اسف هتعمل ايه الكلمة ديه ها هتعمل ايه و كمان انت قلت ان اكيد زين عمل معايا نفس اللى انت عملته مع منة ازاى تفكر فى اختك كده ده حتى لو ده حصل مع انه محصلش كان المفروض انك تكون قتلت زين علشان عمل زى اللى انت عملته مع انه معملش كده لانه احسن منك
انا: انتى كبرتى القصة كده ليه
ملك: كبرت القصة سؤال بس انت عندك دم بيجرى فى عروقك ولا ايه؟
انا: خلاص يا ملك بطلى وفر(over)
ملك: تصدق انى مش عاوزة اعرفك تانى انا مكسوفة انك تكون اخويا بجد مش مصدقة انك اخويا اللى المفروض يخاف عليا و يحمينى
