كل واحدة صحيت وعملت الرتوتين المعتاد: الاستحمام،اللبس،الفطار،توديع اهلها
و قابلوا بعضهم و ركبوا السيارة
"البنات"
منار: منة انتى احسن دلوقتى
منة:اه احسن الحمد لله
حنان: كويس الحمد لله
سارة: منة لازم نحكيلك الحفلة خلصت ازاى
منة: ازاى
فريدة: احم احم مابلاش يا سارة
سارة: لا هاحكيلها
فريدة: زى ما انتى عاوزة
سارة: اه زى ما انا عاوزة طبعا
سارة: المهم يا منة ركزى كده معايا
منة: مركزة قولى يالا
سارة: ماشى كان طبعا الكل بيرقص و الموسيقى عالية و كدة و معظم الولاد و البنات كانوا واقفين مع بعض و اللى بيضحك و اللى بيتكلم وكدة و الباب كان مفتوح و فجاه لقينا البوليس جيه و قال ان الحفلة ديه لازم تخلص حالا و ان الجيران بيشتكوا من صوت الموسيقى العالى و الحمد لله ان ما كانش فى خمرة ولا اى حاجة من الكلام ده و الا كان زمانا دلوقتى فى السجن محبوسين علشان احنا تحت السن القانونى للخمرة و كدة
منة: ههههههههههههههه بجد بس مين الجيران اللى اشتكوا من الموسيقى
سارة: سوال ممتاز بما ان احنا الجيران يبقى مين
منة: مين
سارة: ابى و امى
منة: ههههههههههه بلغوا عنكوا البوليس كان لازم اكون موجودة و اشوف اللى حصل
فريدة: و الحفلة خلصت على كدة و اللى كانوا موجودين اول شافوا البوليس اختفوا تماما
منة: ههههه خافوا طبعا من البوليس لاحسن يقبض عليهم
حنان: وصلنا المدرسة يالا ننزل
احنا: اوك يالا
------------------------------------------------------------------------------------------------------------------------------------------
"منة"
انا كنت مقررة انى اتجنب امير و ملك بعد ماعرفت الحقيقة و زين علشان عرف كل اللى حصل و البويز كمان لان اكيد زين قالوهم و حاولت ابعد عنهم و الحمد لله قدرت حتى لما جيه وقت الغداء قولت للبنات اى حجة و هربت بحيث ان مافيش حد يسالنى اى حاجة و خلص اليوم بسلام لغايت و احنا خارجين من المدرسة و رايحين نركب العربية علشان نروح
------------------------------------------------------------------------------------------------------------------------------------------
"البنات"
حنان: منة فيها حاجة عمالة بتهرب كل شوية و انا مش مصدقة الحجة اللى هى قالتها علشان ماتقعدش معانا فى الكافتريا