زينب :رجعنه للبيت واحس براحه نفسيه وسكينه ع كلبي ارتاحيت ونسيت همي
غيرت ملابسي وتمدتت ع الجربايه ودخل حسين
اتفاجئت من وصلني باقر لليوم هوه مدخل غرفتي ولا سءلني شتردين شلونج
باوعتله وماحجيت ولا هوه حجه
حسين:مصره ع قرارج
زينب:اي اني مالي مكان هنا ارجع لهلي احسن
حسين:هاا اسءلج سؤال
تفضل
ليش كتلتي
زينب:انت من كل عقلك مفكر اني كاتلته
اي انتي متردي وذبيتي انتي مو انسانه حيوانه
باوعتله وضجت من كلامه وطكت روحي
اي أي اني ذبيته ارتاحيت لان اكرهك ومااريد منك طفل فاهم اكرهك
راسن ضربتي راجدي
اي انت هذا الكادر عليه بس الضرب
حسين:لان انتي حيوانه جسمج يحكج
زينب:مااريدك افهم رجعني لهلي
حسين:علساس ميت عليج
عافني وطلع
كمت ابجي ولميت اهدومي ونزلت
عمي اريد ارجع لهلي
ابو حسين:خير بويه شجرالج
زينب:عمي رجاءا بعد مااريد اضل هنا اني خسرت كلشي ومامستعده اخسر شي ثاني عمي اني ابد ماافكر ااذي واحد كلهم اذاوني
ام حسين:شبيج زينب ليش هيج تحجين
زينب:عمه حبابه مااريد اضل افهمو اني متت ارحمو بحالي
كاعد احجي ونزل حسين
حسين:بويه اني مايشرفني مره تكتل ابني خليه ترجع لهله
ابو حسين:انت اسكت شمسوي للبنيه
حسين:بويه مااريده افهمو عاد هاي عار عليه اذا خليتوه هنا اندمه حياته مااريد اشوفه
زينب:عمي رجعني فدوه اخذت فلوسك بعذابي وأبني
ابو حسين:ان شاء الله بويه لتردي يجرالج واحنه اسفين ع لسويناه بيج
زينب:عمي رجعني هسا
بويه دنيا ليل الصباح رباح
زينب:رحت لغرفتي واسمع الصايح الجوه كعدت ابجي بس هل مره ماكو دموع
فرشت سجادتي وبديت اشكي لربي وابجي بس هوه يفهمني ويسمعني
رحت نمت بين الصراع والتفكير والبجي من طبيت هذا البيت واني ابجي ومهمومه وما عرفت الحياة هاي الغرفه جانت تتحملني وتتحمل البجي تالي اليل وشفت لمصايب بيه
