اثوثة طاغية ولكن 😉

19

تسيبها جنا و تخرج و تروح الاوضة وتيجى تفتح الباب تسمع يوسف بيتكلم ف الموب و بيقول

يوسف:يعنى فى مزز....ايوة بأة....احبك و انت مظبتنى كدة

جنا هى بتدخل:مزز ها

يوسف بارتباك:ها....لا دانا بتكلم على حاجة تانية

جنا:عمرك ما هتتغير

يوسف:يا جنا بس.............

جنا اعدت تضحك جامد لدرجة انها وقعت على الارض:ههههههههههههههههههههه طب والله انت مسخرة

يوسف باستغراب:اية اللى يضحك

جنا بضحك:ههههههه اللى انت متعرفوش انى سمعت اول المكالمة

يوسف باحراج:اووووووبس

flash back

جنا خرجت من اوضة حبيبة و راحت الاوضة و سمعت

يوسف:بص يا مازن....جنا شوية و دخلة الاوضة و انا هعد امثل انى هقابل بنات و كدة اشطة

مازن:و انت هتعمل كدة فعلا

يوسف:لا تمثيل طبعا انا مستحيل اخونها تانى

مازن:طب لية هتعمل كدة

يوسف:عشان اشوفها بتغير و لا لا

مازن:اشطة

يوسف و حس ان الباب بيفتح:.....يعنى فى مزز....ايوة بأة...احبك وانت مظبتنى

back

جنا:تستاهل....اخرة الاستعباط

يوسف:طب بما انك عرفتى اللى فيها انتى ايه بأة

جنا:انا اية بأة

يوسف:يعنى مش فاهمة

جنا هى خارجة:و انت فهمتنى يعنى عشان اقولك

يوسف و هو خارج وراها:بقيتى تحرجينى كتير على فكرة

جنا:هههههه احسن

ولما ينزلو يلاقو والد يوسف

والد يوسف:تعالو عشان عايزكو

جنا\يوسف:نعم

والد يوسف:انا عرفت اللى حصل الشركة

يوسف:بص يا بابا الحيوان دة هو اللى غلط و لازم يترفد

والد يوسف:لا يا يوسف قدر بردو انو مكنش يعرف انها مراتك

يوسف:حتى لو مكنش يعرف ملوش الحق انو يتكلم عليها كدة

والد يوسف:يوسف متنساش ان سيرة بنات الناس كانت على بوقك كتير و محدش حاسبك على كدة...و يمكن دة درس عشان تحس بالناس

يوسف:يعنى هو مش غلطان

والد يوسف:انا مش بقول انو مش غلطان بالعكس انا جازيتو و خصمتلو شهر واديتو انذار انو لو دة اتكرر هيترفد

يوسف:عن اذنك يا بابا

والد يوسف وبعد ما يوسف مشى:انتى اضايقتى من قرارى يا جنا

جنا:لا طبعا يا اونكل اللى حضرتك عملتو اكيد صح

والد يوسف:ماشى يا حبيبتى

جنا:عن اذن حضرتك هشوف يوسف

والد يوسف:اتفضلى

جنا طلعت لقت يوسف اعد على السرير و بيعيط

جنا بخضة:يوسف مالك

يوسف بعياط:يا جنا الله انا عارف انى كنت غلطان اللى بعملو بس مش كل شوية حد فيكو يفكرنى انا كنت اية...بس و الله انا اتغيرت...عارفة من كام يوم لما كنت سكران يوميها كان مازن جايب بنات كدة انا اول ما شوفتهم مقدرتش اعمل مع واحدة فيهم حاجة و سبتهم و مشيت لانى حسيت ساعتها انى بخونك و بخون ثقة اهلى تانى مع انى اول مرة ادى اهتمام لحاجة زى دى....جنا الله انا اتغيرت

جنا وهى بتعد جنبو:يوسف اهدى كلنا بنغلط بس المهم نتعلم

يوسف بعياط:اللى ساهر عملو معاكى دة خلا الدم يغلى ف عروقى و فعلا حسيت ان ربنا بيردهالى ف مراتى انا حسيت بغيرة عمرى محستها ابل كدة....بس و الله العظيم اتغيرت

جنا عينها دمعت و مسكت ايدو:خلاص اهدى عشان خطرى مضايقش نفسك

يوسف:جنا انا اسف متزعليش منى انا مستعد اعمل اى حاجة انتى عايزاها..

جنا:عايزة احس انك اتغيرت بجد

يوسف:طب ازاى و انا هثبتلك

جنا:الايام هى اللى هتثبت يا يوسف

يوسف:طب اطلبى منى اى حاجة انا هعملهالك و الله

جنا:اى حاجة ها

يوسف:اة الله

جنا هى بتمسكو من ايدو بتخرجو برة الاوضة:مفيش دخول الاوضة دى تانى غير و انت معاك شوكلاتة كتيير

يوسف:اية دة دة استغلال بأة

جنا هى بتقفل الباب:اة هو كدة

يوسف من ورا الباب:مااشى

تعدى 3 ساعات و يوسف مجاش و جنا استغربت و بعدين تنزل تلاقى يوسف جيه

يوسف:سلام عليكم

الكل:و عليكم السلام

يوسف وراح وقف جنب جنا:تعالى برة عايزك

جنا:ليه

يوسف و هو بيشدها:يلا من غير ليه

يخرجو برة ويوسف يفتح شنطة العربية جنا تلاقى بوكس كبير و فيه كل انواع الشكلاتة

جنا:اية دة كلو

يوسف:على ما اظن كدو انى هدخل الاوضة هنام على السرير كمان

جنا:دة بعينك انا اللى بنام على السرير

يوسف:يعنى بردو هنام على الكنبة

جنا هى بتاخد الصندوق:اها

يوسف و هو بياخدو منها:طب مفيش شوكلاتة

جنا بزعل طفولى:كدة

يوسف:لا مقدرش على زعلك خدى يا ستى اهو

جنا بابتسامة:ميرسى...بس برضو مفيش نوم على السرير

يوسف:ماشى يا ستى المهم تكونى مبسوطة

جنا تاخد الصندوق و تدخل الفيلة تلاقى حبيبة

حبيبة:اية دة الله يسهلو بأة

يوسف:خليكي ف حالك

جنا:تعالى يا بيبة ناكلها فوق انا و انتى لوحدنا

يوسف:بأة كدة

حنا:اها

يوسف:ماااشى ليكى يوم

.................................................. ..............

يعدى اسبوع و ساهر مش بيجى الشغل يوسف بيتعامل مع جنا حلو جنا بتصدو بتتعامل عادى و كان يوم جمعة اهل يوسف كانو عازمين اهل جنا على الغدا

جنا تصحى يكون يوسف لسة نايم فتخش تاخد دوش تلبس (بضى اوف وايت واسع شوية و علية قلب بينك و عملت شعرها ديل حصان)

لما تنزل تلاقى مامت يوسف

جنا:صباح الخير

والدة يوسف:صباح النور

جنا:امال فين اونكل و حبيبة

والدة يوسف:حبيبة ف درس و جمال اوضه المكتب...يوسف لسة نايم !!!

جنا:اه لسة

والدة يوسف:طب صحيه يا جنا عشان الفطار و الصلاه

جنا:حاضر

تطلع جنا عشان تصحى يوسف

جنا:يوسف...يوسف قوم عشان نفطر و تصلى

يوسف بنوم:ممممم صباح الخير

جنا هى خارجة:صباح النور..طنط بتقولك قوم يلا

يوسف بنوم:يلهوى على حلاوة طنط

جنا ابتسمت و خرجت و يوسف خد دوش و لبس ونزل لقى جنا بتحضر السفرة

يوسف:الفطار فين انا جعان

جنا:اصبر شوية

يوسف:طيـــــب...هو مامتك و باباكى جاين امتى

جنا:على 3 كدة

يوسف:طيـــــب فين الفطار بأة

جنا:ما قلنا اصبر شوية

يوسف و هو بيقرب منها و بصوت عالى و هو بيشاور على وشها:ايــــــة دة

جنا باستغراب:فى ايى

يوسف:اية اللى وشك دة

جنا هى بتحط ايدها على وشها:مالو وشى

يوسف و باسها من خدها:زى القمر يا قلبى

جنا اتكسفت و ضربتو ف كتفو:طب امشى بأة عشان انت بتستهبل

يوسف:طب وربنا مراتى عسل

جنا:يوسف اتلم

يوسف و هو بيوشوشها ف ودنها:نفسى ادوق شفايف القمر دى تانى

جنا اتكسفت اوى و راحت على المطبخ من غير ما تتكلم

يوسف بصوت عالى:اموت فيكي لما تقلبى طمطماية كدة

و بعدين اعدو يفطرو و يوسف وباباه راحو يصلو لما جم كانت جنا و مامت يوسف بيحضرو الاكل و لما جنا كانت المطبخ حبيبة نادت عليها

حبيبة:جنا عايزاكى ثوانى

جنا لما راحت:نعم

حبيبة:هو...هو انس جاى انهاردة

جنا:اة جاى لية بتسألى

حبيبة:ممممم طب انا اتعامل معاه ازاى

جنا:اتعاملى عادى و لا اكن فى حاجة

حبيبة:بس انا عايزاه يصالحنى

جنا:متخافيش انا هظبط الدنيا و مش هجيب حاجة من نحيتك خالص

حبيبة:اوك ميرسي يا جنا

جنا:على اية يا قلبى

يعدى الوقت و اهل جنا يجو و منة كانت معاهم و بعد السلامات كانو اعدين فى الريسبشن على ما الاكل يتعمل

والدة جنا:امتحناتك امتى يا جنا

جنا:كمان 3 اسابيع يا ماما

والدة جنا:ربنا معاكى يا حبيبتى

يوسف:و مفيش دعوة لينا يا طنط و لا اية

والدة يوسف:ربنا يهديك يا حبيبي

يوسف:يهدينى...هى كل الناس بتدعيلي بالهداية ليه...يلا اهى دعوة خلاص

جنا:مقلوش حاجة غلط يعنى

يوسف:بتقولى حاجة

جنا: و لا حاجة

بعد كدة اتغدو بعد الغدل مامت و بابا يوسف و جنا كانو بيتكلمو مع بعض و احمد منة ويوسف و جنا كانو بيتمشو ف الجنينة

انس كان رايح المطبخ يشرب راح خبط ف حبيبة و كان معاها كوباية اتكسرت

انس ببرود:معلش مخدش بالى

حبيبة و هى بتوطى تلم الازاز:ولا يهمك

انس:غريبة يعنى متخنقتيش معايا عشان خبطت فيكي

حبيبة:يعنى اتخانق مش نافع سكت بردو مش نافع

انس:خلاص...خلاص

حبيبة دخلت ازازة ف ايدها:اى...اوووف وقتو هو اصلى

انس:حصلك حاجة

حبيبة:اتعورت

انس:طب هاتى شاش و قطن بسرعة اعملهالك

حبيبة:عادى ملوش لزوم

انس:خلصى يلا

حبيبة:حاضر....ماشى

حبيبة جابت الشاش و القطن و انس عملها اديها

انس:كدة احسن

حبيبة:شكرا يا انس

انس:عادى...عن اذنك

حبيبة:انس انت لسة زعلان منى

انس:عاادى

حبيبة:انس انا عارفة انى غلطت متزعلش

انس مشى من غير ميرد عليها طلع الجنينة وراح ليوسف و احمد و جنا و منة

انس:بتعملو اية

احمد:يلا يا طفل من هنا

انس:ملكش دعوة انا جاى اقف مع اختى وبنت خالتى

جنا:تعالى عايزاك

انس:نعم

جنا و لما مشيو:انس عامل مع حبيبة كويس

انس:انتى نسيتى عملت اية

جنا:منستش بس هى عايزة تصالحك

انس:مع نفسها بأة

جنا:انس اسمع الكلام انا مش بهزر......... و سابتو مشيت

انس فضل اعد مع نفسو شوية و جنا راحتلهم تانى وبعد رغى كتير

يوسف:اية يا جماعة هنفضل اعدين كدة

احمد:هنعمل اية يعنى

يوسف:متيجو نخرج

منة:فين

يوسف:اى حتة

احمد:تعالو نتعشى برة اية رأيكو

يوسف:اشطة يلا

جنا:خلوها يوم تانى

احمد:يلا يا بت بطلى رخامة

يوسف:بت اية يا عم دى مراتى

احمد:و اختى ابل متكون مراتك يعم

جنا:خلاص قايمة...تعالى يا منة معايا

احمد:ايوة بأة بقالك حد يدافع عنك منى

جنا:يلا يا رخم

تطلع جنا مع منة انس يروح يلاقى حبيبة اعدة على المرجيحة و سرحانة

انس هى بيعد جنبها:ايدك عاملة ايه

حبيبة:الحمد لله

انس:كنتى سرحانة ف اية بأة

حبيبة:مفيش عادى

انس:ممممم اكيد فيا صح

حبيبة:انس انت لسة زعلان

انس:لا يا ستى مش زعلان خلاص

حبيبة:بجد

انس:اها...من انهاردة احنا صحاب تمام

حبيبة بفرحة:تمام

............................................

وعند جنا و منة

منة:اية اخبارك انتى و يوسف

جنا:اهو تمام بقينا احسن

منة:بس شكلك لسة تقلانة

جنا:اة مشفتيش اية اللى حصل اصلا

منة:اية

جنا:حكتلها على اللى حصل امبارح كلو

منة:هههههههههه يالهوى تلاقيه اتحرج اوى

جنا:اة بصراحة انا اتكسفتلو

منة:طب ابقى خفى متتقليش اوى ها

جنا:ممممممم اوك

.......................................

وبعد شوية ينزلو و جنا كانت لابسة(فستان اسود طويل شيفون كت سيبت شعرها لبست عليه شال)

ومنة كانت لابسة(فستان اسود قصير كت علية كلون اسود و لبست بالطو سيبت شعرها)

و لما نزلو

والدة جنا:رايحين فين

منة:رايحين نتعشى برة مع احمد و يوسف

والدة يوسف:ماشى

و يخرجو لاحمد و يوسف

احمد\يوسف:اية الحلاوة دى

جنا:ميرسى

منة:شكرا

يوسف:شكلها ليلة سودة بالاسود اللى انتو لابسينو دة

ويجى انس عليهم:رايحين فين

منة:خارجين نتعشى

حبيبة:طب متخدونا معاكو

يوسف:مش بناخد عيال

انس:سيبك منهم يا بت يا حبيبة و تعالى انا هخرجك

يوسف:مع نفسكو بأة سلام

حبيبة:اديهم مشيو

انس:ولا يهمك يا ستى بكرة هجيلك ونخرج

حبيبة:بس ماما مش هترضى عشان امتحناتى قربت

انس:خلاص ليكي عليا بعد امتحناتك اخرجك احلى خروجة

حبيبة:ميرسى كتيـــــــر

................................................

عند يوسف و احمد ومنة وجنا راحو مطعم وهم اعدين جت بنت عليهم

البنت:جو و حمادة وحشتونى موووت

احمد\يوسف:ينهــــــــــار اسود

.....................................