اثوثة طاغية ولكن 😉

غيرة وشك😂😂

عند يوسف و احمد ومنة و جنا راحو مطعم و هم اعدين جت بنت عليهم

البنت:جو و حمادة وحشتونى موووت

احمد\يوسف:ينهــــــــــار اسود

جنا و منة بصو لبعض باستغراب والبنت جت سلمت على احمد و يوسف وباستهم و جنا و منة اضايقو اوى

البنت:بقالكو كتير مش بتسألو يعنى

احمد بارتباك:مـ..معلش مشاغل بأة

البنت:مشاغل تشغلكو عنى انا....انا زعلانة منك و انت كمان ياجو زعلانة منك

يوسف:ها..اة..معلش يا انسة فريدة

فريدة بضحكة مايعة:ومن امتى انسة دى

يوسف:ها..لا عادى يعنى

فريدة:مش تعرفنا مين دول

احمد:دى منة خطيبتى و دى جنا اختى و مرات يوسف

فريدة:بس انت وعدتنى انك هتقضى معايا ليلة جاى تقولى دلوئتى خطيبتى

منة بضيق:انتى عايزة ايه...امشى من هنا

فريدة:ههههههه ماشية متتعصبيش كدة بس...بس ابقو افتكرو انى قلتلكو كل المعلومات اللى اعرفها عن بابى بس انتو طلعتو بتضحكو عليا...ماشى....وسابتهم و مشيت

منة بعصبية:مين دى يا احمد...دى البنت اللى انا شوفتها فى مكتبك ابل كدة صح...طب تعرف يوسف منين

احمد:منة اهدى وانا هفهمك كل حاجة

منة:لا تفهمنى ولا زفت انا اتخنقت

يوسف:منة اهدى انا هشرحلك

منة:تشرحلى اية...انكو كلمتوها واتعرفتو عليها عشان معلومات صح

احمد:و الله صح هو دة اللى حصل

منة:اة و عجبتكو فقررتو تكملو معاها...مانت فاكرنى عبيطة و هصدق...ويا ترى بأة عملتو معاها اية

يوسف:يا بنتى و الله محصلش حاجة

منة:انت تخرس خالص..كفاية اللى انت عاملو ف بنت خالتى

جنا:منة اهدى و تعالى نروح يلا

احمد:انا هوصلها طيب

منة:مش عايزة منك حاجة

جنا:احمد اهدى...انا ويوسف هنوصلها و انت روح

احمد بزعل:بس....

جنا بعصبية:خلاص يا احمد امشى

احمد:ماشى همشى...بس ابقى طمنينى على منة و كلمينى عشان عايزك

جنا:طيب...سلام

احمد مشى و جنا و يوسف وصلو منة و لما كانو مروحين بعد ما وصلوها

يوسف:جنا ممكن افهمك

جنا:وتفهمنى ليه انا مالى

يوسف:انتى حايبة البرود دة منين

جنا ببرود:عادى عشان انا وانت جوازنا على ورق ف مش من حق حد فينا يسأل التانى على حاجة

يوسف و وقف العربية مرة واحدة:انتى شايفة كدة

جنا:اة

يوسف:ماشى يا جنا براحتك

يوسف و جنا وصلو وطلعو الاوضة من غير ما حد فيهم يتكلم و يوسف نام على الكنبة وجنا على السرير

.........................................

تانى يوم جنا صحيت لقت يوسف مش موجود فدخلت خدت دوش و لبست و نزلت لقتهم بيفطرو

جنا:صباح الخير

الكل:صباح النور

حبيبة:اتأخرتو امبارح اوى...عملتو اية ها

جنا:انتى مش وراكى مدرسة ولا ايه

حبيبة:انهاردة السبت يا زهايمر

والدة حبيبة:بنت عيب

جنا:عادى يا طنط انا وبيبو صحاب

حبيبة:اهو شوفتى

يوسف:يلا عشان اتأخرنا

يوسف و جنا راحو الشغل ولما وصلو لقو ساهر جيه

ساهر:صباح الخير

يوسف:صباح الزفت

ساهر:يلا يا جنا عشان هنبدأ الشغل

جنا:مدام جنا يا استاذ ساهر

يوسف:انا خلصت فترة تدريبى وجنا هتبقى تحت تدريبى

ساهر:بس بردو انت لسة جديد

يوسف:ميخصكش ومتنساش انى صاحب الشركة

ساهر مردش ويوسف و جنا اعدو يشتغلو و عدا الوقت و خلص الشغل

.................................................. ...

فمكان تانى ادام جامعة منة

احمد:منة عايزك ف موضوع

منة:وانا مش عايزة اتكلم معاك

احمد:منة اسمعينى و بعد كدة احكمى

منة:احمد سيبنى ف حالى

احمد:يا بنتى و الله انا بحبك انتى و بس

منة:خلصت كلام...سيبنى امشى بأة

احمد:انتى لية بتعملى كدة

منة بعصبية:انا حرة اعمل اللى اعملو انت ملكش حكم عليا

احمد:انا خطيبك

منة زهى بتقلع الدبلة وبتحطها ف ايدو:وانا مش عايزاك

مشيت منة و سابتو و هو فضل واقف مضايق

........................................

و فعربية يوسف لما كان هو وجنا مروحين

يوسف:جنا ممكن نتكلم

جنا:لو هنتكلم فالموضوع بتاع امبارح يبقى بلاش نتكلم احسن

يوسف:لية مش عايزة تفهمى ولا تصدقى انى اتغيرت

جنا:عشان دة شئ ميخصنيش

يوسف وصل جنا البيت و مشى من غير ولا كلمة وراح وقف على الكورنيش

وجنا دخلت و فضلت اعدة على السرير و احمد و منة اتصلو بيها كذة مرة و مردتش عليهم لحد ما راحت فالنوم

عدا اليوم وتانى يوم جنا صحيت لقت يوسف ادام المراية بيسرح شعرو

جنا:انا مش هروح الشغل

يوسف:ليه

جنا:عشان هروح لرهف اخد منها المحاضرات و اذاكر

يوسف:اوصلك؟؟

جنا:لا شكرا

يوسف:طب كلمينى و انتى نازلة

جنا:ان شاء الله

يوسف نزل لقى مامتو و باباه و حبيبة

يوسف:صباح الخير

الكل:صباح النور

والد يوسف:امال فين جنا

يوسف:مش هتروح الشغل لحد ما امتحانتها تخلص

والد يوسف:ماشى ربنا معاها

يوسف راح الشغل مع باباه وحبيبة راحت المدرسة و ف الطابور كان فى واحد اعد يرخم على حبيبة ويعاكسها وهى كانت مضايقة و راحت قالت للمشرف

حبيبة:مستر لو سمحت ياسر اعد يضايقنى

المستر:ياسر اطلع برة الطابور

ياسر:يا مستر معملتلهاش حاجة والله

المستر:انا قلت اطلع برة الطابور

خرج ياسر من الطابور ولما جيه وقت البريك حبيبة كانت نازلة على السلم وياسر كعبلها ووقعت من على السلم وكلو اعد يضحك عليها

حبيبة قامت و ماسكة دماغها:انت عبيط يلا

ياسر:اوووووه سورى مخدش بالى

حبيبة بعياط:والله مانت اصلك عيل زبـ......

جيه انس وقاطعها:فى ايه

حبيبة:كعبلنى و وقعنى

ياسر:مقلتلك مكنش اصدى خلاص متمثليش بأة يا بت انتى

انس:ياسر اتكلم عدل

ياسر:انس اطلع انت منها ملكش دعوة

انس وراح مسكو من ياقة القميص:عليا النعمة لو كلمتها تانى لفرجك فاهم....وشد حبيبة من ايدها ومشى

انس:انتى كويسة دلوئتى

حبيبة بضيق:اة الحمد لله

انس:خلاص يا بيبو بأة امال انا موجود لية

حبيبة:ميرسى يا انس

انس:طب تيجى اجيبلك شكلاتة

حبيبة بفرح:اة يلا

انس:دلوئتى فكيتى صح...طب مفيش شوكلاتة

حبيبة بزعل:كدة

انس:لا خلاص بهزر تعالى اجيبلك يلا

حبيبة:يلا

انس:انتى وراكى انهاردة دروس

حبية:اة ورايا مراجعة ف سنتر......الساعة 5

انس:وانا عندى درس ف نفس المعاد فالسنتر...تيجى بعد الدرس نعد فاى كافيه شوية

حبيبة:بس ماما مش هترضى عشان الامتحان

انس:انا هقول لجنا تظبط الدنيا وهى ساعة مش هتتأخرى

حبيبة بفرح:ماشى تمام

عند جنا لبست و راحت عشان تقابل رهف و خلصت و روحت لقت يوسف لسة واصل و هو و مامتو اعدين ف الريسبشن

جنا:سلام عليكم

يوسف و مامتو:و عليكم السلام

يوسف:جيبتى المحاضرات

جنا:اة

والدة يوسف:طب اطلعى يا حبيبتى ارتاحى شوية على ما الاكل يتحضر

جنا:ماشى يا طنط عن اذنك

طلعت جنا الاوضة ويوسف طلع وراها

يوسف:جنا

جنا:افندم

يوسف:لسة مش عايزة تفهمى

جنا بعصبية:يوسف قلتلك 100 مرة دة شئ ميخصنيش انت حر اعمل اللى انت عايزو بس ملكش دعوة بأحمد اخويا ومش عشان بقيتو صحاب تجرو معاك للصياعة دى

يوسف:جنا انتى بتتكلمى كدة لية...اية الاسلوب الزبالة دة

جنا:عشان احمد خاطب و بيحب خطيبتو و انا مش عايزاهم يسيبو بعض عشان خاطر حضرتك

يوسف:يعنى انا مش زى احمد يا جنا

جنا:والله فى فرق كبير احمد بيحترم الناس اللى حواليه و مش بيفكر ف نفسو و خلاص

يوسف:يعنى انتى شايفانى كدة

جنا:و الله كل واحد عارف نفسو و دى حاجة تخصك انا مليش دعوة

يوسف:ماشى وانا هعمل اللى يريحك ومش هتكلم معاكى خالص

جنا:يبقى احسن

يوسف نزل و راح نايت كلاب و فضل سهران لحد بليل وبأة يوسف على الحال دة لمدة اسبوع و مش بيروح الشغل وبيرجع البيت كل يوم الفجر و هو و جنا مش بيتكلمو خالص

عدا اسبوع كمان و جنا صحيت عشان تروح الامتحان لقت يوسف نايم ف لبست ونزلت

جنا:صباح الخير

الكل:صباح النور

والدة يوسف:جنا يوسف رجع زى الاول تانى ومش بيروح الشغل و شكلو مضايق

جنا:معرفش يا طنط هبقى اشوف مالو

والدة يوسف:ماشى يا حبيبتى ربنا يهديكو

راحت جنا الامتحان ولما رجعت لقت يوسف لسة نايم فدخلت خدت دوش و لما خرجت لقيتو صحى

يوسف:عملتى اية ف الامتحان

جنا:الحمد لله

يوسف و راح وقف ادامها وهو زعلان:لسة مش عايزة تكلمينى

جنا:انا جاية تعبانة وعايزة انام

يوسف:طب لو مش عايزة تسمعينى كلمى احمد و افهمى منو

جنا:مش هفهم من حد

يوسف:انا ماشى يا جنا....سلام

يوسف نزل و راح البار و قابل صحابو وفضل يشرب

مازن:جو واحشنى اوى

يوسف:اذيك يا مازن

مازن:مالك يبنى

يوسف بزعل:حكالو اللة حصل

مازن:طب متفهمها

يوسف:كل ما اجى افهمها مش بترضى تسمعنى

مازن:انت بتحبها

يوسف:اة بحبها اوى

مازن:يبقى فهمها حتى لو بالعافية

يوسف:هحاول تانى

بعد شوية يوسف روح البيت وجنا كانت صاحية بتذاكر وكانت الساعة 2 الفجر و دخل ورزع الباب وراه بعصبية وحصل.......................