حلمي راجل والسلام

الجزء1

ﻟﻮﺍﻟﻴﺪﺓ ﺃﻧﺎ ﻏﺎﺩﻳﺔ ﻧﻔﻮﺝ .
ﻗﺎﺩﺍﺕ ﻧﻀﺎﺿﺮﻫﺎ ﻭﺟﺒﺪﺍﺕ ﺍﻟﺨﻴﻂ ﺑﺸﻮﻳﻴﻴﺔ ﻋﻠﻴﻬﺎ ﺑﺪﺍﺕ ﻣﻀﺎﺭﺑﺔ ﻣﻌﺎﻩ ﺑﺎﻏﺔ ﺩﺧﻠﻮ ﻓﻠﻴﺒﺮﺓ ﺩﻳﺎﻝ ﺍﻟﻄﺮﺯ : ﻧﻌﺎﻡ ﺍﺑﻨﺘﻲ ؟ﻭﻓﻴﻦ ﺑﺎﻟﺴﻼﻣﺔ !
ﻛﻨﺪﻭﺭ ﻭﺳﻂ ﻟﻤﺮﺍﺡ ﻭﻣﻤﺴﺎﻟﻴﺎﺵ، ﻑْ ﻫﺎﻭﺍﻱ ،،ﻏﺎﺩﻳﺔ ﻧﺘﻔﺠﺞ ﻓﺎﻟﺤﻤﺎﻡ ... ﻓﻴﻨﺎﻫﻮﺍ ﺍﻟﺼﺎﺑﻮﻥ ﺍﻟﺒﻠﺪﻱ ﺑﺎﺳﻢ ﺍﻟﻠﻪ ﺍﻟﺮﺣﻤﺎﻥ ﺍﻟﺮﺣﻴﻢ ﻟﺒﺎﺭﺡ ﺣﻄﻴﺘﻮ ﺑﺎﻳﺪﻱ ﻫﻨﺎ،،ﻣّﻲ ﻋﻼﺵ ﻛﺘﺒﻌﻴﻨﻲ ﻟﻠﻜﻮﺯﻳﻨﺔ ﻟﻲ ﺣﻄﻴﺘﻬﺎ ﺩﻭﺯﻱ ﻣﻮﺭﺍﻳﺎ ﺗﻬﺰﻳﻬﺎ ﻭﺗﻌﺎﻭﺩﻱ ﺗﺤﻄﻴﻬﺎ ﻓﺸﻲ ﻗﻨﺖ ﻭﺍﻧﺘﻲ ﻓﻴﻚ ﺍﻟﺰﻫﺎﻳﻤﺮ !
ﻣّﻲ ﺑﺎﻗﻴﺔ ﻣﻀﺎﺭﺑﺔ ﻣﻊ ﻟﻴﺒﺮﺓ : ﻭﺷﻮﻓﻲ ﻏﻴﺮ ﺗﻢ ﻣﺎﻟﻮ ﺑﻐﺎﻳﺪﻳﺮ ﺍﻟﺮﺟﻠﻴﻦ !
ﺑﺪﻳﺖ ﻛﻨﻘﺮﻗﺐ ﻓﺎﻟﻜﻮﺯﻳﻨﺔ : ﻭﺍﻧﺘﻲ ﻟﻲ ﻋﻨﺪﻙ ﺍﻟﺮﺟﻠﻴﻦ ﺍ ﻣّﻲ ... ﻧﺘﻲ ،،ﺍﻩ ﻟﻘﻴﺘﻮ ﻫﺎﻫﻮﺍ ﻟﺤﺘﻮ ﻓﺎﻟﺴﻄﻞ ﻣﻊ ﺧﻮﺗﻮ ﻭﺑﺪﻳﺖ ﻛﻨﻠﺒﺲ ﻓﺠﻼﺑﺘﻲ
ﻃﻼﺕ ﻋﻠﻲ ﻣﻲ ﻣﻦ ﺗﺤﺖ ﺍﻟﻨﻀﺎﺿﺮ : ﺍﻳﻮﺍ ﺍﻳﻤﺘﻰ ﺗﺮﺟﻌﻲ؟
ﻫﺰﻳﺖ ﺭﺍﺳﻲ ﻓﺎﻟﺴﺎﻋﺔ ﻟﻲ ﻓﻮﻕ ﺭﺍﺱ ﺍﻟﻮﺍﻟﻴﺪﺓ : ﺍﻣﻢ ﻫﺎﺩﻱ ﺩﺍﺑﺎ ﻟﻌﺸﺮﺓ ﻭﺭﺑﻊ ﻗﻮﻟﻲ ﺩﻳﻚ ﺍﻟﺮﺑﻌﺔ ﻧﻜﻮﻥ ﻫﻨﺎ !
ﺧﺮﺟﺎﺕ ﻓﻴﺎ ﻣﻲ ﻋﻴﻨﻴﻬﺎ : ﻫﺎﻭﻳﻠﻲ ﻧﺎﺱ ﻛﻴﺪﻭﺯﻭ 4 ﺳﻮﺍﻳﻊ ﻓﺎﻟﺤﻤﺎﻡ ﻭﻧﺘﻲ ﺑﺎﻏﺎ ﺗﺴﻜﻨﻲ ﻓﻴﻪ .. ﻭﺍﻟﻠﻪ ﻭﻣﺎﺗﺠﻴﻨﻲ ﻑ ﺟﻮﺝ ﻳﺤﺘﺎ ﻧﻠﺤﯔ ﻋﻠﻴﻚ،ﻭﺍﻟﻠﻪ ﺍﻳﻤﺎ ﻛﺴﻠﺘﻚ ﺍﺑﻨﺘﻲ ﺍ ﺧﺪﻭﺝ ﻳﺎﻣﻨﺘﺴﻤﺎﺵ ﺃﻧﺎ ﺍﺳﻤﻬﺎﻥ ﻣﺮﺍﺕ ﺍﻟﻌﺮﺑﻲ !
ﻫﺰﻳﺖ ﺍﻟﺴﻮﺍﺭﺕ ﻣﻦ ﻓﻮﻕ ﺍﻟﺜﻼﺟﺔ : ﻭﺍﺳﻤﻴﺘﻚ ﻧﻌﻴﻤﺔ ﺍ ﻣّﻲ ﻭﺍﺗﻲ ﻓﻮﺗﻲ ﻋﻠﻴﻚ ﺍﺳﻤﻬﺎﻥ ﻣﺎﺑﺎﻧﺖ ﻟﻴﻚ ﻏﻴﺮ ﻫﻴﺎ،،ﻭﺍﻗﻴﻠﺔ ﻧﺪﻳﺮﻭ ﻏﺪﺍ ﺷﻲ ﺿﺮﻳﺒﺔ ﻋﻨﺪ ﺍﻟﻄﺒﻴﺐ ﺩﻭﻙ ﺍﻟﻔﻴﺰﻳﺒﻼﺕ ﻋﻨﺪﻙ ﻣﺂﻣﺰﻳﺮﻳﻨﺶ !
ﺑﺪﺍﺕ ﻛﺘﻐﻮﺕ،ﻏﻴﺮ ﻛﻨﺠﺒﺪ ﻟﻴﻬﺎ ﺍﻟﻄﺒﻴﺐ ﻛﺘﺒﺪﺍ ﺗﺨﺎﺻﻢ : ﻫﺎﺩﻱ ﻫﻲ ﺗﺸﺪﻱ ﻟﻴﺎ ﺑﺎﻳﺪﻱ ﻭﺗﺪﻳﻨﻲ ﻟﺤﻤﺎﻡ ﻣﻌﺎﻙ ﺗﺎ ﺍﻧﺎ ﻧﺴﺨﻦ ﻋﻀﺎﻣﻲ؟
ﺩﺧﻠﺖ ﻋﻨﺪﻫﺎ ﻟﺒﻴﺖ : ﺑﺴﺖ ﻟﻴﻬﺎ ﻋﻠﻰ ﺭﺍﺳﻬﺎ ﻭﺗﺤﻨﻴﺖ ﺑﺴﺖ ﻟﻴﻬﺎ ﺍﻳﺪﻳﻬﺎ : ﻫﻪ ﺍﻟﻠﻪ ﻳﻬﺪﻳﻚ ﺁﻟﻮﺍﻟﻴﺪﺓ ﻭﺍﻏﻴﺮ ﻟﺒﺎﺭﺡ ﻛﻨﺘﻲ ﻓﻴﻪ،ﻫﺎﻧﺘﻲ ﻧﺴﻴﺘﻲ !..
ﻫﺰﺍﺕ ﺭﺍﺳﻬﺎ ﻓﻜّﺎﺕ ﻓﻮﻻﺭﻫﺎ ﻟﺒﻴﺾ ﻟﻘﺎﺕ ﺭﺍﺳﻬﺎ ﺩﺍﻳﺮﺓ ﻓﻮﻻﺭ ﺩﻳﺎﻝ ﻟﺤﻤﺎﻡ ... ﻭﺭﺍﺳﻬﺎ ﻛﺘﻔﻮﺡ ﻣﻨﻮ ﺭﻳﺤﺔ ﺍﻟﻘﺮﻭﻧﻔﻞ ﻭﺍﻻﻭﺭﺩ ﻭﺍﻻﻋﺸﺎﺏ ﺍﻟﺒﺤﺮﻳﺔ ... ﻗﺎﺩﻳﺖ ﻟﻴﻬﺎ ﺍﻟﻔﻮﻻﺭ . : ﻫﻬﻪ ﻭﻫﺎﻧﺘﻲ ﺍﻣﻲ ﺭﺍﻩ ﺳﻬﺎﻡ ﺧﺘﻲ ﻏﺘﺠﻲ ﻋﻨﺪﻙ ﺩﺍﺑﺎ ﺷﻮﻳﺔ ﺗﻔﻄﺮ ﻣﻌﺎﻙ ﻭﻟﻐﺪﺍ ﻭﻛﻠﺸﻲ ﻭﻫﺎﻧﺎ ﻣﺸﻴﺖ ﻭﻋﻘﻠﻲ ﻋﻠﻴﺎ،،ﻣﻠﻲ ﻧﺠﻲ ﺳﻮﻟﻴﻨﻲ ﺷﻜﻮﻥ ﺍﻧﺎ !
ﺑﺪﺍﺕ ﻛﺘﻀﺤﻚ : ﻧﺴﻰ ﺑﻨﺘﻲ ﻣﺎﻟﻨﻲ ﺗﺴﻄﻴﺖ ﺍﻳﻮﺍ ﺑﺎﻟﺼﺤﺔ ﻣﺎﺗﻌﻄﻠﻴﺶ !
ﺧﺮﺟﺖ ﻭﺃﻧﺎ ﻧﺎﻭﻳﺔ ﻧﻄﻠﻊ ﻣﻦ ﺍﻟﺤﻤﺎﻡ ﺷﻬﺎﺩﺓ ﺍﻟﺴﻜﻨﺔ ... ﻣﺎﻓﻬﻤﺘﺶ ﺍﻟﺮﺟﺎﻝ ﻛﻴﺪﻳﺮﻭ ﺳﺎﻋﺔ ﻭﻻ ﻛﺘﺮﻭ ﺳﺎﻋﺔ ﻭﻧﺺ ﻭﻛﻴﻘﻮﻟﻴﻚ ﺍﻱ ﻟﺤﻤﺎﻡ ﺳﺨﻔﻨﻲ ... ﺍﻧﺎ ﻭﺍﺣﺪ ﻟﻤﺮﺓ ﺧﺮﺟﺖ ﻓﺎﻟﺼﺒﺎﺡ ﺑﻘﻴﺖ ﺣﺘﻰ ﺳﺪﻳﺖ ﻟﺤﻤﺎﻡ ﻣﻊ ﺍﻟﻄﻴﺎﺑﺔ ﻋﺎﺩ ﺟﻴﺖ ،ﻛﺘﺤﻂ ﻟﻐﺪﺍ ﺗﻌﻴﻂ ﻟﻴﺎ ﻧﺘﻐﺪﺍ ﻭﻧﺮﺟﻊ ﻟﺸﻮﻁ ﺍﻟﺜﺎﻧﻲ ﻭﺗﺤﻂ ﺍﻟﻜﺎﺳﻜﺮﻭﻁ ﺗﻌﻴﻂ ﻟﻴﺎ ﻭﻟﻌﺸﺎ ﺷﻲ ﺣﺎﺟﺔ ﺧﻔﻴﻔﺔ ! ﻭﻣﺎﻛﺮﻫﺘﺶ ﻧﻜﻮﻥ ﻃﻴﺎﺑﺔ ﻣﺎﻧﺨﺮﺟﺶ ﻣﻦ ﺍﻟﺤﻤﺎﻡ !
ﺩﺧﻠﺖ ﻟﺴﺨﻮﻥ : ﺍﻱ ﺍﻱ ﻋﺎﻣﺮ ﺑﺎﺳﻢ ﺍﻟﻠﻪ ﺍﻟﺮﺣﻤﺎﻥ ﺍﻟﺮﺣﻴﻢ،ﻫﺎﺩﻭ ﻣﺎﻋﻨﺪﻫﻢ ﻭﻻﺩ ﻳﻮﺟﺪﻭ ﻟﻴﻬﻢ ﻏﺪﺍ،ﻣﺎﻋﻨﺪﻫﻢ ﺭﺟﺎﻝ ﻳﺼﺒﻨﻮ ﻣﺎﻋﻨﺪﻫﻢ ﺩﻳﻮﺭ ﻳﺴﻴﻘﻮ ... ﺍﺭﺍﻙ ﻟﺴﺨﻮﻥ
ﺩﺧﻠﺖ ﻛﻨﺴﻠﻢ ﻋﻠﻰ ﺍﻟﻄﻴﺎﺑﺎﺕ ﻭﻟﻜﺴﺎﻻﺕ ﻭﺻﺤﺎﺑﺎﺗﻲ ﺍﻟﺮﻓﻘﺔ ﺍﻟﺼﺎﻟﺤﺔ ... ﺷﺪﻳﺖ ﺑﻼﺻﺔ ﻭﺣﺪﺓ ﺑﺎﻗﺔ ﻣﺎﻛﻤﻼﺗﺶ ﺍﻟﺘﺸﻼﻝ
ﺟﺎﺕ ﻛﺘﺒﻨﺪﺭ ﻋﻠﻴﺎ : ﺍﻻﻟﺔ ﺑﻼﺻﺘﻲ ﻫﺎﺩﻱ
ﻫﺰﻳﺖ ﻓﻴﻬﺎ ﺭﺍﺳﻲ : ﻧﻌﺎﻡ ﻻﻻ ﻣﺎﺷﻲ ﺑﻼﺻﺘﻚ ﻭﺟﺒﺪﺕ ﺍﻟﺪﻭﺯﺍﻥ " ﺍﻟﺤﻨﺔ ﻭﻟﺤﺎﻣﺾ " ﻛﻨﻘﺎﺩ ﻓﻴﻬﻢ !
ﺿﺮﺑﺎﺕ ﺍﻟﺴﻄﻞ ﺑﺮﺟﻠﻬﺎ،ﺧﻨﺰﺭﺕ ﻓﻴﻬﺎ ﺩﺍﺭﺕ ﺍﻳﺪﻳﻬﺎ ﻋﻠﻰ ﺟﻨﺒﻬﺎ ﻭﺑﺪﺍﺕ ﻛﺘﻌﻮﺝ : ﺍﻟﻠﻪ ﻳﺴﺘﺮ ﺑﻨﺎﺩﻡ ﻣﺎﻛﻴﻌﺮﻓﺶ ﺍﻟﻨﻀﺎﻡ
ﻟﺤﺖ ﺩﺍﻛﺸﻲ ﻣﻦ ﺍﻳﺪﻱ ﻭﻧﻀﺖ ﺗﺎ ﺍﻧﺎ : ﻵﺍﻟﺔ ﻭﻻﻟﻲ ﻭﻣﺎﻟﻲ ﻭﻣﺎﻝ ﺗﻘﺮﻗﻴﺐ ﺳﻄﺎﻟﻲ،،ﻫﺎﻩ ﺷﻮﻓﻲ ﺩﻳﻚ ﻓﻠﻴﻔﻠﺔ ﻭﺍﻟﻠﻪ ﻭﻣﺎﺗﻤﺸﻲ ﻳﺎﺣﺘﻰ ﻧﺠﺪﺏ ﻋﻠﻴﻚ
بقاﺕ ﻛﺘﺨﻨﺰﺭ ﻭﻣﺸﺎﺕ ﻭﺃﻧﺎ ﺑﺪﻳﺖ ﻛﻨﻜﻤﻞ ﻟﻤﻬﻤﺔ ! ﻛﻨﺘﺠﺒﺂﺩ ﻭﺩﺍﻧﻲ ﻧﻌﺎﺱ ﺷﻲ ﺳﺎﻋﺔ،،ﻟﻌﻴﺎﻻﺕ ﻛﻴﺴﺨﻔﻮ ﻓﺎﻟﺴﺨﻮﻥ ﻭﺃﻧﺎ ﺣﺎﻟﻔﺔ ﻳﺴﺨﻒ ﺍﻟﺴﺨﻮﻥ ﻭﺃﻧﺎ ﻣﺎﻧﺴﺨﻒ .. ﺳﺎﻟﻴﺖ ﺍﻟﺘﺤﻤﻴﻤﺔ ﺑﺎﻟﻤﺮﺍﺳﻢ ﻭﺍﻟﻄﻘﻮﺱ ﻭﯕﺎﻟﺴﺔ ﻭﻧﺰﻏﺮﺕ ﻏﻴﺮ ﺑﺤﺪﻱ، ﻣﻊ ﺻﺤﺎﺑﺎﺗﻲ ﺍﻟﻄﻴﺎﺑﺎﺕ ﻭﺍﻟﻜﺴﺎﻻﺕ ﻛﻞ ﺳﺎﻋﺔ ﺟﺎﻳﻴﻦ ﻳﺠﻤﻌﻮ ﻣﻌﺎﻳﺎ ﻟﻌﻴﺎﻻﺕ ﻣﺎﻳﺴﺤﺎﺑﻠﻴﻬﻢ ﻏﻴﺮ ﻋﺮﻭﺳﺔ ! ﺧﺮﺟﺖ ﻭﺭﻳﺤﺔ ﺍﻟﻮﺭﺩ ﻭﺍﻟﻘﺮﻧﻔﻞ ﺗﻌﻄﻌﻂ ﻃﻠﻴﺖ ﻋﻠﻰ ﺍﻟﺴﺎﻋﺔ ﻟﻲ ﻋﻠﻰ ﺑﺮﺍ : ﻫﺎﺩﻱ 4 ﺍﻳﻮﺍ ﺍﻟﺤﻤﺪ ﻟﻠﻪ ﻣﺎﻃﻮﻟﺘﺶ ﺟﺒﺪﺕ ﺍﻟﻠﻴﻤﻮﻥ ﻭﺑﺪﻳﺖ ﻛﻨﺪﻳﺮ ﺍﻟﺪﻳﺴﻴﺮ،،ﺑﺎﻧﺖ ﻟﻴﺎ ﻛﺮﻳﻤﺔ ﺟﺎﻳﺔ ! ﻫﻪ ﺍﻳﻮﺍ ﺑﺼﺤﺔ ﻛﻴﻒ ﺩﺍﻳﺮ ﻟﺤﻤﺎﻡ؟ ﺧﻨﺰﺭﺕ ﻓﻴﻬﺎ : ﺍﻟﻠﻪ ﻳﻌﻄﻴﻚ ﺍﻟﺼﺤﺔ ! ﺑﺎﺭﺩ ﻭﻋﺎﻣﺮ ﻭﻣﺎﻛﺎﻳﻨﺶ ﻓﻴﻦ ﺗﺤﻄﻲ ﺭﺟﻠﻴﻚ ﻛﻮﻥ ﻏﻴﺮ ﺟﻴﺘﻲ ﺗﺎﻝ ﻏﺪﺍ ! ﺑﺪﺍﺕ ﻛﺘﻀﺤﻚ ﻭﺍﻟﺴﻢ ﺧﺎﺭﺝ ﻣﻦ ﻋﻴﻨﻴﻬﺎ : ﻫﻪ ﺗﺒﺎﺭﻙ ﺍﻟﻠﻪ ﻣﻨﻮﺭﺓ،،ﺃﻧﺎ ﻣﺎﻓﻬﻤﺘﺶ ﺍﻟﺰﻳﻦ ﻭﺍﻟﺘﺒﺎﺗﺔ ﻭ 34 ﻋﺎﻡ ﻭﺑﺎﻗﺔ ﻣﺎﺟﺎﺵ ﻓﻴﻚ ﻭﻟﺪ ﺍﻟﻨﺎﺱ ! ﺗﺤﻨﻴﺖ ﻫﺰﻳﺖ ﺳﻄﻮﻟﺘﻲ ﻭﺷﻔﺖ ﻓﻴﻬﺎ : ﺍﻳﻮﺍ ﺍﻟﻠﻪ ﻳﺤﻔﻈﻨﻲ ﻣﻦ ﻋﻴﻦ ﺑﻨﺎﺩﻡ،ﺧﺎﺭﺟﺔ ﻣﻊ ﺍﻟﺒﺎﺏ ﻭﺃﻧﺎ ﻛﻨﻘﺮﺍ ﻓﺎﻟﻘﺮﺁﻥ .. ﻭﺻﻠﺖ ﻟﺪﺍﺭ ،ﻃﻮﻣﻮﺑﻴﻞ ﺩﻳﺎﻝ ﺭﺍﺟﻞ ﺧﺘﻲ ﻭﺍﻗﻔﺔ ﻋﻨﺪ ﺍﻟﺒﺎﺏ : ﺧﺪﻳﺖ ﺍﻟﻨﻔﺲ ﻭﺧﺮﺟﺘﻬﺎ ،،ﺣﻠﻴﺖ ﻟﺒﺎﺏ ﺳﻤﻌﺖ ﺍﻟﻮﺍﻟﻴﺪﺓ : ﺍﺷﻜﻮﻥ؟ﻫﺎﻭﻳﻠﻲ ﺷﻜﻮﻥ ﻋﻨﺪﻭ ﺳﻮﺍﺭﺕ ﺩﺍﺭﻱ ﺍﻟﻤﻌﻄﻲ ﻣﺎﻋﺎﻃﻴﻬﻢ ﻟﺤﺪ ﺩﺧﻠﺖ ﺳﻠﻤﺖ ﻋﻠﻴﻬﺎ : ﺍﺷﻜﻮﻥ ﻧﺘﻲ ﻭﺟﺎﻳﺔ ﺗﺴﻠﻤﻲ ﻋﻠﻴﺎ ﺗﻌﺮﻓﻴﻨﻲ ؟ ﺑﺴﺖ ﻟﻴﻬﺎ ﻋﻠﻰ ﺭﺍﺳﻬﺎ : ﻣﺎﻛﺘﻌﺮﻓﻴﻨﻲ ﻣﺎﻛﻨﻌﺮﻓﻚ ﺃﻧﺎ ﺟﺎﻳﺔ ﻃﺎﻟﺒﺔ ﺿﻴﻒ ﺍﻟﻠﻪ ﻋﻨﻘﺎﺗﻨﻲ : ﺍﻳﻮﺍ ﻣﺮﺣﺒﺎ ﺑﻀﻴﻒ ﺍﻟﻠﻪ ﺟﻴﺖ ﻧﺴﻠﻢ ﻋﻠﻰ ﺧﺘﻲ ﺑﺪﺍﺕ ﻛﺘﺨﻨﺰﺭ : ﺧﺪﻳﺠﺔ ﺭﺍﻩ ﻫﺎﺩ ﺍﻟﺘﺼﺮﻓﺎﺕ ﻫﻮﻣﺎ ﻟﻲ ﺧﺎﺭﺟﻴﻦ ﻋﻠﻰ ﻣﻨﺎ ﻓﻌﻴﻮﺍﺽ ﺗﻌﺎﻭﻧﻴﻬﺎ ﺗﻔﻜﺮ ﺷﻜﻮﻥ ﻧﺘﻲ ﺑﺎﺭﻛﺔ ﻛﺪﻭﺧﻲ ﻓﻴﻬﺎ ﺷﻔﺖ ﻓﻴﻬﺎ : ﺭﺍﻩ ﻋﺮﻓﺎﻧﻲ ﻏﻴﺮ ﻛﻨﺒﻐﻲ ﻧﻀﺤﻚ ﻣﻌﺎﻫﺎ ﻣﺎﺑﻘﺎ ﺣﺪ ﻳﻀﺤﻚ؟ﻛﻴﺪﺍﻳﺮﺓ ﺍﺧﺘﻲ ﺗﻮﺣﺸﻨﺎﻙ،ﻭﺍﻟﺪﺭﺍﺭﻱ ﻣﺎﺑﺎﻧﻮﺵ ﻟﻴﺎ ! ﺟﺎﻭﺑﺎﺗﻨﻲ ﺑﺎﻟﻨﻔﺨﺔ : ﻋﻠﻰ ﺑﺮﺍ ﻛﻴﻠﻌﺒﻮ،،ﺍﻟﺤﻤﺪ ﻟﻠﻪ ! ﻧﺎﺿﺖ ﻟﻮﺍﻟﻴﺪﺓ ﻟﺒﻴﺘﻬﺎ ﻭﺑﻘﻴﺖ ﺍﻧﺎ ﻭﺧﺘﻲ ﻓﺎﻟﺼﺎﻟﻮﻥ،،،ﺳﺎﻛﺖﻳﻦ،،،ﺣﺘﻰ ﻋﻴﺎﺕ ﺳﻬﺎﻡ ﻭﻗﺎﻟﺖ ﻟﻲ : ﺍﻳﻮﺍ ﺍﻳﻤﺘﺎ ﻏﻨﻘﺴﻤﻮ ﺩﺍﻙ ﺍﻟﻮﺭﺙ؟ﺧﻮﺗﻚ ﻣﺼﺪﻋﻴﻨﻲ ! ﺟﺎﻭﺑﺘﻬﺎ ﺑﻼﻣﺒﺎﻻﺓ : ﺍﺷﻤﻦ ﻭﺭﺙ،،ﺭﺍﻩ ﻏﻴﺮ ﺍﻟﺪﺍﺭ ﻟﻲ ﺣﻨﺎ ﻓﻴﻬﺎ ﻭﺍﺭﺽ ﻟﻲ ﺑﻘﺎﻭ ﻭﻓﺴﻤﻴﺔ ﻟﻮﺍﻟﻴﺪﺓ،،ﺷﻨﻲ ﺑﻐﻴﺘﻮ ﺗﻮﺭﺗﻮﻫﺎ ﻭﻫﻲ ﺣﻴﺔ؟ ﺧﻨﺰﺭﺍﺕ ﻓﻴﺎ : ﺍﻳﻮﺍ ﺧﻴﺘﻚ ﻋﻨﺪﻫﻢ ﻭﻻﺩﻫﻢ ﻭﺩﻳﻮﺭﻫﻢ ﻭﺑﺎﻏﻴﻴﻦ ﺭﺯﻗﻬﻢ .. ﻭﺣﺘﻰ ﺍﻧﺎ ﻣﻌﺎﻫﻢ ﺿﺤﻜﺖ ﺑﺴﺨﺮﻳﺔ : ﻫﺎﻩ ﻗﺎﻟﺖ ﻟﻴﻚ ﻭﻻﺩﻫﻢ،ﺍﻗﻮﻟﻲ ﻋﻴﺎﻻﺗﻬﻢ ﻛﻴﺤﺮﺷﻮﻫﻢ،ﻭﻧﺘﻲ ﻣﺎﻟﻚ ﺭﺍﺟﻠﻚ ﺗﺎﻫﻮ ﻛﻴﺤﺮﺷﻚ؟ﻓﻴﻨﺎﻫﻮ ﺟﺎ ﻭﻣﺸﺎ ﺍﻭﺩﺍ ﻋﻠﻰ ﺍﻟﺮﺟﻠﺔ ﻣﻘﺪ ﺣﺘﻰ ﻳﺪﻭﺯ ﻧﺺ ﻧﻬﺎﺭ ﻣﻊ ﻋﺎﺋﻠﺔ ﻣﺮﺗﻮ ﺑﺂﺯ ! ﺟﺎﻭﺑﺎﺗﻨﻲ : ﻭﺍﻟﻠﻪ ﺍﺧﺘﻲ ﻟﻀﺤﻜﺘﻴﻨﻲ،ﻭﻳﻼ ﻛﻨﺘﻲ ﺣﺎﺳﺪﺍﻧﺎ ﺩﻳﺮﻱ ﺑﺤﺎﻟﻨﺎ،ﺗﺰﻭﺟﻲ ﻭﺩﻳﺮﻱ ﺩﺍﺭﻙ .. ﻭﻭﻻﺩﻙ،،ﺏ ﺍﺵ ﺣﺘﻰ ﻧﺘﻲ ﺗﺒﺪﺍﻱ ﺗﺤﺴﻲ ﺷﻮﻳﺔ،،ﻫﻬﻪ ﻭﻟﻜﻦ ﺳﻤﺤﻴﻠﻲ ﺷﻜﻮﻥ ﻏﻴﻘﺒﻞ ﻋﻠﻴﻚ ... ﻧﺘﻲ ﺍﺻﻼ ﻓﺎﺗﻚ ﺍﻟﺘﺮﺍﻥ،،ﺷﻜﻮﻥ ﻟﻲ ﻳﺒﻐﻲ ﻳﺘﺰﻭﺝ ﺑﻮﺣﺪﺓ ﻋﻨﺪﻫﺎ 35 ﻋﺎﻡ .. ﺍﻳﻼ ﻃﻔﺮﺗﻴﻪ ﻫﻮﺟﻬﻲ .. ﺗﺤﺮﻛﻲ ﺷﻮﻳﺔ ﻭﺿﺒﺮﻱ ﻋﻠﻰ ﺷﻲ ﺑﻮﻫﺎﻟﻲ ﻳﻘﺒﻞ ﻋﻠﻴﻚ ﺍﻭﻑ ﻣﺎﺟﺎﻭﺑﺘﺶ ﺑﻘﻴﺖ ﻓﺒﻼﺻﺘﻲ ﺳﺎﻛﺘﺔ ﻭﺑﺪﻭﻥ ﺣﺮﺍﻙ ... ﻛﻨﺴﻤﻊ ﻟﻜﻞ ﻛﻠﻤﺔ ﻗﺎﻟﺘﻬﺎ ﻛﺘﺠﺮﺣﻨﻲ ﻓﻘﻠﺒﻲ !.. ﻧﻀﺖ ﺑﺎﻟﺰﺭﺑﺔ ﺟﻤﻌﺖ ﺍﻟﺴﻴﻨﻴﺔ ... ﺩﺍﺭﻳﺖ ﺩﻣﻮﻋﻲ .. ﺩﺧﻠﺖ ﻟﻜﻮﺯﻳﻨﺔ ﺭﺩﻳﺖ ﻟﺒﺎﺏ ﻭﺑﻜﻴﺖ،،ﯕﻠﺴﺖ ﻓﺎﻻﺭﺽ ﺑﺸﺪﺓ ﻟﺒﻜﺎ ... ﻭﻟﻴﺖ ﻣﻌﻴﺎﺭﺓ .. ﺍﻳﻘﻮﻟﻲ ﻟﻲ ﻛﺎﻥ ﻫﺎﺩ ﺍﻟﻬﺪﺭﺓ ﻧﻘﺪﺭ ﻧﻮﻗﻒ ﻭﻧﻮﺍﺟﻬﻮ .. ﻭﻟﻜﻦ ﻣﻦ ﺍﻗﺮﺏ ﺍﻟﻨﺎﺱ؟ﺧﺘﻲ .. ﻣﺎﻗﺪ ﺭﺗﺶ ﻧﺘﻘﺒﻠﻬﺎ .. ﻟﻲ ﻛﻴﺼﺒﺮﻧﻲ ﻫﻮ ﺃﻧﺎ ﺍﻟﺰﻭﺍﺝ ﻣﺸﻴﺌﺔ ﻭﺩﻳﻤﺎ ﻛﻨﺼﺒﺮ ﺭﺍﺳﻲ ﺑﺎﻧﺘﻈﺎﺭﻱ ﻟﻤﺎ ﻫﻮ ﺧﻴﺮ ! ﺧﺮﺟﺖ ﻣﻦ ﺍﻟﻜﻮﺯﻳﻨﺔ ﻟﻘﻴﺘﻬﺎ ﻛﺘﺠﻤﻊ ﻓﺤﻮﺍﻳﺠﻬﺎ ﺗﻤﺸﻲ ﺑﺤﺎﻟﻬﺎ،،ﻭﺩﻋﺘﻬﺎ .. ﻭﺳﺪﻳﺖ ﻟﺒﺎﺏ ﻭﺃﻧﺎ ﻋﻘﻠﻲ ﻋﺎﻗﻞ ﻏﻴﺮ ﻋﻠﻰ ﻫﺪﺭﺗﻬﺎ ﻓﻘﺖ ﻓﺎﻟﺼﺒﺎﺡ ﺻﻠﻴﺖ،ﻓﻄﺮﺕ ﻭﺧﺮﺟﺖ ﻟﺨﺪﻣﺔ ! ﻭﺃﻧﺎ ﻋﻨﺪﻱ ﺃﻣﻞ ﺃﻧﻨﻲ ﻧﺘﻼﻗﻰ ﻣﻊ ﻭﻟﺪ ﺍﻟﻨﺎﺱ ﻟﻲ ﻳﺴﺘﺤﻘﻨﻲ
فقت فالصباح صليت،فطرت وخرجت لخدمة!وأنا عندي أمل أنني نتلاقى مع ولد الناس لي يستحقني على الدخلة فقدت الامل..الزوينين والزوينات هوما لي حاطينهم فالدخلة لي جا يشوفهم،،وآلخيبين والخيبات مخبيينهم لداخل..فينما كان شي حد كيدير المشاكل كيسيفطوه عندي كيشوفني كينسا لمشكيل وكيمشي بحالو،،كيسحابليهم كلما دخلتي لداخل تلقا الزين سَعا كيوصلو عندي وكيقلبو الدورة..! ڭالسة كنخدم الضواسا ديال الشكايات...كنسمع شي حد كيغوت وكيخاصم هزيت ايديا لسما: يا ربي يكون ولد الناس،،وكيعرف الله،عندو دارو... أيا ربي يكون غير مامزوش يآ ربي آمين دخل لقاني كندعي : ايه خصكي دعي الله يسمح ليكم على هادشي لي كاديروه اعباد الله هادا راه الظلم! شفتو..بشكله الجميل وصباطه البرونزي،،وبذلته السوداء المكرفطة ! وبشعره المشعكك! وقفت لما شفت هاد الجمال يا سبحان الله تلفت وليت ظريفة وغير كنتفتف : اسيدي لمشكل لي عندك دآآبا نحلوه حنا هنا غير باش نحلو لمشاكل! بدا كيخنزر : طبعا دايرين بلاصة خاصة بالمشاكل حيت عارفين ريوسكم المشاكيل مايخطاوكمش! المشاكل؟هه دوزتها ليه مسكين معصب قلت ليه : اسيدي ڭلس بعدا وخود راحتك وديك الساعة وبالهداوة نفكو لمشكل.. ڭلس وهو ماحاملش وكيخنزر وكل ساعة ينڭر! بتاسمت بشكل مهذب : ايوا اسيدي اشنو هو لمشكيل؟ حط ليا وراق ديال الخلاص قدامي : الالة أنا درت معندكم كوموند ديال البّياس،،كنجي نقلب كنلقا لكوموند ناقصة ب 15 بّياسة ايوا دابا اش ندير ...وأنا مخلص وحاط فلوس وتنقصو ليا !!وبقاي حالة فيا فمك! جمعت فمي وحدرت راسي كنشوف فلوراق ديال لخلاص وديال لكوموند كنقلب على سميتو..آه عز الدين..والله ايلا جات ليا مع سميتي بديت كنقلب فالضواصا ديال البيع:بديت كنبتاسم وأنا حادرة راسي.. غوت عليا : الالة واش ڭالسة كضحكي عليا ولا شنو بديت كنهدن فيه دورت عندو البيسي : هانتا اسيدي شوف هنا،،راك درتي الكوموند على جوج دفعات...والدفعة الاخيرة لي فيها 15 بْياسة خرجات من المعمل وشي يومين تكون عندك اسيدي! بدا كيضحك..اوه طايحة ليه سنة لقدامية ولكن ماشي مشكيل.. ماشي مشكيل ! حدر راسو : والله الالة ماعرفت مانقول،فعلا درت جوج ديال الكوموند ويسحابلي غتجمعو ليا كلشي وتسيفطوه فدقة وحدة..ولكن ماعرفتش ملي ملقيتش البياسات لبارح تعصبت وليوم جيت عندكم نستفسر ولكن ..شكرا حادرة راسي وحشمانة : اه ماكاين مشكيل هذا واجب ولو وقف وقالي:يالاه الالة شكرا بزاف وسمحي ليا واخة اعتذار بسيط مايكفيش هه خليت ليك الراحة! مشا؟صافي.؟اربي اقلبي امولاي الي ماعندها زهر هي أنا،،،ساليت ضواسا لي كانو مكركبين عليا ومشيت عند المدير ! دقيت فالباب،دخلت