مرضي ام هي

البارت الاول

ما مبري الذمه كل من قرأ بدون فوت او تعليق ❤

صوت الحنفيه وهي تنقط

وصوت الغساله تفتر بالهدوم
صوت الساعه وهي تمشي شوي شوي تك تاك تاك تاك تك تاك....

ما اتحمل ماااا اتحممممل
بسرعه ركضت ع المغسله غسلت ايدي بالمنضفات ابدي بديتول شي خمس مرات واكمل
اشوف وجهي بالمرايه احس عليه جراثيم ووسخ بكل مكان بجسمي ارجع اغسل! ...
سريري الشرشف يتغير كل ساعتين
والبطانيه تنغسل كل يوم وتتبدل
البيت يتنضف كل 3ساعات لاحتمال وجود غبار او وسخ ممكن يتهجم عليه
تفريش الاسنان 4 مرات او حسب   يمته اكل
معقمين بجيبي خوفا من الامراض
والاخشاب تنمسح كل 4ساعات باليوم! 
يمكن تشوفون هالاعمال صعبه ع الانسان وتسبب جهد بس انا من اسويهه ارتاح وترتاح نفسيتي والحمدلله الله امتحني بهيج مرض ولا غيره
بديت مراحل عزلتي من كونت شغلي لوحدي وخذيتلي شقه واستقريت لوحدي لان اهلي عايشين ويه اخواني والبيت جبير وبيه اطفال وممكن يتوسخ بأي ثانيه لهذا فضلت اعيش بعيد عنهم والحمدلله اهلي تقبلو الموضوع لان يعرفون بحالتي ويدرون ما اكدر اعيش بهيج ظروف لانو ممكن اتحول لغير انسان بس اشوف بيه وسخه او صاير عليهه تراب وراح اتأذه واعيد عليهه الف مره يلا اقتنع
النوافذ مسدوده لخطر وجود الحشرات وعندي تحسس من القطط والكلاب من اشوفهن اظل اعطس 👎 وصراحه هالشي لصالحي لان اخاف من الامراض الي بيهم
اما عن شغلي ؟
انا محامي واشتغل بالمحكمه وطبعا ماخذ كل احتياطاتي
وجود يزن صديقي  بحياتي ملأ الفراغ الموجود بيهه   وخصوصا علاقتي الاجتماعيه وي الناس تقل لان يشوفوني مهووس وانا متعود ع هالشي صحيح اول شي تكأبت وانعزلت بس كلت هذا الشي راح يأذيني انا مو هم
يزن صديقي من المتوسطه وياما رسمنه انا وياه احلامنا وخططنا الهه سوه
يزن تخصصه هندسه ميكانيك  وكملهه واخذ دبلوم بيهه  الان صار معيد بالكليه
اوقات التقائنا بين فتره وفتره بحكم طبيعه الشغل والحياه بصوره عامه وانشغالتنا
الي يعجبني بيه ما يقلل من احترامي مثل الناس من عرف بمرضي بالعكس ساندني وظل وياي بكل اوقاتي اصلا يجيب معقم وياه كل ما يسلم علي ههههه
اليوم كعدت الساعه ب8 نضفت وكملت وعقمت الاغراض بديتول وتريكت بعدين رحت لشغلي ومن شغلي رحت لاهلي ازورهم كل يومين مره
عندي اختين لجين وجوري  وانا الاكبر ادهم

الاكل الوحيد الي اكدر اكل منه وره اكلي طبعا اكل امي
وخصوصا ماما من تسويلي اكل تلبس قفازات وتعزله عن غداهم صحيح اكلهم مو وسخ بس تعرف بيه ما اثق فتسوي هيج لخاطري
وره ما اتغده ارجع لشقتي اغسل وافرش اسناني واكمل روتيني اليومي الى ان يصير الليل وانام الساعه ب12