هلو شلونكم طبعا هاي مو أول قصة الي بس غيرت حسابي وراحو القصص اتمنى بهل قصة تستمتعون
ابدي وياكم بتعريف الشخصيات
نور .البطلة إني نور من مواليد1990من بغداد انولدت ابيت جدي وية عمامي اني اكبر وحدة باخواني وجانت علاقة مامة وبابة كلش متوترة دائما مشاكل وعندي اخت مختلة عقليا اسمها فاطمة و2اخوان علي واحمد و رسل ونبأ وأصغر اخت إسمها ضحى جان عمرها 4أشهر
تبدي قصتي بصف الرابع ابتدائي أي بعمر 10سنوات
باليل جنة نايمين فزيت على عياط امي وبابة جان يضربها بقسوة وجرها من شعرها من الطابق ال2 للحديقة وامي تبجي وتعيط ومحد من عمامي ساعدها وخلصها وباتت امي جوة يم بيبي وثاني يوم هم تعارك وياهة بابة واخواني يبجون وحالتنة حالة واني عود الجبيرة اسكت بيهم أمي تقريبا ب11الضهر راحت لبيت جدو واخذتنا وياهة وابوية جانت عندة حالة نفسية وبس المشاكل وبيت جدو جانو يدرون بالمشاكل وطبعا اسبابها تافهة انكسر كوب التلفزيون عالي وهيج أسباب فصارت هل مرة العركة جبيرة وعمامي هددو بيت جدو اي شي يصير عل الجهال انتم المسوؤلين فاخذونا بعربانة ونطونة لاهلي وبقت بس الصغيرة يم أمي وهنا بديت اتعامل كمرة جبيرة مو طفلة بعمر 10سنوات كمت انضف واطبخ والطباخ جنت ما اسيطر لان قصيرة وطفلة فخليت طابوك واصعد اطبخ واختي فاطمة المريضة بديت اهتم بيها اسبحها واغسل الها واوكلها لان كلشي متعرف تسوي لان مريضة واغسل ملابس واشبع كتل من ابوية لان ما أعرف اطبخ واخبز وتعلمت مجبورة وبطلت من مدرستي وتهدمت حياتي وزوجتة عمي اذتني حيييل محد رحمني منهم وراهة عمتي اخذت وحدة من اخواتي واخواني رسبو بالمدارس ونحرمت من اللعب مثل الاطفال وتعلمت اخبز واطبخ بس شنو شغل جاهل مدلل وراح دلالة جانت أمي تشتريلي العاب وتوديهن بيد بنت خالتي وجانت البنية تشوف وضعنا وتسولف لامي وراهة أمي رفعت قضية طلاق على والدي ومرت فترة 4سنوات واني صار عمري 13بس شفت الويل وبابة رفض بالجلسة أن يطلك
وامي بهل فترة صارت خياطة واشترت كاع من شغلها اما اني فبس فاطمة هم بوحدها وجنت اصعد المي من الطابق الاول لل3 واني طفلة وحتى بلغت وتبهذلت محد علمني اي شي أما اخواني فابوية خلة الصغير جاسوس الة اي احد يحاول يروح لامي يوصل خبرة لبابة وينكتل واختي الصغيرة ضحى كامت متعرفنا لان بقت يم جدادي 4سنوات وتصيح لجدي بابة
س/توقعاتكم حترجع الام؟؟ام لا؟؟
