هلو شلونكم اخباركم
بعد رفض والدي الطلاق اليوم اكو كعدة زلم وية بابة
لبابة :السلام عليكم ورحمة الله وبركاته
الجميع:وعليكم السلام
جدي:الله بالخير
للجميع:الله بالخير والعافيه
بابة:عمي اليوم اجيت أرجع زوجتي
جدي:عمي المرة تعبت من مشاكلك وصعبة رفعتها
لبابة:ليش عمي صعبة؟؟؟!!!
جدي :تروح المرة تموت بيدك من كتلك الها شيخلصك من أخوتها 7 يمردونك مرد
ابو حسين : (رجال من الجوارين خير) يابة صلو على النبي
الكل:اللهم صلى على سيدنا محمد
ابو حسين:اني رايي تطلع ابيت بوحدها حتى تخف مشاكل الجناين(امي وبيبي ام بابة علاقتهن قوية وكلش زينة عكس بقية الجناين وجانن يغارن لان امي حلوووووووة ويسون مشاكل)
جدي:عمي اني راضي
بابة:ومنين اجيب كاع ماعندي اشتري شكلولكم اني تاجر
ابو حسين: انتة متعرف تحجي اسكت احنا نحلها (شاور ابوية)
وكال بصوت عالي اكو كاع يم بيت اهلك فارغة وراجعة لاهلك اخذها حصة الك من بيت اهلك
جدي ابو لبابة:شنووو انطي كاعي ماليش بوية
ابو حسين يشاور جدي ابو بابة (انطي لابنك الكاع حرررررام تهجم بيتة وراهم كووم جهال) وصاح عمي ابو حسين عمي توكلنا على الله ابو قبل ينطي الكاع وانتة محمد(،ابوية)تبني الكاع والمرة ترجعلك
اقروا الفاتحة على نية التوفيق الكل
بسم اللة الرحمن الرحيم
الحمد لله رب العالمين الرحمن الرحيم مالك يوم الدين اياك نعبدو واياك نستعين اهدنا الصراط المستقيم صراط الذين أنعمت عليهم غير المغضوب عليهم ولا الضالين
صدق لله العظيم
(خليتكم تكسبون حسنات😂😂)
اما بناء البيت ابوية مقبل يجيب عمال واحسبو العرك الي صار ابيتنة حتى بسببة(كلت لو مترجع امي احسن) وتعودت على طياح الحظ الشغل والكراب والهم وفاطمة دمرتني حتى حاجتها تقضيها جواها بس تصيح ومتعرف تحجي رغم جبيرة (مو جبيرة تفهموها جبيرة بس عمرها 10سنوات)بس بسبب مرضها العقلي متحجي ولا واعية لاي شي بصراحة جنت احسدها لان متدري بالي صاير
وابوية خلانة نشتغل عمالة علمود نبني البيت واني اشتغل عمالة واحمل طاسات خبطة مال صب واروح اسوي اكل وانضف زاد الشغل عليه أضعاف مضاعفة وتعبت كلش وبنينا للقصر الجمهوري😂
ورجعت امي واخواني فرحوا واخواتي فرحن واختي الي يم عمتي رجعت النة والصغيرة ضحى أصلا متعرفنة ولا تسلم على بابة اصلا باليل تبجي وتصيح على مامة رجعيني لبيتنا اريد لبابة قصدها جدي
وكوة تعودت علينا ورجعت حياتنا شبه طبيعية
شنو تتوقعون حيصير؟؟؟؟
