هلو شلونهم للحلوين،😍
اكمل وياكم البارت
اهنا فصل اخر ومهم من فصول حياتي ما قبل الربيع
اني تعقدت من اهلي واحب اختلي لوحدي ومرت فترة طويلة على رجعت امي صار 3سنوات واني مفد يوم كعدت وسولفت وياهة شككد حاولت وياي واني ابدد ما اتقرب الها صرت ادخل اسبح اتأخر هواي اضل اصفن مرة دخلت اسبح ب11 باليل محسيت إلا امي تدك بالباب هااا يوم شكو
مامة:،امي بيج شي شو اتأخرتي
اني:ايي ايي اجيت
طلعت لكيت الكل نايمين
اني :يوم شو نايميين شعجب
امي:حبيبتي شنو شعجب ساعة2
اني:شنووووووو
امي:اي يوم تاخرتي هواية
وهنا امي كامت تخاف علية وعرفت صارت عندي حالة نفسية كامت تطلعني للسوك( اني كل هاي الفترة ما أطلع محبوسة)ومرات لبيت خالاتي ولبيت عمامي تحاول تونسني
ومرة رحت لبيت خالتي منطقتهم راقية وبناتها تقريبا بعمري وأصغر وبيتهم حلو يختلف بناطير وبديات وتراكات وكلة على الموديل وبالمدارس وشاطرات بالمدارس ويطلعون ويمشون يعني مولات ومتنزهات( احنا ماكو هذني كلهن يعني البس دشداشة والسوك مشايفتة شلون مولات والمتنزهات😂)
بس الي قهرني ابوهن زين وياهن ومن يجي من دوامة يتلكونة لباب الطرمة ويباوسونا عبالك جان مسافر مو بدوامة(عكس ابوية من يجي عبالك عزرائيل جاي) ومرة دتمطر الدنيا وطلعنا بالباب (منطقتهم راقية ومبيها احد بالشارع هادئة حيل) وجان اشوف البيت المقابل بيت خالتي حلوو ويطلع منة شاب طول بضخامة وشكلة يخبل وهوة هم ضل يباوع علية 😍 واجتي اختة ثاني يوم سألت علية منو هاي البنية حتى اختة عشقتها لان من ريحتة😂😂 مرت ايام ورجعت لاهلي بس بالي يم هذا الولد وكمت اهتم بنفسي ما أعرف ليش هيج صار بية وتغيرت رغم الولد لا حاجاني ولا حاجيتة بس يمكن لان مجنت مفكرة بنفسي وبالي كلة يم اخواني وشغل البيت مرت فترة طويلة ما يقارب ال2سنة اجت علينة خالتي نفسها الي جنت يمها
يا ترى شنو تريد الخالة؟وليش إجت؟ معقولة مجرد زيارة؟
