هلو اشلونكم اخباركم ادعو لي انجح حنداوم كلبي حيوكف
نرجع لقصتنة
وطبعا اشو الكل يحلف وبيمن اصدك ما ادري وامي وياي خطية 😦 اخر شي طلع جذب لا عادة ولا شي بس يضحكون علية😂
دخلت بعد الفشلة كدام الكل وهذا استاذ رضا لو بيدي اعضة من كلبة يضحك علية بسيطة تجي لو لا طبعا كلتها الة جان يصيح تعالو دتصيحني وتطالب بحقوقهة😦 لا يا ربي هذا شنو من بشر اجيت ابجي وربي صرت هلكدوتني وهمة عااااا اي ياااابة حقكم روحو روحو وهوة يصيح تعبان من البارحة🙈😂🙊 فد واحد مفضوح بس احبة فدوة لكلبة 💓 واتغدينة وشوية اجة والدي وجدي وعمي دخلت سلمت وجان موجود 3من حمويني وزوجي وزوج حماتي ام فاطمة وام شهد عمي وجدو وبابة سلام طبيعي وباوستهم والباقين من بعيد اشو فجاة
رضا..هاي ليش هيج مو عيب عليج
اني ...شكو شسويت
رضا..متستحين هيج تربيتج
اني شكو والله ممسوية شي
رضا..... كل هذا وممسوية شي؟
اني...شكو فهمني
ووالدي وجدي وعمي صفنو هاي شكو وزوجة
جان يكول عيب عليج بت ادوام واصول وهل شي معناها عدم احترام
اني بصدمة😦 غير افهم شكو
جان يكول سلمي وباوسي ابو شهد وابو علي(حمايةالجبير) رحت عليهم دا اباوسهم هذولي لا يأبة وابتعدو وحرام
رضا...شرف اهلج وعشيرتج على المحك وتمثليهم لازم تباوسيهم واني تخبلت صارت شرف واهلي يمي(طبعا هم متفاجئين) واني اركض وراهم عمو والله بس بوسة وذولي مهزومين وزوجي يحرض بية كوة بستة من ايدة جان رضا يصيح عاااااااااا باست غريب كدامي الحكولي يا ناس😦 لعد توك شنو كلت؟؟؟!!! ياربي شنو هل بشر هذا وهم طلع مختلف علية ومرت احلى ايام بحياتي وكام يطلع لشغلة والحمد لله حتى نفسيتي تغيرت صرت مثلهم واتشاقة واصنف لحد ما اجة فد يوم رضا كال نورررر
اني ..يروحي
رضا... اني تركت المطعم خسرنة
اني....وهسة
رضا... ماكو شغل
اني ... انطيك ذهبي وسوي هنا بالمنطقة محل صغير واني احظرلك السلطات
رضا.... لا حب هذا ذهبج ومالتج اني ادبر نفسي وطلع يشتغل عمالة وتعب كلش واني متت قهر علية وانوب صرت حامل وصار الشتة وكعد من العمالة بدت متطلبات الحياة تزيد والرجال من حال الى اسوء واني كمت وبعت الذهب ونطيتهيا كووة حتى يشتغل مشروع صغير والله قنع وفتحى وهم اول فترة الحمد لله ونجح وراهة تدهور الوضع وصارت عندي بنية نرجس وكوة دبرنة العيشة ورجع للعمالة ومرت سنتين ما بين العمالة واعمال حرة لاخ تبهذل وضعنة كلش وطلعت حامل 😢 وهم بنوتة بس والله فرحتنة ببناتي تنسيني كل همي وقهري وتعلمت اشتغل وية عمي بالبيت اندف وياة لحف دواشك مخاد هل سوالف ومشت سنتين لاخ وهم بيوم من الايام فاتتني رغم الاحتياط طلعت حامل مفرحت لاول مرة بحملي احس نغزني كلبي رغم فرح رضا بس اني مكتابة ليش ما ادري بس كلت الحمد لله والله موجود
