#طعنة_قلبي

البارت السابع

#طعنة_قلبي
بقلمي فردوس عبد اللطيف
البارت. السابع
++++++++++++++++++++++
أعذر تمردي
واعذر حروفي
لكن الآن سأصرخ
وأنا بقمة هدوئي وقد ودعت جنوني
أحبك ... أحبك ... أحبك .يــا ...
آسفة حبيبي
سأحتفظ باسمك
لأنه ملكي أنــــا
أنـــــا فقط
++++++++++++++++++++
زوزو ..انطيت لنفسي مجال يومين افكر بيهم هذا قرار مصيري لارجعه بي مع ان عماد هو فرحتي وهو سعادتي
في كل مره افكر بيهه كنت اتمنى استعجل بقراري وأوافق بدون تردد وبدون حتى ما افكر بالموضوع ولازم اخطوا  هذه الخطوه لأكون مع حبيبي لان الي شفته من اهلي شي صعب واتخذت قراري بالموافقة بدون ما احسب حساباتي
لأني بكل الاحوال خسرت اهلي وفرضت عليهم هذه الزواجه
كنت اعرف انهم رافضين موضوع زواجي بداخلهم لكنهم مجبرين يوافقون بسبب ضغوطاتي وإلحاح عماد
سميه ..حجي بلغ ابو زهير البنت موافقة
ابو امير ..مبروووك
ابو امير ..السلام عليكم شيخنا
ابو زهير ..عليكم السلام ايو امير ها بشر
ابو امير بلغ الولد يجيب اهله البنيه موافقة واحنا هم ماعدنه مانع
ابو زهير ..الف مبارك ابو امير ترى الولد خوش ولد وابن اجاويد
ابو امير .. تدلل اخوي ابو زهير
+++++++++++++++++++++
زوزو .. اجوي اهل عماد وتمت خطوبتنا وفرحتي كانت ماتنوصف اسعد يوم بحياتي هو يوم الي لبست حلقة خطوبتي لعماد
عماد ..حبيبي زوزو يوم الخميس نعقد
زوزو ليش مستعجل خليها بعد الامتحانات
عماد ولج شبقى عالامتحان وبعدين العرس حايكون بعد الامتحان
زوزو ..بكيفك ياعمري وهماتين تكدر تجي يمنه بالبيت لان تعرف اخوي امير مانعني من الطلعه وياك عبالك اني بسجن
عماد ..حبي تحضري يوم الخميس اجيب الشيخ لبيتكم ونعقد
+++++++++++++++++++++++
يوم الخميس كعدت الصبح واحسب الوقت والساعات شوكت يجي العصر ونعقد قرانا اني وحبيبي
خليت مكياج خفيف ولبست فستان وردي قصير بف وصديقتي ريم عدهه واهس تسوي تسريحه سوتلي شعري
لمى ...حظنتني (الف مبارك اختي العزيزه طالعه تخبلين ربي يسعدج مع عماد وتخلصين من السجن )
زوزو ..يوم الج يا أعز اخت وان شاء الله افرح بيج بيوم خلاصج من سجن امير
لمى ..امين ياربي
سمية ..يالى زوزو اجه العريس والشيخ تعالي بغرفتي جوه حتى يسالج الشيخ
يمه هاي شطالعه تخبلين ما ادري ريومه هيج فنانه
الشيخ ... يا زينب بنت عبد الكريم هل تقبلين بتوكيل والدك عبد الكريم وكيلا عنك
زينب ..نعم
كللللللللووووووووش مبرووك
سميه ..ولكم بعد خلي يعقدون القران بين ابوهه وعماد
تم عقد قرآني وصرت شرعا زوجه عماد ...بهذا اليوم نزلت محبه بكلبي لعماد مختلفة تماما عما كنت اشعر بي قبل عقد القران حسيت معاه بالامان والدفء والحنان
حبيبي عماد اول وآخر حب بحياتي صرت الان زوجه شرعيه
بعد ما عقدوا مابين الاب وعماد اشتغلت الهلاهل والفرح بيت ام امير ..الا بيداء كانت تنظر نظره حقد لزوزو لكن ماتبين
بيداء ..مبرووووك زوزو اخيرا اخذتي حبيبج
زوزو ...شكرا بيداء يوم الج تأخذين حبيبج
بيداء ..قريبا عيني
زوزو .. لج لمى اريد اكوم اكتلهه هاي نرفزتني
لمى ... لج دعوفيها وضحكي ع عنادهه هاي ميته قهر
سميه ..بنات لبسو حجابكم اجه العريس
عماد ..باسني من راسي مبررررروك حبي
زوزو ..خجلتني عماد
عماد ..انت حلالي ومحد يمنعني عنج
لبسني الذهب والحلقة ....
++++++++++++++++++++++
داومنه وبدت الامتحانات النهائية وعماد هذه اخر امتحانات عنده انشغل بالدراسه واني هم كظيتهه قرايه الوقت محسوب علينا مانريد نضيعه
بهالفتره ما تخلوا المشاكل ويه امير كل يوم يسمعني حجايه ا
بعدهه تخرجت بيداء من المعهد وتمت خطوبتهم وصارت تجي تسمعني كلام واني كنت احاول اشغل نفسي بالدراسه
عفتهه واعتبرتهه غيرانه وتعودت ع كلامهه المسموم
+++++++++++++++++++++++
عماد ..اليوم كملنا امتحانات عازمج ع الغده بالمطعم
زوزو ...حبيبي اخاف امير يسويلي مشكله
عماد ..ترى ميصير هيج باعي لعد بعد اسبوعين نتزوج
نبقى اسبوع ببغداد وراها نروح يم اهلي هناك نعيش بعد
زوزو ..فدوه حبيبي خليني اشبع من امي هالفتره التهيت بالامتحانات وما شبعت من اهلي
عماد ..لا فدوه اريدج بين أحضاني بعد ما اتحمل
زوزو ..ماشي بس خلي اشتري جهاز العرس
عماد ..باجر الصبح اجيبلج الفلوس وروحي اشتري الي يعجبج
++++++++++++++++++++
اليوم الثاني اجه عماد من الصبح وجابلي الفلوس واخذت ماما وطلعت للسوك وكوه اقتنعت ببعض الملابس واشتريت مستلزمات العروس ...كظيناها اسبوع نطلع يوميه كل يوم نروح منطقة ما خلينه مره للمنصور ومره للبياع ومره للاعظميه وشارع فلسطين ماخلينه سوك مارحنا بي وكل سوك احلى من الثاني صرت سمره من الفر والتعب ذبلت
سميه .. كافي مشتريات بعد هالاسبوع كعدي بالبيت ريحي بشرتج وجسمج وراج عرس لازم تطلعين بمنظر عروس مو هسه شكلج كانج تشتغلين عماله
زوزو ...يوووه ماما فوك القلق الي اني بي انوب تهبطين معنوياتي ليش
ام امير .. مرحله ماقبل الزواج كولنه مرينه بقلقهه جدا عادي وطبيعية
+++++++++++++++++++++++++++
الأسبوع الاخير واني عند اهلي مرت الايام بسرعه مع اني حبست نفسي بالبيت حتى وجهي وبشرتي ترتاح بس بقى فستان الحنه والعرس لازم احجزهم
بيداء .. زوزو هالمره من ترحين للصالون بألحنه خلي خطيبج يدفع فلوس الصالون مو مثل يوم العقد اهلج دفعوا
زوزو ..هو منو كلج اني رحت للصالون كوله بالبيت وصديقتي ريم هي الي سوت شعري
بيداء ..بلي اني سمعت من امير هو كال كوله براسنه
زوزو ..لا عيني خطيبج متوهم وهالمرة اروح للصالون صدك واطلع احلى عروس
لمى ..اختي متحتاج صالون ومكياج هي حلوه من كاعهه
بيداء ..بس ليش يسموهه عروس لازم تتزروق
زوزو ..اني ما احب الزروقه
+++++++++++++++++++++++
زوزو انقهرت من كلام بيداء ولازم احجي ويه امير
كاعدين كل اهلي متجمعين وباجر الحنه وراها العرس
زوزو ..اخوي امير اني من فتحت عيني عالدنيا شفتك انت اخوي وابوي لان بابا كان مشغول ع طول وانت الي ربيتني
كمت وكفت ع طولي ..وتاليتهه هيج تسوي بي وتحجي هيج كلام ...لهنا وخلص الكلام بينا
درت وجهي ومشيت ...جرني من ايدي وحضني باوعت عليه شفت دموعه نازله حظنته وبقيت ابجي واشهك
ركض جابلي ماي وطشه ع وجهي وشربني ماي
زوزو .. امير
امير .. كولي حبيبتي
زوزو .. جوعانه
كلهم ضحكوا علي
امير ..هههه الظاهر انت جوعانه وحجيتي وياي هيج
زوزو ..لا اريد اكل من ايدك
امير ...باسني ....من عيوني ام الزوز
لمى اني اجيب الاكل
كعدنه وأكلنا وضحكنا ....كم هي جميله الحياة بلمة الاهل والمحبه تسود بينهم بدون نكد ولا كلام يجرح
ياريت كل انسان قبل ما ينطق الكلمه يفكر بيهه وقبل ما يتصرف لازم يفكر ويحكم عقله يمكن الكلام الطيب يجيب نتيجه افضل من الضرب ولكن التعصب العشائري هو سبب كل الي حصلي وخلاني افكر استعجل بخطوه الزواج وفضلته ع مستقبلي الدراسي
++++++++++++++++++++++
بيوم الحنه لبست فستان ماروني والحلاقة ما قصرت بالمكياج والتسريحه بناءا ع طلبي كان مكياجي خفيف
تمت الحفله وباجر يوم زواجي ع حبيبي عماد
نمت اخر ليله في بيت اهلي وكلي يقين اني ذاهبة الى بيت الزوجيه والسعاده الابدية مع الانسان الي حاربت اهلي من اجله
++++++++++++++++++++++++
يوم العرس
كعدت الصبح مابين فرحانه او مقهوره لان حا افارك اهلي
وفرحتي بحبيبي عماد لان اليوم حا يتحقق حلمنه ونتزوج
الوقت يركض بسرعه رحت للصالون ولبست الفستان الأبيض ...ورجعت لبيت اهلي
اباوع لامي دموعهه تنزل وتمسح بيهن وتحاول تخفيهه
وابوي يتهرب حتى لا يشوفني ويبجي
اجه عماد ..يمه طالع يخبل لابس قاط فدوه لطوله ردت روحي من شفته وكلبي كام يخفق بسرعه
واصدقاءه يهوسون (أخونه خوش اخو يستاهل الهوسه ..وووووو ) اشتغلت الهلاهل
صارت ساعه الفراك وبديت اسلم ع اهلي ودعت ابوي وامي بالبجي واختي لمى حظنتني وهمست باذني اليوم اشلون اكدر انام وانتي ماكو
باوعت ع امير وهذه اول مره اشوفه يبجي علي بحركه
تقرب مني ولزمني من بطني وسحبني للغرفة
امير ..لزمني بطني ...زوزو بعدهه تاذيج
زوزو ...شنو
امير ..الجرح السجين بعدهه توجعج وهو يبجي
زوزو .. صفنت بوجهه  حظنته وكلت لا خويه شي صار وانتهى وصار ماضي وبقينا نبجي
امير ..يالى زوزو العريس ينتظر
زوزو ..اشرتله براسي نعم
اخذني بايده وسلمني بيد عماد وبوسه وكله دير بالك عليها
زفونه بالسيارات والكل تركص
عماد ..لا تباوعين
زوزو ..ليش
عماد ..ما اقبل اغار عالكمر من الناس تباوعله لان هذا رويحتي
زوزو ...ههههه ضحكت
ودونه للاستوديو واخذنه صور وزملائة وصديقاتي اخذو ويانه صور وراها زفونه للفندق
اجوي سلموا علينا وراحو
دخلنه للغرفه بالفندق
زوزو ..يالى
عماد شنو
زوزو ..اطلع اريد ابدل
لزمني من خصري وحظني ...ما اطلع ..وفتح شعري
احس طابوكه وانفتحت وطبع بوسه ع شفتي وخدي
زوزو ..يالى اطلع اريد ابدل
كعد عالسرير ...ما اطلع اني كاعد هينه
زوزو ..هاي شنو اليوم تحجي لهجه الغربيه ومرات تحجي لهجه الجنوب ضحكت
رحت للحمام حتى ابدل
اريد افتح السحاب ما ينفتح
عماد ..هاي شنو نمتي خو ما نمتي يول هاي وينج افتحي الباب
زوزو ..فتحت الباب
عماد ..هاي شنو مابدلتي
زوزو ..اريد افتح السحاب مجاي الوحه
عماد ..انداري قرب جسمه ع جسمي
يفتح بالسحاب ويمرر أصابعه بظهري لمسه حنيه وكع الفستان لصدري لزمته
عماد ..عوفيها
زوزو ما اعوفها
عماد ...اليوم شنو ما اضوك الكيمر والعسل
زوزو ..لا ولك ما تضوك روح
عماد ..اشتعل عماد وجده
فتت بالحمام ولبست سيت ابيض بي فتحات من الجوانب وعليه روب ستن والردن جرس وبي شغل
عماد ..تعالي تعشي
زوزو اجيت اريد اكل وكنت جوعانه بس من الخوف ماكدرت اكلت بس لكمتين وراها رحت للحمام غسلت وطلعت لكيته متمدد عالسرير وفاتح قميصة
تعالي حياتي بحظني
زوزو ..ضحكت صعدت عالسرير وتغطيت
كلما يتقرب مني ابتعد لحد ما وكعت بالارض ...اخذتهه حجه وبقيت ابجي
عماد ..هاي اشبيج خايفة
شالني وصعدني عالسرير وهمس باذني (اريدج حلالي )
لهنا وكافي عرسان خلي نعوفهم خطيه شنو عبالكم  احجيلكم شصار .. هذا حدنا اليوم انتظروني بالبارت القادم نشوف ماذا ينتظر زوزو في البصره
تحياتي لكم الكاتبه "فردوس عبد اللطيف "