معاناة فتاة

البارت الاول

معاناة فتاة
بقلمي(وردة الجوري)
الجزء الاول
مرحبا اسمي منى عمري 27 سنه اني معلمه عايشه ويه امي وابويه
عندي 3 خوات كلهم مزوجات اني بنت الجبيره
بعدي تجي مروه متزوجه ابن عمي مرتاحه وياه عدها بنات توم وراها اميره متزوجه واحد غريب هو جان شايفها كدام المدرسه وحبها واجا خطبها عدها ولد واحد وراها عبير هاي اخر العقود مدلله ابويه زوجها لابن خالي هي مرتاحه كثير وما عدها ولاد بس هي حامل كل شهر يجون اسبوع على بيتنا نتونس وياهم كثير
همه وولادهم احب ولادهم وهمه يحبوني كثير من يجون اخذهم على غرفتي وافرش بالكاع وننام
امي ربه بيت وابويه جان استاذ بس اتعاقد هسه كاعد بالبيت واني اصرف عالبيت كلشي عليه

خلي احجيلكم عني اني جان عمري 16 سنه ابويه زوجني لابن صديقو اني كلشي ما جنت اعرف عن الزواج امي حجتلي من اتزوجت ابد ما ارتاحيت زوجي جان اكبر مني بهوايه وعصبي وما يتحمل كلمه مني عانيت منو كثير
جان يضربني واكثر من مره كسر ايدي دام زواجنا 5 سنوات وصلت لدرجه كمت اكره شي اسمه زواج
ابويه زوج خواتي بقت الصغيره عبير
مره اتكاون ويايه علمود ما حملت لهسه ضربني ضرب مصاير اتكسرت طلعت رحت على بيت اهلي طلبت طلاق ابويه عارض بس من شافني معانده وافق
لان هو شاف المعاناتي وياه
طلقت وعمري 21 سنه كملت دراسه صرت معلمه بالابتدائي
اكره الزلم كلهم ولا واحد بيهم عندو غيره
هوايه جولي خطابه بس ما وافقت ابد
اخاف اعيد نفس التجربه وافشل
مواصفاتي
اني طولي 160 عيوني وساع خشمي صغير حلكي وسط مو كلش جبير عندي شامه فوك حلكي ابد ما احبها ما اهتم بنفسي دائما اكول اذا جنت مخربطه الزلم ما راح يدحكون عليه لان بالعراق المطلقه ابدا ما عدها حظ الرايح والجاي يعيرها انو هي سبب طلاقها ويخلون الرجال اشرف واحد
اني موكلش ضعيفه يعني جسمي عادي
البس جبب طويله وملفع(شال) الوان غامقه
ابد ما اخلي مكياج
ورا سنتين من طلاقي اختي عبير اتزوجت

اني ادرس الصف الثالث ماده رياضيات ادرس البنات

اليوم كمت من النوم لبست دشداشتي طلعت رحت عالحمام غسلت ورجعت بدلت

نزلت حضرت الريوك لامي وابويه واكلت طلعت المدرسه قريبه عالبيت اروح مشي اني امشي مدنكه ما اباوع لاي احد
مرات الشباب يذبون حجي عليه بس ما اهتم
رحت سلمت عالحارس رجال جبير بالعمر خطيه
رحت عالغرفه معلمات سلمت وكعدت ورا 10 دقايق دك جرس رحت عالصف سلمت والبنات كعدو
منى،،، يلا بنات طلعو الكتب والدفاتر كتبتو الواجب لو لا😊
البنات ،،، اي ست كتبنا
منى،،، يلا بنات راح افتش
كمت افتش البنات وصلت رحله الاخيره شفت بنيه مدنكه راسه وحاضنه دفترها
منى،، افتحي دفترج خلي اشوف
،، ست اني اني ما حليت😔
منى،، ليش ما حليتي شنو اسمج
،، اسمي حنين ما حليت لان باباجان بالدوام واتاخر اليوم
منى،، ليش وينها امج
،، ماما ماتت
نزلت دمعتها انقهرت كثير عليها حضنتها
منى،، يلا حبيبتي مصار شي كافي تبجين هسه ماما تزعل من تشوفج وانتي صرتي كبيره اي شي تحتاجيه تعالي كوليلي😘
حنين،، شكرا ست

اتاثرت بيها كثير جانت شعرها مخربط بالفرصه رحت صيحتها اخذتها يمي جانت اكو مشط بجنطتي مشطت شعرها سويتها كذله(ضفيره) شعرها تخبل طويل واسود
فرحت كثير
خلص الدوام رجعت عالبيت شفت امي مسويه غده مقلوبه رحت بدلت ونزلت حضرت احنا ناكل بالكاع اكلنا سويت جاي شربنا وغسلت مواعين رحت على غرفتي صليت واتمددت جت على بالي حنين ابتسمت اشكد حلوه الله يحفظها
بيوم الثاني ..........
يتبع
مرحبا هاي قصه جديده وكل يوم راح تنزللكم البارت واتمنى تعجبكم وعلقولي