معاناة فتاة
بقلمي(وردة الجوري)
الجزء الرابع
وليد،، شوفي اني ما متزوج وحنين مو بنتي هي بنت اخويه حنين ما تعرف بهاي شي وما اريدها تعرف اني ما اكدر امشي زين مره حبيت بنيه رحت خطبتها ما وافقو علمود رجلي
من ذاك الوكت كلت ما راح اتزوج ابدا بس من شفتج ما اعرف ليش ما اكدر انساج ما تروحين من بالي ابدا
اعرف ماكو بنيه تقبل بيه بوضعي هاي وافتهم رايج اذا رفضتيني بس ما كدرت ما اكلج اني من شفتج حبيتج اتمنى توافقين عليه وهم علمود حنين ما اعرف اشون اتصرف وياها حتى ما اكدر اروح عالشغل
منى،، انصدمت من حجه ويايه ما عرفت اش ارد عليه
اني اسفه بس انصدمت ما اعرف اش اكول اني ما اريد اتزوج انت ما تعرف اش صار بيه من اتزوجت
ما اريد اعيد التجربه وانت الف وحده تتمناك انت ما بيك شي ناقص بس اسفه ما اكدر يمكن العيب بيه ماعندي ثقه بأحد اتمنالك التوفيق
وليد،، الله يوفقج جنت اتمنى جوابج تكون غير اتأكدي راح انتظرج دائما
منى ،، ابو حنين ماكو داعي تنتظر لان اني ما اريد اتزوج
وليد ،، مايخالف شوفي بأي وقت تريديني اني موجود
منى ،، اني صار لازم اروح اتأخرت فمان الله
وليد ،، فمان الله
منى
رجعت عالبيت حجي وليد بأذني ابتسمت وكلت الف وحده تتمناه يا ريت اكدر اوافق بس مستحيل خاف بعدين يغير معاملتو ويايه
رجعت ورا الغده امي جت عندي كعدت يمي
امي ،، اشونج بنتي ليش اليوم اتأخرتي
منى ،، ماما ما اعرف شكلج بس صار شغله ويايه
امي ،، يا ستار كولي يمه شكو شصاير وياج
منى ،، اسمعي قبل فتره اتعرفت على بنيه بالصف
.ووووو......
حجيتلها كل شي ل اليوم
امي ،، بنتي اني ما اريد اغصبج بس اكولج رايي الرجال شاريج وامبين يحبج صح هو ما يمشي زين بس بنتي الرجال ما يعيبو شي وعيشتغل مو احسن من كثييير شباب ما بيهم اي شي وكاعدين عطال بطال
لا تاخذين قرار سريع وهو كلج انتظرج فكري زين
اني وابوج من نموت انتي وين تبقين والله تصيرين علك بحلوك الناس مطلقه عايشه بوحدها
منى ،، يوم بس اني مو سبب بطلاقي
امي،، ادري بنتي بس الناس ما تدري الناس عليها بالظاهر ما عليها بالباطن
وحتى اذا رتي تعيشين ويه خواتج اكيد بعد فتره ازواجهم راح يتذمرون ما راح ترتاحين بالعيشه وياهم
البنت مكانها ابيت زوجها
منى ،، يمه كلامج صح بس اخاف اعيد التجربه ويطلع نفس ذاك الحقير اووف اشكد اكرهو دمر حياتي
امي ،، يمه اصابيعج مو كلهم نفس شي وامبين الرجال شريف وعندو غيره وكرامه
منى،، ما اعرف يوم الله كريم
امي ،، يلا حبيبتي كومي نامي الله يوفقج بنتي
منى،، شكرا يوم
راحت امي واني بقيت افكر صح كلام امي بس والله خايفه
وليد
من رفضتني منى ضجت كلش كلت بس ابدا ما راح استسلم وراح احاول مره ثانيه اخليها فتره وبعدين ارجعلها
رجعت عالبيت شفت حنين نايمه خطيه بعد اسبوع اخذها يفتحون الجبس
كامت حنين
وليد،، اشونج بنتي انشاء الله احسن هسه
حنين ،، اي بابا بعد ما اتوجع
وليد ،، اي زين يلا راح اسوي غده
حنين،، اي والله بابا كثير جوعانه بابا.... بابا
وليد،، ها بنتي اش تريدين
حنين،، بابا مشتاقه كثير لست منى
وليد،، والله مو انتي اني هم طبعا يحجي بكلبي خايف ينفضح ههههه
انتي طيبي وارجعي عالمدرسه وتشوفيها
حنين ،، اي بابا انشاء الله
وليد
حضرت غده سويت بطاطا اصابع وبيذنجان قلي وثرمت طماطه وخيار طبعا اني ما اعرف كثير بالاكل بس اعرف نواشف
اكلنا غسلت مواعين رحنا نمنا
مر الايام نفس الروتين
ورا اسبوع فتحنا جبس
جنت بالمستشفى امسح سمعت صوت سياره اسعاف وركضو الاطباء ورا ساعتين رحت امسح الممرات رفعت راسي شفت
منى كاعده عالكاع لابسه جبه طويله نيلي و ملفع (شال)
كاعده تبجي بحركه
حسيت وكف كلبي رحت يمها كلت
وليد ،، منى اشبيج اشصاير وياج ليش تبجين هيجي
منى
بيوم كمت من النوم على صوت صياح امي نزلت شفت ابويه متمدد ما يتحرك ما عرفت شسوي بالاخير اخذت تلفون خبرت الاسعاف جو اخذو ابويه بس
من وصلنا المستشفى الدكاتره كالو المريض ميت من 3 ساعات
انهارينا اني وامي اشون راح نعيش بدون ابويه صح هو ما يسوي شي بس يبقى اب حامي ظهرنا
جنت ابجي سمعت صوت مو غريب عليه
رفعت راسي شفت وليد
حسيت بأمان من شفتو من كال اشبيج بجيت اكثر كعد يمي
وليد ،، الله يخليج كافي بجي بس كوليلي اشصاير وياج
منى ،، وو وليد اابويه ممات ما ظل احد عندي و وامي انهارت انطوها مهدئ ما اعرف شسوي
وليد،، بقيه بحياتج لعد اني وين رحت وانتي قويه وانشاء الله تتجاوزين المحنه يلا كومي غسلي وجهج وخبري خواتج خلي يجون يشوفون ابوهم قبل ما ندفنو واني راح اروح اسوي الاجراءات
منى ،، ما اعرف اشون اشكرك
وليد،، عيب هاي الحجي يلا امج وخواتج محتاجينج ما لازم تضعفين صيري قويه
منى،، انشاء الله
كلامو حسسني بالامان لازم اصير قويه علمود اهلي
خبرت خواتي جو بجينا كثير و وليد ما عافنه سوى الاجراءات اخذنا ابويه اصدقاء وليد ساعدونا ويه عمامي طبعا عمامي كل واحد حاير بنفسي حالتهم كلش تعبانه
سوينه الفاتحه خلص الفاتحه
عمي كال ......
يتبع
