آهات صامتة

البارت 14

سامر: اووف من وراك اليوم راح ابقى بالبيت ..كل يوم اني بهيج وقت..
اسيف : قاطعتة ..بهيج وقت دايح 😒..
- ووجع منو الدايح ..
- جدي .. غير انت ..
- راح اتجاوزك بأخلاقي ..
- اخخ يا اخلاق هاي التحجي عليها ..
- هم راح اتجاوزك ... يلاااا خل نطلع اختنكت باع الغرفة تخنك ..
- اي اوووكف شبيك تكمز خل يخلص المغذي ..
- اووف اووف ..
- ووجع لتصيح بعدين انت ما مربوط بيه اطلع وخلصني بالعكس ارتاح منك ..
- حجيت بهدوء ومبتسم ... لا بعد گلبي ما اعوفك .. غير انت النفس ..
- سترك يارب هذا شبي هيج يحجي شكلة متلبسة جن هسة توة جان يصيح ...
_________________
بعد ساعتين ..
سامر : حجيت بملل ..يلااااا اخخ گلبي خلص ..
اسيف : اي اي جيت جيت كافي مو فقعت مرارتي صار ساعتين تكمز ..
طلعنا نغير جو نمشي بشوارع لندن الجو يخبل مو بارد بس مو حار كلش حلو راحة نفسية بقينا نمشي ونحجي ..
سامر : اخخ بوية احترك جدي لك باااوع ..
اسيف : بسم الله هاي شبييك ...
- لك باع الصاكة هاي غير تكتل ..اخ بوية تموت ..
- طيح الله حضك انت غير ک......
- انت متنلصم شنو شبيك بارد متشوف هالجمال ..لك هاي الله خلقها وكسر القالب ما اضن اكو مثلهة كلهن زلم بس هية مرة ..
- رقمها اذا بيك خير ..
- هه تتحداني ..كل الخير بية .. و اشوفك شلون ..
- ابن ال... تعال وين رايح شبيك ما صدكت شنو قابل لعبة ..
- دطيير كام يبيع مثاليات ...
- زين انت ترضاها على اختك ..
- اسيف ترا عادي واذا ارتبطت شكو بيها ..
- سامر المشكلة مو انو ترتبط .. بس انت ما رايدهة زوجة الك وتكمل حياتك وياها ..انت اخذتها من باب التحدي مو لان حبيتها ...
- وشبيها ..عادي ما بيها شي هوة احنا بعدنا بشبابنا شكو بيها اذا تونسنا ..
- تتونس على حسابها ..ليش التنطيك گلبها عادي تلعب بمشاعرها ..
- اهوو يمعود فكها هالعقدة ترا عادي كل مراهق يمر بهاي المرحلة ..شي كلش عادي ...
- لا ابدا مو عادي اولا اني وانت اهلنا معروفين والكل يحلفون براسهم ..هسة اني احتمال لان غبت فترة حاليا ميعرفون انو اني اسيف حفيد معاذ بس انت الكل يعرفوك  .تقبلها يحجون على اهلك ويكولون ابنهم صايع ويدور بنات ... ثانيا انت مو مراهق ..عمرك 19 سنة .. صرت جبير هسة ..
سامر : سكتت لان اعرف اذا جاوبت يردلي بمحاضرة اخرى عندة استعداد منا لباجر يكعد يحجيلي ... بس مع ذلك صح سكتت بس فكرت بكلامة ..فعلا هاي الحركات مو مال واحد عاقل وفاهم ..مال ملطلطين ..
اسيف : اتمنى اقتنعت بكلامي ولو اني ما اجبرك انو تطبقة بس حبيت افهمك ليش اني ممرتبط بعلاقة عابرة لحد هسة ..
- بس ندى مو عابرة وهية تحبك وتريد تكمل حياتها وياك ..مع ذلك ما ردتهة وصديتها ..
- هم رجعنا لنفس الموضوع .. بابا اكلك ما اريد مااا اريييد ..اخخخ گلبي خلص ....فكنا من هالسيرة ..طلعنا نغير جو ليش تعكر صفوي ..
- هسة هذا الموضوع يعكر صفوك صار ... خلص بعد ما احجي بي بس يجي يوم و تعرف ليش هلكد حجيت .. وراح تفهم شعور ندى ..
- الله كريم منا لذاك اليوم
  سامر طول الطريق گالب خلقتة وساكت ..
هيي شبيك ..عدل خلقتك لا اجيبك ببوكس اگلب تعابير وجهك ..
- شبيك گ.... احجي عدل ..
- لك منو الگ...
- اني اني ...😂
استمتعنا اليوم ورحنا لمركز التسوق اشترينا كم شغلة ورجعنا بالليل تعبانيين ...
اسيف : اووف تكسرت هاي اطول طلعة من الصبح لليل ..
سامر : اجيت رأسا انمطلت عالسرير ونمت ..
______________
بعد اسبوع ...
بدة الدوام وشلعان الگلب طبعا اني بالعطلة هم جنت اشتغل بالمطعم بس اخذت اجازة فترة اكثر من  شهر من صار الحادث ...
جهاد (صاحب المطعم ) : اسيف ممكن تنطيني سبب مقنع خلاك متداوم لاكثر من شهر ..
- اعتقد اني نطيتك سبب ..
- والي هوة ..
- كلت صار وياي حادث ووضعي ميسمحلي اشتغل ..
- وقبلهة اخذت اجازة يومين والسبب جنت مريض ..دامك دائما مريض لتشتغل ..اني ما ضارب سند بيك. .اريد الشغل يمشي معليه..
- انت عندك موضف بديل ..
- عندي بس انت كلتها ..بديل يعني المفروض انت دائما بس اذا وضعك ابد ميسمحلك انو تشتغل ..
- دا اكلك اصلا صار حاادث يعني قابل دا اجذب علييك ..
- بصراحة مقتنعت بعذرك ...
- والله تريد تقتنع او متريد هاي يمك اني كلت بعد ..
- لللك احجييي عدللل...
- ضربت ايدي عالميز وحجيت بصوت عالي .. نززل صوووتك ولتتترفعه من انييي كااااعد احجييي وياااك ... انت مجااي تحجي وياا طفل ..
- لك انت تعرف منوو انيييي .. زعطوط يتطاول عليه ويرفع صوتة كدامييي .. تتذكر من اجيت تريد تشتغل يمي .. كلت اي شي تسوي بس تشتغل ..
وهسة اشو طلع لسانك ..
- احس شوية ويصير بية شي هلكد ما تعصبت ..گلبي يمكن كام يدك 100 من العصبية .. اييي اعرف منوو انت بس الظاهر انت متعرف منوو انيي .. ويجي يووم وتعرف الزعطوط هذا منو ..خليك متذكر ..
- جيد منا لذاك الوقت انت مطرود ....
- ههههههه لاا اني استقيل .. وال 50 دولار مالتك الي تتصدق بيهم علينة ممحتاجهم ..خليهم الك ....
- براااا ..
- هه ليش تعصبت ..اعتقد مكلت غير الحقيقة.. طلعت وسديت الباب بقوة .. الكلب شايف روحة فد شوفة ..هههه يجيك يوم واردلكياها اضعاف .. سهلة سهلة ..
.
.
.
سامر : كاعدين على كراسي بالحديقة مال الجامعة واسيف مو طبيعي كأنة متضايق من شي ... اسيف شبيك ليش هيج متضايق ..
- ماكو شي ..
- اكلك اسيف..
- كوول ..
-  احس الفندق شوية صغير وممرتاحين بي و غرفة وحدة متكفي ..
- ايي ..يعني؟
- قبل كم يوم شفت بيت صغير ومرتب وكلش حلو ..
- عدلت كعدتي وباوعتله.. بيت كامل ..
- لا بس المطبخ ..اي لعد شنو غير نشتري بيت والله احسن ..
- اخذت نفس ..شكد سعره ..
- ايجار..
- شكد ..
- 900دولار ..
- شدعوه هذا سعر بيت جبير مو مثل ما تكول صغير..
- اسيييف عفيية كلش حلو وترا سعره مو كلش غالي ..
- سامر ترا اذا خليت كل الي يحولة علي والي تحوله والدتك ميطلع 900$ واذا كدرنا نجمع هذا المبلغ كل شهر مراح يبقى شي للمستلزمات الاخرة ..عندك بي بس الاثاث ممكن يكلف 5000 $ ..زين ومن وين نعيش ..
- بعيدا عن المستلزمات الباقية انت مو دتشتغل واني هم راح اشتغل ..
- لا خلص اني اليوم قدمت استقالتي ..
- لييش ..
- بعد ما اشتغل هناك وخلص .. ان شاءالله اشوف غير مكان .. بس فكرة البيت صعبة .. شيلها من بالك مترهم ..
- زين نشوف غير واحد وسعره اقل .. فدوة سيوف والله البيت احسن ..
- خلص خلص نشوف واحد ارخص من هذا بس ترا قبل لا ناخذة لازم نشوف شغل ..
- اي هاي هية اليوم ورا الدوام نشوف ..
- ديلا راح تبدي المحاضرة مالي خلك اسويلي عركة اخرة ويا الاستاذ ..
- هههههه استاذ مصطفى ميتفاهم ..
- يالله هالرجال شكد يفيك وعلساس ماكو منة وهوة الصح والباقي غلط ..المشكلة محد معبرة الكل لابسينة ..
- ههههههه كافي ولك يسمعنا وبعد شيخلصنا .. 
اسيف : طبينا للقسم واجة طالب اني مو كلش اعرفة بس هوة دائما يدور مشاكل ..اجه وانطخ بيه بقوة وحسيتة متعمد  .. طبعا جنت تعبان وما بيه اتعارك فسكتت ..