نهاية وعد بداية حب - منى سليمان (الجزء الأول لسلسلة نهاية وعد)

الفصل الخامس... بقلمي منى سليمان

الفصل الخامس
*دموع .. وداع .. عودة   *

بعد مرور أسبوعين انتهت امتحانات يارا وبمجرد أن غادرت الجامعة وجدت جاسر بانتظارها حاملا باقة من الزهور الحمراء التي تعشقها يارا
جاسر: وحشتيني ، اتفضلي
يارا: وأنت كمان يا حبيبي ، الله الورد حلو أوي
جاسر: مفيش حاجة أحلي منك خلاص امتحاناتك خلصت وملكيش حجة
يارا: تحب تقابل بابا بكرة ؟
أرتبك جاسر بشدة فقد تحدد موعد خطبته مساء غد
يارا: جاسر جاسر
جاسر: نعم يا روح جاسر
يارا: سرحان في إيه ؟
جاسر: لا مفيش ، إيه رأيك تبلغي والدك أن أخر الأسبوع هأجي أنا وبابا ومرة تانية ماما تبقي تيجي معانا لأنها تعبانه شوية
يارا: زي ما تحب
جاسر: طيب يلا بينا
يارا: هنروح فين ؟
جاسر: هخطفك بس هرجعك بيتك الساعة ١٠ يعني قدامنا ١٢ ساعة أخطفك فيهم براحتي
يارا: تمام يا حضرة الضابط
حاسر: عربيتك معاكي ؟
يارا: لا خليت بابا يوصلني الصبح وقولتله مي هتوصلني لأي هخرج معاها ومش هتأخر عن الساعة ١٠ زي ما اتفقنا
ابتسمت يارا وبادلها جاسر بابتسامته الساحرة ثم دلفت إلى السيارة فأنطلق بها جاسر إلى أن وصل إلى فيلا راقيه ذات حديقة واسعة فصف سيارته وترجل منها
جاسر: يلا أنزلي
أمسكت يارا يد جاسر وترجلت من السيارة
يارا: أحنا فين ؟!
جاسر: أحنا في العش اللي هيجمعنا يا روح قلب جاسر ، اشتريت الفيلا من شهر وسلمتها لمهندس ديكور ظبطها وفرشها علشان مفيش أي حاجة تعطلنا لأني عايزك معايا وجمبي في أقرب وقت ، عايز أصحي وأنام في حضنك ، عايز أخبيكي جوايا يا أجمل يارا
رفع جاسر يدها لتستقر عند شفاه وطبع عليها قبلة حانية فابتسمت له يارا ابتسامة ساحرة
يارا: أنا بحبك أوي يا جاسر
جاسر: لا بقولك إيه أنا مش قد الابتسامة الحلوة دي كده هتهور
يارا: هههههه كداب أنا عارفة أنك هتحافظ عليا
جاسر: ربنا يخليكي ليا يلا ندخل بقي ، النهارده أنتي ملكي أنا وبس
دلفت يارا إلى الفيلا ممسكه بيد جاسر والسعادة تملأ قلبها
جاسر: إيه رأيك في ذوق العبد لله ؟
يارا: واو تحفه بجد
جاسر: أنتي لسه شفتي حاجة تعإلى أوريكي أوضة النوم
غمز لها جاسر مشاكسا فوكزته يارا في صدره
جاسر: اي اي طلعتي متوحشه كمان
يارا: علشان تبطل قلة أدب
جاسر: ههههههه أنتي لسه شفتي حاجة
يارا: بس بقي يا جاسر
جاسر: حاضر يلا أطلعي فوق أتفرجي براحتك وبعدين أنزلي علشان هنطبخ سوا
يارا: ده أنت مجهز كل حاجة بقي ؟
جاسر: طبعا يا قلبي يلا أطلعي هتلاقي هدوم أشترتها علشانك غيري علشان تقعدي براحتك
يارا: ماشي
ابتسمت يارا وصعدت الدرج فناداها جاسر
جاسر: تحبي أجي أساعدك ؟
يارا: بس يا قليل الأدب

ضحك جاسر بأعلى طبقات صوته ثم جلس على الأريكة لينتظرها وبعد دقائق ليست بالقليلة نزلت يارا وهي ترتدي بنطال جينز وتيشيرت أبيض ورفعت شعرها على هيئة ذيل حصان وما أن رآها جاسر أبتسم و أقترب منها
يارا: " بدلع " أنا حلوة ؟
جاسر: أنا راجل حمش وما بحبش الدلع يلا يا بت قدامي على المطبخ قال حلوة قال
يارا: حاضر يا سي جاسر
ابتسمت يارا فقهقه جاسر ثم دلفا سويا إلى المطبخ وتساعدا في إعداد الطعام و قضوا أوقات جميلة سرقاها سويا من الزمن وبعد عدة ساعات أبدلت يارا ثيابها لتعود إلى منزلها
يارا: إيه ده أحنا وصلنا بسرعة كدة ؟
جاسر: اليوم كله خلص بسرعة
يارا: هي كدة الدنيا كل حاجة حلوة فيها بتخلص بسرعة