_ أنت جايبني هنا لية ؟
= عارف أن دا أكتر مكان بتحبية وكُنتِ بتيجي هنا زمان لوحدك ديماً ، فَ قولت دا أنسب مكان.
_ لأية ؟
= لأسفي..
_ أسفك !
= حور أنا أسف..
أسف علي كُل حاجة وحشة ، علي عصبيتي طول الوقت حتي فِ النقاش العادي ، علي أني أوقات كُنت باخُد هزارك جد ، علي أني بتقمص زي العيال ، وأني أوقات بستعمل أسلوب التنمر معاكي لجل مَ تنفذيلي اللي أنا عايزُة ، أسف عشان مُعظم الوقت مش بفكر غير فيا ، ف اللي بيرضيني ويفرحني ويريحني ، أسف عشان كُنت ناسيكي وأنتِ معايا ، أسف عشان بتعمد أني أضايقك ولما تتعصبي وتتعبي بقولك "دا كُنت بهزر" !! ، أسف عشان فِ وقتٍ ما مكُنتش ستر وغطيَ عليكي وعلي أسرارِك ، أسف عشان مكُنتش عارف أديكي فُرصة تحبيني فيها الحُب اللي أستهالُة ، عشان كُنت كُل يوم بطلب مِنك تهتمي بيا وكُنت عامل ضغط عليكي ، أسف كمان عشان فِ وقت أنهيارك مبكونش عُكازك ، عشان لما بشوفك بتعيطي مبجريش عليكي وأخدك فِ حُضني وأوقات بديكي ضهري وأسيبك تعيطي ، أسف عشان بوصلك للعياط ، وأن كُل يوم بنيمك معيطة ، أسف عشان بظهرلك كُل الوحش اللي فيا ، وأني بقسي عليكي فِ مُعظم تصرفاتي ، أسف عشان باجي عليكي كتير اوي ، وأنِ فِ مشاكلي وأزماتي مبجريش عليكي وأحكيلك ، أسف عشان بلومك علي غيابك اللي أنا السبب فية ، أسف عشان قصرت معاكي وفِ حقك كتير ، كتير أوي ي حور ، عشان مبقتش بهتم بيكي زي زمان ، أسف عشان مش بعاملك كأنك بنتي اللي مهما تغلط هفضل أب ورقيب وأعلمها الصح ، أسف عشان بعاملك علي أنك ملاك مبيغلطش ، عشان مبهتمش بالطفل اللي جواكي وبطلت أجيب بلالين واكياس شيبسي وحلويات من نفسي وأفرحك وبقيت دلوقتي بسألك _عايزة حاجة ؟ ولما بتقولي لأ فعلاً مبجبش حاجة ، أسف عشان مبحسش بعياط الطفلة اللي جواكي وقتها ، أسف عشان مبعملش حاجة تفاجئك وتفرحك ، أسف عشان مبقتش عارف افرحك وأني بقيت عاجز جداً فِ علاقتنا وسيبتهالك تزوقيها لوحدك ، أسف عشان لسة لحد الأن معالجتش شروخ قلبك دا حتي تشوهات أيدك لسة سايبها ، أسف جداً علي عدم ردي عليكي أوقات وأني بسيبك تطلبيني كتير ومبتلقيش مني رد ، اسف عشان لما بتيجي تقوليلي أنت غلطت ف شئ مبقبلش منك أسف أني بقاوحك ف غلطي وبطلعلك حجج ومبررات كتير ، أسف عشان محسسك طول الوقت أني مش الملجئ الدافي وأن حُضني برد ، أسف عشان مش مُهتم بخيلاتك وأبطال رواياتك والراجل اللي نفسك فية وأحاول أبقي زيهُم وأني معاكي راجل شرقي واقعي مُمل درجة أولي ، أسف علي كُل مشكلة طلعت برة ديرتنا وخلتها مشاع ، أسف علي كُل شك وقلة ثقة الشيطان صورهالي ، أسف علي أني وصلتك أكتر من مرة لأنك تبعدي عني وأن بُعدك دا أسلم حل ، أسف عشان خليتك تحسي أني بني أدم لا يُطاق ، أنا أسف يَ حور ، سامحيني.
_ كون أنك تعترف بكُل دا بعد مَ كُنت بتقاوح فِ أقل حاجة دا يخليني أسامحك جداً يَ مُراد.
= أتكلمي يَ حور ، أنا عارف أن الواحد مهما أتكلم مش هيخرج كُل اللي جواة لكن أنا حابك تتكلمي ، أتكلمي..
_ أنت ذكرت الوحش اللي فيك كُلة ، مذكرتش أن الأم مبتعرفش تكره إبنها وأنه مهما غلط فِ حقها بتفضل مستنياة يرجعلها تاني ويعيط ف حضنها ، وأنت أبني ، مبعرفش أقسي عليك وربي مبعرفش.
= أنتِ طيبة.
_ طيبالك.
= يعني إية ؟
_ يعني أنا طيبة عشانك وليك.
= عارفة ؟
_ همم.
= من كام يوم اتسألت سؤال غريب من أمي قالتلي "هي بعد كُل اللي أنت بتعملة فيها دا متخيل انها لسة بتحبك او ممكن تفضل" السؤال كهربني ومعرفتش أرد عليها وسكتنا أحنا الأتنين لكن بعد شوية لقتني بقولها ، أكبر دليل علي حُبها أنها لسة موجودة ، رغم كُل دا لسة باقية.
_ أنا خايفة عليك يَ مُراد.
= من إية ؟
_ مِنك ، من ثقتك دي ، خايفة لتكون ضامن وجودي فتعمل اللي يحلالك فيا ف تتصدم أني مشيت فعلاً
= أنتِ مُمكن تمشي ؟
_ الأم اوقات بتضطر تتبر من أبنها لأنه عاق ، بتسيبة لربنا وقتها وبتتنَسي يوم ولادتة وأنة جة الدنيا من الأساس ، ساعات مبيبقاش قدمنا حل غير أننا نمشي ، وأنا مش عيزاك تموت كُل الحلول ويفضلي الحل دا.
= عشان كدا جبتك هنا ، عشان حسيتك أتغيرتي معايا ، مبقتيش حور اللي أنا أعرفها ، قلبك أحياناً بقي بينشف عليا ودا مش طبيعي ، ووشك بان علية الحُزن ، وضحكتك بقت تطلع بالعافية ، أنا أسف والله يَ حور.
_ يَ روح حور.
= أحنا مش فِ حرب وكُل طرف مننا مستني خسارة التاني ، تعالي نبدء من جديد.
_ تعالي.
= جيت.
_ خليك هنا أب أتحكي بية ، أوعي تخليك كسرة الكُل يلاحظها قبل مَ حكيها ، أوعي تفتت اللي باقي فيا.
