بقلمي Wasan K
حقوق النشر محفوظة
صينية البخت
الفصل السادس
وصال
حياة الانسان. مثل. رحلة. قطار كل يوم. يمر بمحطة شكل.
وكل محطه الها وقتها وظروفها .... كذلك. مرور البشر بحياتك. محطات ..... كل. إنسان يدخل. بحياتك. ويترك تأثير فيها سواء ان كان سلباً او إيجاباً كل. شخص يمثل. محطه من محطات حياتك. مرتبط بيها وبذكرياتها....
مرات الانسان يجيه رزق رب العالمين على شكل شخص بحياته
هذا شخص بأصعب اوقاتك يكون هو البلسم اللي. يداوي جرحك هو النسمه اللي تبرد لهيب. حياتك
هو السند. والركيزه اللي تستند عليها. بانكسارك
وزهراء. الله رزقها بهاي النعمه. مرتين
مرة. بصديقه اسمها. وصال
والأخرى. ب................
.........،...........،.............................
بعد رحلة استمرت كم ساعه ... رحلة الى المجهول. ... اباوع بوجوه العالم اللي. ويانه بالباص. كلها وجوه مترقبة خايفه ... اللي. يحرك شفايفه بالدعاء واللي بين ايديها سبحه تشغل أصابعها بتسبيح الله. حتى تنزل الامان على قلبها ... واحد مغمض عيونه ومكتف ايديه لصدره ومرجع راسه للوراء ينطي. إيحاء. للي يشوف منظره انه مطلگ الدنيا وبايعها ما عاد شي يهمه
وحده منتجيه. على. شباك السيارة. والدموع. تنزل. وحده وره الثانيه. مثل حبات الندى باول الصباح
مو دتودع. المناظر والمشاهد اللي تمر بيها. لا هي دتودع. ذكريات. وحياة كامله ....
اهلي هم كان حالهم الهدوء الصامت ... هدوء مو عن احساس. بالثقة. لا حالنا. اقرب. الى الصدمه. كل واحد بداخله الآلاف التساؤلات. ليش صار هلشكل؟؟شنو الذنب اللي اقترفناه ما نعرف. شنو نسوي. ولا شنو المضموم النه
سمعت امي تسال ابوي
" ابو جواد من نوصل وين. نروح. وشلون. نعرف. طريق. أقارب. بيت ام مهند "
جاوبها ابوي بعد ان زفر. زفرة من نار ملتهبة
"الله كريم خديجه هسه خلي نوصل بالسلامه والله كريم اللي خلقنا ما يضيعنه حالنا حال امه محمد هاي شوفي كم. واحد ويانه سيارة مليانه وقبلنا سياره وبعدنا سيارات
حالنا من حالهم. واللي اعرفه اغلب العراقيين. يستقرون. بمنطقه السيدة زينب .... نوصل بالسلامة ونشوف اللي رب العالمين. مقدره النا "
جاوبته امي وهي تضغط على ايده حتى يعرف انها معاه على طول الخط مهما كان او يكون
"ان شاء الله خير"
بعد مرور وقت. معرفت أقدرها بالساعات. قدرته بالدموع. اللي نزلت من كل واحد. انتبهت عليه
بهذا الباص ...اووووف ولا ابطل هاي العاده. أرصد كل شي كدامي انوب أصفن بوجوه العالم. بله هسه شيكولون عليه ...
سمعت السايق يگول " أخوانج احنه على مشارف منفذ الوليد تحضروا. للنزول والتفتيش والحمد لله على السلامه ...
