#صينية_البخت
#الفصل_التاسع_عشر
بقلمي Wasan K
اليوم. لسان. زهيران جاب العيد. البارت انفجاري ٤٧٣٢ كلمة
حقوق النشر. محفوظة
الفصل التاسع عشر
انفجار
صيف ٢٠١٣ فينكس .... بعد مرور ثلاث اشهر على الخطوبة
جانو كاعدات زهراء وشهد. بالورشه. بيت زهراء. ينظمون الشغل اللي كبر. ويطلب جهد. وشغل حسابات وتنظيم مواعيد يعني شغل اداري غير الفني ...
زهراء. بايدها ورقه وقلم. وترسم فكره وتدندن بلحن أغنيه قديمة
كانت تسمع بيبيتها. تغني بيها ويه المطربة من تطلع بالتلفزيون
شايله شعرها البني بشكل عشوائي ليفوك بالقلم. بحيث اكو خصل منتفضه واكعه على وجه
وكاعده بنفس زاويتها المفضلة متكيه على الحايط. رافعة رجلها اليمنى. ومخليتها مثل المسند. الورقه ترسم عليها والثانيه ما دتها
وشهد كاعده على الطاوله تنظم بالحسابات
" لو كتلك حبيبي عيني فدوه
ويه اهل الحسد ابتلي بلوه
والله الدنيا من غيرك ما تسوه
فدوه فدوه. فدوه يا عزيز العين فدوه ... تنهدت...... اووووف ياربي والله صعبه شيخلص اشهر الصيف
ويرجع ....انوب منين اجتني عروض إيطاليا. ... صارله اسبوعين من سافر واني قلبي خلص ....
شهد ... شهيدان ... وجع. غير احجي وياج"
جاوبتها شهد اللي منهمكة بشغلها او بالاحرى تتهرب من زهراء
ذبت القلم. ودارت عليها
" شتردين ام فدوه يا عزيز العين ... يعني شترديني اصخم ... اركب طيارة. واروح أجيبه. واجي
... تدرين من كعدنا. نشتغل ليهسه كم مرة عدتيها ألفين مرة شويه ... عمي رجال. ما راح يلعب. رايح يشتغل ... صبرٌ جميل. والله المستعان زهيران. وحبت. غير انكلبت علينا مريم فخر الدين. .... يمه ثگلي شويه. "
" مالت عليج مو صوجج اصلا المشاعر والأحاسيس ميته عندج من وره. مويجد ... اكلج هاي اوليف الخبله. مو كالت اتصل بيكم فديو. بعد ساعه وعندي. مفاجاة "
انتبهت شهد للساعه اللي على الحايط
" اي صدك. هاي مر اكثر. من الساعه ... الله يستر من مفاجأتها رِن التلفون. مكالمة فديو ... هاااا بِنَت الحلال بذكرها تعالي. اتصلت "
كامت زهور. وكعدت بصف شهد وفتحوا الخط
صرخت أؤليف. بصوت فرحان. وهي لابسه. فستان عرس
" سربرايز ... لقد تزوجت للتو ... ما هذا. أليس هناك. تهنئه "
جانوا مستغربات وعيونهن مفتوحات. على الشاشه
جوابهن الوحيد
" هااااااا!!!!!"
بعد ان. بلعن. صدمتهن. من زواجها السريع. والمفاجئ. ظلن يستمعن. الى التفاصيل
