بين قلبيهما💕كبرياء😇وغرور😒

بارت 1

هههه عمبالي بيك مافهمتو والو في لبارت 1 اما راح نفهمكم بطبيعه الحال طريقه للاعتراف بلحب بين لكوبل تولين.تيم راح نبدا نعرفكم بالابطال الرئيسين ولي راح نركز عليهم لكرو راح تكون عشق. خيانه . دراما . غومنسيه

تولين 20سنه بنت ايقونه في الجمال احكمو عليها نتوما متخلقه حجابيست عندها لانتيم تاعها الين وروان (راح نعرفكم عليهم من بعد)قرايتها اهم من كلش تقرا مدسين (طبيبه اطفال)تموت علی لولاد ماتعترفش بحاجه اسمها لحب لحب لي تعرفو حب الله ومن بعد والديها مهبوله (تولين هيا لهبال لوكان جا بنادم )بصح في بعض لمواقف تكون سيريو
.

.ننطقلو لبطل قصتنا

تيم 23سنه بطل قصتنا لنهار ليوم هو هذاك شخص لبارد مع لبنات يكرهم ماكانش سبب اما يكرهم عندو لانتيم تاعو لي هوما يازن وآوس تلقاه يضحك كان معاهم خدمتو اولا من كلش (عارض ازياء عايش في فرنسا عندو اختو صغيره عمرها 20سنه عائلتهم غنيه معروفه في فرنسا )     
توا نخلو لبطل الاسطوري تيم يحكي
تيم :احم احم عمبالي بروحي بوقوص مكلاه تشكروني كيما قالتلكم (كاتبه)مكلاه نعاود قصت حياتي لاني مانعاودش لكلام نحس روحي ببغاء انا سيريو في كلش في لخدمه مكااااش ضحك ولعب  (لكلام لمسطر عليه يعني لكاتبه تحكي معاه سؤال وجواب  )   بون بطلنا محبوب الجماهير كفاه تحب فتاه احلامك ؟؟
مايهمنيش زين قد ماتهمني ربايه
لعمر لمناسب لزواج بنسبه ليك 
كي نكون واجد نتزوج
نبعدو من جانب الاخلاق الحاجه لي تهمك في زين لمراة عندك
تكون متحجبه لاني نحب مرتي نشوفها غير انا 
ايا خي درتلك افار كبيره لعين لكحله وزين طبيعي ماهيش جعفر

ودوك نخلوك بسلامه بطلنا الاسطوري ننتقلو للبطله

تولين:ههه سلام عليكم ورحمه الله تعالي وبركاته راح نعرفكم بروحي ا جماعه لخير انا تولين
حبسيييييي قبيلا برك عرفتهم بيك علاه تعاودي 
نتي دوك واش دخلك نا نحب نعرف روحي بروحي شكون قالك عرفيني زعما نتي الناطق رسمي بإسمي
اهيه يا لاله كبرتي وطال لسانك واش رايك نخليك بايره لمدی الحياه
والله والو تعرفيني نحبك ونعزك يعطيني كسره علاك الفم تعرفيني بوهاليه ونيه
لمره جايه اوزني كلامك 
كيما قلتلكم اسمي الين نحب نهدر بزااااف بصح مافسحوش ليا لمجال انا زين ودين وطاعه لوالدين لقفه بيديها ماهيش طايره وكان طارت نخيطها مكاش مشكل انا لوحيده لي في دار المدلله عند papaماما جايبتها ورايا كان بزواج  اول 16:50عمبالي بروحي طفله نجيبه احم احم 
لملح 
اخطونا منها ا
يا نكملو
خلاص يا لاله مانشفش ريقك يا زح تقول بالعه كاسيط نكملو سؤال وجواب واقفلي فمك بسكوتش ولا نجي نخيط هولك
اوكي. سكتنا
نبدوا اول سؤال :كفاه تحبي فارس احلامك ؟؟
نحبو يجيني علی حصان ابيض لابس برنوس ابيض شعرو يطير في سما يقربلي يقول توليييييييين نحبك
تحبك حبه وتعضك كلبه ا والله ا ربي باش بليتني بلكاسيط لي تحكم نبح ماتسكتش قتلك مواصفاتو يعني اخلاق تربيه عقليه حلی رااااااسك
ازح ماتخلوش لعبد يكمل يحلم في عقلو حرمتنوا حتی من لحلمه كون جات لخری راح تتحقق 70٪عقليه و 30٪زين مايهمنيش زين وفي العقليه داخله فيها تربيه نحب لعبد لمثقف
سؤال ثاني:لعمر المناسب لزواج
خطتني ماما جيتيني نتي كلشي مكتوبو

اول مره تعملي افار وتقولي زوج كلمات وتسكتي
نتي فهمي روحك كان هدرنا بزاف يا حليلي وكان سكتنا يا حليلي
انا لغالطه سيبو هكا
سؤال 3: بعيدا عن الاخلاق واش هيا لحاجه لي تحبيها في راجل
تكون عندو لحيه خفيفه اه ه ه عشقي لحيه
واش معجبكم في شعر يا بن عمي
يعني نتي ماتحبيش لحيه اسكتي لا نفضحك 
سكتت والله مانهدر

خيطت  لكاسيطا فمها دوك نبدوا في  حكايتنا 
:
:
:
:
بليز لبنات شوي تفاعل طاقو صحباتكم ولا اعملو بيب(اشهار فلكورنيك تاعكم نحتاج. دعم كيف ماتحتاجوه نتوما  نحبكم وماتنساوش
Vot+com رايكم يهمني ويشجعني

لبنات ديزولي ليفوطو تاع الابطال ماحبوش يطلعو نعملهم في لبارت جاي