البارت التاسع
رنيم،، ههههههه أن شاء الله ... أول وحدة انتي تعرفين ... بقينه نسولف للمغرب ... يلا سديته كمت طلعت يمهم
دخلت للمطبخ لكيت امي تسوي عشه ... اجيت يمها اساعدها
علي،، كملت دوامي ورجعت للبيت ... دخلت لكيت بس امي بالبيت ... ع رجلها ... ضلت تلعب بشعري وتسولف
للمغرب اجه ابوي وعمار ... إذن ألاذان صلينه ... كامت امي سوت العشه ... كمت اساعدها أحب اشتغل ويه امي
سويت الزلاطه وامي كلت سمبوسة ... اجه هشام وكف يمي
هشام،، اي عفيه بنتي ... اشتغلي اثرمي عدل ... لاتسوين الطماطه كبار ... لشوكت أعلم بيج
علي،، تولي من يمي ... لا اثرمك بمكان الطماطه
شرد وكف بالباب ويضحك ... شبيك نشاقه نشاقه ... صاير ماتتحمل شقه كلش ... غثيث الله يساعد رنيم عليك
علي،، انجب هشام وولي منا
اجه عمار ع صوتنا ... ماتكلولي هاي شبيكم ... ماتكبرون انتم ... وانت علاوي ارجع كمل شغل ... بس مو تتاخر جوعانين
ضلوا يضحكون بيناتهم ... اندارت عليهم امي ... كامت تحجي عليهم
احسن منكم شافاني ... اشتغل وحدي اجه يساعدني ... قابل مثلكم بس تاكلون
علي،، فدوة الج يمه ... ماعليج بيهم خلي يحجون وحدهم ... انداريت ع عمار ... 😒باوعت صفح
روح خابر مرتك ... احسن من وكفتك يمنه ... بدون فايدة ... بس دوخة ووجع رأس النه
عمار،، ههههههه هم صدك ... اروح احجي ويه مرتي ... احسن مامكابل خلقتك ... انت وهذا السطل الكدامي
هشام،، 😡هاي منو السطل ... يمممممه تعاي لولدج
طلع عمار وهو يضحك ... كملنه عشه اني وامي ... صبينه وكعدنه ناكل
اجه ابوي ... كال حضروا روحكم ... نعقد يوم الخميس ... واليوم اخابر اخوي اتفق وياه
بقيت ساكت ماحجيت ... خلي يقررون بكيفهم ... الموقف الي صار قبل شهر ... بعده ابالي من يومها بعد ماشفت رنيم
عمار،، الف مبروك ابو حسين .. الله يسعدك أن شاء الله
علي،، تسلم خويه ماتقصر
عمار،، يلا أن شاء الله نزوج سوه بنفس اليوم
علي،، الله كريم
كملنه عشه ... كام ابوي لغرفته ... يخابر عمي ... بقينه يم امي نسولف
رنيم،، جنت كاعده يم اهلي ... دك جهاز ابوي ... كال هذا اخوي ياساتر شكو
اول شي اجه ابالي ... بس لا علي صاير بي شي ... لا سامح الله ... غير اموت كام ابوي بغرفته يخابر ... ضل بالي يمه
