البارتےالساب؏
علي،، ١٠ دقايق وطلع ... ابوي من غرفته ... مبين عليه ضايج ... كعد يمنه وهو يستغفر
سكتنه كلنه نغزت ... عمار بيدة وهمست ... شبي ابوك احس هالمكالمه خربطت أموره
عمار،، ماادري والله ... بس سمعته قبل لا يدخل للغرفه ... جان يحجي ويه عمي
اصبر هسه أسأله ... اكيد صاير شي ... لان وضع ابوك مخربط
أحم بويه خير شكو ... صاير شي ... خابرك عمي مو بي شي
ابوي،، أخذت نفس قوي ... وسبحتي بيدي اسبح بيها ... ماكو شي شغله مو مهمه
امي،، جااا شبيك وضعك مخربط ... جنك مو مرتاح ... بعد هالمكالمه
ابوي،، بعد يومين عقد عمار
عمار،، ان شاء الله بويه ... ليش صاير شي ... تريد نأجله الك
ابوي،، لا شنو نأجل ... مو عيب علينه نغير حجينه ... باوعت ع علي ... حضر روحك وره عقد اخوك ... نخطبلك
علي،، اتفاجأت بكلام ابوي ... شنو خطوبه شنو زواج ... اني من وره زهراء ... مابقت عندي ثقه بأي مره
منو كالك اني اريد ازوج ... مااريد اخطب ولا شي ... خليني هيج ... تريد ذوله اخواني كدامك واخطبلهم
ابوي،، كام يصيح مو هو الحجي بكيفك ... واني ماجاي اخذ رأيك ... شي قررته وانتهى ... غصبا عليك رضيت وان مارضيت
عمار،، بويه اعصابك مو هيج الحجي ... وعلي مو زغير ... خلي هو يقرر حياته بكيفه
ابوي،، شو انتم ماتعرفون تحجون ... بعد هالكبر هذا كله ... ولدي يكسرون كلمتي ... والله ثم والله اربيكم من جديد
علي،، صرت عصبي كلش ... هاي حياتي محد يقررها غيري
مو بالزواج تفرض رأيك علينه ... واحنه كلنه كبار ونفهم كلشي ونعرف شلون نقرر حياتنا ... وشلون نعيشها كافي تحكم بينه مليت
امي،، يمه كافي شبيك ... تخبلت ترفع صوتك ع ابوك
ابوي،، عوفي عوفي هالكلب ... عباله صار طول بعرض ... وراتبه بيده معناها محد يحجي وياه
اسمع ولك والي خلقني ... وخلقك غير رنيم ماتاخذ ... وباجر نمر عليهم نقره الفاتحه
واذا حجيي ماعاجبك ... اركع رأسك بأربع حيطان
علي،، بويه رنيم مثل اختي ... مااريدها تريد تزوجني ميخالف قابل ... بس غير رنيم اختارلي
ابوي،، والله ياعلي غير رنيم ماكو مرة تدخل بيتي ... فاهم لو لا وكلامي مااعيده
علي،، ضجت حيل واعصابي تلفت ... ركعت الطبله الكدامي ... برجلي وكمت لغرفتي
كعدت ع الجرباية ... وأجر نفس قوي ... احس اختنكت والدنيا ضاكت بيه ... رنيم مااكدر اظلمها
