يگصيرونه فدوه يروحلج كل طول
العشگ مو بالحجم وشطولهه الورده
ياحظه العشگ وحده گصيره طول
بانوثتهه يذوب الباسته بخده
الگصر عادي المهم بنظرتي تكبرين
القفل مهما كبر مفتاحا هلگده
صحيح الجتفي توصل ..بس حظنهه يفوور
حظنهه گماط ويا هنياله لشده
يعيبون اعله طولج ..والله غشمه هواي
بيج احساس محد عده من عده
بالگصيره ..بالگصيره الحنان يذوب الميذوب
اذا تحضن جبل باحساسهه تهده
هنيال اللحاف بالليلج يغطيج
وبخت عده غفت جواج المخده
هنيال المشط بين الگصيبه ينام
و مو طولج العالم مشطج اتحسده
ويدعي الله المشط كون المسافه اطوول
بالكت الله اعله شعرج يرزگه بعگده
حنانج ..حنانج اعلى من طولج عشر مرات
عله عشگ الگصيره الكون اتحده
قزومه ..قزومه واحبج عله عناد الطول
الج باب الگلب مفتوح ماسده
الج باب الگلب مفتوح ماسده…
