استاذي المراهق

الجزء1

♡♥الحب هو اسمى شعور فالكون ،كيف لا و جميع الاحاسيس تجمعات فيه،او كان منبع للشعراء و الفنانين او الرسامين♥♡ -حياتي لحد لان لتنعيشها هي فقيرة الحب ،من وعيت عرفت بلي انا الابنة الوحيدة لعاءلتي لتتكون من جدة ام ابي لالا تريا،و ام ديالي لتوفات فالولادة ديالي،او اب لتنشوفوا مرة مرة ،لغارق باعمالوا او صفقات ،او لمحملني سبب موت امي. انا ملك المريني 18 سنة،هاد العام حصلت على الباكالوريا ديالي بنقطة مشرفة،كما العادة لا طعم للنجاح ولا اتر لتهنءة اب ديالي،من غير جدتي او داد حسنة اشرفات على رعاية ديالي.نعم انا من الطبقة الغنية ،ولكن انا بعيدة كل البعد على اضواء و الحفلات ،بحكم ماعندي حتى صديقة قريبة ،اما حب العشاق فهو من احلامي بعيدة المنال ،ماشي ناقصني جمال فانا جميلة بشهادة الجميع ،اخدت جمال ام ديالي لي من اصول برازيلية،لكن باشخصيتي المنغلقة على العالم. جدة:ملك هادوا عروض احسن جامعات اختاري لبغيتي اكيد غادي تكوني تخصص الادارة ملك:جدة انا عندي ميول للطب اطفال ،اشداني لشي ادارة جدة:هادوا تعليمات باباك ،يعني الموضوع تسد ملك:امتى هاد بابا ايتكرم و يناقشني ،انا ماشي جماد انا انشانة او عندي اختياراتي جدة:ملك انا لمو و تعليماتوا سارية عليا،الله يخليك ابنتي تتمرضي فراسك ملك:جدة ،(بالضحكة استهراء)دبا انا كنبان ليك طبيعية ،بنت 18 سنة اش جالسة تدير فالعطلة بين 4 جدران هههه ارحموني حسوا بيا
جلست تنشوف او تنفكر فالعروض،وخ الاختيار بعيد عن احلامي،ديما كنت تنتمنى ندير تخصص طب اطفال،قدر باش نعوض هاد الحرمان لعندي،او نقص الحب لي كنحس بلاصتو فراغ" -انتهت العطلة ،او الدراسة على ابواب،ما عنديش اختيار قبلت،لامجال للرفض،محيت اب لنتشاور معاه او ارغبوا،هو بالنسبة ليا اب بالسمية صارم او شديد ،الا رفضت ماشي بعيد،نولي نعاون دادا حسنة. ملك:جدة انا بغيت جامعة التسير او الادارة لي فامريكا جدة:احسن ابنتي،منين قررتي تبعدي ،عالله تبدل حياتك ملك:انا نازلة لابسين لتحت جدة:الو ولدي فيصل (اب ملك رجل اعمال ،رجل حياتو وهبها لعمل صارم،) فيصل:لالاتريا اش كاين جدة:ملك اتمشي تكمل قرايتها فامريكا فيصل:اوك ،كلشي جاهز جدة:الله اولدي فوقاش يهديك الله على كبدتك فيصل:لالاتريا انخليك هاد الساعة "انا اريد وانت ترد والله يفعل ما يريد"قساوة الحياة و فقدان اعز الناس يقدروا ياتروا على حياتنا او يقدورا يعطونا امل للغد اجمل.مع ملك كان العكس،اب ديالها كان عاشق ام ديالها،كانت بناتهم قصة حب كبيرة ،لاكن الموت كانت عندو كلمة،قدر الله،فيصل تعدب او مزال تيتعدب ،من فقدان شريكة حياتو،همل بنتو لكان كل مرة يشوفها تتكون نسخة من ام ديالها،مقدرش متحملش،يعطف على تمرة حب ،بل عطاها حقوقها ولكن حق اب حنون حرمهامنو. دادحسنة:ابنتي مسخيتش بيك(تتجمع حوايج ملك ) حافظى على وجبات ديالك او تهلاي فراسك ملك:انشاء الله ا دادا ،انتي بمتابة جدتي الله عالم بلاصتك جدة:ملك راكي واجدة الشيفور تيتسناك،نتمنى ليك النجاح -اليوم انودع بلادي ،ما عندي تا احساس ،عادي،كيف لا ونا ماعندي حتي دكريات ولا تا واحد تيتسنى رجوعى من غير دادة او جدة،راكبة فالطيارة ،كل همي اني نسالي قرايتي او رجع بحالي.وصلت مطار اميريكا ،الجو مغيم او بارد . 👍👍👍👍👍
مع الدخلة،تيبان ليا الشفور فيدو لافتة فيها اسمي.ركبت معاه ،تنشوف شوارع نيويورك ،الناس او الضجة ،وصلت البيت في انسكن فحي هادى ،اكيد كلشي سي فيصل المريني موجدوا،دخلت البيت عباة عن فلة صغيرة،الديكور عصري صالون عصري فيه تلفاز او الكوزينة مجهزة او الفوق بيت النعاس من لون غوز ،او الدوش ،ارتاحيت التلاجة كلشي واجد . _اصبحنا و اصبح الملك لله،فقت مع المنبه ،لبست سروال دجين او بودي بيض او كنفيغس ديالي،اكتفيت بعطري او عكر ماط،وصلني الشفور لافاك دخلت ،ونا تالفة اتجهت ادارة خديت البرنامج ديالي،انا متجهة للقاعة ،او تلفت مع دورة بان ليا واحد الولد ملك:الحوار بالانحليزية(سلام من فضلك القاعة خاصة بالمحاضرات الولد:صباح لوز اخت من مكسيك(جاوبها بالدارجة) ملك:اه انا هي كواظالوبي الولد:هههه لا لا متكوليهاش تبضحك مغربية،انا حمزة ملك:انا ملك سنة اولى ،ادارة و التسيير حمزة:زيدي خيتي بحالي بحالك ،انا راه اما نهضر انجليزية،اما نهضر دكالية مشينا بجوج دخلنا القاعة ،تفاجات من شخصية حمزة ،تلقاءي و مرح ،فرحت لقيت الونيس،جلسنا اللور داويين،تا دخل استاد،بغيت نقول عارض او شخص عندو مادة الجادبية،قاطع تفكيري او هدر استاد:(الحوار بالانجليزية)مرحبا جميعا ،معكم استاد مهدي العلوي ،استاد مادة الاقتصاد ،نتمنى بداية موفقة الجميع:مرحبا استاد بقيت حالة فمي او عقلي،استاد مغربي،اوا نيت كون كنت تنخرج اولا نتعارف انعرف بلي المنتوج محلي راه تحسن حمزة:شتي الفرق بين الغاز السام او استاد ملك:شنو حمزة:هداك تشميه او استاد و الله لا شميتيه هههه ملك:اش تتعرف عليه ياك انت سنة اولى جمزة:سنة اولى تاني مرة،محيت الاولى دونتها مساريا ،او استاد راه داير حالة فلبنات تا صحاب انا اسيفاهه ملك:شكون انا اسيفاه ،كيفاش حمزة:هههههههههه
حمزة:ههههههه انتي حالة خاصة من اين بلاد ملك:صافي فهمت."نيت من اين بلاد انا حتى،كلامي خالي من عبارات الشباب الحالي"خلال الحصة استاد بدا يغوت كل واحد بسميتو ،كل تلميد منين كان ماشي كلشي من امريكا،وصل عند حمزة استاد:حمزة الوكيلي (دار ابتسامة حكم فايت قاري عندو) حمزة:مرحبا جميعا معكم حمزة الوكيلي استاد:ملك المريني ملك:وليت حمرا ،مرحبا جميعا معم ملك المريني كلشي دار تيشوف فيا،ماتوقعوش نكون مغربية متهم استاد استاد:انتي متاكدة مغربية 100%:) ملك:سميتي كافية استاد (تنترعد او تلفت) استاد:كاين سر تما ;) مرحبا دازت الحصة،خرجت مطيشة،حمزة شاد فيا،دوزنا الحصص الاخرين،وصلات 2 ، حمزة:خيتي دوزي نواكلوا ،الجوع الكافر جا ملك:هههه حمزة واش كابر فالعروبية هههه لهجتك وخ شكلك لا علاقة حمزة:انا لالا ولد فاس ،او الطبقة الاستقراطية،عندي ام بابا دكالية حرة ،هي رباتني انا وختي حكم ماما المشاغل،و شديت لهجة وخ نقدر نهضر عادي دخلنا،واحد الريسطو،انا جالسة نشوف جنابي ،عامر،خلال ماكلة ،كل واحد فينا عاود على حياتو ،انا فجاءة لقيت راسي بحالي بحال ناس كنعرف نكون صداقة فرحت . حمزة :نوصلك خيتي ،دبا حنا من هاد نهار اصدقاء ملك:شكرا حمزة مرحبا بصداقتك،نو الشيفور ايدوز عندي -وصلت ادار ،اول مرة كندخل معايا احساس تشويق لغدا،عندي صديق ،او عندي استاد حببني فالمادة ،او اليوم فمي تحرك كتر من كان جامد.هدرت مع داد او جدة،طمنتهم عليا.او نعست 😢😢نكمل ملي نلقا تفاعل حيت نينيتووو 😍😍😍
🔊تعاليق👇👇رأيكم فالقصة نكمل ولا سطوب❌❌🚫🚫✔