#حب جنوني
الجزءالاول
ل ورد العامري
الحب كلمه يقولها الكثير ويعرفها الكثير لكن هل كل من قال وتحدث عن الحب هوه اهل له
هل يمكن ان نلقي بكل اخطائنا ونبررها بحجه الحب
قصه جديده تدور احداثها عن صدفه تحولت لحب فتحول الحب الى جنون وتهور ليترك اغلاط بلاتصحيح
قراءه ممتعه متابعين قصص ورد العامري اسلم القلم لابطالنا لينخوض معهم في حكايه جديده
الكاتبه ورد العامري 😘
هلو اول شي حابه اطلبه ان ماريد غلط اومسبه عله اي شخص من الي حينذكرون بالقصه ووااكد انها حقيقيه وكل الي حذكره من اسماء هيه اسماءحقيقيه لكن راح يكون تحفظ ببعض الاماكن
اسمي رغد م92مواصفاتي طولي 160وزني 58بشرتي مائله للبياض لون عيوني سوداءواسعه ايميز وجهي خدود وشفاه بارزه شعري متوسط الطول فوك نهايه سرح لكن من الاسفل بيه مثل البيرمن من نهايه عايشه مع خالي وزوجته وامي والدي توفه واني عمري 3سنوات كان يشتغل صايغ ومتعرضيله عصابه تسليب وقاتليه
بعد وفات والدي اهل بابا كالو لاامي تاخذين واحد من حموينج امي رفضت هل شي كالولها لعد شوكت مانسمع بيج اتزوجتي ناخذ لبنيه امي وافقت اني ماتزوج بس ابقه اني عدهه عشت سنتين ببيت اهل امي برعايه جدي ابو امي وخالي فاروق كان يسكن ويانه خالي فؤاد لكن كان دائما منعزل
خالي فؤاد مزوج وعنده بنات ثنين
وخالي فاروق مزوج بنت عمه اسمهه هدى هيه تربت ببيت جدي وكانت بعمر امي تربن سوه وعلاقتهن اكثر من خوات بعد وفاه والدي اجرت امي البيت مالنه وسكنه عندبيت جدي والدتي معلمه قرأءللصفوف الاوليه وخالتي هدى خلصت معهد تمريض وازوجت خالي لكن رب العالمين مكاتبلهم ذريه بعد عاملوني عله اني بنتهم خالي فاروق كان اب الي ويزعل اذا صحتله خالو دائما يكولي اني ابوج الاب مو الي جاب الاب الي ربه بعمر ال6سنين توفه جدي ابو امي وخالي فؤاد طالب بحصته باعو البيت واتفقت امي ويه خالي نسكن بالبيت مالنه طلعت لمؤجر وسكنه بيه اتسجلت مدرسه بعمر6سنين لاني من مواليد شهر 1كانو اهل والدي يسئلون عليه ومحدديلي مبلغ شهري كان عندي3عمام و2عمات بحياه جدي ابو بابا كنت اروحلهم لكن من صار عمر9سنين توفه جدي وقبله كانت بيبيتي شالو ايدهم مني وكامو مو ميدزون مصرف شهري لا ميسئلون عليه اصلا امي كالت احنه موبحاجيتهم وبالفعل كان خالي فاروق وامي ممقصرين بشي عليه من اول يوم الي بالمدرسه كانت وياي صديقتي عائشه الي كانت تبعد عن بيتنه 7بيوت صديقه طفولتي وكلشي بحياتي
كملنه لمرحله الابتدائيه ودخلنه. مرحله المتوسطه بعمر ال13سنه بدت قصتي
#حب جنوني
الجزءالثاني
ل وردالعامري
رغد: باامتحانات اخرالسنه للصف الاول متوسط كبال مدرستنه سوو مقر لاحدى الاحزاب واغلب اهالي لمنطقه ميردوهم جانو بطلعت لمدرسه يوكفون كم واحد ويصيح عليهم رجال جبير وياهم وميفيد
خلصنه امتحانات بالعطله طلعنه لسوريا خاله هدى دائما تروح علمود الاطفال وتتعالج هناك يم دكتور سوري قبل بدايه الدراسه بكم يوم اجينه وحضرت نفسي هل سنه ثاني متوسط عمري كان 13سنه
غاده(ام رغد) :ها ماما حبيبتي شلون المدرسه
رغد: زينه تمام بس اكو صعوبه بكم درس
غاده: ها رغد سالمين بعدنه هستونه النه شهر شنو صعب اليدرس ماكو صعب عنده
رغد: ماما انتي سئلتي وجاوبت مع العلم اعرف هيج حتكولين
غاده: جيد وشصار بالوعد لو اوعدك بالوعد واسكيك ياكمون
رغد: ياوعد ياكمون هههه
غاده: رغيده لتغشمين نفسج مو عله اساس هل سنه تلبسين حجاب
رغد: اهوووو ماما رجعنه
غاده: ووجعو
طارق: شكو شكو شبيج تصيحين غاده منو ويه بتي منو مزعل ام دميعه
رغد: بابا تعال شوف اختك
هدى: ههههههه وشبيهه اختهه شبيج ويه رغد غاده
غاده: اوووف عندي غير لحجاب وياهه الي يبس ريكي من صف الرابع ابتدائي اصيح لحجاب وكل سنه اتاجل عله الي بعدهه والله اخاف عليهه اوضاعنه صايره حدث بلاحرج
فاروق: باباتي كلام امج صح تره الوضع من سيء الى اسوء
رغد: اييي يابابا والله اعرف بس يخنكني ماكدر مااتحمل وبعدين لوضع شعليه بحجابي مثلا
غاده: لج ماما حبيبتي الحجاب ستر للبينه وانتي شعرج حلو ياامي يجذب النضر الج وانتي دومج ناكشته
هدى: والله بعدهه صغيره ياغاده شوانتي ازوجتي والله يرحمه سامح هوه الي حجبج هسه لاحكه رغد
غاده: لج عيني وضعنه تغير والله كام ايخوف
رغد: ماما حبابه اجليهه
فاروق: ههههه نفس كل سنه مو رغد عل سنه الجايه هل مره موانتي تقررين اني اقرر غاده عوفيهه هل سنه بس بثالث تلبس
رغد: لالا والله وعد وره تخرج الكليه البس😎
غاده: لاباله متكلفه اخاف ماكو هل سنه يلبس سمعتهه من كلت هل سنه لا استقوت
رغد: لالا تمام تمام بس بروح ابوج من انجح للرابع البس بداعت ابوج
فاروق: ههههههه غاده مااتحمل منضرهه من تبرطم والله ميخالف وره امتحانات لبكلوريه اذا الله خلانه طيبين حجبيهه وعد عوفيهه هل مره
غاده: محد ناطيهه عين غيرك يله هم خل نشوف
رغد: كل يوم اطلع اروح لبيت عائشه ونطلع سوه للمدرسه
وصلنه امتحانات نص السنه كان ثاني يوم باامتحاناتنه رجعنه من الامتحان وشفنه سياره اباب بيت عائشه وولدواكف منتجي عله السياره
عائشه: اهوو يمكن عدنه خطار عود ده اجي وياج ندرس رياضيات
رغد: اي عادي طبي كولي لاامج ولحكيني
عائشه :لاحبابه تعالي فوتي وياي حته تقتنع كولهه خالج ايدرسنه
رغد: يله ماشي
دنطب وولد صاح هوووب وين فايتات
عائشه: بيتنه عيني هذا
-انتي بنت ابوسرمدالحزبي
