#حب جنوني
البارت الثالث والعشرون
ل وردالعامري
فاروق: اتخبلتي انتي
هدى: احسن حل هذا ويفد الكل
فاروق: اي كل اي دنيه عقلج شبي فهميني ولج ابن حرام
هدى: لا موابن حرام ابن بتنه الي ربيناها اني وانت فاروق نسيت جنت اول مطب اتصيح وين رغد صارلك شكد حته حجايه محاجي وياهه كلبك شوكت اسود هيج اتعاقبهه ع شنو ع ذنب موذنبهه
فاروق: هدى سدي لموضوع هسه
هدى: مااسده فاروق الطفل يتسجل وقبل متحجي الطفل ابن بتنه الي نضلمت وحملت ذنب موذنبهه
فاروق: يعني انتن جنتن متفقات وعبالجن تحطني امام الامرالواقع واسكت وارضه
غاده: لاياخويه وروح امي حالي حالك اول مره اسمع هل حجي
هدى: فاروق مره كتلك اني ماامني امل بخلفه شنسوي يفشل روح ازوج خلي طفل ايشيل اسمك شريد انت كلت اني مازوج غيرج لواخر يوم بعمري لواعرف اروح اتبنه طفل يشيل اسمي واسمج وهسه اني اريد اتنفذ الي كلتله
فاروق: واني مستعد من باجر روحي لدار يتامه جيبي طفل وتعاي بس هذا الطفل لا
هدى: ليش لا فرقه شنو حسبه يتيم ولكيناه بشارع اباب جامع مشمور كدام بيتك وشلته واتبنيته فاروق لترفض ابوس ايدك ولك تعبت جبت عمري كله مخليت دكتور اعبر حدود واسوي عمليات واضرب ابر حته ابطني ضربت ويصير هل حمل بعد ماانذب فلوس واني اشبع اجكجك وفجاءه بح يرحون شبقه من عمري اني عشت عمري وياك انت تطلب ومايوم كلت لا طلعلي هل حسره من. كلبي وسجل الولد بااسمي دخيلك
فاروق: هدى ماكدر والله ماكدر يتربه كدام امه وهوه بااسمنه
هدى: امه موافقه
فاروق: خوش خطه مخططين والله
هدى: فاروق وروح ابويه والقران والفرقان محد يعرف بهل كلام ولااحد يعلم ابن بنتي واريده يصير ابني نفذلي هل طلب وكلشي ماريد منك فاروق لتباوعلي هيج وكلام الله اذا مسجلت هل طفل بااسمي واسمك وكلام الله اطلع ومااخليك تعرف بيه وين وانت تدري لاعم. ولاخال طالعه من هل دنيه بطرق عباتي تيتمت واني طفله وفتحت عيني عليك موتكولي انتي بنتي ربيتي كدامي اكو اب يقبل بنته تموت بنارهه كدامهه يابشر حسبوني مخبله مختله اريد طفل بااسمي ولكم الرحمه يعباد الله
رغد: الفاصل بيني وبينهم باب الغرفه سمعت حجيهم وسمعت صوت ضرب وصوت امي تكولهه ولج تخبلتي اتملخن خدودج عرفت معنه كلامهه هسه من كالت ماعوفكم ماعرف افرح لواحزن ان ابني ماكدر اكول عليه ابني لوافرح لان ع قليل كدام عيني يكبر دخلت امي هدى خدودهه مخرمشه وحمر وعيونهه منفوخه من البجي تقدمت عليه المغذي جان خلصان بس مسدود ممفتوحه الكانونه فتحتهه
ماما
هدى: يعيون امج وجعتج يمه
رغد: لا بس ليش هيج مسويه بوجهج
هدى: رغد هذا احسن حل اعرف يوجع بس هذا النايم. يمج يريد اسم وامج وخالج عقولهم وكفت تلكوني كلتي بلكن ايموت اسم الله عليه ممات شنو الحل هسه يمه اني ربيتج ومايوم حسيت انج موبنتي وابنج ابني وابن بنتي هذا احسن حل بعدج يمه كلج 14سنه مشفتي شي حته تشيلين هيج هم
غاده: ولج هدى تخبلتي والله فاروق عاف البيت وطلع
هدى: الي عندي كلتهه كومي يمه كعدي هذا كام ينوص خل اطيج مخده وحاولي ترضعيه
رغد: صدري اذاني
هدى: هههههه خرب بختي ولج كافي بجي شيسويلج الطفل خلي يرضع اتحمليه هل كم ساعه راح اساعدج بالممه جايبتله حليب وممه
غاده: يعني انتي من كل عقلج محضره ومكمله عبالج فاروق ايوافق
رغد: امي هدى باوعت عله امي وطلعت وره شويه جتي
