محمد : كملنه زيارة وطلعنه طبعا يم الخطوه ماكو مطاعم سالتهم وين نروح لمطاعم العشار لو لشط العرب .
منتظر : خويه نروح نروح لشط العرب هناك احلى حتى نبقى العصر هناك .
زين :بربكم اكو مطعم مال مسكوف اشرد اسالوا اياد كل الصاكات يوديهن لهالمطعم .
اياد :جاي اشرب ماي وجفصه ابن العم كتله مال الغسل لهالحلك الي بس يفضح بيه.
منتظر :بالك عنك انت سوالفك مستورة يعني تخليهه سكته.
محمد :الك اياد اذ صارت مسابقه اكثر شخص نسوانجي بالبصرة انت تاخذ اللقب،بكل جدراة .
اياد :اكول اخوان شعدهم الاثكال لاتخلوني ابد انكعلكم ترة مايصير استلموتني اكس ومربع عبالك مجرم وتحققون ويه وانت زين عيني اخذ راحتك حسابك بعدين صاكات من ورة عيونك ولا صاكه ضلت .
زين: ماكتلي حسابي ادفع كاش لو شيك .
اياد:لا ببطاقه ادفع هه عابت .
زهراء،:شاورت ريام خطيه باعي اياد استلموا من كل الجهات.
ريام :يمه شعده الي تخاف على النسوانجي انتي الخطيه مو اياد لمفتح بالبن .
زهراء:والله حباب ترة واذ يسوي علاقات هنا البنات مايعوفنه
ريام:امممم انهجم بيتج وانهجم بيت اياد الفقير .
عمه هنادي :يمه شنهي نموت من الجوع اليوم ببخت اياد .
محمد: لاعمه اغديج احلى غده.
منتظر :عمه تدللين. اغديج واذ تريدين اخطبلج رجل بعد .
عمه هنادي :لاوالغسل لعيونك الخضر .
منتظر... انتي عمه مقهورة لان عيونج شلح ملح ههه
قيس :دك الموبايل رديت الرقم غريب والصوت مالت بنيه السلام عليكم .
حوراء :عمي طاح واتصلت بكرار مارد وهالنوب ابني كلي شيخ قيس هنا بالمنطقه دكيت علي وعليكم السلام خويه انا حوراء ام حسين الحقني عمي طاح وكرار ما موجود .
قيس: كلتله خمس دقايق وسقت السيارة بااسرع شي وركضت لبيت عمي وصحت على اولاد. عمي حازم ونقلت بسيارتي للمشتشفى .
الدايحين .
منتظر :رحنه اتغدينه مسكوف وطرشي بمطعم راقي طبعا اتمنيت بس انا وغدير بس لازم ويانه احد وخلصنه.
ريام :خلصنه غداء هسه شنو .
عمه هنادي :هاام الموط شتريدين .
ريام :عمه اسمهه موضه مو موط .
محمد :وافشلتاه لو سمعونه العربان تروح هيبه ريام .
اياد :الك ياهيبه بعبايتهه الطايره جنهه خفاش،.
علوش:ستر الله على الخفاش على الاقل مايوكع هم طايره عبايته وهم تتعثر كل شويه الثوله.
أنت تقرأ
تمردت فانكسرت بنهوه (قيد التعديل )
Romansaقصه حقيقيه للمبدعه الكاتبه يارا الياسري تمردت فانكسرت بنهوه ،💔 ضلم التقاليد للفتيات وضلم الفتيات انفسهم بااختيار الطريق الخطا ... شيخ متكبر لايعرف الكلام الحلو وفتاه يملاه العشق والغرام....ينهي عليهه ليحميهه .....
