🌼لوعرفتموه لبكيتم شوقا للقاءه🌼
الحلقه الرابعه والعشرون4⃣2⃣
يلا صلوا على النبى 🙂😉💜
الدعوه السريه للإسلام♡
هيبدأ النبي عليه الصلاة و السلام يفكر في طريقة يبلغ بيها دين الله .. يبدأ النبى ﷺ
حكي لأصحابه القريبين منه فقرر النبي يختار ناس من أصحابه ..اللى بيحس ان فيهم خير و هيبدأ يحكيلهم. هتختار مين يارسول الله ؟
طبعاً سيدنا ابو بكر الصديق " خير البشر بعد رسول الله "🌹 .. ابو بكر ده صاحب النبي من زمان .. فالنبي ﷺ يروح له ويقول له "لقد بعثني الله بالإسلام" فيقول ابو بكر " آمنت بك يامحمد"
و الجميل ان النبي ﷺ قال علىَ سيدنا ابوبكر :" والله ما من احد دعوته إلي الاسلام إلا ونظر وتردد و فكر إلا ابي بكر ..ما ان دعوته اسلم لله عز وجل ..🌹🌹🌹🌹🌹
((الصديق ♡.. بيصدق رسول الله بمجرد ما بيتكلم ..ليه؟ عشره عمر.. معاه من صغره شايفه و شايف أخلاقه و مركز وشايف علامات النبوه على النبى فى حلقه من الحلقات اللى فاتت))
ويقول النبى عليه الصلاة و السلام لو كنت متخداً من العالمين خليلاً لأتخذت أبا بكر خليلاً ♡ ... غير ان صاحبكم " يقصد نفسه"خليل الرحمن ..
((والخُلة هي ان يتخلل الحُب كل مسام القلب وهذه المنزلة لا تنبغي في قلب الرسول الا لرب العالمين ))❤
سيدنا ابو بكر اسلم .. وبعد إسلامه بيوم يسلم علي إيديه أربعة من المبشرين بالجنة .. تخيلو 😊 : عثمان بن عفان - طلحة بن عبيد الله - الزبير بن العوام .. سعد بن ابي وقّاص ..
بعد إسلام سيدنا ابو بكر ..يسلم علي بن ابي طالب وكان عمره عشر سنوات ..
و بعدين يسلم زيد بن حارثة (بن النبى ﷺ بالتبنى قبل تحريم التبنى)
بدأ الصحابة يكتروا💪 .. وبقو محتاجين مكان يجتمعوا فيه و يتعلموا القرآن ..
فيطلع شاب عمره ١٣ سنة اسمه الأرقم يقول : " يارسول الله انا اتبرع ببيتي للمسلمين "😃 .. فيأخذه المسلمين وتسمي دار الأرقم بن ابي الأرقم .. ويجتمع المسلمين في الدار المباركة دى.. وربنا يخلد اسم الشاب ده في التاريخ .. " دار الأرقم " ..
النبي ﷺ يبدأ يعلم الصحابة القران اللى بينزل عليه .. اول آيات نزلت كانت من جزء عّم " الجزء الثلاثين"..آيات قصيرة ذات تواصل بديع كلها تتكلم عن الجنة والنار .. وعن يوم القيامة .. وعن رؤية الله عز وجل :') ♡ .. وعن رحمة ربنا سبحانه وتعالي .. وكان اجتماعهم فى دار الارقم يبقى فى السر .. كان ده مهم اوى فى البدايه ..ليه؟🤔
عشان خايفين من إباده المسلمين ..
المهم بدأو الصحابة يحبوا الاسلام وترق قلوبهم..وبدأو الصحابة يحبوا النبي ﷺ حب شديد .❤❤❤❤❤❤❤. و بعد فترة تنزل علي النبي ﷺ
آية " وأنذر عشيرتك الأقربين " ..
يعني إيه ؟؟🤔
هنعرف الحلقة القادمة إن شاء الله 😀
