ملاك**من نجرحت وتعاقب شيطان بسببي حسل نقهرت لان متمنيت هيج يوصل الحال وابد ماريد فديوم شيطان يتضرر بسببي وطبعا ضليت كل يوم اروح اتطمن عليه واوصلة اكل وشرب بدون مااحد يدري واضل ويا فترة قليلة لان اشتاقلة وماتحمل ابقة بدونة....
بس بيوم اني وداطلع من القبو شفت امي كبالي!!!!!
الشغالة رحيمة:ملااااك!!!!!شدتسوين هنا؟؟؟؟؟شعندج جاية هنا!!!!هاي ثقتي بيج؟؟؟؟
ملاك:ماما الله يخليج انتظري خلي افهمج....
الشغالة رحيمة:شتفهميني انتي تدرين لو السيد جلال هنا شجان سوة بيج؟؟؟؟؟تدرين شنو عقوبتنة؟؟؟؟ليش هيج ملاك واني الي تمنيتج ترفعين راسي وطلعتي دتساعدين شيطان وتوديلة اكل؟؟؟زين ليش لج تدرين شحيصير بينة اذا احد عرف؟؟؟؟
ملاك:ماما اسفة والله بس اهدي.....
الشغالة رحيمة:اشششش ماسمع حسج امشي بسرعة نطلع منا قبل لااحد يشوفج....
وفجأة احنة ودنطلع يصير بوجهنة جلال الطائي!!!!!!!!
الشغالة رحيمة:سسسس....يييي...دددد....جلا...ل!!!!!!
راح السيد جلال بدون ميكول ولاحرف بس عينة جانت حمر لان هو من يصير عصبي عينة تصير حمر ورئسا وراها تقيم القيامة!!!!!
الشغالة رحيمة:هاي الردتي الله يسترهة علينة الله يستر......
رحنة لبيتنة الصغير الي بصف الفيلا وضلينة هناك ننتظر عقابنة وفجأة ندكت الباب!!!!
طبعا قلبنة راد يوكف من الخوف.....
الشغالة رحيمة:ننن...عععم؟؟؟؟
سارة:اني سارة خالة بس امي رادتج حتة تساعديهة بلغدة وكالت جيبي ملاك وياج.
الشغالة رحيمة:حاضر بنتي هسة نجي....
رحنة اني وامي بس جنة متأكدين اكو مصيبة دتنتظرنة!!!!
صبت امي الغدة والكل اجتمع علسفرة الة جلال الطائي الي ظهر ورة عشر دقايق....
جلال الطائي(بصوت كلة برود):اني قررت اليوم بعد ماشاهدت خيانة من احد الخدم الي اظاهر نسو انو همة مجرد خدم!!!!!
اني وامي عرفنة هلحجي علينة!!!!
جلال الطائي:قررت من اليوم اطرد ملاك بت الشغالة رحيمة من الفيلا لخيانتهة قواعد الفيلا وقوانينها....
الشغالة رحيمة:ارجوك سيد جلال والله اعتذر غلط وميتكرر بعد....
جلال الطائي:منو سمحلج تحجين؟؟؟؟اني معاقبتج لان اعرف انو مالج دخل اني سمعت كلشي بس بنتج رح تنطرد من الفيلا بل اضافة انو رح اعذبهة بطريقتي الخاصة.....
الشغالة رحيمة:ارجوك سيد لتعاقب بنتي والله ماعندي غيرهة بهل دنية💔
ملاك:عوفي خل يعاقبني اني ماخاف غير من الي خلقني!!!!!!!
الكل التفت الي وضلو يباعون علجرأة الي اني بيهة وشون كدرت احجي هيج وكدام منو؟؟؟كدام جلال الطائي والحجي موجه الة!!!!!!!!
جلال الطائي:بحياتي مشفت صلافة مثل صلافتج وبحياتي محد عارضني هيج بس ميخالف رح تنالين عقابج!!!!!
بنفس اليوم جلال الطائي طلع شيطان من القبو لان انتهة عقابة بس جان بداية عقابي.......
من عرف شيطان بلي صار وبلي حيسوي بية جلال الطائي قرر ابشع قرار ممكن يكون قرار جان قرار مصيري ونهائي قرار غير شيطان ١٨٠درجة......
شيطان**من دتطلع ملاك من القبو سمعت صوتهة دتحجي وية وحدة بس منية مركزت وراها تقربت للباب اكثر حتة اسمع زين وعرفت هاي والدة ملاك...
سمعت حجيهم وشون والدة ملاك دتحذر ملاك من جدي جلال الطائي والصراحة حجيهة كلة صحيح وقررت اقنع ملاك متجي بعد حتة متتضرر بس الي زاد الطين بلة هو....
من كالت الشغالة رحيمة:س...ييي...ددد....جلا.....ل!!!!!
هنا من عرفت جدي شافهم خفت كلش علة ملاك والشغالة رحيمة واتاكدت مرح يصير خير وضليت ادعي لملاك....
وراها بساعتين انفتح باب القبو وطلع جدي جلال الطائي!!!!!
جلال الطائي:رح اطلعلك اليوم من القبو انتهت عقوبتك واتمنة متتكرر مرة لخ والا حسابك رح يكون اشد واذا شفتك وية بت الشغالة مرة لخ متلوم الة نفسك ورح اضل اعاقب بيك الائن تصير شيطان اسم على مسمى والا غير هيج مرح تسلم مني......
سمعت كلام جدي وعرفت انو هلعذاب مالة نهاية بس الي كسرني اكثر هو من عرفت الي صار وية ملاك وبهل لحظة قررت اروح لمكتب جدي.....
جلال الطائي:اتفضل؟؟
شيطان:جدي اني من اليوم رح اكون مثل متريد ورح اسوي كلشي تريدة ورح اكون شيطان ورح اتغير....
طبعا ملامح الفرحة والشر نرسمت علة وجه جدي!!!!
جلال الطائي:اخيرا سمعت هلحجي الي انتظرتة من يوم ولادتك.....
شيطان:بس عندي طلب واحد!!!!
جلال الطائي:اطلب شتريد يصير.....
شيطان:ماريد تعاقب ملاك ولاتطردهة واني اوعدك بعد مااجي يمهة ولاالي علاقة بيهة......
جلال الطائي:طلبك رح يكسر كلمتي كدام الكل بس ميخالف ميصير غير الي ردتة واني رح اعوف ملاك....
ورة مكال رح اعوف ملاك برد قلبي وطلعت من مكتب جدي وتذكرت كل الي صار وحسيت بحجم المسؤولية الي نشمرت علية وحجم المصايب الي رح تصير بية لان رح اغير كلشي بية بس علمود ميصير شي بملاك الي احبهة من طفولتي ولحد هل لحظة.....
اعتذر كلش علة التأخير💛💛💛
شنو رأيكم بهذة البارت؟؟؟
اكتبولي توقعاتكم للبارتات الجاية😍
أنت تقرأ
عشق الملاك والشيطان
Romanceفتاة بسيطة من اسرة فقيرة اسمها ملاك عشقت شخصا يملئ قلبه الحقد والكراهية اسمه شيطان....! فكيف ستكون علاقة الحب بين الملاك والشيطان؟ وكيف للملاك والشيطان ان يجتمعان معا دون ان يحدث الدمار.....
