ورة مكال رح اعوف ملاك برد قلبي وطلعت من مكتب جدي وتذكرت كل الي صار وحسيت بحجم المسؤولية الي نشمرت علية وحجم المصايب الي رح تصير بية لان رح اغير كلشي بية بس علمود ميصير شي بملاك الي احبهة من طفولتي ولحد هل لحظة.....
ملاك**من عرفت انو شيطان طلع من القبو وخلصت فترة عقوبتة فرحت حيل وضليت انتظرة شوكت يجي ويسأل علية بس الي استغربت من عندة انو انتظرتة هواية ومااجة وكلت يجوز جدة مانعة يجي وديراقبة او يجوز مديصير مجال او يجوز ويجوز ويجوز وطلعتلة الف عذر براسي بس ضل شي بقلبي ديكلي انو صاير شي موزين بس مكدرت اسوي شي غير الانتظار.....
خلص اليوم وشيطان ماكو ومر يوم وثنين وهو ماكو وقررت اسال امي!!!!
ملاك:ماما شلونة شيطان؟؟؟
الشغالة رحيمة:شلج علاقة بي؟؟؟؟لو تردين تجيبيلنة مصيبة لخ؟؟
ملاك:لاماما ماكو شي بس دااسال لان مداشوفة هلفترة....
الشغالة رحيمة:ولتشوفي بعد احسن بعدين تجينة مشاكل!!!
يأست انو امي تجيبلي اي خبر عن شيطان وستغربت بنفس الوقت انو شيطان تجاهلني وكدر هلفترة كلهة ميحجي وياية واحنة ابد مفترقنة من يوم ولادتنة جنة سوة ومستحيل يمر يوم ميشوفني بي معقولة كام ميحبني؟؟؟؟؟لازم اتاكد بنفسي.....
شيطان**مر علية اول يوم بدون ماشوف ملاك مثل السنة مر هليوم واني داتعذب بدونهة ومشتاقلهة بشكل مصاير.....اول مرة احس روحي احبهة هلكد مجنت ادري اني احبهة لهل درجة.....
ادري هي هسة دتنتظرني ومشتاقتلي مثل مااني مشتاقلهة بس مجبور ماشوفهة وكلة علمود مصلحتهة💔
ومر يوم والثاني واني مشايفهة ولاسامع صوتهة الناعم ولاعيونهة الي جانو يتيهوني بجمالهم شون رح اصبر وشوكت رح اشوفهة مداعرف.....
ملاك**بل٣الفجر تسللت للفيلا بدون مااحد يدري ورحت لغرفة شيطان والحمدلله محد شافني بس الي صار مستحيل اكدر اصدكة!!!!!
ملاك:شيطان انت هنا؟؟؟؟
شيطان:ملاك!!!!!شجابج هنا؟؟؟
ملاك:معقولة تسال هلسؤال بعد هلفترة كلهة الي مشفتك بيهة؟؟؟وين جنت ليش مجيت وشفتني؟؟؟
شيطان:اشوفج؟؟؟؟هههههههه انتي اظاهر نسيتي انو انتي مجرد بت الشغالة لااكثر ولااقل ههههه وتردين اجي اشوفج هم ههههه انتي اظاهر نسيتي نفسج.....
ملاك(تلعثمت بلحجي من الصدمة ومعرفت شحجي):ااان...ت....ت شش..دت..كول؟؟؟؟؟
شيطان:الي سمعتي.....
ملاك:شيطان شكو شصاير معقولة هاي انت؟؟؟؟
شيطان:اي اني وهسة بدون مطرود اطلعي برة!!!
ملاك:شنوووو اطلع برة انييي؟؟؟؟؟شيطان اني ملاك اني...!!!!!!!
شيطان:برة!!!!
ملاك**طلعت واني مصدومة ومداصدك هاي هو شلون وليش وشصار وشكو منو هذة الي اني حجيت ويا معقولة هذة حبيبي؟؟؟معقولة هذة صديقي؟؟؟معقولة هذة شيطان؟؟؟؟؟
معقولة يشوفني ويحجي وياية بهل برود والاستحقار؟؟؟معقولة ديشوفني رخيصة لهل درجة؟؟؟؟معقولة كام يفكر بهل طريقة؟؟؟؟؟
مداصدك ومداستوعب.......معقولة هذة الي حبيتة؟؟؟
شيطان**جنت سهران بذاك اليوم ودافكر بملاك اصلا كل تفكيري بيهة وتمنيت اشوفهة واحضنهة قوي وماعوفهة ابد....وعلة غفلة نفتحت الباب!!!!
وسمعت صوتهة!!!!!اخخخخ شحجيلهم علة فرحتي من سمعت صوتهة تمنيت اركض عليهة واحضنهة واكللهة شكد احبهة بس!!!ماكدر ماكدر اخاف لاجدي يسويلهة شي اخاف عليهة واحبهة ومن حبي الهة لازم ابتعد عنهة واخليهة تكرهني.....شكد صعب من الي تحبة وتموت عليه تخلي يكرهك!!!!
من كلتلي ليش مجيت ومشفتني تمنيت اكللهة انتي مفارقتي خيالي ابد وانتي وياية بكل لحظة بس طبعا جان لازم اكول العكس وكتلهة اشوفج؟؟؟وضحكت ضحكت بس الضحكة جانت بيهة خنكة ومو من قلبي بس مضطر وحجيتلهة حجي مستحيل يكون من قلبي ومستحيل يكون هذة تفكيري بس هم جنت مجبور.....
اما هية فجانت مصدومة وشفت تعبيراتهة شون جانت دتذبحني وكلماتهة وحجيهة وضطريت اكللهة طلعي برة حتة مااضعف كدامهة بعد واحاول الزم نفسي وطبعا هية مااحجيلكم وجههة شون صار.....
ومن راحت حيل استحقرت نفسي بس والله مجبور علة الي داسوي.....
اسفة كلش علتاخير بتنزيل البارتات🌹
وياريت تنطوني رايكم بهل بارت🥀
وتكتبون توقعاتكم للبارتات الجاية🖤
أنت تقرأ
عشق الملاك والشيطان
Lãng mạnفتاة بسيطة من اسرة فقيرة اسمها ملاك عشقت شخصا يملئ قلبه الحقد والكراهية اسمه شيطان....! فكيف ستكون علاقة الحب بين الملاك والشيطان؟ وكيف للملاك والشيطان ان يجتمعان معا دون ان يحدث الدمار.....
