وبهل حالة نولد ملاك وشيطان بنفس الفيلا الي يملكهة شخص ظالم ومتوحش فشلون رح تكون حياة شيطان وملاك وشلون رح تنشأ قصة حبهم؟؟؟
مرت سنين والكل اعتبر ملاك مثل بتهم والكل يحبوهة ويلعبون وياها لان جمالهة وبرائتهة جانت تجذب الكل الة واحد واحد بس هو الي جان يخاف من هلبراءة لتنگلب ضدة.....وهو جلال الطائي!!!!
كبرت ملاك وكبر شيطان وصارو حيل مقربين من بعض يلعبون سوة وياكلون سوة وهلشي جان كلش يزعج سارة بنت عمة شيطان لان هية جانت اصغر منهم بسنة ومجانت مثل جمال ملاك جان شكلهة اعتيادي وكلش مغرورة وتكره الكل وقلبهة اسود وشخص واحد جانت تحبة او تدعي انو هية تحبة وهوة شيطان!!!!
سارة جانت دائما تضرب ملاك او تتهمهة باشياء باطلة وملاك متكدر تكول شي لان هية بت الشغالة مو اكثر ودائما تشتكي لامهة ولشيطان لان بس همة يساعدوهة....امهة جانت توصي سعاد هانم انو سارة تحاول تحب ملاك او بلقليل متتعرضلهة بسوء وطبعا سعاد هانم متصدك بهل شي لان عدهة بتهة اغلة من الكل فجانت مجرد تقنع الشغالة رحيمة انو رح تتصرف بمعرفتهة بس بلحقيقة متسوي شي....
اما شيطان فجان ينتقم لملاك من سارة بطريقتة وخصوصا هو لو شميسوي محد يكدر يحجي ويا لان هو الولد الوحيد الي رح يشيل اسم العائلة وعلة الرغم من انو الكل يدللو الة جدة هو الوحيد الي جان يضربة ويعذبة بحجة انو يريدة يصير قلبة اسود وقوي مع العلم هو جان بعدة طفل.....
مرت سنين وصار عمر شيطان وملاك١٧سنة وصار موقف مستحيل ينسا شيطان......
شيطان**جنة دنتمشة اني وملاك بلحديقة الخلفية مثل عادتنة بس احنة ودنمشي منتبهت ملاك ووكعت ورجلهة نجرحت جرح جبير كلش واني لزمتهة وابجي وصحت الكل بس محد سمعني وضليت حاضنهة وابجي وهية دتعيط من الالم ونزعت قميصي ولفيت بي رجلهة مؤقتا بس حتة اوقف ولو شوية من النزيف وشلتهة وركضت بيهة لداخل الفيلا!!!!
رقية هانم:هاي شنوووو شصاير بملاك؟؟؟؟
الشغالة رحيمة:بنتييي!!!!شون صار هيج تعال بسرعة نيمهة علقنفة بين ما اجيب جنطة الاسعافات...
فجأة ظهر جلال الطائي!!!!
جلال الطائي:بت الشغالة متكعد علة قنفات الاغنياء ووكت الي تتعالج تروح للزبل الي جتي من عندة وتتعالج مو يصير بيهة شي واحنة الي نتحمل....
شيطان:جدي بس ملاك مجروحة!!!
جلال الطائي:وانت شنو يهمك سواء مجروحة او لاء هذة شي ميخصك واني محد يعارضني لو تريد تعيد ايامك السودة؟؟؟؟؟
شيطان:جدي بس.....
جلال الطائي:ماكو بسسس اني محد يعارضني ومو علمود بت شغالة تناقشني!!!!
شيطان:بت شغالة بس اشرف منكم!!!
جلال الطائي:شكللللتتتت؟؟؟؟؟عيد مسمعت!!!!!!
رقية هانم:سامحة ارجوك ميفتهم والله بعدة مراهق ومديعرف شديحجي.....
جلال الطائي:لتدخلين واذا ميعرف حدودة اني رح اعلمة.....
اخذني جدي وحبسني بلقبو ضليت ٣ايام ملاك جانت تجيبلي اكل وشرب بدون مااحد يعرف حتة ميعاقبهة جدي بهل فترة كرهت اهلي كلهم وكرهت جدي وانقهرت علة ملاك لان نظلمت بسبب جدي وسمعت حجي يجرح بالاضافة انو اني متأكد هسة هية دتاكل بنفسهة لان اني تعاقبت وهية عبالهة بسببهة بس هو بسبب جدي.....
في القبو؛؛؛؛؛؛
ملاك:اسفة والله مردت هيج يصير ولو ادري جان انتبهت بلحديقة وما وكعت....
شيطان:لاانتي شنو ذنبج الذنب هو ذنب جدي الي ماكو بقلبة ذرة رحمة اني ماعرف هلشخص شلون عايش بهل قلب الاسود!!!!
ملاك:الله يهدي انشالله ويطلعك عن قريب مداتحمل اضل بعيدة عنك كل هلوكت.....
شيطان:داحس اكو حجاية بقلبج😉
ملاك:ها شنو لاماكو شي ماكو حروح اني....
شيطان:ماشي بس لتتاخرين لان اشتاقلج....
ملاك**من نجرحت وتعاقب شيطان بسببي حسل نقهرت لان متمنيت هيج يوصل الحال وابد ماريد فديوم شيطان يتضرر بسببي وطبعا ضليت كل يوم اروح اتطمن عليه واوصلة اكل وشرب بدون مااحد يدري واضل ويا فترة قليلة لان اشتاقلة وماتحمل ابقة بدونة....
بس بيوم اني وداطلع من القبو شفت امي كبالي!!!!!
الشغالة رحيمة:ملااااك!!!!!شدتسوين هنا؟؟؟؟؟شعندج جاية هنا!!!!هاي ثقتي بيج؟؟؟؟
اتمنة يكون عجبكم هلبارت💛
اعتذر علتأخير❤
وكتبولي توقعاتكن للبارتات الجاية🥀
أنت تقرأ
عشق الملاك والشيطان
Roman d'amourفتاة بسيطة من اسرة فقيرة اسمها ملاك عشقت شخصا يملئ قلبه الحقد والكراهية اسمه شيطان....! فكيف ستكون علاقة الحب بين الملاك والشيطان؟ وكيف للملاك والشيطان ان يجتمعان معا دون ان يحدث الدمار.....
