تفاعلوا 😥#أهدتني_عارا
نورا ناصر
بارت 11
جنه.
بقيت يم ضمياء الليل كله وهي تحجي وي خطيبها وتنصي بصوتها مرات شكد رومانسيين.
خلصت مكالمه.
انتجيت على عكسي واباوعلها
.. ضمياء كوليلي مرت جهاد وين ماتت ؟؟ بالغرفه مالتنا مووو ؟؟
... وليش هالسؤال ؟؟
... لج والله انقمت بيها واحس بيها شي صاير ولادارتاح ويااخوج يمكن نفسهه بي لهسه !!
... دكولي ياالله.
.... عدلت كعدتي فدوه عليج باحسان كولي.
... اووو لج لاتحلفيني
.. لعد كولي وين ماتت
... ماماتت بالغرفه ارتاحيتي خلي انام تصبحين على خير.
وغطت راسهااا
... اوووو ليش الكل يتهرب من هذا الموضوع والله متت متت متتت وظليت اضرب على المخده.
ضمياء ... ولج تخبلتي بهالليل.
كمت من الفراش نكته بقوه
كتلها دنطيني تليفونج
.. ياا حتى جهاد يعدمني دمشي ولي
.. حرام والله اريد احجي ويا علا مو عندج رقمهاا
.. حذفته دوخري لانبتلي على عمرنا ورجلج يسويلنه سالفه
... مايسوي هسه نايم فوك وميدري بالدنيا طشت لو رشت
... اوووو شتردين تحجين وياهه بهالليل.
... معليج انت تره والله هسه اطلع من البيت
... وين ترحين تردين تلحكين رؤى ؟؟
... ايي ياريت الحكها يمكن ماتت من قهر اخوج هنيالهه ماتت وارتاحت.
.. احم هاج التليفون بس لتحجين بصوت عالي اني رايحه اراقب الوضع بره.
اخذت التليفون من ضمياء ودكيت رقم علا.
باول لحظه كالت بيها الو بجيت
علا .. شبيج جنوو خوفتيني عليج كولي خيرج ؟؟
.... تعبانه علا ميته ضايعه هلكانه والله ماجاي اتحمل اعيش هنا والله.
... ليش شنو صاير منو وياج حياتي ؟؟
...اخخخ شكد بارده دخيل الله ولج النار بيه وانت بهالبرود
.. اي غير اعرف شبيج.
.. جهاد موتني عفيه تعالو اخذوني كلي لمحمد ليش هيج يورطني بصاحبه المخبل.
.. عيب جنه هذا رجلج شجاي تحجين انت موزغيره ولان بعدج باول ايام العرس كلنا هيج جنه نعاني وبعدين تعودنا.
... لج شكوكي وعصبييي عصببيي ليكلك بركان يثوررر بسرعه بسرررعه.
... كلهم هيج اعصاب حياتي وانت اكيد مامقصره بلسانج
... اخخخخ مااتحمل تعالوا اخذووني.
.. اكلج انت تردين ضحكين العالم علينه لو تدرين بام ثامر شتحجي عليج ولج لهسه تكول عنج فكر وموتي ابنها وكايله كدام عمتي من سامعه بيج تزوجتي
"هسه تعم على ابنهم وتموته"
هيج كالت تردين الحجي عليج تره الرجال انت تكدرين سيطرين عليه وتقربينه الج وتحبببينه بيج وحتى يصير محبس بيدج حاولي تروضينه.
.. ادري جلب هو حتى اروضه.
.. ولج يامدمغه الاسد يروضونه مو الجلب.
.. شمدريني هم كلهم حيوانات.
... لاتخلين امي تنقهر عليج ولج جنه انت تزوجتي بعد اذا طلكتي تدمرين دمار اخذيهه مني جم مره طلكت تندمت ودمرت
.. انت هيج اشوفين.
... اي حبي انت بعدج زغيره والحياة كدامج ورجلج واهله خوش ناس احنه مو شفناهم وتكدرين تسيطرين انت حلوه وخلي عندج اسلوب يحببه بيج وكل شي يصير تمام لاتخلين الناس تحجي علينه يبعد روحي.
.. ادعيلي الله يهدي الي
.. ماانساج بالدعاء صدكيني وبس نجي زياره اجيلج
... ماشي
سديته منها بس كلش انقهرت من كلام ام سامر بعدهه تحجي عليه. وكلام علا صح هسه بس اطلك يصير الحجي عليه بالزايد.
شسوي يربي شون اتصرف ويا جهاد واروضه ع كولت علا.
لازم احل لغز زوجته وازيح الغموض حول قصتها بعد طول تفكير انهد حيلي واحس عقلي تعب شهالرجال هذا كله غموض.
نمت الليل بغرفة ضمياء يوم ثاني كعدت طلعت من الغرفه صار كبالي عاكد حواجبه دنكت راسي وفتت مره ثانيه للغرفه يمه خفت من عيونه هم شايب وهم يخزر.
دخلت ضمياء.
كتلها وينه جهاد كالت طلع بالحديقه.
صعدت فوك دخلت للغرفه لملمت الفراش ورتبت السرير اخذت النفاضه مال جكاير شمرت كطوف الجكاير وغسلته ورجعتها لمكانها اخذت ملابسه الوصخه ونزلت جوه شفته ع الدرج يخزرني متت خوف وكفت بمكاني هو صعد للغرفه دخل وطبك الباب حييل.
نزيت ونزلت ركض لايجي ورايه.
باوعت شفت كواكب تريد تطلع ركضت وراها
احجي وانهد هاا خاله وين رايحه
ليش اسم الله
هااا
ليش اسالين
مو ع اساس تحجيلي كول شي
بعدين بعدين اريد اروح للجيران.
وطلعت طايره هي وعبايته جنها خفاش.
شفت عمي كبالي كتله صباح الخير كال صباح النور ورحت للمطبخ اساعدهم.
مر اليوم هيجي جهاد يطب زعلان يطلع زعلان وانه كلما اشوفه اختل اخاف منه .
الى ان راح للبصره واحنه منتحاجه.
مليت وتعبت لو اني ازعل لو هو احس لعنة مرته وسامر تلاحقنا ومداتخلينا نرتاح.
