#طيف_عاشق
الكاتبه نازك الحمراني
البارت الثالث عشر
البارت هذا بي معلومات اتمنى تحفظوها جيدا
💓 💓 💓 💓 💔 💓 💔
دخلت بحالة كأبه بفترت العطله مال بكلوريا
شهر كامل الطيف مازارني الصراع بداخلي مستمر
بين أريده..وماأريده
قلبي يرجع ينعصر يحن للطيف
لأن أعتاديت تواجده معاي..
أو لأن شفتهم يعذبو ...
منظره مدمي برغم اصاباته وجروحه يقاتل في سبيل
ماخلا اي أحد يقتربلي.....ويلمسني
المغاره المرعبه والي كانت عباره
عن داخل جبل بركاني واني بداخله والحراره القويه
الي خلتني أعرق بكثره وخلت روئيتي الضبابيه للطيف
بسبب التعرق وهو مقيد بسلاسل ناريه
هل أشياء ماطلعت من بالي
الاشكال المرعبه الي مااتنوصف شكلهم
بخراطيمهم بتعدد اطرافهم
بعيونهم الجاحظه
يعني كان بيني وبين الجنون شعره وحده
لو مااصحى على صوت القرأن..كان نجنيت
خلال هل شهر
اشتاقيت للطيف لكن الي يقتل شوقي..؟
أهلي لان احس تعبتهم
يوسف اخوي صبره طويل وياي وهم اجل زواجه
وأني لاهيه بين الدكتوره وهاد
وبين حجي ابوقيم وهو يقراء الرقيه الشرعيه علي
ألي.... او وازن عقلي بلقران... اكثر وما أنجنيت
قصص البنات الي يجن مثلي
كنت أروح الحجي أبو قيم كل أربعاء او ثنين
بوحده من روحاتي
الحجي ابو قيم واني اروحله جسم بلا روح..ولاعقل
لأن كنت ابحث عن الطيف الي دخل الحياتي بسرعه
ومااعرف لسى هو ارضه وين
كعدت أنتظر دوري شرود ذهني ترجعه الرقيه
دخلنا للحجي وياي نسوان تلاثه وأولادهن
جلست امرأءه بلخمسين عمرها مقابيل الحجي وكان أثناء سؤاله الحجي
عن مشكلتها وليش إجت..اني اتذكر تفاصيل كلامها
لأن عندي قوة ذاكره..والقصه مقاربه الي
كانت المرأه وياها ولد وبنيه
اعمارهم بلعشرينات البنيه والولد كانو قمه بجمال
الام بدات تسرد الحجي ابوقيم تفاصيل عائلتها ودكول
أنو هما كانو عائله جدا مرتاحه وامورهم زينه
حتى كانو يسوولهم سحر بلكن نفترق بس محد كدر
الحدما زوجها بيوم من الايام شارك بحمله القضاء
على الكلاب السائبه بفترت التسعينات
فكان يطلع هو ومجموعه
من الاشخاص مشاركين بهل حمله
فيقتلون الكلاب فمره.... زوجي شاف كلب اسود
تردد يقتله لكن الكلب أقترب من زوجي كلش
فزوجي من الخوف شرد وكع للكاع
فرفع العصا الي كان ماسكها وهجم على الكلب الاسود
وبدا يضرب بي يضرب الى ان قتل الكلب ومات
بيوم الي رجع زوجي بليل
وهو كلشي يسولف الي عل ليصير وياه
خلصنا لعشا ورحنا انام
بداء زوجي يتفزز... مانام كل مينام يتفزز
ونوب بدت تظهر علي أعراض ورى اسبوع
ضل يشكي من الم اسفل الظهر
كدمات مدري علامات زرك ع جسمه بدون سبب
ويشكي من راسه ،صداع قوي .
وأ حلام تخوف تتكرر عليه
يكول ساعه حيوان يركض وراي
وضل يكعد من النوم وهو يحس بلعجز
.لو يحس انو يوكع من مكان عالي
ويكعد مرعوب
ضل فترت اربع سنين هيج حالته
تالي ضل يكعد من النوم يكول احسن بلحلم
امشي ع المي وأطير بلا الخوف .وهل مره شفت
. ناس أطوال او شي اقزام
وشي حيه او قطط وقرود تهاجمني
... كل هتفاصيل بدا يحس بيها الحد مصار
عنده وجع بطنه وبقى بلمستشفى
ومات وراها امورنا الماديه أدهورت
بنتيى الكبيره أطلكت وزوجها اخذ اطفالها
من عدها........وكعدت تصرخ وتبجي
وبدات من تنام تكعد مرعوبه من الحلم وتبجي
ركضنا عليها مصخنه وتهذي أخذناها للطييب
نطوها علاج رجعنا للبيت بقت فتره عل هل وضعي
اعتزلت البيت حابسه نفسها
قطعت الاكل تعبتنا ...وتعبت
بدأء شعرها يساقط
ضعفت كلش....الحد النحول
بليل حضنتنا وبوستنا واحد واحد
دخلت للغرفه ونشوف بس النار تطلع بلغرفه
حرقت نفسها
بقت بلمسنشفى كم يوم وهي تصيح ماردت انتحر
اريد اعيش حتى ارجع اصلي
واحنا كلنا تازمنا عليها وراها ماتت
أبني الجبير خريج معهد دخل مشروع بشغل
فحتاج أفلوس هواي
أدين من الناس واقترض هواي مبالغ
المشروع خسر وناس طالبت بدينها
خطيبته درت بديونه تركته
صار عصبي اتوضى وصلى
ودخل الغرفته وخلا المسدس بحلكه وهم انتحر
بقينا خمس تشهر وخلال أسبوع
هاي بنتي وابني خايفه عليهم لان بداو ينعزلون
اخذت ابني وبنتي الناس وصوني عليهم
جانو مريه و والرجل سحاريين
كال هذا الكلب الي قتله أبوهم كان جن متحول
ورح يقتل كل العائله
واحد واحد وتعبت واني اطي فلوس
للسحاره والكشافين بعت العندي والماعندي
ونطيته والسحار...مسك ابني ويضربه بلعصى
لحتى يطلع الجن
يكض عصا ويضل يضرب بي
وبنتي يحرك بأصبع رجلها الجبير
علساس يطلعه ماكدر
راد بعد فلوس اطي كتله ماعندي طلب...
فهسه اني بحيره حجي خسرت زوجي
ابني وبنتي الكبار وبنتي بداء بيها صرع
بقولي بس هذول شسوي تعبت وجيت عليك
الحجي ابو قيم وهو ينظرلي ويتكلم للمراه وكأنما يحسيني ان هذا مصير الي يامن بلجن دنكت لو صرع لو انتحار
الحجي ابوقيم..وهو يفتح القرأن
.كلها هاي أنتم الي صار بيكم..مو سبب الكلب الي نقتل
السبب الحسد الي حاوطكم لأن حياتكم مثل ماذكرتي
حلوه وسعيده وزوجك كان مدللكم
أضافه الأولادك الي كلهم شهادات..
الجن..ياأختي بينا وبينهم عالم ميكدرون يخترقونا
ولا نخترقهم...ألأ بسحر قوي ..أو دخول الأماكن
دون ذكر الله ف العقل يصدقه..
المراه كالتله بس بنتي هي اشوفه وتتكلم معاه
واني تحلمت حيه جبيره تركض وراها
الحجي ابو قيم
كلها هلوسات و إضطرابات نفسية
لناس السذج القليلي الأيمان
و مذكورين بلقران( ماخلقت الجن والأنس الا ليعبدون)
بس.ان شاء الله خير . كل الدواء مر الا القرآن . فالأفاعي السوداء في المنام لا تحمد " اما اعداء (انس او جن ) او احقاد . والله تعالي اجل واعلم
والجن مايجي الا بسحر ودعوه...
بس بيتكم سبب الحسد الي هو اقوى من السحر
لأن للحسد قوي مثل الطاقه ترسل على كلشي حلو
فدمر دمار هذا كلام اوجه الكلجن بناتي
حجي ابو قيم يحجي وينظرلي
السحر والحسد والمس والجن أذا تلبس علاجهم واحد
واعراضه وحده
سـقوط من مـكان عالي اثناء النوم
رؤية المقابر والأموات بكثرة
زغللت العين .النسيان" الكثير.ضيق الصدر وقت المغرب
بكاء الطفل بكثره".نفور بلعلاقات الزوجيه
كثرة المشاكل.'قلة الحظ تخيل "شخص واقف وراك
او شخص يصيح بأسمك" الكسل "الخمول
وتوقف القسمه..وقلة رزق عليكم
شرود الذهن وعلاجهم
الرقية الشرعية :
فالرقية تبطل السحر في مكانه تطرد الجن" العين
الحسد"ألمس داخل الجسم أو خارجة
وأفضل الرقى لعلاج هذا السحر قراءة سورة البقرة كاملة كل يوم أو كل اسبوع او كل اسبوعين
والأفضل بعد الغروب..؟
لان الشياطين تنشط بعد الغروب
والحديث يكول
(اقرءو سورة البقره"فأن أخذها بركه وتركها حسره)
ليش لأن السحر او الحسد او الجن
كلشي اله فتره مثلا اذا اجدد الساحر السحر
كل شهر أو كل خمسة عشر يوماً ،
والمسحور محافظاًَ على سورة البقرة مايستطيع الساحر تجديد السحر لان يبطل
" من تكعدون الصبح اكلو سبع تمرات
لان من اكل التمر لم يصبه سم ولا سحر ( متفق عليه )
ورح اعلمكم جلسات رقيه شرعيه
وهي مفيده لفك السحر والجن والعارض
الاستحمام :- نجيب جدريه كبيره من الماء ونخلي فيه ســــبع ورقات سـدر ونفركها بيدنا بلمي ً نقـــرأ على هذا المي سورة البقرة كاملة وآيات السحر
والسبح كل يوم او كل جمعه ، وفضل ورق السدر المطحون في الماء المقري عليه ســـورة البقرة أنه يدفع قوة السحر بقوة الله تعالى
حسيتي انو انتي ممسوسه دهنين الجسم
الجسم كلة كل يوم عند النوم بزيت زيتون
وتخلطين معاه زيت حبة البركة و زيت ورد وزيت نعناع + زيت سمسم مقروء علية نفس الآيات والله الشافي
من تنامون برمجو نفسكم قرأت المعوذتين والكرسي
ومن تكعدون الصبح كذالك
هاي الطرق اسوونها مايمشي بيكم اي سحر ولا جن
ولا عارض
ولاترحون لا الكشافه ولا الساحر والا حتى الي
القرأن فيه شفاء لكم بدا يتكلم واني دخت وصل الي السره
كعد يسألني واجاوبه مكدرت اكمل تذكرت الطيف
حسيت صوته يريدني حوررررر
كأنما يتكلم بأصوات متقطعه صوته كان كله ألم اختنكت من المكان ونهضت
طلعت من الغرفه اول مابداء يقراء
وكفتني ماما الحجي ابو قيم رجع اطا الماما
جيس ملح خشن وشيشت زيت الزيتون
واشرلها عادي نطلع واني اسمع اسمي كلساع
حوررررر.....حورررر
احط ايدي على أذاني مااريد اسمع صوته
لكن اسمع الصوت بعقلي
الطيف محتاجني.كيف اسمع اخباره
حسيت أنو ديقاتل لأجلي بعده
صدك اني جاحده لان شهر كامل نسيته
بعدته من عندي لأن ألتزمت بتعليمات ابوقيم
ادموعي تساقط علي بديت
وين الكاه واساعده دخلت للبيت أبجي
حسيت جسمي حار دخلت للحمام اسبح
واني اذكره وابجي علي
وينك طيفي الغالي حسيت بعيون تراقبني
لبست ملابسي على السريع
كعدت بلحمام ماكدرت اطلع واني شفت الطيف
وهو واقف برغم تشوهه وجراحاته بس واكف
ويبتسملي ركضت علي احظنه اختفى
صعدت للسطح الجو حار كلش بس هوى قوي كان
بقيت ابجي والهوى يقوى اذن المغرب بدا وخلص ماصليت
لان ابجي على الطيف كعدت على السرير
الحديد الي على السطح خلص الأذان واشوف ظل
ظل من بعيد يمشي بخطوات كسوله
عرفته هذا طيفي اريد أنهض اله لان ميستطيع يمشي
رجلي شي ماسكهن الرقيه يجوز
وهو توقف مااتقدم اريد بس اشاهد خضار عيونه
بدا الظلام يخف من ظله كان طيفي شبه مشوه
وحده من عيونه محروقه وايده مقطوعه
بجيت من حزني علي
-حور يااجمل أنسيه قتلت أعدائك
مااخاف عليكي بعد الأن..القط.الأسود قتلته
كان يريد قتلج لأن يثأر لأخيه الي قتلتو
مقابل القط الي قتلته قطعو ايد بسيف من نار وافقت لأجلج
والجنيه (سيران)ام بركع لأن هملت عشقها وعشفتج
قدمة وحده من عيوني قربان لأجلج
حورر لا تتركيني... محتاجك جراحاتي ضريبة عشقي
فياحوريتي الأنسيه لا تنفيني منكي
لأن نفيت نفسي من عالمي لأجلك
قاتلت بني جنسي لاجلك
حور... ياعذابات طيف
أما ان لقلبك أن ينبض لي
-أني أريدك طيفي أقترب من عندي..
-لا أنتي تريدين العيش بعيد عني
ماعندي أي اعتراض تعرفين السبب
لأن اقصى أمنياتي ياحبيبتي
أشوف لمعت عينك والأبتسامه تحيطها
-لا اني ابحث عنك بكل مكان بدا يصير ظلال يحيطه
مثل مااشاهدته اول مره اختفى
ياغريب عن بني جنسي
و أرضي
وعالمي
هل أبتعدت
لتعلن علي حرب فراق
حرب ضروس
داخل قفصي
لاتغادر..يانفسي
فأنا انت
وانت أنا
فهل أبحث عن نفسي داخل نفسي.😍😍😍😍
البارت الرابع عشر
بديت احس مشاعري باهته أو مختفيه ...
معندي أي احساس..خلال هل فتره
خصوصآ بعد ماشاهدت جروح الطيف
ايده المكطوعه..عينه الي.قالعينها.
اكو مواقف تغطي عل أحاسيس لكن متمحيها
الطيف .رجع اختفى مثل ماكنت أشاهده اول مره
بعيون خضر.بظلال اسود يحيط جسمه
أتمنيت يكون وهم
مثل مخبرني حجي أبو قيم
الي ينفي أتصالنا بغير عالمنا
لكن الي دا اشوفه شني..؟
لا مو وهم..التعرق الشديد.. المغاره الجبل البركاني
الأشكال المرعبه ألطيران بلجو
كل هل شي تلمسته..محيط الغرفه يضيق نفسي
كتبي مال مراجعه يمي أمتحانات البكلوريا قربيت
واني أي كتاب ممراجعه...
صديقاتي..التقي بيهن كل وحده مخلص نص المنهج
واني..الضياع مسيطر علي..نهضت أفتح النافذه
الطيف ماعاد موجود طلعت من الغرفه
المكان الترك..المنور...الطيف ماكو..
بديت أتصنع كدام اهلي أنو حالتي زينه
.مااريد احسسهم
دخلت الغرفة الأستقبال كان عدنا مكتبه جبير
واذكر عدنا كتب تلاثه.. صديق والدي أمنهن عدنا
من كنت صغيره بس الي أذكره كتب عن عوالم
تحيط عالمنا..دورت المكتبتنه..مالكيته
تالي جبت كرسي صعدت علي اجيببهن بابا مختلهن
فوك بين الكتب بكيس أسود فتحته واخذت
واحد من عدهن الي بي يتحدث عن عالم الجن
كان أسمه(....)
واني اتسحب بلكتاب مسكت أطرافه
واني اذكر كلام بابا ان مانقراء
الفضول العندي قاتل لازم اعرف الطيف حقيقه
فتحت ألكتاب وأول ماطاحت عيني على نص
اصفحه مكتوب الجن العاشق كيف يتلبسك
توقفت كدام هل سطر..هل كتب ليش انطبعت
أذا مموجودين يعني هو موجود وعاشق
بديت أقراء واندمج بين سطوره واني اقلب صفحاته
كان مكتوب عدت شغلات يصير التلبس
واغلبهن اني مسويتهن بقصد....او بغير قصد منها
كان الي اني مسويتهن
دخول الحمام دون ذكر بسم الله فيراك عاريه
فيعجب بجسمك ..
الوقوف امام المرآه لفترات طويله..فلقرين يسلط
ارتداء ملابس خفيفه دون التسميه
فينظر اليك الجن فيعجب بك
تغيري الملابس فيشاهدك وينظر بلهفة فيعجب بك
وانتى فى لقائك مع زوجك على الفراش يراك فيعجب بك ....وويصمم إلا العيش معك
يدخل إلى جسمك ليستحوذ عليك لنفسه فقط
يجعلك كالقرد فى عين زوجك
و بعد أن كنت فى عينه أجمل النساء
يشعل النار بينك وبين زوجك ليسعد هو بك
وانتى نائمه تري انك تعاشري احدا فى و باستمرار
يجعلك تعشقي الوحده والظلمه فكان هناك تحذير
أحذري
أحذري من عشق الجن...لكن من الذين لايتلبسهم
لا يتلبس من يتبعون سنة النبى محمد صلى الله عليه واله
حيث لكل شيء وضع له دواء
فعند دخول الحمام بسم الله
اللهم انى اعوذ بك من الخبث والخبائث
عند تغير الثياب بسم الله الذى لااله الاهو
عند التجميل وتخفيف الثياب بسم الله
عند لقاء الزوج بسم الله اللهم جنبنا الشيطان وجنب الشيطان مارزقتنا
عند دخول البيت والخروج منه بسم الله
المهم ... ( بسم الله ) ... فانها تعمى الجن فلا يراك
إنها سنة الله ورسوله.
واني اتعمق وبديت أتثاوب بكثره..
وصلت الجن العاشق حقيقة و ليس بخرافة
و لكل من تسائل لماذا الجن ترك اناس فاسقين لايصلون
و زاول غيرهم..؟
ما ادراك انه تركهم ؟
كيف لهم ان يكشفوه و حتى البسملة لا ينطقوها ؟ وومنذ متى الملحدين وتاركي الصلاة ينطقون ذكر الله
وبدا صاحب الكتاب يجيب نفسه
حقا استغرب لماذا لا تصدقون ربكم..
قال و هو يخاطب ادم عليه السلام و حواء و ابليس "اهبطو بعضكم عدو لبعض "
الله يصرح لنا اننا اعداء و الشيطان يتعود بالاذية
بكل الصفات والطرق و لازلتم تنفون عالم الجن
الشيطان هدفه تدمير بني ادم
ولذلك سيستغل اقل الفرص
و يستعمل كل الطرق باذن الله شئتم
و الكل يعلم ان المس له ابعاد شياطنية
و اغراض دنيوية ....
امراة تدخل للحمام دون اذكار والشيطان ينظر هل
هل سيفوت على نفسه هذه الفرصة ..
.فرصة ارضاء ذاته اولا و ابليسه ثانيا
يستمع بلمرأه في أحلامها و يثير شهوتها
و يقودها الى المحرمات باذن الله ..
والرجل تظهر له جنيه فهي تشجعه على المحرمات
ويذكر انو السعلوه وام الصبيان هن يسلطن على الذكر
..و تلك من حكمة الله عزوجل في الاذكار
و من اراد الدلائل عما ابطل انصحه بالتطلع الى ثمار العلماء و ما كتبوه عن هذا الموضوع
هل كتاب واني قرأت عدت صفحات
رجعت اصدق بلطيف لكن وجوده بحياتي حرام
لازم اتخلص من أنانيتي نفسي اهلي تعبو
بدلت ملابسي اروح للمدرسه
عدنا مراجعه مدرسة الإنكليزي تريدنا
الدرس تقويه..بدلت وسلمت على اهلي وطلعت
واني اشاهد الناس بلشارع اكره اصواتهم
رجعت للفرع القديم واني حاظنه كتابي
التوتر بمشيتي واضح جاي اوصل قريب للمدرسه
وكان.... عمر منتجي على السياره دنكت
اكيد جاي على زوجته كأنما راد يتكلم معاي
بس الطالبات هواي فعرفت كان منتظرني
دخلت للمدرسه وبين ادرس واني اسجل ملاحظات
جاي أطلع واسمع البنات خاتمات الكتب كلهن
واني لسى ولا كتاب سمعتهن يعيدن القراءه
واني أتمشى اجتني زينه
ومتعصبه ودكلي ليش لاعبه بعقل عمر
حياتي رح تخرب بسببج ابتعدي عن زوجي
زوجي يحبني وانتي تلاحقينه
-حبي الله يكملج بعقلج لو اخر رجل بلعالم
مااخسر علي نظره مو أنوب احبه
ومدامج متأكده حياتج حلوه الله يسعدج بزايد
طلعت واشوف الناس اشكالهم مرعبه
متحملت امشي للشارع حبيت الوحده..والأعتكاف
بس...اذا أدخل للفرع عمر واكف بعده..يعني يجي وراي
واني أكره بكره دم سنوني
..مشيت كوه وحسيت شي ودفعني على الشارع
شفت منا ومنا ناس اني بوسط الشارع أريد ارجع
لأ اشوف نظرات الناس بين مستهزأءه بيه
لأن حاظنه الكتاب بخوف
وبين شكولهم مرعبه....بديت اسمع اصوات اصيح
بعدي بعدي.. غلست....
وماحسيت الى واني مشيوله من الكاع
مثل الطايره اقل من للحظه
شفت عمر يركض علي
-يوسف شايلني حور اصحي الا اندمك يلتافه
-عمر يكول ماادري والله سامحيني
بعد مااشفت أي شي الا وطيف يمسك أيدي
واني فرحانه
-حور ياأنسيتي إخذج المكان صنعته الي
من كان عمري ..مئة عام تعالي شوفي
واني بين مامصدكه هل شي الطيف كان شكله
وسيم أنيق ملابسه كانت مثل أمراء القرون الوسطى
بس منظر عينه أحزني اقترب
وأخذ أيدي وخلاها على عينه..بداء.الجرح.يطيب
رجعت عيونه...كامله
-حور ياأنسيتي المحبوب دواء ألحبيب
والعاشق علاجه معشوقه
هذه تميمة الهائمين أحفظيه
- كمل كلامه وعيونه رجعت
تعجبت بلحظتها بلي صار لكن فرحتي برجوع عيونه خلتني أنسى.قراري
حظنته واني مغمضه عيني اسمع خرير ماء
زقزقت عصاقير
أبتعدت لكيت نفسي
مكان مثل ألحلم حديقه خضره وبيها ورود
وعين مي صافيه..اني ممصدكه هيج أحساس
ركضت عل عين وشفت انعكاسي بيها
شكلي غير شكل ملامحي حسيت بجمالي زاد
الطيف يبتسم الي واني اتلمس وجهي ونعومته
حتى الهالات الي كانن حول عيني اختفآ
اركض علورد المزروع وهو يركض وراي ونظحك
كانت ظحكته ببروز بياض اسنانه..تكفي ان تسحرني
كعدت عل حشائش وهو تمدد فاتح ذراعه
وانظر الخضار عيونه الحاد ولون الحشائش
كانن تؤم بأختلاف الجوهر
كعد وهو يمسك أيدي واني مثل الي بحلم
مااريد اتكلم ولا اذكر شي لان كلشي جميل حولي
الزرع "الورد"الحشائش "الينبوع"والطيف
بداء يتلمس أيدي وسقطت دمعه من عنده على ايدي
حسيتها مي حار سحبت أيدي من الألم
ليش شنو هاي
-حور ياانسيتي الجميله أسمي..رسيس..
من قبيله كبيره بعالم الجن .اتمردت على عالمي
لأجل عشقي هذه الحظات ختاميه بينا
المكان الي كاعدين اني وانتي من زمان صنعته
لأن كنت اهرب من عالمي واجي هنا
كل الي جرى من تعذيبي كان فقط عقاب
لكن التنفيذ قريب رح يكون
لأن القط الي قتلتو من الجن الأزرق
رادت اصير حرب.عليكم.. لولا انكم مؤمنين
انتي شاهدتي اكثر وحده بحكم عقلك
أيمانك الضعيف..من تبعتيني للمغاره حاول قتلك
لكن بقينا نتقاتل لأيام الى ان قتلته
الجنيه سيران أبنت الملك والدها يبحث عني
اليوم غدا موتي قريب
جلبتك لعالمي أودعك وداع اخير
ولتعرفين أسرار ومكاني الخفي..
-لا تتكلم احنا ما نفترق
وهو يقترب مني حاوطتني أيده ..قشعريره بجسمي
ماعرفت شنو هل أحساس الغريب الي صار عندي
بداء يتلمس خدي واني مغمضه
توتر"ضياع"ذوبان"مشاعر متقلبه"
قبلني وحسيت كأنما يغمى علي
-حور حور بداء يضرب خدي كعدت واني افتح عيوني
خلفه ضلال اسود ظخم جر ايدي نركض
بداء الظلال يتوضح قطط سود كلاب سود
هو يركض واني اركض معاه
-حور لا تتوقفين وهو ماسكني بداء ينظرلي
نظرات يأس حزن
كلي هنا الوداع احبج لاتنسين..رسيس..الي عشقج
ادفعني وسقطت من مكان عالي جدا حسيت
بين الغيم وبين الارض وماصحيت الا واني بلمستشفى
واخوي يوسف تقدم حظني اشوف نفسي
على سرير والمغذي بيدي
واجهزه وين اني احجو حظنت ماما وبابا
كان جوابهم كنت تحت تأثير البنج وعمليه كبرى
جرح براسي وتمزق برجلي..
والسبب حادث سياره
أيها الغريب ماهو وصف مشاعرنا
فأنا لسنا بأحباء ولا صدقاء
لسنا عشاق والاهائمين
أن وصف مشاعرنا سيكون جديد
جديد لم يصفه أحد
لم يذكره أحد
اسم خاص بنا
لأننا نحن من صنعناه
من سميناه
من ولدناه
أنت تقرأ
طيف عاشق
Horrorقصه منقوله للكاتبه نازك الحمراني تجلس بين نفسها لترى شخص ربما لا تعرفه او لم تشاهده مسبقا ربما هو يعرفها حتى قبل ان تتكلم لكن هي لا ( ماخوذه من قصه فتاه حقيقية)
