#طيف_عاشق
الكاتبه نازك الحمراني
تكملة السابع
-لا من جاب موضوع أتركك..!
اني اريد أسمك الى متى اصيحلك الطيف انت هسه
شي حقيقي جا أستشعر لمساتك
استشعر وجودك
استشعر كلشي منك...
انطيني أسمك...؟
-أتقرب وهو واضع أيده بجيب بنطاله
وذا قلتلج موتي يصير من أعطيكي أسمي
شنو رح يكون جوابك ياأنسيتي الجميله
-كتفت أيدي معاند ومصره على أسم
بدأ الغضب يتسلل الملامح وجهه حتى وصل الحاجبه
بداء وجهه يتغير تغيير مرعب
هذا الوجه الوسيم الي أنظرله وكأن وسامته
من عالم الجمال.والجمال
بداء يتغير للون الأحمر صوته
الي بي بحه حانيه
بداء يصير خشن جدا..بضيق
الظلام بداء يحيطه لكن هل مره ظلام بنار مشتعله
خفت من عنده اريد أهرب ركضت خطوتين
بس جسمي وقف
وقف وحده وكأنما يحيطه قالب أسمنت
مصبوب على جسمي وبس أتحرك القالب ينكسر
كل حركه احس الم قوي بجسمي
احرك أيدي احسها تريد تنكسر
أحرك رجلي نفس الألم
أستسلمت بعد مااتحرك بقيت واكفه
الألم ماينحمل اسمع كلامه
حوررررر ماأعطيكي أسمي ماتهربين من عندي
وصل الي باوعتله والرعب تملكني
حركت شفتي كوه والرعب بكلامي
اشسويت بجسمي
رجعني مااريدك مااريدك...
روح انت خدعتني بشكلك الوسيم ابتعد
كعد على ركبته وكأنما نار يشتعل جسمه
يتوسلةهو يتألم بدا بصراخ بصوت خشن أااااع أااع
صراخه ألم موجع
من صراخه المؤلم
جسمي الوجع تسلله أاحسه جسمي يحترق
اريد أحجي احرك جسمي ماأكدر
هو على أرض جالس .....لكن سبب طوله
كان قريب الوجهي
-ليش يا أنسيتي الجميله العناد العناد
ما اكدر أذيج ..اذي جسدي..جسدي.ضريبة.قلبي
يحترق بسببج بسبب عنادج الي
ماترحين تبقين يمي أتوسلك حور ياأنسيتي
لا تجعليهم ينفوني لأن عشقتك
-حور:شنو ينفوك أنت أنت انت مرعب أريد أهلي
أقتربلي وجسمي بعد مصطك ما أكدر أقاومه
أقترب مني بداء كأنما فقط حلك وعيون طويله
بديت أصرخ أصرخ من شكله
أقترب.مني رجعت ملامحه الجميله
حظني أرتاحيت الحظنه.الي.بي.سحر
أتمنيت.اصحى.من.النوم..اريد.اهلي
أاحس.ماما يمي كاعده.يوسف.اخوي..مخلي.راسي.على.رجله.ويقراء
اسمع بس اصواتهم.بيني.وبيهم.حاجز
حاجز.قوي صلب بس أشوفهم ضباب
مسك أيدي الطيف لكيت نفسي بمنزل خشبي
بي أثاث كامل بس أنارته بس شموع.الطيف.يبتسم
وكأنما.فرحان.لأن.دخلت الهل بيت
- أرجوك حررني
نظرلي بعيونه الخضرة وبداء الخط الأسود
واضح جدا بسبب الخضار الصافي كانما عيون قط
-حور ياأنسيتي لاتغضبيني
لأن من أغضب من عندج أعاقبج
وعقابي مايعجبج
-ليش مااكدر أتحرك شسويت بي
انت طيف اني أتهيئات انت طيف أني اتهيئات
حاول يمزق ملابسى واني أقراء المعوذات
ماكدر بداء يفتر بلغرفه وكلما يتعصب طوله يزيد
انفتح الباب ام بركع كانما ماشاهدتني
اقتربت من الطيف وهي تحظنه
بدأت تقبل أيده تحول لشكل مرعب
تبادلو القبل وهي تلمس بظهره وهو على وقفته
اتحولت أجسامهم لون أحمر غلقت عيني
ماأريد اشوفهم شنو يسوون
حسيت أتحررت من الألم فزيت ماما يمي تبجي
اخوي يوسف بيده دعاء التاج يقراء
كدرت أحرك بس جسمي الفوق
رجلي أتصلبن ماكدرت أكوم
حظنت اخوي يوسف وابجي
حظنت ماما ساعدوني تعبت
-الباجر اخذج الأحس كشاف بلمنطقه ماأعوفج هيج خيتي
-صدك خويه تاخذني اجاني دوار اغمى علي
الطيف إجى أنيق بأنق هيئه أقترب من عندي
بس يمه القط تمشي وي خطوات اني اهرب وهو يمشي
مااريد التفت اله لأن رح يطبق سحره علي
جاي أشرد صار كدامي ..مسك أيدي بشده
حاول يقبلني مانعت فزيت لكيت نفسي
بصاله كلها نسوان واطفال
😍😍😍😍
البارت الثامن
حسيت نفسي مشيوله من الكاع
اي اخوي يوسف شايلني
اريد اركز هذا إخوي وين ماخذني
فتحت عيني لكيت نفسي بغرفه جبيره بيها
نسوان واطفال واني راسي بحظن ماما
كعدت افرك عيوني لكيت نفسي ملبسيني صايه
وشال ماما وين اني شنو هاي الناس
شسوي هنا
-ها حبيبيتي كعدتي ماما اي صحصحي احنا
اهنا عند كشاف ابو قيم ...يصير جد.. صاحب أخوج
-صرت مثل المتخاذله خوش ماما براحتكم
بس عطشانه اريد شي
طلعت ماما من جنطتها بطل عصير
انظر لوجوه النسوان والأطفال شي أصفن
شي تسبح شي تكركر غرفه طويله وكبيره
ملغومه ناس فكرت معقوله هذول الناس
مثلي لو شنو صاحلونا دخلنا الغرفه بيها عطرها طيب
بخور مسج ضاويه بشكل بيها خمس نسوان
واكو شاب كلش أنيق كاعد صافن
أمه تمسح بوجهه عرفتها امه لان ادكله حبيب ماما
وهو كأنما تمثال حاضن أيده وكاعد
-الكشاف ابو قيم:اتفضلي ام يوسف كعدي
انشاء الله خير يصيب بنتج تفضلوا ..
كعدنا..
بقيت مركزه على كلشي بلغرفه
منقله ذهبيه بيها فحم وكل اشوي يذب بخور عليها
ودخن سبح كبار معلكهن
كتب هواي واحد اسمه خزائن الأسرار
البقيه جوه ماقريتهن
شكله كبير بلعمر يتعدى السبعين
لابس شطفه بيضه
اول ماصاح للمريه الي وياها أبنها كعدو
كلتله ابني عصام بن(..)
فتح القران الشيخ بداء يتكلم كلها شرحيلي اشصار
ام عصام كانت قصة ابنها عجيبه كالتله حجي ابو قيم
-أبني عصام ولد دره مال الله هل شوفه
حلو وأنيق والعين علي كان كلش شاطر
خلص المتوسطه والعداديه أعفاء الحد السادس
كلها اصيح عصام رح يطلع كلية طب ذب جهده
على الدراسه وامتحن وخلص بيوم النتائج كان متوتر
كلي يمه متخوف من المعدل
أريد أطلع وي جماعتي سفره نغير جو
فعلآ اطيته القاسمه الله وراح وي جماعته
المنطقة الطيب واكو جٍوله بعيده يسموها
أهل العماره( وادي الذئاب)كان بيها كهوف ومغارات
ومن ضمنهن مغاره بيها جني الكل يخافها
وأبني اتحدى جماعته ودخلها جماعته صاحلوه ماكو
حجو وياه مارد عليهم خمس دقائق وطلع صافن
جابو النا هذا حاله بس ثاني يوم سمع ابنتيجته
معدله أثمانين كان متوقع اعلى من هيج
ضاج وغلق الغرفه على روحه مسك الموس وا ينتحر
ولحكنا بس بقى هذا وضعه لا يدوم ولا يطلع
بس صافن من كم سنه على هاي الحاله
ومرتين يريد ينتحر وايست من عنده وصوني عليك
كلها أبنج ممسوس لأن دخل الهل مكان
بدون أن يكول( بسم الله) اطاها شغلات وبخور
وتبيات سبع أيام بلمراقد
وطلعت مااعرف بقيت كلامهم
المراه الثانيه كانت وي بنتها جدا جميله
بدات اتسولف كلها خليها أسولف وهي تنطيني أسمها
كالتي اسمي وجدان اول أيام خطبتي عمتي ام زوجي
أطتني جكليته بيوم الخطبه بديت أتحلم احلام تخوف
كلت خاف لأن متوتره ثاني يوم من خطبتي
حلمت انو دخلت الغرفة إمي
ولكيت واحد شطوله طاخ للسكف راسه
بحيث مدنك ولابس دشداشه مال امي نيليه وقصيره عليه للركبه ويباوع على المرايه ويظحك
شكله اسود صاحب اذانات طوال من شفته
التفت عليه وشردت لغرفة خواتي البنات
وجانن كاعدات اجيتهن مرعوبه
سألني أشبيج اشرتلهن على الجني
اجه ورايه دفع الباب شافنه بقن ايعيطن
واني مخلوسه من الصدمه
عاد هو اجه ودمغهن على راسهن واني شردت
فزيت من الحلم لكيت خواتي نايمات
وبعدها ماتحلمت اي حلم
منا الحد ما أزوجت وراها بسبوع رحت أسبح
رجعت لكيت كنتوري مفتوح و الوصله مالتي
مال ليلة عرسي مأخوذه واستحيت أحجي
لأن ناس غرب ماأعرفهم
وراها بسبوع
نفس الجني شفته الي عند اهلي
اجه بغرفتي اني نايمه بالروب
مااحس اله اظافر تمشي على جسمي
من فتحت عيوني ضليت مرعوبه
اريد اصرخ خنكني وكال
لاصرخين وعيونه حمر ويخزر
ويمشي اضافره الطوال على رجلي
انوب كام يفتح بالبيبان مال الكومديات
ويسدهن حيل بكل قوته عدة مرات
صحت علي دوختني كافي
اجه زمخ كال اسكتي تردين اسمعين رجلج
صريخج ترى مايسمع
والبارحه زوجي قاربني ومن خلص تحول شكل الجني
فزيت من الحلم لكيت زوجي نايم
الحجي ابو قيم كلها هذا عمل على نكاسه
تقرأين صورة ياسين وترشرشين اركان البيت ملح
وكل سبوح تمسحين البيت مي وملح
وكل خميس وأربعاء تحرقين ورق الغار فدأثنين.
وهواي تفاصيل اطاها
...........
وصل الي اشر بيده كعدنا مقابيله
بينا المنقله الذهبيه كالي تكلمي بديت أسردله اتفاصيل
من يوم القط الحد شوفت الطيف
بدأء ينظرلي نظرات كلي شمسويه قبل
-مامسويه أي شي
-شوفي يابنتي أني شغلتي هاي قديمه
من عمري عشرين سنه يعني مايجي الجن عتباطن
رح أسألج وجوابي بصدق
-تمام اشتسأل اجاوب
-هم فديوم سابحه المغرب
-لا ابد
-فد يوم داخله التوالايت بلا مدكولين بسمك اللهم
-أي دائما أنسى
-بعد ماأسألج أذكري أشون أجاج الطيف اول مره
-ها من شلنا بيتنا بديت أحس بوجوده الحد مااتكون
وصرت اشوفه كامل بجسد وجسم
-أذن مسويتله دعوه شكلتي بدعوتج اله
-اني دعيته مستحيل
-أي اتكلمي حتى أساعدج لايزوجج لان بس تمانعين
رح يأذيج وربما تنجنين احجي بنتي اذكري
شون دعيتي احجي احجي بديتاسمع صدى
نهضت اركض طلعت
من عنده من النسوان امي تركض وراي
اي اني دعيته بس شوكت
لكيت يوسف أخوي منتظرنا شافني اخذني بحظنه
ماما تحجي علي
-تعاي الرجال عنده كوم ناس واستقبلنا أجر بيه
بس اني كامشه قميص يوسف مااكدر ماما عوفيني
نظرت الأخوي فدوه مااكدر اليوم اريد ارجع للبيت
-بكيفج خويه اهم شي راحتج
-ماما فدوه خل نرجع ركبنا السياره ورجعنا للبيت
بثعش الظهر صادف وي دخلتنا سمعت ونين
مااهتميت أتوضيت وصليت غرفتي هدوء
ماكو شي قريت بدلت عندي دوام عصري صادف
وصلت متأخره كعدت بصف اذني صار بيها طنين
طنين قوي ماعاد اسمع المدرسه شتحجي
زينه صديقتي تركت رحلتي وجنها متغيره
اشبيها مااهتميت احاول اشوي اركز على دراستي
كعدت وي صديقاتي اريد اسمع شيحجن الطنين
مااخذني يجي ويروح
صداع غوشت عيني بديت اقاوم
خلص دوامي صحت الزينه مجاوبت
اريد اتصل على عمر مااعرف مو شغلت احبه
بس اريد احجي وي شخص
-زينه حبيبتي الفون ماتج
-لا حور ماعندي رصيد طلعت رجعت للبيت
ماما تحرق ورق الغار وتمسح غرفتي ابملح
اسبوع كامل الطيف ماكو
ابوقيم متصل على اخوي
وكلا هيج يسوون بقيت اداوم
ومره داومت وره فتره كانت زينه غايبه
الفون ماتي عطل قررت اروح البيتها من يخلص
الدوام استأذنت من ماما الدرس الرابع ازورها ليش متغيره علي ماتتكلم وليش هسه غايبه
اجتني صديقه كالتلي شعجب مداومه وزينه صديقتج
وروح بروح
-شكو اشبيه مريضه الله عليج خفت عليها جاوبتني
أهو أطردين عيون على صديقتج ولج اليوم خطبتها
-لا والله بس خاف نست أدكلي خلص الدوام ورحت
ابملابس المدرسه دخلت نسوان وركص وهوسه
امها ستقبلتي
زينه ضاجت من شافتني باركتلها دخلو اهل العريس
والصدمه كان الي خاطبها عمر ماخليته يشوفني
تقربت على زينه وشاورتها بأذانها
-اشكد شفت حقاره بلكون مثل حقارتج مشايفه
تخردلت وجاوبتني
-انتي مو متحبي ومرايدته
-ولج هو ياحب اني احجي عل حب لو عل خيانتج الي
وكنت عادتج صديقه الي بس ياحيف
ردت ابرد نار كلبي على خيانتها
رايحه من يمج وماتحسفته هل ذكر
الي حاسبته رجال
متحسف الصداقه الي بعتيها ترى كتلته الشمس
حتى ياخذ نظره مني طلعت ضايجه مكسوره
انصدمت بصديقة عمري حتى لو مااحبه
بس جان كالتلي دخلت للبيت اخذت حبوب مهدىء
ماما مخليه سطله وبيها مي وملح ارش قبل لا ادخل
لان هذا الماي مقري علي
كعدت على الجربايه الطيف إجاني
نفس أناقته وسامته ظحكتله تقرب علي
حظني وأيده تمشي على ظهري بجيت حيل
رفع راسي بأيد
-حور يا احلى أنسيه خبرتك زينه لا ...بس هذا متعب
ضرب راسي بطرف اصبعه
رجعت حظنته ماسئلته على اي شي
اريد ارتاح
-حور انغادر العالمنا لو لا
-لا ابقى هنا مااريد هناك اتمدد على السرير
واني كاعده يمه اتلمست حواجبه انفه بس
جرني قبلني من حلكي كانت قبله حانيه جدا
أتمثل جميع همهمات العاشقين
قبله تحمل عبق عشق مصفى
سحرتني لحد الأغماء.
كان فيها وقت فاق عدد أوقات عمري
اسكرتني ذوبتني سرقتني من وجعي
اجلستني لعالم الابتسامات احاول يمزق ملابسي بقربه الخطر
لكن...؟
دخلت ماما بيدها سطل المي
ترش أستحيت كنت اعتقد شافتني التفت
على مكان الطيف مختفي
-حبيبتي حور هذا الماي السيد قاري علي سورة
البقره وبي ملح خاتم علي القرأن
غير ترشين غرفتج اشبيج صايره حمره بنتي
مصخني لمست خدي لا مبيج شي روحي نامي
مسائكم رحمه ❣طبعا بسبب اكثر الناس بدأت تخاف اريد
اخبركم الي يخاف ليتابع مااتحمل عقبات خوفكم
القصه اريد اوصللكم لفكرة تلبس الجن قصة بطلتنا
كوه وافقت عليها لكن بعد بحث طويل بلقران وكتب الأسلاميه
وكتب علم النفس قررت أكتبها
😍😍😍
البارت التاسع
طلعت من غرفتي التوتر الخجل كلش سيطر علي
شسويت بحالي تقرب الشفتي قبلت
أي ماانكر قبلت وذبت من عدها
حسيت هو الي أريده بي كلشي أحبه
وسامه"حنان"عطف"رومانسيه"
بس لا...؟
ايده على صدريتي أجى يمزقها ..
ماأريد هيج ..اريد بس أصفن الجماله وصفنته الي
من أسرد اله تفاصيل يومي
ردته مثل الولف وسولف وياه
ابحث عن من يسمعلي شفت هل شي بلطيف
البيت صار مكان أمن لان ماما ويوسف محصنينه
تمشيت للصاله
اخوي يوسف كاعد على قنفه يتصل بخطيبته
كانت لمعه بعيونه حلوه من يحجي معاها
بس تتغير بلحظه أتبدل موضوعهم كعدت يمه
أريد أعرف ليش هيج تغير غلق الفون متعصب
بسرعه تحوله وجهه من الغضب للفرحه
ميريد يحسسني
-هلا باختي شونج صرتي احسن
-يوسف ليش ضايج لا تنكر أني أختك
أتكلم يجوز أساعدك بس عندي حساس وانت تعرفني
احساسي ميخيب من أفكر بلناس الأحبها
-هههه أي وشتحسين بيه ياأم العريف
-نظرتله شفت شرود بذهنه تفكير جاي أشوف أنو انت
مختلف مع خطيبتك على موعد زواجكم وانت تأجل
وهي أهلها يضغطون عليها
-جنتي تصنطين كلاوجيه
-خويه لا أبد بس ليش أتأجل يعني تحبك نهض
كمشت أيده أكعد خويه السبب أني مو...؟
أي أني تعبتكم..!
أدري بس أريد اعرف ليش تأجل وانت أتحب زمرده
أكثر من روحك وتتمنى يوم قبل باجر تزوجها
-شوفي يااختي أنتي عزيزه عندي
وهسه الحمدالله زينه..يجوز تتأزمين وشوفج زمرد
ماأريدها دكول عنج غير شي
وذا على التاجيل فلا تقلقين اخوج يعرف يقنع حواء
-أتصنعت أبتسامه اشكرك خويه أنشاء الله خير
رحت الغرفتي أني شدا أسوي بروحي
كنت اظن محد مهتملي...طلع تفكيري غلط
اخوي خطب حبيبته من أول مادخلت اني
السادس الأدبي وهسه أمتحنت نصف السنه
وهو لسى مامزوج
السبب أني..
ماما كانت مثابره بدوامها ومتتغيب مدة تلاثين سنه
هسه كثرت أجازاتها ودور يرفضون يطوها.. بسببي
لازم أريحهم مني
إدور على الطيف ماكو بلغرفه رحت على النافذه
فتحت الستائر والنافذه شفت الطيف بلترك (منور)
الشمس ساقطه على كل ملامحه وشعره
زادت جمال أضافي...
اتأملته واني أجر نفس طويل
شنو من جمال عنده بس ليش يتحول لمرعب
كان صافن متوتر يريد منفذ يدخل
كاعد على السياج ميكدر يدخل شافني
أتقرب بسرعه بس مدخل للغرفه بقى واقف وصافنه
ويحرك براسه وعيونه يتأملني
-ليش متدخل لو أنت تحب أم بركع
-انسيتي الجميله الطيف مايعرف شنو مشاعر
مايعرف شنو حب أوقلب ينبض
بس يعرف انو يعشق وعشقه حور
-بس أنت قبلتها شاهدتك بعيوني
-أنسيتي ياحور اخذتج العالمنا هناك تكدر تقتلج
ردت أبعدها عنك مااريدها تأذج أو تلمسج
تقربتلها بشكل التحبه لأجل سلامتج
-حور لأجلي قتربتلها يعني تقتلني اذا بقيت بعالمكم
-تقتلج هل شي قليل هي أبنت ملك وأني منفي
من عالمي لأن حبيت أنسيه فقط هذا البيت
الي أعطتني هي ..لان تريدني زوج
أعطتني ياه من كل املاكي بعد أن قنعت والدها الملك
فتكدر كلشي تعمل موبس تقتل
.-كلامه أشبع غروري..بس....؟
جاي أدمر حياة أهلي يوسف اخوي
لازم أتخلص من كلشي
من هواجسي من الطيف الأنتحار هو الحل
أي أقتل روحي أحرق نفسي هواي طرق
يرتاحون أهلي واني اعيش مع طيفي
شفته الطيف أبتعد كلش صار ضل أسود اختفى
التفتت أخوي يوسف بيده فون( الدمعه)يصور بيه
كعدت افكر بقرار نفسي مابقى شي عل عطله
الي ينطوها للسادس لاجل الأمتحان
اخذت حبوب الهذيان الطيف مااجاني
الحد الصبح خل اداوم واشوفلي طريقه للأنتحار
طلعت للشارع واني أفكر بصديقتي زينه الخاينه
من فشلتها نقلت نفسها الغير صف صار شهرين
مدا أشوفها وسمعت هي أزوجت الله يسعدها شعلي
بس ليش خانتني رقم بقى عندج هيج تصرفين
مااريد اشغل بالي الحمدالله الله كشفها الي....
بوقت لأن ردت أسولفلها بعد على الطيف واسرها سري
دخلت للفرع الضيق اكره امشي بلشارع
مااحب اشوف ناس واني مدنكه وجنطتي على كتفي
وحاظنه كتاب الأسلاميه سمعت اسمي
الصوت موغريب بقيت أتمشى
-الله عليج حور اوكفي توقفت هذا عمر ماغيره التفت
-لك متستحي رجال مزوج وتفتر وراي...مشيت...صاح
-اذا متسمعيني شريد أكولج اقتل روحي
-ألتفت أو عساك وطز تخلص المجتمع
من القمامه المتنقله الضاره
طلعت الفرع وصلت للمدرسه واني تفكيري
هل حثاله شيريد بديت أراجع دروسي
طونا الجدول أمتحانات اخير السنه
والعطله مالت المراجعه عل أبواب..
شفت أبنيه نحلانه وذابله تتمشى كوه.بساحه هاي زينه
داخت وطاحت ركضت عليها اني والبنات
زينه كومي اشبيج اخذت فونها اكلب بيه ادور رقم
شفت رقم الشفيه عفته اتصلت على أمها وخبرتها
كالت هسه اجي عينج عليها
اخذتة زينه للحمام غسلة وجها صحصحت.
وحظنتني وهي تناشغ
-حور سامحيني والله ماقصدي بس..
-سكتي لا تحجين زايد هسه امج تاخذج
رن فونها شلته بلا ماانتبه الو منو تفضل
-هاي انتي حورج هاي زينه حقيره خابرتني جاي اخطبج
واجي البيتكم وسولفتلي عنج أنو أنتي جن.. عندج
وخوفتني والجن وياه قط تلاحقج ردت بس انساج
هي سبوع كامل تخابرني وصبرني
قنعت وخطبتها وهسه هسه
-هسه تحترم نفسك انت مزوج هاج زوجج هذا
طلعت من المدرسه هاي اني هيج علي دعايه
رجعت للبيت رن فون ماما اول مدخلت للصاله تركته
كلمن نايم بغرفته دورت بغراض بابا لكيت مشرط حاد
لازم انتحر جبت سمعه الأهلي اني ممسوسه
رجع رن الفون شلته كانت الدكتوره وهاد فرحت
شونك دكتورة وهاد اني حالتي صعبه لا تتكلمين
بس سمعيني دخلت الغرفتي
دكتوره بعد قررت أنتحر لان تعبت تعبت أهلي
الناس تنظرلي مجنونه الموت أرحم بقت ساكته
سمعتي دكتوره أشأكول كان جوابها
-حور كملتي كلامج
-اي كملت بس شو ممهتمه
-انتحري حور أفضلج بس خلي بالج شي
أنتي دكولين الأنتحار راحه والموت أفضل
تعرفين شنو الأنتحار
...الانتحار هو بدل ان تنامي على فراشك الحلو
وبيتك الواسع الي بي التبريد والأمان
والأهل والظحك والبجي والزعل
تحلين مشكلتج بنومج في تراب قاسي.نتن
ويصير جسمك غذاء للديدان والدود
وكل هذا انتي تحسين بي من ياكلوج
موبس هيج...؟
عندك حساب الله لروحك
الأنتحار غباء وجبن....
لان الحل لجميع مشاكلج موجودة .
فقط أستخدمي الة العقل
مو ترحين لطريق الموت.الي.هو.أصعب طريق
فكري بمنطق....؟
الحياة ثمينه بجميع صعوباتها وحزنها
ولكن قيمتها بالتحدي والخروج من الازمات
-ها دكتوره كلامج ريحني بس تعبت شسوي
اهلي تعبو والله
-تعالي باجر حبيبتي ونشوف حل بس هسه
أستغفري الله وصلي ركعتين وأنسي شي أسمه طيف
-شكرا دكتوره غلقته مسحت ادموعي واني أذكر كل
كلمه من الدكتوره ذبيت المشرط دخل أخوي يوسف
ابتسملي
-الحجي أبو قيم دز علي يريدج حور خل اروح اخذج
-ماشي يوسف اصب غدا نتغدا اني وياك وروح
ماما طابخه بس حميت الأكل تغدينا بدلت
كعدت ماما حضرت نفسها
رحنا البيت الحجي واني مثل المفتقده شي
لأن مشفت الطيف كلش ضايجه علي أتمنى يجيني
دخلنا البيت الحجي ابو قيم
وبقى يوسف مع صديقه يسولف ماانتبهت علي
أستحي من روحي خاف هم يشك بيه
كعدت بنفس الغرفه الكبيره ونسوان يسولفن
بسرعه دخلونا وكانن هم نسوان هواي
وحده عدها طفله زغيره هيج عمرها 9 اشهر
بس تبجي وامها اسولف ودكول تعبتني
أنقهرت على الطفله حمره من البجي
سئلها الحجي
كالت والله شكلك حجي
جانت بنتي طينه فقيره صوتها ميطلع كوه تبجي
الحد مامره عدنا خطار والكل تعجب على هدؤها
عمتي خافت عليها من الحسد أبني طلعها بره
وفاتت من يمها قط جانت تركض وافايته من راس بنتي
واول مطافره فوكها صارخه ومن نهدها هي هيج
لأن بلغروب ماادري بي مخليها بلكاع
والقط طافره فوكها
اخذتها الوحده سحاره أدكلي بنتج بيها ملك يأذيها
وهل ميخليها تسكت لأن يضرب بدماغها
شدكول حجي أبوقيم وانت روحاني وكشاف
جاوبها حجي أبو قيم
-بنتي ألله ظالم استغفر الله يسلط ملك يأذي بنتج
مابيها أي ملك مجرد عين ماذكرت أسم الله
ضل يكتبلها حرز لفا ونطا الها
وكلها جيبي بطل زيت زيتون تقرأء علي المعوذات
واية الكرسي وتخلي زيت الزيتون
دهان ودلكي بي كلةجسم الطفله الحد راسها
وي كل تدليكه تسمي وحجى عليها
انتم شغلة التلبس ألغوها كلمن وعالمه
كأنما يوجه الكلام ألي طلعت الأم وطفله
كعدت أبنيه شابه كانت عليها ملامح الخوف
ذكرت نفسي بيها من تحجي تتلفت من تتكلم كالتله
أسمي نوريه أني اجيتك بخفيه من اهلي حالتي صعبه
أمي ماتت وخطيبي شافني متكأبه على أمي
وجنت أموت علي احبه .. تركني بقيت أعاني من الوحده
هسه عمري ست وعشرين سنه
بديت أول مره اسمع واحد يصيح أسمي
ونوب بديت أحس بوجود شخص يمي
صداع كثر براسي شعري بدا يوكع بعدها
بدا شخص يجيني كل يوم يسولف وياي ويظحك شخص كلشي يعرف حتى من أصلي يصلي وياي
حبيته هسه كلما أهلي يردون يزوجوني أرفض
لأن احب هل شخص متدين ملتزم
بس صار فتره اقتربلي
وخاف أحمل من عنده
واهلي يقتلوني رحت الواحد سحار
طلب مني مبلغ جبير كال بيج جني
لازم اطلعه منج كتله ماعندي فلوس طلب مني(...)
ماقبلت يعني لو يمس عرضي لو فلوس طلعت من عنده
اجيت الك كالو عليك تخاف الله
شدكول حجي شسوي
أريد أعوفه مااكدر أستمر معاه لا يزوجني
هو يكلي تعاي وياي العالمي نشرد
بس اخاف على ابوي يبقى وحده
الحجي ابو قيم:أبنيتي ليش دمرين روحج
أرجعي الربج القرأن يذكر(خلقنا الأنسان من صلصل
كلفخار*وخلق الجان من مارج من نار)
فما يصير ابد امتزاج بين الأنس والجن
لأن كلمن وخلقه الجن كائن هوائي وشفاف
واحنا مادي يعني يوميه جايتني وحده متلبسه جني
لو جني يأذيها لو جني عاشقها. ورجع ينظرلي
ذول السحره لاصدقوهم أنتم ناس على فطرتكم
واصدقوهم خل أفرض انو هم موجودين ويعشقون الأنس
القرأن يخاطب احدهم(أن عبادي ليس لك عليهم سلطان)يا بناتي ارجعو للقرأن الطيبه المفرطه الي عدكم خلت الدجالين يسيطرون على عقولكم
فما يصير تزاوج يابنتي اقرأي قرأن كل يوم ورقه
ورقه وحده كافي
من تردين تنامين بليل أتوضي واقري أي ايه قصيره
شيلي الفكره منلج تسلمين وترتاحين
بعد القرأن يذكر(خلقنا من أنفسكم أزواجآ)يعني من نفسنا
وحتى لو اكو مس فذكر الله شفاء
تعرضتي لصدمه عاطفيه أضافه للكأبه
خلتج تصنعيلج شخص من ذاكرتج
شخص حسب مواصفاتج الي ترديها
بقيت أحفظ الي يكوله بس ماأصدقه أبد
لأن أني الي دا أشوفه وأحسه
برغم أني مقتنعه بكلامه
بس مقتنعه بلي أشوفه أكثر كامت البنيه
انطاها حرز أشيله وشغلات وطلعت فرحانه مقتنعه
بس اني... شيقنعني..
اشر بيده اقتربت كعدت
الحجي أبو قيم:أي اذكرتي شون دعيتي الجن
-اي ذكرت اشلون دعيته
-وجنتي مأمنه يجي من تدعينه
-اي مأمنه لأن طبقنا كل الخطوات الدعوه للجن
-خوش أبنيتي سولفي شون سويتي دعوه للجن
أنت تقرأ
طيف عاشق
Horrorقصه منقوله للكاتبه نازك الحمراني تجلس بين نفسها لترى شخص ربما لا تعرفه او لم تشاهده مسبقا ربما هو يعرفها حتى قبل ان تتكلم لكن هي لا ( ماخوذه من قصه فتاه حقيقية)
