طيف عاشق

البارت الثالث والرابع

#طيف_عاشق
الكاتبه نازك الحمراني

البارت الثالث والرابع
اصادف بيها دوامي عصري من الرعب والخوف
نسيت كلشي صار بيه نسيت الولد الي اطاني
رقم تليفونه طلعت من البيت أمشي
على السريع واذا اشاهد خلفي
السياره النيلي تلحقني تذكرت هذا الولد أبو الرقم
خطر بالي شي هل لحظه
أنو من اطلع من البيت واني انظر للشارع
للمحلات انسى الطيف ..
مااعرف بس بلبيت اذكره ويظهرلي
جاي أعبر فلكه صايره على فرع المدرسه
كان الفرع هاديء احب امشي بي
لان البيوت الي بهل منطقة
بيها حدائق خارج البيت من ضمنهن
الطريق الي يطلع على مدرستي اول مادخلت
بي الولد ابو الرقم وقف سيارته مقابيلي
فتح النافذه مال السياره بدأء يتكلم
-ليش متصلتي البارحه منتظرج الحد الإربعه
جاوبي ليش
-حور ..ها شعليك شنو اخابر
مو عيب يارقم تحجي بي
ما...أعرفك ابتعدت من عنده
نزل من سياره واني امشي ...كلي
-ولج لا تشلين حالي يابنيه فدوه الطول
وحق الله أحبج ولج عمري فداج
-درت وجهي علي حسيت صرت جريئه
حور:اكولك أشو عمري فداج
وتقسم باالله شنو هل معاكسه الغريبه تريد جاهد
لو هاي خطبه مال جامع(بكلبي اكول غزليش هذا والحظ)
روح بابا منا قسم و تظحيه وفداء دروح منا...عيب.لايندك بعرضك.مثل.تلعب بعرض البنات خفت من عنده لان مااتكلم
ركضت وصلت للمدرسه وي دخلتي الجرس دك
خلص الدوام بين ضحك وسوالف
وفوكها أطتنه المدرسه استراحه لان مريضه طلعنا للساحه
كعدت يم زينه بيدي كتاب الرياضيات الي بي الرقم مال ولد
زينه صديقتي من اربع سنين اعزها واحبها.بس...؟
قررت اسولفلها عن الطيف وبديتلها من أول يوم
من كنت صغيره الى أن يوم القطه تغيرت حياتي
كالتلي عندي خالتي تعرف بهل سوالف
تعالي ناخذ أجازه وروحلها...
بدواخلي فرحت وفعلا راحت تطلب أجازه ورجعت
موافقه المديره طلعنا واني خايفه
لا واحد من اهلي يشوفني وصير سالفه
بين مانمشي وصلنا البيت خالتها دخلنا مريه
كاعده بلطارمه على كرسي بيدها عوجيه
زينه كالتلي هاي خالتي ام عذاراء
اشرتنا بلعوجيه نكعد .....أول ماكعدنا كالت
أسمج حور ......احجي
-ها....اي...حور بس شون.عرفتي
-ام عذراء-تفضلي ماما شربي مي اطتني كلاص
اخذته الكلاص شربته... بيها كنت عطشانه وصلت لنص الكلاص جاي اكمله كالت اوكفي تركي المي لاشربين أريدهنطيته الها بس اني بعدني عطشانه
بقت تباوع علكلاص شون قارئة الفنجان اني انظر
بس شنو المي اشبي..خاله نظرتلي .. خبرتني
-انو علي نفس لأن حلوه اتحذر من صديقه قريبه
اني أم عذراء إكلج
:لاتأمنين بأي رجل..يعاكسج.لان كلهم يلعبون.
زواجج رح يكون بعد ان تخلصين من السادس الأعدادي
أي يصادف زواجك أول أيام الكليه
حور:اكو شي يظهر غير هل أمور خاله ام عذراء
-ام عذراء أي أكو بس اريد منج حاجه
لا تفكرين بأي شي لا تأمنين بيه حتى ميظهر كدامج
لأن كلما تأمنين بيه رح يظهر اكثر .. ويكثر ظهوره
ضلي غالطي عقلج كولي هل شي تهيء الى ان يختفي نهائيآ
حور:شون ماأمن خاله ام عذراء
اذا بلبيت هل طيف موجود
بكل مكان حتى على سرير
-أم عذراء لعد حذري من التصديق بي
لأن ألي يأمن بلجن يطلعوله
يله طلعي
حوراء:جن خاله ها .ودي أتوسل بيها تفهمني شون اشيله من بالي بس رفضت وطلعنا من عدها
اول ما طلعت ضايجه الولد بوجي ابو السياره منتجي عليها
بيده اسويج ويفر بي لسى أذكر أغنيه مشغلها
(عمي شبينا احنا مانعجبك هم مثلك بشر خالقنا ربك)
جاي أعبر من عنده صديقتي زينه بقت تباوعله فرحانه
اني عبرت وزينه مااعرف بيها بقت راحت
رجعت للبيت بدلت وكعدت بغرفتي البيت هوسه خواتي خطار وأطفالهم جاي يرحن لبيوتهن سلمت عليهن رجعت
تمددت على السرير حسيت بهواء لفحني
عدلت نومتي اكيد الطيف أجى صار سنه بعد وفات جدتي يظهرلي فكرت هو وجوده ولا الرعب بذاك بيتنا
بس اجت ابالي أفكار من ماتت القط
بدأت اشوف أشياء رعب بس من شلنا من بيتنا
لا بس الطيف والقط بس ذاك بيتنا شغله صارت
من قررنا انشيل طلعت بلحديقه مال بيتنا
كانت كبيره جدا ردت اقراء
انتجيت على سدره مال نبق (نبك)
واني اقري اطيح قطرات سلاج على أيدي
رفعت راسي طلع كلب أسود بعيون حمر
اجى يطفر علي بس اخوي دخل واختفى الكلب
كعدت أتعوذ من الشيطان
مره كاعده بصاله أشاهد افلام اجنبيه
وشفت مريه تفتر بصاله وتنظرلي
بيدها ولد هي مصلخه وابنها
فاتو من عندي ويفترون بصاله وينظرولي بأبتسامه
ءهو اشذكرني بيهم خل أروح اكل لكمه
جاي أكوم أثبتت أيدي على السرير
كنت مغمضه عيني فتحتها هاي البنيه الشكره
ام الرداء الدانتيل فتحت عيني قوي شفتها
ركزت على عيونها كانتعيونها زرقاء بيهن خط بلعرض مكان الدائره
اجى الطيف مثل البعدها
خفت جاي اتصل على زينه الكتاب عدها
بي رقم الولد لان اهلي من اسولفلهم يكلولي مجنون
بس الطيف اقترب كلش من عندي حسيت بنفسه
ردت اهرب كتله وخر أبتعد من عندي شتريد
منو انت اريد انام أرتاح ارجوك تعبتوني كعدت
أقترب علي حضني حضن عجيب ماحاسه مثله
بي طاقه عجيبه اريد أبعده ماكدرت سحر مسيطر علي
بدأت أيده تسترسل على شعري
ببطىء طلع بس هل حرف
اشششششش
ش..اشششش.هدئت راح الخوف
من عندي رفعت رأس أني طولي كله
جوه عضلات صدره ايده لمسته سحر تملكني
أبتعدت من عنده بعد مقاومه وي نفسي
لأن حتى لو اكو عطف ...واكو حنان
الرعب هو سيد الموقف وصلت يم الباب شردت من عنده
طلعت اروح للدوانيه لكيت أختي رسل ألي بغداد
ترتب بلدوانيه وتبتسم أبتسامه بخزره
جيت أسلم عليها طلعت من الباب الثاني
لحقتها واني أركض ماكو سئلت ماما
وين رسل اختي كانت هنا من قليل
ظحكت كالت رسل بغداد راحت مو سلمتي عليها شيجيبها
ماما روحي اقري قرأن ترتاحين
رجعت الغرفتي قررت ماأنام بعد بيها
ادنيا ليل والقمر طالع وقفت اسد الستائر مال نافذه
وبيدي المخده والغطا أريد اطلع أي انام يم ماما
ما أنام بلغرفه لأن تعبانه من الطيف والأرهاق
وشفت وي ضوء القمر الي مسلط على النافذه
خلفها عيون خضراء
خضراء جدا تنضر لي بغضب بحديه.بيها سؤال
بدأء الرعب يتسلل الي شنو هل عيون
خوف تملكني العيون غاضبه غاضبه جدا
هل عيون غاضبه لان اريد اطلع من الغرفه أي اكيد رجعت فتحت الستائر العيون ختفت ياربي شهل رعب
أتكأت على النافذه بدأت أصوات أسمع بغضب حور...حور
كنتوري ابوابه انفتحت وحدها ونسدة وحدها
الستائر الي رتبتهن على النافذه سقطن
كتب مدرستي بدن يطايرن بلغرفه
و اتمزقن وحدهن من خلال
نضره واحده من عين واحده
نظره بغضب عجيب
ألليل بدأء يطول كرهته لأن تخيلاتي كثرت
كنت أشاهد بس طيف تالي ظهرتلي عيون غاضبه
مجرد عين واحدهأختفت بس خوفي زاد لأن بديت أامن
اصدق مثل ماقالت
خاله ام عذراء وخاف أصدق ويظهرلي ...؟
بقيت.ماكدرت أطلع من الغرفه
خفت يأذي أهلي يريدني هنا عرفته
لأن عيونه تخوف لان قررت انام يم ماما بقيت
بلغرفه كعدت على السرير حاظنه رجلي على صدري
كتبي مزقهن شلون أدرس بداء كلشي يزيد عندي
الرعب الكأبه الحاجه لشخص أتكلم معاه
فكرت بزينه صديقتي اتصل عليها اذا نايمه
اكلها على رقم الي بكتاب الرياضيات مال الولد
ابو السياره النيلي
نزلت رجلي من السرير قررت أبحث عن رقم الولد
أريد أفضفض لأي شخص..حتى لو مااعرفه
الفون على كوميدي المرأة
حسيتها مسافه طويله برغم غرفتي صغيره
أثنين في أتلاثه وأثاثه كنتور بابين
سرير نفر واحد نافذه بأربع خطوط
ميز مرأيه نزلت ركض خاف يمسكني
جريت جنطتي مال كتب والفون بسرعه
ورجعت على السرير كعدت بزاويته
فتحت الفون اتصلت بزينه صديقتي
كانت كوه تتكلم توسلت بيها خبرتها
على الرقم بكتاب الرياضيات بقيت منتظره
رسلته الي حفظته بلفون
ماطولت وياها لأن نعسانه تثاوب
اتصلت على الرقم أول رنه قطعت الأتصال
لا ماأخابر هل ولد حتى لو شكله حلو وأنيق بس ماأعرفه
ضل الفون يرن مره مرتين أتلاثه كلما أمد ايدي افتحه
أسمع صوت بصداء لااااااا....لااااااااااأأ.بس الصوت خشن رح اجازف بس خاف يأذيني
لازم اقوى هو طيف شنو يأذيني ميكدر
الصوت تكررخفت.بلزايد.
بس اشجعت.الفون رجع يرن.لساته
فتحت خط الو ..تفضل....جاوبني
-الله على هل الصوت أخيرآ حنيتي على حالي
-حور:أنت منو وشتريد خبرني
-أني عمر الي معجب بهل البنيه الكرزه
-حور:بعد لا تلاحقني بسيارتك الي تجذب بيها البنات
أني مو مثلهن لا عبالك
-عمر:أكيد تختلفين عنهن ودليل صار أسبوع أفتر والاحقج
وتجرئت وطيتج رقمي
-ها شنو شدكول لا تتكلم زايد غلقته الله كلامه حلو
حساس رائع من شخص يتغزل بيك
كأنما بطلة قصص روايات عبير
رجع الفون يرن ..
حاولت أتناسى الطيف شلته ..
-حور: عمر لاتتصل علي اترجاك مااعرفك
-عمر:اني معجب بيج أطي مجال الهل اعجاب يطورأني ماألعب نيتي زواج ومقتدر والحمدالله
-حور:شدكول انت يازواج ياأعجاب لا تتصل بعد
اتورطت رمشت ترى اسفه
-عمر:مارح اضايقج براحتج ثيمالاه
بس خلي بالج اني موجود من تحتاجيني
وكتلج نيتي زواج مو لعب
حور:سديته لأن حسيت رجلي شي ويضغط عليها
لمسات كانت بضغط قوي الم قليلةبس ضغط
جريت رجلي كوه
نهضت اريد اشرد اهرب من الغرفه لأن خفت كلش
هل مره صارت حقيقه لأن شعرت بلألم
كان كل مره مجرد احساس
أولمسات ناعمه
مثل الهواء الي يداعب ثوب ...
لمسات الطيف هيج كانت
رقيقه جدا بحيث تذوبك وماتحس بيها
وصف لمساته اصعب من الوصف
كأن شوف شي حلو وهو مو حلو
بس هسه ايد وتضغط اي حسيت بأيد
تظغط علي بقوه تملصت عنوه
ركضت وصلت للباب مال غرفتي
مد يدي على اليده الباب مينفتح أصرخ على اهلي
اصرخ على ماما ماكو جواب
اضرب الباب برجلي بأيدي
درت وجهي ناحية الطيف أقراء المعوذات
الطيف يقترب بديت ابعقلي اتكلم
هذا خيال تهيوئات كذب
غمضت عيني واكرر هل جمل
ماكو طيف ماكو طيف ماكو شيء بس اني بلغرفه
فتحت عيني وقف قبالي خيال طويل طويل جدا
كأنما مترين او اكثر
جفلت احس اني بوسط هل طيف
أيدا عل حايط اثنينهم واني بينهن بس هو بعيد
مامقترب مني لان ذراعه كانت طويله
سمعت همهمه صوت غليظ
حورر ليش أتصلتي حوررر ليششششششش
الصوت أخترق أذني كعدت من الرعب على رجلي
خليت أيدي على أذني الصوت عالي
بي صدا مرعب بديت ابجي روح ڤــدّوٌٓوٌٓهْٓ
الا اني
ليش تعذبني رفعني من أيدي
حسيت بصدمه
رعب خوف امان استسلام غضب حزن كل هل اشياء
حسيتهن بهل لحظه فضول طغى علي
-حور:اذا انت حقيقي اريد أشوف شكلك
هسه أظهر ... جاوبني
- اكييييد
-ايةاكيد اريدك تظهر شكلك مو بس تك عين خاف اعور ظحك بس ظحكته بيها نبرة قسوه
-ها ها ها ها تقرب علي تلمس خدي الأيسر
حسيت ايده بيها دفو
دفء ما ادري شسمي كل لمسه كانت من عنده
احس طاقه بيها لا لا مو طاقه ذبذبات غريبه
الطيف:..حور حور يا احلى أنسيه
-حور:شنو انسيه ها قل اعوذ برب الفلق
-الطيف من شر ماخلق..
-حور:روح ابتعد اخاف انت ماتخاف.من القرأن
-الطيف:ها ها ها لاء هسه اظهر الج تردين
منتظر من عندك الامر
-حور:بس ابتعد اريد اشوف وجهك لان تعبت منك
سنه تفتر وتخوفني اريد اطمئن
-الطيف افتحي عينكحور كانت عباره عن لحظات غريبه يتكلم معاي
برغم صوته الخشن جدا كأن بي بحه قويه
بس تكلمت معاه بديت اصدق وجوده اي اصدق
أبتعد عني قليل وقف يم النافذه القمر كامل كان
لان صادف منتصف الشهر
ظهر وجهه مسلط علي ضوء القمر
كان كأنما مو من عالمنا
جمال أخاذ ظهر وجه اقل من الثانيه
بس لمعت عينه خضارهن
كأمواج بحر بيهن غضب هدوء سكون
بياضهن تتوسطهن حشائش خضره تبعثره رياح قويه شديده
خلتني احس برعب بأمان بهدوء بسكون
نشغت حسيت بضعف عقلي ماصدق هل جمال اغمى علي ما وقعت عل ارض
بس حسيت كأنما حملني
مااعرف لأن فزيت واني علسرير
بس أني بي نفضه
خوفه بجسمي عرق شديد وكانما سابحه من العرك
فزيت على صوت ماما
و اني بحظنها تحاجيني ماما اشبيج بنيتي ليش
اصرخين اكعدي كعدي بسم الله
حور الصبح صار وراج
دوام لو ضلين لان شصاير بيج ليش هيج
ليش تعبينا وياج حور
💛 💛 💛 💛