#اربعه_ارهاب
مريم السعدي
الجزء الاول
كان ياما كان
الطيبون للطيبات ورفعت الجلسه عباره راقت لي واخذتني الى دنيا الخيال ورجعت معها محمله بروايه من جزاين عسى ان تروق لكم
----
-------------
بغداد-عرصات الهنديه
الو --- ها عموري صباح الخير اي كعدت على صوت مخابرتك ليش بيش الساعه هسه لا بربك اي دك ومكعدت عليه ههههه انجب اي كعدت والله ها اها يله دخابر اكرم متريك كيمر وكاهي بطريقنا من المصطفى ماشي هلاو
---
غسلت بدلت وحضرت الجنطه قفلت البوب واخذت غراضي وطلعت مقبوض كلبي شون حعوف ولايتي جماعتي بيتنا اوف ربي طيني الصبر فتحت باب البيت توها الشمس تطلع شحلاتج ياشمسنا صدك اني حروح وماارجع بعد صوت ورايه
ها لييث
ها عمي الله يساعدك هذا مفتاح البيت ابويه يكول اجره وبامانتك ضل
تدلل عمي
بوسته وودعته الدمعه راكده بعيني تمشيت بفرعنا تخبل منطقتنا هذا بيت ام فراس وهذا بيت ام احمد احسن ناس واقل عيطه كلها تلتم وين حروح بالغربه وين الكه مثل محنتنه
لييث
ها ولك وينه اكرم
هسه جاي بسيارته
يله لعد كدامي ساعه ونص بينما منتريك
طيني جنطتك باوعت بعينه حتعوفه لعمر ليث وين راح ابقى افر براسي ويامن اقشب حنضل اني واكرم وج اليتامى
شسوي متكولي بس بروحها لامك تعالولي بالصيف
اي اجيك وين لاكيها سفره للسويد بلاش
بعيني اخليك
اضل شهر
عمي ضل لترجع
ولك مااحمل غربه والله
لعد اني احملها بس حضي المدخن
ليث _عمر هورن سياره يدك
ها اكرم ابتسمت بالم هذا الوجه كل يوم قبل هاليوم جنت اشوفه اباوعله هسه ميباوع بوجهي يخاف لتنزل دموعه
لك اكرم
ها ليث جاهز اوراقك هاي كاملات الفلوس الاجار كله اخذته
كلشي كامل
ياه لعد توكل بالله
بس نتريك يم المصطفى
خليت ايدي على بطني باوعتله بالم لك كوا--- من هسه مشتاقلك
ناكل باجه ىلتجيب طاري الفراك خليها بوكتها
اني اريد كاهي وكيمر
ها يله امشي لعد
----
اني ليث مواليد 90
خريج حاسبات سكنه عرصات الهنديه عدي جان3اخوان
غيث توفى كتلو
وحارث وممحمد انخطف غيث بتاريخ 23-5-2015
وانقتل بعدها بيومين وره مسلمنا الفديه والدي عده خير من الله عقارات واجارات وعمارات بالرشيد وعايشين من اجارهم محمد اخويه ثاني صيدله والحارث توه اخذ شهاده السادس غيث جان متزوج وعده ريم وعلي ريم بالرابع اعدادي وعلي اول متوسط اخويه بالاربعين من عمره وكتلو بعدها امي شكل عدها السكر ووالدي راد يتخبل صفه كل اموره وكال محد يبقى كلنا نطلع للسويد عدي اعمام 2 هناك سوينا لجوء انساني وحاله غيث عجلت القبول عاللجوء وكلهم قبلوهم الا اني جوازي صار بي خلل وبقيت والدي اقترح اضل ببغداد اكمل الامور اقبض الاجار ويكمل جوازي والحكهم وبالفعل قبل اسبوع كمل الجواز واول البارحه فيزت وكملت الامور ولميت الاجار وطلعت اكرم وعمر روحي من الدنيا اكرم طبيب اسنان وممتزوج وعمر يشتغل بالمطار صارلنا سوه 15سنه طبتنا وطلعتنا سوالفنا وضحكنا وعربدتنا ومكسراتنا سوه سبحان اللي راح يفرقنا اني خاطب بنت عمي اللي ساكن السويد شايفها كم مره حليوه البنيه ودتكمل دراستها من اروح اعقد عليها ويتم الزواج
كعدنا بالمطعم سالفه منا وضحكه منا---- لك مطي خلي شيره
شتسوي بيها هاااا
اكل تبن هههه خليها لخالتك الشكره
همزين ماعدي خاله ههه باوعتله خرب غيرتك ويامن راح اضحك بعد
عمر- حيكلبىها مناحه
ليث- اسكت الله عليك تره واصل لخشمي
اكرم- لتعطس يمهود عههه وتملح الكاهي
ابييييع كبر
ههههههه يله يابه كوممم بعد ساعه كوم دنلحك ابن القندره
كمنا ورحنا للمطار اكرم عله المسجل كله ياطيور الطايره وغنيمه تلاثتنا بعلو صوتنا احساس رهيب انه اخر مره حتونس هالونسه وصلنا المطار ميصير يدخلونا بس اكرم عده باج دخلو ويايه سوه ضلينا نفتر نكمل الامور وصلنا لابو الختم عمر شايله جنطتي واني شايل جنطه الفلوس الصغيره والاوراق بيها وكفت بالسره جوازي بيدي اكرم واكف بعد اربع خمس امتار وعمر ورايه بكم متر كاعد عالمصاطب كلسا التفت عليهم ابو الختم دك اسمي حاسبه شو عكد حاجبه انداريت على عمر باوع جهرتي حتى ابو الختم اخترع خطيه
رجعت باوعتله لابو الختم من صدك تغيرت ملامحه يباوعلي ويباوع الجواز ويباوع الحاسبه لزم تلفون ابو النداء عالقماره كدت حاجبي بسبس همس وي اللي بالجهاز باوعلي مبتسم تفضل اكعد جوازك بي خلل ثواني ونسوي الخلل
ماشي انداريت على عمر عبرت من السياج مال الختم انطي طريق للورايه لان لا اني الطاب واني اني الطاله انتضر وارجع الرم السره عمر بعده يحجي بالتلفون باوعلي من بعيد دكلي تلفون ابتعد اكثر صحت عمرر راح ختل شبي هذا وكفت رديت عالمكالمه ها شبيك ختيلان
ليث اكرم وره الحمامات اطفر روحله بدون نقاش ثوانييييي وانت مموجود
شكو
لتسال التفتت شفت اكرم اشرلي وختل كمزت ابو الختم صاح ها وين
كتله بس حمام وارجع هاي غراضي يمك مشيت بهداوه ضلت عينه عليه واشوف الامن يركضون من كل اتجاه بكل مابيه من حيل رجت لاكرم نزلني ركض من باب الحرائق سلم الامن وضلينا نتزحلك عالسلالم لحد موصلنا غرفه مكتوب عليها بالانكليزي غرفه المغقودات طبيت وطب ورايه قفل الباب وكعدنا جرينا نفس باوعتله متكولي شكو
اسمك مطلوب اربعه ارهاب
جذبب
شسويت اني
ولك تشابه اسماءابن المطي
اي خل اروح اكولهم تشابه
اي وحيكًلولك اي صح روح الله وياك حبيبي انت بالعراق اليطب للسجن ميطلع بعد
شسوي هسه
هسه نشوف جيب تلفونك ماعدي رصيد خابرت عمر الو ها عمر شكو شصا ر لالا خرب حضك ليث
شكوووو بعد كتلت النبي
دكل نعل لك باوع صورتك طابقوها وي الاسم
كلشي مداافهم
باوع هم عدهم بس اسم نفس اسمك الرباعي اسم واحد ارهابي وهسه تطابقت صوره واسم
وبعدين شسوي
مالك دخل هسه نشوف شون اطلعك دك تلفونك هاك هاي ابوك كله لتخلي يضل باله
الو ها بابا لا ماراح اجي والله ماادري بابا صار تشابه اسماء ويزاسم ارهابي
ابو ليث- انهزم بابا لتسلم روحك بعد منشوفك تره
ليث- اي بابا اعرف تنهدت بابا اني حبقى لحد ماالولد يحلوها واجيك
ماشي يابه روح بس دير بالك على روحك ابويه
اي بابا الله وياك رجيت راسي عالحايط صفنت على اكرم ضل يضرب اخماس باسداس اكيد السالفه جبيره مدامه هيج خايف
اكرم وين اولي
كوم نطلع من النفق مال تنضيف
منين وين نروح
يطلعك على وره المطار جول دكوم عاد شفته كلب بالغراض جاب قلم ماجك حددلي الشارب وسكسوكه بوكت جنت جالطها وخله بين حاجبي هم صار مطبوك تغير شكلي كلش لبست كاسكيته وطلعت وراه جتني الضحكه من شفت روحي بالمرايه ولك هاي شمسوي بيه
انه بيا حال والدفان يغمزلي هههه
اكرم- يمكن الصدمه اثرت عليك خبل ههه امشي امشي طلعنا من المطار تكسي ومن التكسي عدل لحي العامل فجريه السيطرات هاديه فتنا لفرع رفيع نزلنا
وين رايحين
سد حلكك
سديته بقينا نمشي وصلنا لبيت بابه صغيره ومبي طرمه كبل للحوش
فوت
بيتمن هذا
بيت جدي فارغ حروح اتسوك واجيك
هاك فلوس
خليها للايام التجي لتفتح الباب لاحد دتشوف هذا الزوف باوع بي شوف منو يله تفتح
ماشي
يتبع
