4 ارهاب الجزء الثاني
بارت 8
هسه الله كريم منا لاربعه شهور عمي كال من تريد تجيب نروح حته ميعترض ليث
ماشي تنهدت شفتها كامت ترش عليه مي دار وجهه حتى ميصير بعينه التقت عيونه ابتسم
تعاي متسبحين رش مي عليه
لالا لاااا تنكعت مشيت سريع عليه دفعته عالمسبح بقوتي ضل يضحك تعاي سبحي
ماريد المي بارد اخاف عالنونو
اوكفي خل استل عمر مسحت المي من وجهي عمممر
ها ووجعه
شعدك هناك كاعد عوف خلود عاد كاعد وتسولف
شتريد وصم
اكولك عادي تسبح بحساب انت دكتور
متسبح احد لازمها
المي بارد
اي وشنو يعني
ها يعني عادي باوعتلها يله تعاي
مينا- لتلح عليها عوفها براحتها
لا تعاي
جيت صعدت عالمدرج لزم ايدي ونزلت للمي شهكت المي ثلج مينا طلعت متنرفزه اكرم وريم فاصلين من الدنيا صاعده على كتفه ويسبح ويسبحها ويا باوعتلهم ابتسمت
تردين اسبحج مثلهم
لالا استحي كلهم موجودين
يمعوده دتعاي صعدي على كتفي
صعدت وبده يسبح واني خربانه ضحك
ولج هاي شثكلج ولا توقعت هيج
اني شنو هاي ابنك
هههههههه هلي يولن
والله شبيك جنت رشيقه خرب رشاقتي
اوي عيني نزلتها وخري كسرتي ضهري
هههه باوعت بعينه شكرا
على شنو ههه لا عادي بقيت اباوع بعينها سكرت بسوادها درت وجهي
تزحلكت بالسيراميك من ابتعد ديروح للمنبع مال مي لحك عليه من التفت شافني فز الله الله الله
رجفت رجفه يمكن جان طرحت
تقربت منها بيج شي
مو كتلك مافوت
يابه ديري بالج
يمه كلبي جان راح النونو
لا ماكو شي انشاء الله تنهدت براحه
خل اطلع من المسبح
ليش
بردت وخفت
كيفج لزمني طلعت وفتت بدلت وطلعت يم خلود كعدت شفته طلع وي اكرم عمر تقرب يشوف جرح راسه خاف تاثر بالمي شفته شده بيشماغ صار بعد احلى ابتسمت اكرم ليش شده خو مبي شي
لا بس هو هواي سبح خاف تاثربالمي فنربطه احسن
ماشي تقرب مني شنو كصيتوني
لا دااسال اكرم ضل بالي تقربت عدلت يشماغه واللفه مالته ابتسم وابتسمت حيرني واحتار الله يساعده ويساعدني كعدنا تغدينا سويت دولمه وي اهله تقصدت طلعت على صفحه سويت بيها كشمش خليت كدامه ام الكشمش اشوف شحيسوي كعدنا كلنا ناكل
ليث- يابه الريحه تسسسطر اكلت اول لكمه عكدت حاجبي شنو بيها كشمش واني اموت منه صفنت هالموقف شايفه كبل تذكرت من طلعت الكشمش ببيت مدري شونه وجعني راسي صحت بعلو صوتي ااااخ
شبييك كلهم كمزو عليه
اكرم شبيك شبيك راسك
هيج هيج اخ يابه تذكرت شي
شن تذكرت
ماادري الدولمه الكشمش
ام غيث- يمه وين اكو كشمش
لا خاله اني خليت بجدريته تقربت منه شتذكرت احجي
ماادري ماادري عبالك بيت مدري شونه وكاعد دااكل دوالمه ونفس متفاجات هسه تفاجات بذاك البيت انه اكو كشمش بيها وطلعته
متذكرت منو جابلك الدولمه دمعت عيني
لالا كافي وخرو ابتعدت عنهم رحت يم الشط
صبيتله ماعون راسن
مينا- عوفي لتضلين مجلبه حتخبلي للولد
ابو غيث- عوفي خل يرتاح
عمو بس اوديله الاكل واعوفه
اوك
وديتله الماعون
جواهر روحي
مااتقرب بس هاك ماعونك
ماريد حتى زقوم هم ماريد
خلينه يمه وعفته وفتت للبيت لغرفتي بقيت ابجي ابد متذكر صورتي ابدً ليش هيج
لليل بقيت بالغرفه دخلت خلود عليه كالتلي راح نرجع كمت لميت غراضي وطلعت لكيت كاعد مخلي راسه بيده صافن ويهز رجله
اكرم عفيه موزين عليه التوتر
شسويله عنادي
رجعنا للبيت جان ساكت وكاعد ليوره وحده هو وعمر مخلي ايده على كتفه يحاجي ويشاقيه وهو فاصل وصلنا للبيت كمت ابتعد عنه مينا ووالدها باجر يسافرون لاربيل لبيت خاله مينا بقيت ببحدي ساعه اشوف انها تحبه وتريده بس الها وساعه اشوفها عادي عدها حيروني همه الاثنين وغيوثي اللي ببطني موتني فوك قهر ابوه يدفرًبيه مرت كم يوم جنت ملازمه السجاده والصلاه والقران قليل اشوفه كم مره خطف ويحاول يتهرب مني ريم تروح وتجي هي واكرم جانت مثل البلسم هي وزوجها اريد اطلع ارتاح فكرت اروح لنور بس احس روحي تلعقت بامي مكيه مااكدر اغفى اذا مو يمها تبقى تسولف ويايه لحد مااغفى وراها لغرفتها عده اسبوع واني ويا محجينا كلمه وحده منلتقي الا صدفه نتهر ب من عيوننا وكلمن يروح لغرفه رجعت مينا وي ابوها وبعد اسبوع يسافرون ويبقى ليث وي وره ماجيب ومااعرف شحيسوون خايفه منهم والله رجعت المغثه زادت بمياعتها وتلطشها بي وهو ميكولها روحي وعوفيني ارتاح مثلي صرت كلما اشوفهم سوه انهزم حسيت روحي تورطت بزواجي وغلطت غلطه حياتي البجي البجيته هالفتره مباجيته كل حياتي وكعت عيوني غيث بده يكبر والتغب زاد يوم وره يوم وي تعب الفكر تمنيت والدتي موجوده رغم مواسات امي مكيه وخلود بس ممطمنه ريم جانت دائما تذكرني بحبنا وتكولي يرجعلج اكثر من قبل اسكت وامري لله نور دائما اخابرها واحاول ماخليها تحس بالي ديصير ويايه مينا تتقرب منه وتكعد يمه هواي بس مصاير شي بيناتهم ابد اليوم حسيت روحي تعبانه كلش وراسي حيطك طلعت من الغرفه وي اذان الصبح المحلو بيهم محد يصلي بس هو بس ميكعد على صلاه الصبح طلعت للمطبخ ابلع حبايه براسيتول او بندول لان عمر كال براسيتول خفيفه واني حامل احسن الي فتحت الصيدليه ادور ماكو طلعت ردت اي شي مسكن نزلت الدوايات كلها
دسوين
فزيت خرعتني ادري طلع صوت
انتي شعدج بالضلمه
مو نايمين رجعت نصيت عالدوايات
شنو شدتسوين
داابلع حبايه
ليش
راسي حيطك
تنهدت خليت ايدي على راسها ليش يوجعج همست
ماادري شويه ايدك جنت مطايقته
شبيج
مابيه شي عوفني ووخر خل ارتاح
عبالك تبسمرين
لا عيج اكولك شعدك يمي روح يم مينا
تنهدت وانتي شدعوه هلكد عصبيه
عوفني الله يخليك نصيت كمت ابجي
ضليت صافن عليها ليش دتبجين شمسويلج
ممسوي شي كلشي ماكو مشيت خطوتين دخت اغمى عليه اسمع مثل الصدى صاح جواهرر
محسيت بشي وره شوي حسيه بهوا بارد ومي ينرش وصوت مثل الصدى شوي شوي وضح جواهر يمه جواهر
هايوم
شبيج امي ليش وكعتي
ماادري دخت
طبعا لان كلشي متاكلين ليش تاذيني
راح اكل منا وهيج فتحت عيني شفته واكف فوك راسي عاكد حاجبه يباوعلي بقلق درت وجهي ركضت خلود جابت لفه اباوع الساعه ب6الاثلث شكد عيب شكعدكم
هذا خاف عليج يكول وكعت كام يرجف
باوعتله ودرت وجهي شوي وطلع بره نمت وره مااكلت اللفه كعدت الصبح بس دايخه واتجطل خلود كلتلي ضلي نايمه هاي انتي جسمج محتاج راحه كضيتها نوم حسيت ريم جتي يمي نامت ريمه
ها
شو نايمه
نعسانه مدري شبيه
نامي بطننا تخرب ضحك جنها جبلين
ليث- ريم وين
نايمه بغرفه جوجو
مينا- عوفهم نايمين
ليث- طبيت على كيفي شكلهم يخرب ضحك تقربت من جواهر لزمت بطنها تحرك الطفل بقيت مخلي ايدي نصيت راسي ربي رجعلي ذاكرتي تعبت ضايع طلعت من الغرفه ضلو لليل نايمين واني ومينا وهلي كلهم اكلنا كملنا وكلمن فات بغرفته يتمدد بقيت اني ومينا باجر تروح للسويد كعدت تسولف وتضحك اضحك وياها مو من كل كلبي كمزت عليه حضنتني تبوس بيه عفتها براحتها ومدااحس بشي
جواهر- طلعت من الغرفه مسطور طبيت الهول شفتها كاعده بحضنه تبوسه جان مستسلم ومنصي راسه فتح عينه باوعلي دفعها باوعلي ونصه
مينا- ادري دكي الباب
اسفه طلعت وجسمي يرجف ممعقوله متقرب منها معناها متقرب هاهي انتهت ويا بعد ماريده انطي ابنه وانسحب وين اعوف غيث لزمت بطني ربي دبرني اني مااكدر على هالعذاب طبيت للغرفه ابجي بحركه ريم كعدت على صوتي حضنتني سكتت وايست خابرت نور كتلها تعاي اخذيني كالت ماجد عده بعده سبوعين عده دوريه ببغداد ونبقه 3شهور ارتاحيت كلش بهالخبر الصبح سافرت مينا الطينه وي ابوها وكومه دزت غراض خلود لابنها وامي مكيه لمحمد ودعونا وراحو بالنسبه الي بعد ميعنيلي شي ليث ان بقت وان راحت خلص انتهى هو اختار اللي يريد يكمل حياته وياها
يتبع
