احببتك دون ان اراكى... للكاتبة كوثر محمد...

13

  قراءة ممتعة ان شاء الله
احببتك دون ان اراكى:-
الحلقة الثالثة عشر بقلم #كوثرمحمد
...............................................
بعد خروج حازم من عند ناهد وانتهاء سمراء من الاجتماع
.......................................
سمراء:- ناهد تعالى عيزاكى
ناهد:- بعد ان دخلت تحت امرك
سمراء:- الامر لله..... فى جروب نازل مصر بعد يومين ومحتاجين حد يكون معاهم
ناهد:- مافيش مشكلة خالص احنا نشوف مين اللى عليه الدور ينزل
سمراء ؛- لاء انا المرو دى عايزة البنت دى اسمها ايه دى
ناهد:- مين دى تقصدى مين
سمراء:- البنت اللى الاستاذ مصطفى وظفها
ناهد:- اه تقصدى مها
سمراء ؛- هى اسمها مها
ناهد ؛- انتى اول مرة تعرفى اسمها
سمراء:- مش مهم اسمها المهم انا عايزاها تنزل مع الجروب الجديد
ناهد:- بعدم فهم اوك اللى انتى عايزاه يحصل
سمراء:- وفين المعلومات اللى طلبتها منك
ناهد:- معلومات ايه
سمراء:- المعلومات اللى طلبتها عن البنت دى
ناهد:- اه تمام كل حاجه فى الملف دا ( وتعطيها الملف)
سمراء:- تمام خلاص روحى انتى
ناهد:- حاضر....اه قبل ما انسا استاذ حازم سأل عليكى
سمراء:- خير عايز ايه
ناهد:- مش عارفة كان عايز يقبلك وقال هيجى فى وقت تانى
سمراء:- اوك ابعتى خليه يجى اشوف عايز ايه
ناهد:- اوك......( وبعد شوية جيه حازم)
حازم:- السلام عليكم يا انسة سمراء
سمراء:- وعليكم السلام ورحمه الله وبركاته خير يا استاذ حازم
حازم بخجل:-كنت عايز اطلب منك طلب بس محرج بصراحة
سمراء:- يا استاذ حازم اطلب عالطول لو فى ايدى مش هتاخر
حازم:- بصراحة كنت عايز اطلع رحلة العمرة اللى جاية
سمراء:- بس مش انت اللى عليك الدور وكمان انت كنت فى رحلة ل امريكا فا مينفعش انك تسافر تانى الفترة دى والا زميلك هيقولوا ان انا اللى بختارك.
حازم بتفهم؛- انا اسف بس كان نفسى اطلع علشان خاطر امى نفسها تطلع عمرة وانا قولت اطلع ادعلها انها تروح
سمراء بتفهم:- طيب ما تقول كدا من الاول احنا ممكن نعمل حاجه احسن من كدا
حازم :- ايه هى
سمراء:- نطلع والدتك احسن ايه رايك
حازم بفرحة كبيرة:- انتى بتتكلمى بجد هو دا ممكن
سمراء:- اه طبعآ ممكن ما هو على حسابك
حازم بعدم فهم:- على حسابى ازاى يعنى ما انا لو معايا كنت طلعتها من زمان
سمراء بابتسامة:- ما انت ليك فرصة انك تختار حد يطلع مرة عمرة تبع الشغل
حازم بعدم فهم:- ازاى مش فاهم
سمراء:- دا نظام الشركة محمود بيه عامله من زمان ان كل موظف هنا ليه الحق انه بختار حد من اهله انه يطلع عمرة مرة واحدة وكدا بيكون كسب ثواب مع كل واحد يطلع عمرة
حازم:- بس انا اول مرة اسمع الكلام دا
سمراء:- الكلام دا من اول ما مسكت مديرة اعماله من سنتين ...وانا اللى اقترحت عليه الموضوع دا
حازم :- كدا الثواب يروحلك انتى كمان
سمراء:- يارب...اتفضل بقا خلى الست الوالدة تحضر نفسها للرحلة الجاية واهى جايه فى مناسبة حلوة جدآ
حازم:- مناسبة ايه
سمراء:- مناسبة مولد النبى( عليه افضل الصلاه واتم السلام)
حازم:- عليه افضل الصلاه والسلام... بجد دى امى هتفرح اوى
سمراء:- يلا بقا انت عطلتنى بما فيه الكفاية
حازم:- بفرحة انا اسف ومتشكر جدا عن اذنك
سمراء :- اتفضل. ....وبعد ما خرج حازم
سمراء:- معقول الحلم اللى حلمته الصبح يكون حازم هو الشخص اللى ساعده بس الشخص كان متصاب بالرصاص فى الحلم يمكن فى الحلم حاجه وفى الحقيقة حاجه تانية بس انا اعرف حازم كويس ليه مجاش بصورته يلا بقا المهم انه حقق حلم والدته
...........................................
عند سيف فى امريكا....... فى الهاتف بعد الترجمة
سيف:- كل حاجه جهزة والسفر فى وقته زى ما اتفقت معاك
الضابط:- تمام واحنا مجهزين كل حاجه بس انت خد بالك من نفسك
سيف:- ربنا يستر المهم انا هسافر عالطول بعد كدا ولا فى حاجه تانى
الضابط:- لاء ممكن بعد كدا تسافر عالطول
سيف:- ماشى احنا هنقابل قبل الرحلة
الضابط:- اكيد طبعآ لازم اقبلك فى المطار
سيف:- اوك
الضابط:- يلا اشوفك فى المطار سلام
سيف؛- سلام
.................ً..........................
فى شقة سامر وسيف:-
............................
سامر:- خير يا سيف مالك وكنت بتكلم مين
سيف:- لا مافيش حاجه انا بس تعبان شويه
سامر:- مالك يابنى فيك ايه تحب اعملك حاجه تشربها
سيف:- لاء شكرآ تعالى عايز اتكلم معاك
سامر:- خير فى ايه
سيف:- تعالى هحكيلك على كل حاجه لان خلاص ما فيش وقت
سامر :- انت قلقتنى اوى ما تقول بقا
سيف:- اولآ انا مسافر بكرة على مصر ومش راجع تانى ودا تنازل منى ليك على نصيبى فى الشقة
سامر:- ليه كل دا ومسافر كدا على فاجئة
سيف:- مش مفاجئة ولا حاجه انا مرتب لكل حاجه من قبل ما ارجع من مصر
سامر:- ليه كل دا انا مش فاهم حاجه خالص
سيف:- ما انت لو تسكت شوية هتفهم كل حاجه
سامر:- خلاص سكت اهو اتفضل كمل🙊
سيف:- اول حاجه احب اقولك عليها انا بحب واحدة فى مصر واول ما انزل هتقدم لها عالطول
سامر:- مين دى ومن غير ما تقول
سيف:- ما انا بقولك اهو
سامر:- طيب وهى مين وانت تعرفها من امته
سيف؛- انا مشفتهاش غير مرة واحدة وهى بتشتغل فى شركة بابا وبتكون مديرة اعماله ودراعه اليمين
سامر:- وانت حبيتها من مرة واحدة بس
سيف:- هتصدق لو قولتلك انى حبيتها قبل ما اشوفها
سامر بتعجب:- دا اللى هو ازاى يعنى
سيف:- مش عارف حبيتها من كلمهم عنها وعن اخلاقها وتصرفتها
سامر:- يااااه هو فى حب كدا
سيف:- المهم فى الموضوع انى حاسس بحاجه كدا
سامر:- حاجه ايه
سيف:- انت كنت مرة قولتى ان اسم اختك سمراء مش كدا
سامر:- اه وايه دخل اختى فى الموضوع
سيف:- اصل البنت دى برضه اسمها سمراء ومعتقدش ان الاسم دا منتشر كتير
سامر:- تقصد انها ممكن تكون اختى ....استنا استنا انت شركة والدك اسمها الشرقاوى للسياحة
سيف:- ايو صح ما انت عارف
سامر:- يضحك بصوت عالى وضرب كف بكف ..والله دا ولا فى الافلام هههههههههههه
سيف:- هى اختك مش كدا قول بقا يا عم هى اختك
سامر:- بضحك اعلى ايو اختى ياعم وانت بقا حبيتها بجد
سيف:- وانا من امته بهزر فى حاجه زى كدا المهم انت موافق ولا لاء
سامر بخبث:- سيبنى افكر واسأل عليك
سيف:- يضربه بالمخدة على وشه
سامر:- بضحك خلاص خلاص انا موافق موافق هههههههههههه
سيف:- بجد
سامر:- انا مش هلاقى احسن منك ل سمراء بس
سيف:- بس ايه
سامر:- مش لازم ناخد رائيها هى الاول
سيف؛- خلاص حضر نفسك تسافر معايا بكرة
سامر:- بكرة ايه يا عم انا لسه جاى مكملتش اسبوعين هأخد اجازة تانى ازاى
سيف:- ياعم سيبك من الشغل دا وارجع معايا وشفلك شغل فى مصر اكيد فى شركات ادوية كتير هتقبل بيك عالطول وانا ممكن اساعدك فى كدا
سامر:- والله مش عارف ربنا يسهل
سيف:- ياعم اخلص هتعيش هنا مع مين
سامر:- خلاص سيبنى كام يوم افكر وهرد عليه
سيف:- كام يوم ايه بقولك انا مسافر بكرة
سامر:- خلاص سافر انت مع السلامه وانا هخلص كل حاجه واحصلك عالطول اكون رتبت كل الامور هنا
سيف:- خلاص اللى يريحك اعمله بس انا مش هستنا كتير والا هخطف اختك وانت الجانى عليها
سامر:- بضحك ماشى يا عم المستعجل
سيف:- يلا تصبح على خير
سامر :- وانت من اهله
......................................
فى مصر فى شقة عاصم
........................................
رايه:- لوچى حبيبت مامى تعالى نتكلم شوية مع بعض
لوچى:- نعم يا مامى انا عايزة انام
عاصم:- شوف البنت بتتكلم ازاى كأنها واحدة كبيرة
راويه:- مش واخد بالك انها بتنطق الحروف صح
عاصم:- اه صحيح فعلن لوچى حبيب بابى قولى سمراء
لوچى:- تضع يداها فى خصرها سمراء
راويه:- تحضنها وتضحك
لوچى:- مامى خلاص انتى كنتى عايزة ايه
راويه:- اه صحيح نسيت تعالى اقولك مامى هتجيب بيبى
لوچى:- هتجيبى منين
عاصم:-( يضع يده على بطن راويه) من هنا يا لوچى
لوچى:- من هنا ازاى يعنى انتى اكلتى البيبى
عاصم و راويه بضحك؛- بكرة تفهمى ياحبيبتى
.......................................
فى شقة سمراء
تصحه من النوم على نفس الحلم
سمراء:- خير اللهم اجعله خير وبعدين بقا دا نفس الحلم يعنى الشخص ماطلعش حازم امال مين دا يارب باين الصورة انا محتارة اوى
وتقوم تجهز وتصلى وتروح الشفل
..................................
فى الشركة فى مكتب سمراء
تدخل ناهد عند سمراء
ناهد:- الاستاذ حازم عايز يقبلك
سمراء ؛- خير خليه يدخل
حازم بعد ما دخل
حازم:- السلام عليكم يا انسة سمراء
سمراء:- وعليكم السلام ورحمه الله خير يا استاذ حازم
حازم:- فى حد غالى عندى جدآ حابب يشوفك
سمراء:- حد مين وعايز يشوفنى ليه
حازم:- هتعرفى حالآ ويخرج ويأتى بسيدة كبيرة بالعمر تسند على عكاز
حازم:- اقدملك الست كريمة امى
سمراء؛- وهى تقوم من مكانها اهلآ وسهلآ بست الكل ليه تعبتى حالك انا كنت جيت حد عندك
كريمة:- انا جايه اشكرك بنفسى على اجمل هدية
سمراء:- مافيش داعى للشكر دا واجبى انا معملتش حاجه
كريمة:- ازاى بقا انتى عملتى حاجه كبيرة
سمراء:-( علشان تغير الموضوع) ايه يا استاذ حازم
حازم:- ها نعم
سمراء:- انت معندكش شغل ولا ايه
حازم:- ها اه طبعآ بس الحاجة يعنى
سمراء:- اتفضل انت على شغلك وسيب الحاجة معايا النهاردة لحد ما تخلص
كريمة:- اه روح انت يا حبيبى علشان انا عايزة اتكلم معاها شوية
حازم:- خلاص هخلص اللى ورايه واجيلك علشان نروح
سمراء:- ملكش دعوة انت بيها هى هتفضل معايا هنا اتفضل انت
حازم:- ماشى عن اذنكم
الاتنين ؛- اتفضل
.................وبعد ما حازم خرج
سمراء:- تحبى تشربى ايه يا ست الكل
كريمة:- ولا حاجه انا عايزة اتكلم معاكى فى موضوع مهم
سمراء:- انتى تأمرى يا ست الكل
كريمة:- الامر لله يابنتى بصراحة كدا ومن غير لف ودوران انا عايزة اخطبك ل. حازم
سمراء بصدمة:- ها ايه نعم
كريمة:- ايه مالك انتى مرتبطة ولا ايه
سمراء:- لا بس انا حضرتك فاجئتينى
كريمة:- يعنى موافقة
سمراء:- لا انا مش قصدى انا بس يعنى لازم افكر
كريمة:- فكرى برحتك لحد بكرة الصبح
سمراء بخجل:- لا بكرة ايه ازاى يعنى على الاقل اسبوع كدا
كريمة بضحك:- خلاص يا حبيبتى فكرى برحتك
وبعد وقت ليس بطويل رحلت كريمة مع حازم
.............................................
فى امريكا سيف يستعد للسفر
سيف:- سامر متنساش اللى اتفقنا عليه
سامر:- ان شاء الله هرجع فى اقرب وقت وكل شئ هيتم على اكمل وجه
سيف:- ان شاء الله يلا بقا انا اتأخرت على الطيارة
سامر:- يلا انا هوصلك فى سكتى
...وبعد وقت وصل سيف وسامر الى المطار وبعد ذلك ودع سامر سيف وذهب وسيف قابل الضابط وبعد ذلك قابل ألين
بعد الترجمة
سيف:- صباح الخير ألين
ألين:- صباح الخير مستر سيف
سيف:- المجموعة كلها وصلت
ألين:- كلهم موجودين ودى باقى الأوراق بتاعتهم
سيف:- ( بعد ان اخد الاوراق) اوك اتفضلوا على الطيارة على ما اخلص باقى الأجرائات
ألين:- اوك وتذهب هى والمجموعة الى الطائرة
سيف يتجه الى احد المكاتب بالمطارة ويقابل الضابط مرة اخرة
سيف:- اتفضل دا باقى الورق
الضابط:- تمام كدا كل شئ تمام انا هنفز حالآ اتفضل انت
سيف:- تمام انا هروح عندهم دلوقتى
وبعد شويه فى الطيارة
سيف:- احب ارحب معانا بشخص هيرافئكم طول الرحلة....اتفضل يا حضرت الظابط
الجميع بخضة:- ضابط
سيف:- ايو ضابط
الضابط: - انتوا كلكم مقبوض عليكم بتهمت الهروب من البلد والاتفاق على دخول بلد أخر بدون أذن والتحريض على الأرهاب
وتم القبض على ألين ومن معاها
وسلم الضابط على سيف وشكره.
وذهب سيف الى الطائرة الخاصة بيه واتجه الى القاهرة
................................................
فى منزل سمراء تحكى سمراء ل راويه عن طلب الست كريمة والدت حازم
راويه:- وانتى ايه رايك
سمراء :- مش عارفة لسه بفكر
راويه:- خلاص صلى استخارة ثلاث ايام وربنا يوفقك
سمراء:- وانا فكرت فى كدا و هبداء من النهاردة ان شاء الله المهم انتى عاملة ايه واخبار البيبى ايه
راويه:- الحمد لله بخير
سمراء:- ربنا يكملك على خير
..................... .........................
بعد وقت طويل جدآ وصل سيف الى القاهرة وذهب الى فيلا الشرقاوى
سميحة:- حمدالله على السلامة يا حبيبى
سيف:- الله يسلمك يا امى ها مبسوطة دلوقتى
سميحة:- اه طبعآ مبسوطة جدآ جدآ كمان
سيف:- لاء ولسه هتفرحى اكتر لما تعرفى ان انا مش مسافر تانى
سميحة:- بجد ياسيف بتتكلم بجد
سيف:- طبعآ يا امى
سميحة:- ربنا يفرح قلبك يارب وتريح قلبى انا كمان
سيف:-: اريح قلبك فى ايه تانى يا ست الكل
سميحة:- تفرحنى بيك بقا وتتجوز انت هتفضل عازب لحد امته
سيف :- بضحك هو اناعنزت ولا ايه يا ست الكل
سميحة:- اه عنزت انت دخلت التلاتين ولسه ما دخلتش دنيا
سيف:- قريب اوى هفرحك ان شاء الله
سميحة:- بجد امته ها امته
سيف:- الصبر جميل يا امى
سميحة:- لحد امته قولى وطمنى
سيف:- بضحك ما بقولك يا ست الكل قريب جدآ كمان بس هيعمل حاجه كدا الاول
سميحة:- حاجه ايه دى
سيف:- بعدين يا بيضة( ويبسها فى راسها) انا هطلع انام دلوقتى تصبحى على خير