احببتك دون ان اراكى... للكاتبة كوثر محمد...

22

  احببتك دون ان اراكى
.............................. بقلم #كوثرمحمد
الحلقة الثانية والعشرون (22)
....................................
بعد ما سيف وسمراء اتجهوا الى الشركة وسامر اتجه الى شركة الادوية للمقابلة وهو راجع فى السكة كلم سمراء فى الفون
............................................
سمراء:- السلام عليكم ورحمه الله
سامر:- وعليكم السلام ورحمه الله وبركاته
سمراء:- ها طمنى عملت ايه
سامر:- الحمدلله قبلونى وهستلم الشغل من بكرة
سمراء:- بفرحة....... الف مبروك يا حبيبى.... الحمدلله......كلمت ناهد تطمنها
سامر:- لاء لسه قولت اطمنك انتى الاول
سمراء:- بضحك ....... طيب يا حبيبى كلمها علشان هى مش على بعضها من الصبح ومش عارفة تخلص شغلها
سامر:- بضحك .......ماشى يلا سلام
سمراء:- مع السلامة
........ وبعد ما اغلق سامر مع سمراء اتصلت على ناهد وطمنها وطلب منها تاخد معاد مع والدها
.................................................
فى فيلا الشرقاوى سميحة تكلم محمود عن رغبتها فى بقاء سيف وسمراء فى الفيلا بعد الزوج
سميحة:- بقولك ايه يا محمود
محمود:- وهو قراء الجريدة ....... قولى ياحبيبتى
سميحة:- انا خايفة يا محمود
محمود:- بعد ان يترك الجريدة وينظر لها.........خايفة من ايه يا سميحة
سميحة:- خايفة سيف يتجوز ويسكن بعيد عننا
محمود:- وايه اللى يخوفك فى كدا .....ما هى دى سنة الحياة
سميحة:- ويسكن بعيد ليه ما الفيلا كبيرة اهى واحنا مش هنعيش اد ما عشنا وكله فى الاول والاخر ليه هو وعياله
محمود:- برحتهم اللى عايزين يعملوه برحتهم
سميحة:- طيب ما تكلم سيف كدا وتجس نبضه هيعيش فين بعد الجواز
محمود:- مالناش دعوة ياسميحة باللى هما عايزين يعملوه هما لو عايزين يقعدوا معانا هما هيقولوا لوحدهم........ ولا انتى خايفة من سمراء تاخد ابنك وتبعد
سميحة:- بالعكس بقا انا خايفة من ابنك هو اللى يطلب كدا سمراء مش هتطلب
محمود:- لا ما تخفيش ويا ستى بعد ما يتجوزو نبقا نشوف الموضوع دا.....بس سبيها على ربنا وهو يحلها من عنده ما تسباقيش الاحداث
سميحة:- ونعم بالله.........ربنا يسهالها من عنده
.........وهنا يرن جرس الباب وتروح ليلى تفتح
ليلى:- اهلا وسهلا يا انسه نرمين
نرمين:-بغرور ........... ازيك يا انتى
ليلى:- 😗وهى تلوى شفايفها.... الحمدلله
نرمين:- وهى تدخل ......هى انطى فين
ليلى:- فى الصالون
نرمين اوك..... اعمليلى كابتشينو
ليلى:-😗 حاضر
..........نرمين بعد ما دخلت
نرمين:- صباح الخير يا انطى.... صباح الخير يا انكل
سميحة:- صباح ايه يا بنتى دا الضهر اذن من بدرى
نرمين:- مش مشكلة يا انطى صبح ولا ضهر مش فارقة كتير
محمود:- على رائيك مش فارقة مع اللى بيصحا متاخر..........عن اذنكم ويقوم ويسبهم لوحدهم
نرمين:- هو سيف لسه نايم يا انطى
سميحة:- نايم دا ايه ليه هو زيك لا طبعآ هو فى الشركة من الصبح
نرمين:- ادا هو نزل الشركة انا فكرت انه واخد اجازة
سميحة:- وياخد اجازة ليه بقا ان شاء الله
نرمين:- مش عريس جديد لازم ياخد اجازة
سميحة:- عريس ايه هى كانت دخله دى خطوبة فى الفرح ان شاء الله ياخد اجازة كبيرة
نرمين:- بس عروسته ماكنتش حلوة يعنى ولا حاطة ميكب ولا لبس فستان كدا يبين انها عروسة يعنى معجبتنيش الصراحة
سميحة:- لكى تغيظها........... مش مهم تعجبك انتى او غيرك المهم انها عاجبة سيف ودا المهم
نرمين:- اه وماله .........هو سيف هيرجع امته
سميحة:- معرفش بتسألى ليه
نرمين:- لاء ابدآ عادى كنت عايزة اشوفه اصله واحشنى
سميحة:- فى سرها ...وحشك كلب............. وحشك دا ايه مش لسه شايفه من يومين فى خطوبته
نرمين:- اصل انا كنت عايزة اسأله على حاجه كدا تخص السياحة
سميحة:- وانتى ايه دخلك بالسياحة
نرمين:- اصل بفكر اعمل رحلة فى النادى ويكون سيف المشرف عليها
سميحة:- لا يا حبيبتى سيف مش فاضى للعب العيال بتعكم دا
نرمين:- يا انطى دى فيها مكسب دا كل اللى هيطلع الرحلة ناس كلاس خالص ومش يهمهم الفلوس خالص
سميحة:- ليه هو انتى فاكرة ان الشركة بطلع رحلات للنوادى والمدارس ولا ايه دى شركة كبيرة مش للعب ومن الاخر كدا ابعدى عن سيف علشان انا فهماكى كويس اوى يعنى اللعب اللى انتى بتعمليه دا مش هيدخل عليا
نرمين:- بتوتر .......لعب ايه يا انطى لا والله انا كنت
سميحة:- تقاطعها ....بصوت عالى شويه............. نرمين انتى عايزة ايه من الاخر
نرمين:- بتوتر اكبر.......... ابدآ يا انطى ولا حاجه انا كنت بس يعنى لا ولا حاجه
سميحة:- تبص لها وتسكت
...........وبعد شوية من الصمت
نرمين:- بتوتر...... انا افتكرت مشوار مهم ولازم امشى حالآ
سميحة:- ماشى مع السلامة وسلمى على ماما
نرمين:- وهى تخرج..........حاضر
.......... وتذهب نرمين وتركب سياراتها وتكلم مها فى الفون
مها:- الو يا نونى
نرمين:- بلا نونى بلا زفت
مها:- فى ايه يا بنتى مالك
نرمين:- مالى ايه بس انا روحت الفيلا عند سيف زى ما اتفقنا وماكنش هناك وانطى سميحة عملتنى معاملة زفت وحاسيت انها عارفة انا عايزة ايه
مها:- بضحك...... طيب اهدى كدا ماهو جيه الصبح الشركة وكانت معه الهانم
نرمين:- ايييييه جايه معه
مها؛- اه نزلة من عربيته قصاد الشركة كلها ولا هميمها بجاحة شوفتى بقا
نرمين:- وعنيها كلها شر..... بنت ال......... طيب وهنعمل ايه دلوقتى
مها:- نفكر شوية. .......انتى كدا مش هتعرفى تروحى الفيلا تانى لان خالتك ممكن تشك فيكى اكتر
نرمين:- بتفكير.........مش انتى تقدرى تدخلى المكتب عند سيف
مها:- اه عادى بدخل امضى ورق او اى حاجه
نرمين:- خلاص انتى تاخدى الفون بتاعه من غير ما ياخد باله وبعد كدا تنقلى الصور اللى عنده على فونك وبعد كدا ترجعيه تانى من غير ما اى حد ياخد باله
مها:- يا بنت الايه ايه التفكير دا مخطرتش على بالى الفكرة دى
نرمين:- المهم خلصى وكلمينى
مها :- اوك يلا سلام
...........وبعد ان اغلقت مها الفون مع نرمين اتجهت الى مصطفى وحكت له عن الحوار الذى دار بينها وبين نرمين ولم تلاحظ ان يوجد من يسمعهم
........................................
فى مكتب سمراء...........يستاذن سيف بالدخول
سمراء:- ادخل
سيف:- السلام عليكم
سمراء:- وهى تنظر له بخجل..... وعليكم السلام ورحمه الله ......ايه اللى جابك
سيف:- بخبث ........الله مش شركتى ادخل المكان اللى انا عايزو فى اى وقت
سمراء:- بخجل اكبر.........طيب حضرتك عايز ايه دلوقتى
سيف:- بزعل مصتنع....... فى واحدة تقول لجوزها حضرتك وعايز ايه....... الاتنين فى جملة واحدة .....كدا كتير اوى
سمراء:- بابتسامة تحاول تخفيها.....طيب اقولك ايه يعنى
سيف:- وهو يقلدها ........اقولها ايه يعنى......هو انا ماليش اسم يعنى..........قولى يا سيف ياسيفى يا حبيبى يا جوزى قولى اى حاجه انشالله تقولى ياسبعى انا موافق
سمراء:- وهى تضحك على طريقته حاضر يااااا.......
سيف:- يا ايه انطقى بقا
سمراء:- بسرعة...... ياسيف
سيف:- بزعل مصتنع............. هو دا اللى ربنا قدرك عليه.....(بتنهيدة) اه يانى منك.....المهم مش هتنزلى تتغدى ..... احنا فى وقت البريك
سمراء:- لاء انا مش بنزل انا بتغدا هنا انا وناهد
سيف:- بقلت حيلة.........طيب ممكن اتغدا معاكم
سمراء:- وهى وشها فى الارض......بس ممكن الاكل مش يعجبك
سيف:- اى حاجه انتى هتاكليها انا هاكل منها
سمراء:- حتى لو كانت سلطة بس
سيف:- حتى لو خيار بس
سمراء:- طيب اتفضل هنا على ما انده ناهد...... ( وتشاور له على كرسى جانبى وامامه ترابيزة صغيرة وبجواره اريكة مزتوجة)
.........وبعد ما سمراء نادهت ناهد ودخلت ناهد بدائو فى تناول السلطة
سيف:- بس هو انتوا كل يوم بتاكلوا سلطة بس
ناهد:- حكم القوىسيف:- باستغراب...... ومين القوى دا بقا
ناهد:- هى فى غيرها الانسة سمراء
سمراء:- وهو انا ضربتك على ايدك ما انتى اللى عايزة تخسى
سيف:- طيب هى وعايزة تخس وانتى عايزة تختفى ولا ايه
سمراء:- لاء انا هو دا اكلى فى الشركة
سيف:- بس كدا ماينفعش
سمراء:- ما انا لما بروح البيت بأكل كويس
ناهد:- اه ما انا عارفة تروحى تبدعى هناك وتأكلى .....وتنظر لسيف.....على فكرة سمراء نفسها حلوة اوى فى الاكل وطباخة ممتازة
سيف:- ما انا عارفة
سمراء:-باستغراب...... عارف ..... ازاى يعنى
ناهد:- باحراج........طيب انا هروح اشوف شغلى وهبعتلك النسكافيه بتاعك......وحضرتك تشرب ايه يا استاذ سيف
سيف:- وهو ينظر الى سمراء....... انا كمان هشرب نسكافيه بس من غير سكر
ناهد:- تنظر له باستغراب...... زى سمراء يعنى......وتخرج ناهد
سيف:- وهو ينظر الى سمراء...... هو انتى ليه كدا
سمراء:- كدا اللى هو ايه يعنى
سيف:- وهو يقرب وشه منها........حلوة اوى
سمراء:- تتكسف ووشها يحمر
سيف:- لاء بقولك ايه هو انا كل ما اكلمك تقلبى على طماطم وفراولة كدا
سمراء:- وهى لسه على خالها.........طيب البريك خلص مش هتروح مكتبك بقا
سيف:- الله مش لما اشرب النسكافيه
سمراء:- ممكن ناهد تجبهولك على مكتبك
سيف:- بس انا عايز اشربه هنا
سمراء:- طيب برحتك بس انا عايزة اخلص شغلى
سيف؛- طيب ما تخلصى هو انا ماسكك
سمراء:- بخجل ...... ما انا ماعرفش اتشتغل وفى حد بيتفرج عليا
سيف:- بضحك على خجلها ........خلاص انا هسيبك تخلصى ولما تخلصى تجيلى المكتب علشان عايزك فى موضوع مهم
سمراء:- مش هينفع اجيلك المكتب علشان محدش من الموظفين يتكلم
سيف:- وهو يقرب من مكتبها......اولآ انا جوزك .....ثانيآ انا مديرك .....يعنى لما اطلبك تيجى...... ثالثآ ودا الاهم طول ما انا موجود مافيش حد يقدر يتكلم عليكى نص كلمة......هستناكى بعد ما تخلصى اللى فى ايدك دا سلام
.............ومشى بدون ان يسمع رد منها وهى فى حالت زهول
سمراء:- هو ايه دا ماله فى ايه
..............................................
فى مكتب سيف بعد ماخرج من عند سمراء وهو واخد المكتب ذهاب وإياب
سيف؛- مع نفسه وبعدين معاكى يا سمرائى شكلك هتجننينى
........وهنا الباب يخبط.. ..وسيف يظن انها سمراء يجلس على مكتبه ويتصنع انه يعمل
سيف:- ادخل
......وتدخل مها وهى تلبس چيبة قصيرة فوق الركبة وبلوزة بنص كم تكاد تصل الى وسطها
سيف:- وهو ينظر لها بأشمئزاز... ... خير يا انسة
مها :- وهى تقرب منه اوى......الورق دا عايز امضة من حضرتك
سيف:-بقرف صوت عالى....... ايه يا انسة فى ايه اعدلى نفسك وايه الزفت اللى انتى لابسه دا هو انتى فاكرة نفسك فين احنا فى شركة محترمة ..... واتفضلى اى ورق يتبعت على الانسة سمراء وتعملك يكون معاها مش معايا فاهمة اتفضلى....... وبعد ما خرجت
سيف:- ايه القرف دا فاكرة نفسها فين دى.....ويطلب سمراء على فون الشركة
سيف؛- انسة سمراء تعالى حالآ
سمراء:- بأستغراب من طريقته......حاضر يا فندم .......وبعد ان قفل
سمراء:- ماله دا فى ايه
...........................................
فى فيلا الشرقاوى بعد ما نرمين مشيت........سميحة فضلت تفكر مع نفسها شوية. وبعد كدا دخلت عليها ليلى
ليلى:- مالك يا هانم فى حاجه ولا ايه من ساعة ما الانسة نرمين مشيت وانتى سرحانة
سميحة:- مش مستريحة لبنت منى
ليلى:- ليه يا هانم ايه اللى حصل
سميحة:- مش عارفة انا حاسة ان وراها حاجه مكنتش على بعضها كدا
ليلى:- هيكون وراها ايه ايه يعنى
سميحة:- شكلها عايزة تعمل مصيبة مع سيف
ليلى:- ياساتر يارب مصيبة ايه كفالله الشر
سميحة:- مسيرى هعرف وانا اللى هقفلها
ليلى:- هتعملى ايه يا هانم
سميحة:- بعدين تعرفى
..................................
عند مها فى الشركة تدخل مكتبها وهى متنرفزة على الاخر
مصطفى:- فى ايه مالك
مها:- بنرفزة.... الاستاذ بيزعقلى وطردنى من مكتبه
مصطفى:- ليه ايه اللى حصل
مها:- وحكت له عن اللى حصل
مصطفى:- يعنى معرفتيش تجيبى التليفون
مها:- هو انا لحقت اعمل حاجه
مصطفى:- خلاص انا هحاول اجيبه
مها :- ازاى بقا يا فالح
مصطفى:- انا هتصرف
.......... ولم ياخدو بالهم للعيون التى تراقبهم