احببتك دون ان اراكى
..............................بقلم #كوثرمحمد
الحلقة الخامسة عشر
...............................
نرجع عند سمراء بعد ما صحيت على الحلم بتعاها وعرفت مين الشخص الغامض اللى بتحلم بيه كل يوم ............تدخل سمراء عند راويه
سمراء بسعادة:- صباح الخير يا رورو
راويه:- صباح الفل يا سمورة ايه اللى صحاكى بدرى كدا انتى مش اجازة النهاردة
سمراء:- اصل صحيت على نفس الحلم
راويه:- وايه الجديد ما انتى بقالك شهر واكتر بتحلمى نفس الحلم
سمراء:- الجديد انى شوفت الشخص الغامض اخيرآ
راويه:- اخيررررررآ وطلع مين بقا حد تعرفيه
سمراء:- وهى تجلس على الأريكة مش هتصدقى مين
راويه ....تبص لها بمعنى كملى
سمراء:- العريس
راويه:- بتعجب مين سيف ودا هتنقظيه من ايه...وايه حكايته
سمراء:- مش عارفة انا هكلم سامر واعرف منه حكايته ايه سيف افندى دا كمان
راويه:- انا بقول كدا برضه
سمراء:- انا هروح اكلمه دلوقتى يلا عايزة حاجه
راويه:- عايزة سلامتك
سمراء:- الله يسلمك
.......وتذهب سمراء الى شقتها........
................................................
فى فيلا الشرقاوى:-
....................... سيف يطلب من امه ان تطلب من سمراء انها تأتى
.............................
سيف:- صباح الفل يا ست الكل ويقبل يداها
سميحة:- صباح الهنا يا قلبى انا
سيف:- ايه رايك يا امى لو تخلى سمراء تيجى النهاردة
سميحة بفرحة:- انت خلاص ناوى تقولها انت مين
سيف:- لا طبعآ هى لسه ما وفقتش بس انا عايز اشوفها
سميحة:- طيب ماهى لما تيجى هتشوفك هتولها ايه
سيف:- لا ماهى مش هتشوفنى انا بس اللى هشوفها
سميحة بعدم فهم:- انا مش فاهمة حاجه خالص انت عايز تجننى ولا ايه
سيف؛- بعد الشر عليكى يا ست الكل انا هفهمك كل حاجه...... بصى يا ست الكل انا هكون فى الاوضة بتعتى طول الوقت ومش هنزل منها خالص وهشوفها من الكاميرات اللى انا ركبتها فى الفيلا
سميحة:- كاميرات ايه اللى ركبتها وركبتها امته دى
سيف:- ركبتها من يومين لما كنتى بتعملى جلست العلاج الطبيعى
سميحة:- طيب وليه ركبتها
سيف:- امان يا امى
سميحة:- امان من ايه
سيف؛- من اى حاجه حرامى يجى ولا حاجه حد من الشغالين يعمل مصيبة
سميحة:- احنا الشغالين اللى عندنا كلهم كويسين ومضمونين
سيف:- انا مش اقصد بس اهو امان وخلاص
سميحة:- مافيش فايدة فى الكلام معاك ....... والكاميرات دى متركبة فين
سيف:- هقولك بس متقوليش لحد خالص على مكانهم
سميحة:- حد مين يعنى
سيف:- اى حد مهمآ كان من البيت او خارج البيت اعتبرى دا سر بينى وبينك
سميحة:- ماشى قول بقا
سيف:- فى هنا فى الصالون وفى الجنينة والمطبخ وعند البسين كمان
سميحة:- والمطبخ ليه هو حد هيسرق المطبخ ولا البسين ليه حد هيسرق شوية مايه ولا ايه ومعملتش فى المكتب ليه
سيف:- هعمل طبعآ بس بعد اذن بابا الأول ...وبلاش تريقة
سميحة:- تريقة انا برضه ........ واللى انت بتعمله دا ايه
سيف:- شوفتى انتى نستينا الموضوع الاساسى ازاى
سميحة:- موضوع ايه
سيف:- سمراء اطلبيها النهاردة اجازة
سميحة:- لكى تغيظه......طيب مش هكلمها سيبها ترتاح شوية البنت بتتعب كتير فى الشغل ابوك سايب كل حاجه عليها
سيف:- بغيظ.......هو انتى امى. ولا امها
سميحة:- انا بعتبرها بنتى ولو حصل نصيب ان شاء الله واتجوزتها لازم تعرف انى هقف فى صفها دايمآ
سيف:- ان شاء الله اتجوزها بس الاول وابقى اعملى اللى انتى عيزاه
سميحة:- اه منك انت اه يا نى
سيف:- يلا بقا كلميها علشان خاطرى..... ويقبل يداها
سميحة:- حاضر يا سيدى امرى الى الله
سيف بفرحة:- ربنا يخليكى ليا يارب ......... ويقبل جبنها ويداها
..........وتطلب سميحة سمراء فى الهاتف
سمراء:- السلام عليكم ورحمه الله
سميحة:- وعليكم السلام ورحمه الله وبركاته
سمراء:- وحشانى اوى اوى يا ست الكل
سميحة:- طول عمرك بكاشة
سمراء بضحك:- دا انا والله كنت هكلمك بعد الفطار
سميحة:- وانا اهو اللى كلمتك الاول
سمراء:- القلوب عند بعضها
سميحة:- طيب انا عايزة اشوفك
سمراء:- يا سلام غالى والطلب رخيص
سميحة:- امته بقا ما انا بسمع الكلام دا كتير
سمراء:- هخلص الفطار واجيلك عالطول وهفضل معاكى اليوم كله
سميحة:- وانا هستناكى متأخريش
سمراء:- ان شاء الله مش هتأخر
سميحة:- يلا سلام
سمراء:- مع السلامه
.................... وبعد انتهاء المكلمة
سيف بلهفة:- ها قالتلك ايه
سميحة:- هتخلص فطار وتيجى
سيف بفرحة:- ...يقبل جبنها ويدها ..... ربنا يخليكى ليا يارب
سميحة:- ويخليك ليا يا رب
سيف:- طيب احنا مش هنفطر ولا ايه
سميحة:- روح قول ل ليلى تجهز الفطار وروح صحى باباك
سيف:- من عنيه
سميحة:- تسلم عنيك
..........وبعد كام ساعة توصل سمراء وتضرب الجرس
ليلى:- حاضر جاية....وتفتح الباب ....يا اهلا وسهلا بست البنات
سمراء:- اهلا بيكى يا لولو ...عاملة ايه
ليلى :- الحمد لله بخير انتى عاملة ايه
سمراء:- بخير الحمد لله...... امال فين مدام سميحة
سمراء:- اتفضلى جوا مستنياكى من بدرى...... وتدخل سمراء الى الصالون
سمراء:- السلام عليكم ورحمه الله
سميحة:- وعليكم السلام ورحمه الله وبركاته
سمراء:- و هى تقبلها😘......عاملة ايه يا ست الكل
سميحة:- بعد ما تقبلها😘الحمد لله بخير
سمراء:- يارب دايمآ
سميحة:- انتى اللى عامله ايه
سمراء: - بفضل ونعمة من ربنا
....وبعد السلامات كلها والكلام الكتير يدخل محمود
محمود:- سمراء هنا يا الف اهلآ وسهلآ
سمراء:- اهلآ بيك يا فندم
محمود:- ولسه هيبدأء يتكلم عن الشغل ( سميحة تقاطعه)
سميحة:- بقولك ايه يا محمود ولا كلمة عن الشغل
محمود:- بخوف مصتنع ...... حاضر يا فندم انا اسف انا هطلع فوق واسيبكم برحتكم
سمراء:- تضحك على طريقته .......سيف يراها فى الكاميرا
سيف:- ايه الضحكة دى دا انتى ناوية تجننينى اكتر
ليلى:- تأتى بالعصير اللى سمراء بتحبه...... اتفضلى يا سمورة احلى عصير ل احلى بنوته
سمراء:- تسلميلى يا لولو
سميحة:- اعملى حسابك يا ليلى ...سمراء هتتغدا معانا النهاردة
( لسه سمراء هتتكلم) تقاطعها سميحة
سميحة:- مافيش اعزار انتى وحشانى اوى وهتفضلى معانا طول اليوم
سيف:- ( فى غرفته) الله عليكى يا امى هو دا الكلام
سمراء:- بس بشرط انا اللى هعمل الاكل
سميحة بضحك:- وانا طبعآ معنديش مانع
...........والجميع يضحك.......
..........وبعد شوية كتير تذهب سمراء الى المطبخ وتبداء فى اعداد الطعام ...وبعد وقت لسه بقليل انتهت سمراء من اعداد الطعام
سمراء ؛- انا كدا خلصت روحى حضرى السفرة وانا هجهز الاطباق
ليلى :- حاضر
......وبعد ان ذهبت ليلى لتحضر السفرة شعرت سمراء بشعرها فوق ظهرهاتحت الحجاب
سمراء:- ودا وقته دا
تأتى ليلى:- انتى بتكلمى نفسك ولا ايه
سمراء:- ابدآ بس شعرى اتفك وعايزة المه
ليلى :- طيب لميه ما هو مافيش حد معانا
سمراء:- طيب كملى انتى انا هغسل ايدى والمه
.......غسلت سمراء يداها وفكت الحجاب وبان شعرها كله
سيف شافها بانبهار:- بسم الله ماشاء الله ......مش معقول دا شعرها......دا انا حظى من السما يارب تكونى من نصيبى يا سمورتى
( معلومة:- سيف بيحب الشعر الطويل
وسمراء شعرها طويل جدآ يصل الى تحت ظهرها ولونه اسود كحيل بلون الليل)
نرجع تانى
سمراء:- بعد ان انتهت من شعرها غسلت اديها ورجعت تجهز مع ليلى الطعام
......سميحة كلمت ليلى فى ودنها وقالت لها
سميحة:- طلعى الأكل ل سيف فوف فى الاوضة بتاعته واوعى سمراء تاخد بالها
ليلى :- ليه يعنى هو مش هينزل يأكل هنا
سميحة:- مش شغلك اعملى اللى بقولك عليه واوعى سمراء تعرف ان سيف هنا
ليلى :- باستغراب.....حاضر
بعد ان ذهبت ليلى والكل على السفرة
.....محمود طبعآ سيف قاله على كل حاجه......
الجميع بدائو بالطعام .....وجرس الباب يرن... ليلى راحت تفتح
ليلى:- حاضر
نرمين:- مساء الخير
ليلى بضيق:- مساء النور
نرمين:- انط فين
ليلى:- على السفرة
نرمين :؛ وهى تدخل.... طيب
ليلى:- تلوى فمها😗
نرمين:- بعد ما دخلت..... مساء الخير
الجميع:- مساء النور
سميحة:- اهلا يا نرمين اتفضلى حماتك بتحبك
نرمين:- وهى تجلس...... بجد يا انطى
سميحة:- هو ايه اللى بجد
نرمين:- ان حماتى بتحبنى
سميحة:- وهى فين حماتك دى مش لما تيجى الأول
نرمين:- وهى تبص على سمراء....... مش تعرفينا يا انطى على المدام
سميحة:- بغيظ....الأنسة سمراء سكرتيرة عمك محمود
محمود:- ودراعى اليمين وهى المسئولة عن كل حاجه فى الشركة
نرمين:- بتأفف .....اه تشرفنا
سمراء:- انا اكتر
.........وهنا يرن هاتف سمراء........
سمراء ؛- عن اذنكم
الجميع:- اتفضلى
......بعد سمراء ما تقوم......
نرمين:- امال سيف فين يا انطى
سميحة:- مش هنا خرج
نرمين:- فى نفسها .....ايه الحظ دا
سميحة:- ما تأكلى يا نرمين
نرمين:- ها اه ما انا باكل اهو
محمود؛- فى نفسه..... الحمد لله ان سيف طلع عنده نظر فى البنات وحب سمراء
.....بعد ما سمراء انهت المكلمة ودخلت تانى....
سمراء:- انا اسفة يا جماعة
نرمين:- بسرعة..... كنتى بتكلمى البوى فرند
سمراء:- بضيق .......انا معنديش بوى فرند
نرمين:- ليه مافيش حد خالص بيبصلك
سميحة:- بنرفزة....نرميييين ايه الكلام الفارغ اللى انتى بتقوليه دا سمراء مش من البنات دول سمراء واحدة محترمة
سمراء. وشها يبتسم.....وهنا فون سميحة يرن
سميحة:- الو يا حبيبتى
سيف:- خلى البنت دى تلم نفسها
سميحة:- حاضر انتى تأمرى انا هقوم بالواجب
سيف:- ايه انتى دى
سميحة:- اه امال اقولك ايه يا هبلة
سيف:- وكمان هبلة
سميحة:- المهم الحاجة اللى بعتهالك عجبتك ولا ايه رايك
سيف:- حاجه ايه
سميحة:- اصل انا على السفرة دلوقتى
سيف:- بعد ما فهم..... اه تقصدى الأكل
سميحة:- اسم الله عليكى
سيف:- بضحك عجبنى جدآ جدآ
سميحة:- طيب يا حبيبتى مع السلامه
سيف؛- ويقفل وهو يضحك على كلام سميحة
سميحة:- بعد ان اغلقت الهاتف...... ايه مش بتاكلو ليه
سمراء:- انا الحمدلله شبعت
نرمين:- وهى بتاكل...... ليه الاكل مش عجبك
محمود؛- مش عجبها ازاى وهى اللى عملاه
نرمين :- كح كح ايه هى اللى عملاه
سميحة:- اه اصل انا مش بحب اكل حد زى اكل سمراء........ وتعطى ل سمراء بوسة فى الهوا
سمراء:- ربنا يخليكى يا ماما الف هنا وشفا على قلبك
سميحة:- وعلى قلبك يا حبيبتى روحى الجنينة وانا هحصلك دلوقتى
سمراء:- حاضر
محمود:- خدينى معاكى يابنتى نشوف الشغل شوية
سمراء:- مادام فيها شغل يبقا اعمل قهوة الاول
سميحة:- لاء روحى انتى وانا هخلى ليلى تعملها وتجبهالكم
سمراء:- اللى تأمرى بيه يا ست الكل
سميحة:- الامر لله وحد
.....وبعد سمراء ما تخرج الى الجنينة.....
نرمين:- ايه البت السئيلة دى
سميحة:- فى نفسها ....هى اللى سئيلة برضه امال انتى ايه
سميحة:- ماما عاملة ايه يا نرمين
نرمين:- الحمد لله بتسلم عليكى
سميحة:- الله يسلمك... هو انتى كنتى جايه ليه كنتى عايزة حاجه
نرمين :- بارتكاب....لا ابدآ كنت جايه اسلم عليكى بس
سميحة:- امممم ماشى ياحبيبتى الله يسلمك
......وتصمت الاثنتان..... وبعد شويه من الصمت
نرمين:- هو سيف هيتاخر يا انطى
سميحة:- اه هيتأخر لنص الليل
نرمين:- اه ماشى طيب انا همشى وابقى سلمى عليه لما يجى
سميحة:- الله يسلمك مع السلامه وسلمى على منى
نرمين:- حاضر سلام
........وبعد ما مشيت.....
سميحة:- ياسااااتر ايه البنت دى الله يكون فى عونك يا منى يا اختى
.......................................
مع تحياتى #كوثرمحمد
أنت تقرأ
احببتك دون ان اراكى... للكاتبة كوثر محمد...
Romanceاحببتك دون ان اراكى... للكاتبة كوثر محمد... جميع الحقوق محفوظه للكاتبه...... حين سمعت عنك احببتك دون ان اراكى احببتك وانا لا اعرف عنك سوى اسمك احببت كل من يحكى عنك كل من يذكر اسمك اسمك اسمك الذى ابهرنى فكيف يكون شكلك وجهك كيف يكون هل انتى سمراء كما...
