نمشيو لعند ياقوت كالسا كتسنا طيارتها بقاتليها خمسة دقايق لابسة كسوة طويلة بلومارين مزيرة من جيهة الصدر وسباط بلا كحل وساك كحل فيه شوية دالفلوس ليهزات لصخر فاش كان ناعس وقرعة دالما...تفكرات البارح....فـلاش بــاك ♠ جراتها شي يد قلبها كان غايسكت ضارت ولقاتها عائشة الخدامة دارتليها شش بصبعها وجراتها هبطو لتحت: شوفي غانعيط ليك لطاكسي...غايوصلك لمطار ياك غادي تقطعي أقرب بيي أي غدا خصك تمشي وفاش توصلي غاتحطك الطيارة ففاس أو كازا شدي تران لمكناس وغاتلقاي عائلتك تما حيث حتى سي محمد باين صخر كان ساكن تماك
ياقوت عنقاتها: عمري نسا خيرك اخالتي
نهـايـة الفلاش بـاك ♠♠
بتاسمات فاش تفكرات بلي غاتبدا حياة مع ولادها وعائلتها سمعات النداء ووقفاات تاجهات لطيارة وركبات
فذيك لحظة وصل صخر نزل من لوطو كيجري وليشافتو كتحل فيه فمها كان غي بشورط وتيشورط وخيرات ربي سول شي ناس على طيارة دالمغرب عارفها باغا تلقا عائلتها وتصدم فاش قالوليه بلي قلعات طاح على ركابيه :مشيتي خليتيني علااش اياقوت علاش....كنواعدك غادي نلقاك وغاترجعي معايا نتي ديالي اه ديالي
..وصلات طيارة دياقوت لكازا......نزلات منها وماعرفات مادير من حسن حظها كان تماك واحد الشاب عجباتو وعاونها صرفات الفلوس الأورو لدرهم كانت هزات ليه شي عشرالاف أورو عشرة دالمليون ديالنا....شدليها طاكسي من كازا لمكناس بعشرين ألف ريال شكراتو ودورات معاه....
.بعد مرور ساعات طاح ليل خرجات ياقوت من طاكسي وضربها ريح مكناس....ابتاسمات بلا ماتحس كانت فالمحطة دسيدي سعيد الدنيا عامرة خرجات وكولشي كيشوف فيها بنظرات إعجاب جاها جوع
زادت وخا كرشها باينة حاملة الدراري كيتبسلو عليها وهي حانية راسها وعينيها مغرغرين...حتى دخلات فشي واحد وطاحت ضربها ضو فكرشها حطات يديها عليها وتآوهات نزلات عندها ذيك البنت بالزربة : واناري سمحيلي الأخت كاعما شتك حق رب
ياقوت شافت فيها: هانية اختي بغات تنوض وعاوناتها كانت لابسة كيطمة دلاكوسط وتيتانيك مشرملة جامعة شعرها الفوق وفيديها كارو طفاتو فاش شافتها حاملة : ختيتو خاصاك شي مساعدة باينالي ماشي بنت مكناس وباقا صغيرة وهاذ البلاصة خايبة
ياقوت: عفاك اختي شي اوطيل راني ماعندي تاواحد هنا وجاني جوع
البنت: يالله معايا لدار ساكنة غي بوحدي تونسيني الساطة
ياقوت: لالا ا....
جراتها: تيزيدي ولانمرمقها مع مك.....شدو طاكسي لسيدي بابا (اخطر حي فمكناس المكناسيات عارفيني لاش كنهضر) نزلو بقاو غاديين شويا دخلو لواحد الزنقة مظلمة زينب شافت هنا وهنا وكالات ياقوت مع الحيط وحطاتليها المضا فعنقها: أري ساك
ياقوت تصدمات : لالا عفاك اختي والله ماعندي الفلوس غيهاذشي عفاك
زينب جرحاتها فعنقها :جبدي
ياقوت تقصحات عطاتها ساك وضارت زينب حلاتو خرجو عينيها فالفلوس شافت فيها شلابسة كسوة آخر موديل وسباط زوين كيبري
أنت تقرأ
قسوة عاشق
Aventuraتعذيب جنسي....هوس......اغتصابات يومية.......طفولة ضائعة...تشرد الكل في قصة قسوة عاشق بالدارجة المغربية
