قسوة عاشق

الجزء الخامس والتلاثين

ماات هو عااد باغي يقتلوو كيفااش غايموووت ضرب يديه مع الحيط حتى تفتت......وعيينيه كيشعوو ابتسم بشر وهو كيفكر بلي الله انتقم لو منو.......دوز يدو على شعرو الحريري... شافتو سوكريتيرة هي توقف بالصدمة غادي وكيزياان هاذ سيد...دارليها بيديه تبعو وتاهي جاتها من الجنة والنااس.......دخل ودخلاات موراه سدات الباب وحلات زوج صداايف لوالا دالشوميز بدات كتمختر فالمشية وشعرها الزعر كيلعب موراها وقفات عليه وهو كالس.......شافيها وابتسم: سميتك؟
هي والقلوبة خارجين ليها من عينيها: روميساء روميسااء سيدي رعد
رعد دارليها براسو اوكي: باقا باغا خدمتك ياك
ملامحها بهتو: هاا بطبيعة الحال موسيو ياكما درت شيحاجة ماشي هي هاذيك
رعد : سمعت بلي عندك مع الهكر
بدات كترعد : اه اموسيو
رعد ابتسم بشر: مزياان هاذي تلت سنين وقعات جريمة اغتصااب قريب من مكناس ياك.....غاتقلبيلي على المجرمين وتجيبيلي معلومات عليهوم وفينهوما حاليا.....

في فيلا آردوغان كالسة سارة كتشرب القهوة هي وسمية ويتناقشو الزمان بدلهوم بززاف كبرو وبدا شيب كيتخلل شعرهوم وملامحهوم ليفيها شوية دالتجاعيد......كانت تلفزة شاعلة والاخباار خدامة حتى كيتفاجأو ب: موت  رجل الأعمال والمعروف صقر العلوي وأمه سليمة الرحيوي فاجعة هزت مدينة سلا

سارة بلا ماتحس عينيها بداو كيدمعو هو سبااب دماارهوم هو وبنتها ياقوت......شافت فتلفزة حتى بانتليها بنتها كترطى وحوايجها كلهووم دم يااك ماتت مع باها وعمها وجدها لا هي ماشي شيوحدة كتشبه ليها ناضت كتجري وتبكي لتلفزة دارت بوز وهي كتقيص فملامح بنتها وسمية شادة على فمها كتبكي دخل سيف وبانوليه هكااك تاهو قرى الجريدة وعرف كولشي قلبو كيضرب بالجهد توحشها بززاف سلمى ماشي ياقوت......شافتو سارة جات البزربة شداتلو فيدو : ولدي حبيبي اهئ اهئ بنتي حيية بنتي ماماتش ديني عندها اهئ اهئ عفااك

بقا كيشوفيها بصدمة : وواخا واخا ولكن تهدني
بدات كتهدن: واخا ولكن بغيت بنتي.....

باقي ملامحها فاتنة شعرها الطويل رطب وعينيها اللؤلؤتين بحال بنتها وبياضها ناصع......طلعات لبيتها فرحاانة ونساات بلي بنتها قتلاات.....لبسات عليها جلابة وسبيبيط وجمعات شعرها سفنجة دارت شال خفيف وهزات سااكها وهي فرحانة بشوفة بنتها......هبطات ولقات سمية تاهي موجودة وشادة أمير ليكانو ملامحو زوينين بززاف شعرو حرير اسود وعينيه عسليين مايلين لصفر وسميمر بحال شي برازيلي باستو ومشاو كاملين لقاو طائرة خاصة احسن من لوطو ركبو فيها وبعد ساعة كانو فسلا......نزلو لقاو رونج كحلة كتسناهوم ركبو وسيف صايك بيهوم وهو كيخمم ويدو على لحيتو بطريقة زوينة فين غايكونو داوها اتاصل بواحد صديقو خدام فالبوليس قاليهوم داوها لاكبر سجن فسلا عرفو وتوجه ليه كان قريب....وقف بلوطو عطا لكارديان سوارت ونزلو دخل غيهو وسارة اما سمية بقات شادة امير مجرد مادخلو بنليهوم عامر ولكن كاين هدوء ماكاينش صداع شافو البوليس كيضحكو فواحد القنت مجمعين تمشا جيهتهوم بكل عجرفة وقف عليهوم وحاشي يدو فجيابو وهو كيسمع صوتها الحنين : هههه هو زوين ولكن خايب ماكايخلينيش نمشي...لا اهئ اهئ دم فيا دم اهئ.....ياقوت انا انا ماشي ياقوت مسكينة ههههه غبية ضحك عليها وضحك عليهوم ماشي هي دارليها مخدر انا لييديتها هههههه اهئ اهئ ولكن قتلتو اه قتلتو دم دم اعععععع
دفع ليكان قدامو ضار ناوي يضربو ساعة عينيه تبلقو:موسيو اردوغان
كلهوم بعدو قربليها وهوما دايرين ليها مينوط سارة بداات غيكتبكي مايمكنش ياقوت كانت ضحية بززاف دصدمات كلسات فكرسي وكتراجع افكارها وتبكي

سيف تحنا على رجليه كيشوف فيها ماينكرش بلي كتجذبو ببساطتها حط يديه على حنكها كيمررها بحنان : سلمى
هزات عينيها وشفارها فازكين بدموع كتشوف فيه حطات يديها على شفايفو : هاذو دياولي ولكن ماحافضتش عليهوم (وجات فبالها لقطة فاش كان شاد ياقوت بسيف وهي كتبكي وهو كيبوس فيها) هاذو ديااولي مااشي ديااقوت اهئ قتلتو دم دم

ماتحملش يشوفها هكا جرها بين حضنو كارز عليها وهي كتنطق كلمات غير مفهومة.....سارة بدات كتبكي ونطقاات بصوت مرتجف:بنااتي اهئ اهئ

يتبع
.....عارفة هاذشي قصير بززاف ولكن ظروف والله وقعولي مشاكل مع مالين دار وخاصني غيفوقاش نفاجر ومابغيتش نكتب كثر نعورها كنواعدكوم لاتكالميت نكتب بارت فليل طويل