فصليتي بنت عمي

فصليتي -بنت-عمي  البارت  اﻻول

للكاتبه//ندى الحساني//اميره بكلمتي

اني نادين عمري 20سنه كلية ترجمه انكليزي  عندي 3اخوان محمد عمره 26سنه مزوج وعنده طفلين وعلي 25سنه طبعا هذا عصبي ومزاجي  ومهند 23سنه عايش بالخارج واختي سكينه مخطوبه وحالتنه الماديه زينه ومتوسطه واحنا عائله متفهم ومثقفه

خلونا نرجع للماضي لما كان عمري 5سنوات ﻵنو اكو ربط بين الماضي والحاضر  الي راح احجيه الكم ما اذكره ﻵنو جنت اصغيره ومافهم شي بس لما كبرنا امي حجت النا كلشي كالة انو جدي ابو والدي جان مزوج  اثنين حبوبتي الي هيه ام ابوي  حبوتي جابت ابوي وعمامي3 وثﻵثة بنات اما مرت جدي الصغيره جابت6ولد و4بنات بس طبعا هيه ما جانت تحب حبوبتي ام والدي ودائما مشاكل وحتى اوﻵدها علمتهم على الكره يكروهن والدي وعمامي لما مات جدي كتب الورثه وزعها بالتساوي على اوﻵده بس بقى شي واحد وهوا المحل جدي كتب المحل باسم والدي وصارت مشاكل بين والدي وعمي ابرهيم الي هوا من مرت جدي الثانيه عمي اتهم والدي انو هوا مزور الوراق ورفع قضيه على والدي بس الحمد الله والدي كسب القضيه ﻵنو تحققو من صحة الوراق بس مع هذا كله ما اكتفى عمي بالي سواه وراح جاب اسﻵح ورما والدي طلقه دخل والدي للمستشفى وصار زين بس ما اشتكى على اخوه وراح والدي لبيت عمي واتبرا من عمي ومن هذاك اليوم عمي والدي ما يتحاجون واحد يكره الثاني  وطبعا نسيت ما اذكرت انو جدي جان شيخ عشيره وقبل ﻵيتوفى سلم الشيخه لعمي ابرهيم ﻵنو شخصيته قاسيه مثل الحجر بعد الي صار كله والدي ما اقبل يبقى بالعشيره وحول عائلتنه لغير عشيره   راح انسولفلكم عن عائلة عمي ابرهيم شوي عمي عنده 5اوﻵد و4بنات
الولد  فارس واحمد وعماد وعمار وزيد والبنات اطياف وسهى وشذى وسرى

الساعه7الصبح ماما نادين يﻵ كعدي من النوم ﻵ ماما خليني انام شوي ولج نادين عندج امتحان يﻵ كعدي يﻵ يﻵ كعدت رحت على الحمام جهزت مﻵبسي تنوره سوده وبدي ابيض وشال بصلي بعدها دخلت للحمام سبحت وطلعت نشفت شعري وشسورته ورفعته وحطيت مكياج خفيف بس حمره ما حطيت مجرد بس مرطب شفه ﻵنو والدي مايقبل بمكياج هواي بعدها لفيت شالي واخذت جنتي وعباتي وا طبعا اني محجبا موصفاتي طويله بيضه وجهي مدور وعيوني سود و واسعات ورشيقه البس كله اتركات بالبيت ومن اطلع البس تنورات اطوال وفساتين  انزلت لكيت نبع الحنان واختي مجهزات الرويك  باقي بس الجاي حطيته على النار خدر وصبيته اجا بابا واخوي  محمد وعلي ومرت اخوي محمد واطفالهم مجتبى ومرتضى صباح الخير  صباح النور كعدو يتريكون وكعدت وياهم وبقو يسولفون بالشغل واني اشاقه على اخوي علي واريد اغيضه طبعا هوا عصبي بسرعه ضاج وضل يحجي بعدين كال ابوي عوفونا من هل الشقه كليلي بابا شلون اﻵمتحانات وياج كتله بابا الحمد الله زينه كلي عفيه بنتي درسي زين نوب شفت الوقت راح اتاخر رحت لبست عباتي   وطلعت اجا الخط وصعدت عندي اثتين صديقاتي كلش احبهن سجى ونهى وصلنا للجامعه  طبعا اني احب واحد اسمه هيثم عمره 20هم بكدي وهو كلش حلوو وعيونه عسليه احبه كلش ومتفقين انو بس ينطونه النتائج يجي يخطبني اول ما دخلت للجامعه شفته من بعيد جاي طبعا صديقاتي مشن كدامي ﻵنو يعرفني احب هيثم  اجا وكال صباح الخير حبيبتي صباح النور ياعمري شلونج كتله زينه بشوفتك انت شلونك كال والله مو زين شنو ليش هير كال خلينا ندخل على المحاضره ونوب اسولفلج كتله ﻵ ما ادخل اذا ما تكلي كال  اهلي يريدون يزوجني بت عمي اني من كلي هيج خفكت روحي وصارت الدمعه بعيني كال ولج لو يموتني بس انتي راح اصيرين مرتي مستحيل احب غيرج او اخليج تروحين لغيري وهداني ارتاحيت من حجا هيج كتله هثيم كال عيون هيثم كتله احبك وما اكدر اعيش بدونك  واني احبج ياروحي يﻵ حياتي انروح للمحاضره  اي نروح دخلنا للمحاضره ومن طلعنا لكيت نهى منتظرتني كتله هلو كالت اكلج نادين ترى  الخط راح يتاخر واحنا راح انروح للسوك ﻵنو قريب على الجامعه تروحين ويانه كتله ﻵ راح ابقى وي هيثم كالت اوك طبعا هاي الوحده الضهر محد بس اني وهيثم بالنادي  بقينه انسولف وهو  يسمعني اشعار ويتغزل بيه  وتقرب مني وباسني على خدي بقيت ارجف  كتله انت شسويت كال ماسويت انتي حﻵلي واخذت بوسه كتله ﻵ تعيدها ضحك وكال اوك بعدين فجاء وباسني على شفتي بقيت ارجف ومغمضه عيوني نوب انتبهت على نفسي وبعدت عنه كتله انت شلون تسوي هيج انت مو كتلت بعد ما عيدها كال اي كتلج بعد ما ابوسج على خدج بس ما كلت على شفايفج انقهرت منه وكتله اياك تعيدها ذاك باب بيتنه دكه واخطبني وبعدين سوي الي تريده بيه  وخليت اطلعت  لكيت نهى والبنات توا جايات كلتلي نهى شبيج لونج مخطوف كتلها ﻵ ماكو شي بس انتن اتاخرتن كالت اي شترينه هواي شغﻵت واتاخرن اجا الخط ورحت للبيت

يتبع البارت الثاني باجر ينزل الساعه 10

اﻵول مجرد بس تعريف للربط للقصه بين الماضي والحاضر وطبعا البارتات الجايه راح تكون بيها احداث  مشوقا اتمنى اتابعوني بالتعليقات وحبايبي تشجيعكم ترى اول مره اكتب اذا اشوف ماكو تفاعل ابطل بعد ما كتب وللقصه اجزاء مشوقه