فصليتي بنت عمي

حقوق النشر محفوظة

الكاتبه//ندى الحساني

فصليتي بنت عمي //البارت الثالث

سمعنا صوت رمي  راحة اخوي وابوي يشفون  شنو صاير طلعو عمامي اخوان عمي ابرهيم من مرت جدي الثانيه هادين علينه شوي ووكف صوت الرمي اجا والدي وكللنا انو بعد الفاتحه راح نكعد وي عمي شيخ  العشيره الثانيه ونفصل ابنهم وآخوي يبقى بالسجن منا لمن اصير الكعده  في مكان آخر
فارس اني فارس عمري 28 مواصفاتي أشكر عيوني زرك بشرتي  بيضه وطويل وضخم كلش ابن عم نادين وابن شيخ إبراهيم الجبير اني دكتور اشتغل بمريكه صارلي حوالي 3سنين ما شايف أهلي  عندي اخوي زيد الصغير افديه بروحي 28هو محل اسراري كلها دائما على تواصل على عكس اخواني الباقين فد يوم جنت بالعملية  ومن اطلعت اتصل والدي اتفاق شعجب الوالد متصل  الوو بابا شلونك براهيم والله بويه مو زين ليش شنو صاير  ابني  البقيه بحياتك شنو البقيه بحياتك بابا  ابني اخوك زيد توفا   اني من كال هيج احس اختنكت ودخت ﻻ ما معقوله اخوي هيج يموت فجأة البارحه جنت احاجيه   أخذت طياره خاصه  ورحت للعراق وصلت وصعدت بالسيارة ولما وصلت  لكيت ناصبين الفاتحه وكعدت ابجي على زيد واصيح ياخويه وينك ليش رحت وعفت أخوك  سوينا الفاتحه 5ايام وبعد ما خلصت احس البيت مضلم بدون اخوي والحزن مالي البيت  نادين  اتصلت على هيثم وسولفتله  المشكله وكتله ﻻ تجي هسا منا لمن تنحل القضيه  وبقينا 5ايام   والبيت حزين محد يأكل لو ينام  مثل قبل  وبعد ما خلصت  الفاتحه ابوي أخذ شيخ العشيره  وعمامي  ومجموعة من الزلم  وراحو  واحنا بقينه نتظر على أحر من الجمر فارس جنت بغرفت زيد  واتباع لغراضه واحجي وياه دخل ابوي وكال عندي شغله أريد احجي بيها وياك  كتله تفضل يابه كال منا وهيج انت راح اصير شيخ العشيره مكاني  واليوم راح يجونا عمك واخوانه الي ابنهم كتل ابنا  وراح  يفصلونا  واريدك  تحضر الفصل  وتكون كدها كتله أن شاء  الله  يابه 
فارس رحت لغرفتي اسبحت  وكملت وطلعت للديوان اكعدت بصف الوالد واجاو عمامي سلمنا عليهم  وكعدنا
نادين  اجا  والدي وعمامي  وآخوي  والدموع بعينهم
ها يابه بشر  شنو صار
ابوي ماحجا من اسئلته نوب سألت عمي انحلت لو لا   كال عمي أي عمو انحلت  اني  حيل افرحت من كال انحلت   اخوي مهند سأل عمي  أي كوللنا شكد طلبو فلوس  عمي  يحجي والدي يبجي  وما افتهمنا شي  بعدين  كال  عمي فصلهم  يريدون منا فصليه مهند وانتو ما وافقتو موه  كله عمي  ما نكدر  ما انوافق ﻻنو اذا  ما انوافق  راح يكتلون اخوي علي  بقا اخوي مهند  يضرب بالباب  ويكول نادين ما الها ذنب بالي سواه علي  راح ادمرون مستقبلها وحياته وأمي تبجي وتكول ﻻ مستحيل انطي بنيتي  واني بقيت مصدومة ما اعرف  ابجي  اصرخ حتى ادموعي ماكدرت اطلعهن  فارس لما كنا بالكعده  ابوي كاللهم أنريد فصليه وهما  وافقو  وبعد ما طلعو والدي كال انت راح تزوج هاي الفصلية  كتله ليش اني  هذا محمد موجود  وزوجه هاي الفصليه  كال انت شيخ العشيره بعدي وانت مقهور على أخوك  أريدك  تحرك اكلوب أهلها عليها مثل ما حركو اكلوبتنا على ابنه
فارس من حجا هيج اذكرت اخوي وشلون جنا نحجي وي بعض وحيل انقهرت  وقررت اﻻ اطلع  قهري كله ابتهم  وراح اراوياه العذاب واﻻلم على أصوله  نادين صعدت لغرفتي وبقيت ابجي واكول ياربي ساعدني راح اخسر أهلي وحبيبي بعدها اندك الباب

يتبع