فصليتي بنت عمي

حقوق النشر محفوظة

فصليتي بنت عمي //الجزء الخامس

للكاتبه //ندى الحساني

فارس لما كمل الشيخ خليت وطلعت برا البيت حسيت نفسي مخنوك وبعد ساعه رجعت للبيت وسألت اختي على الفصليه  كتلها بس ﻻ حطيتنها بغرفتي ترى ما طايق اشوفها كالت ﻻ حطينها بغرفه ثانيه الي هيه غرفة سرى طبعا سرى هيه اختي الصغيره ومخطوبه لبن عمي  وبقية خواتي كلهن مزوجات فارس  صعدت فوك  ودخلت على الفصليه شفتها كاعده  ومدنكه رأسه كتلها شلون احساسكم من ذبحتو اخوي مرتاحين نادين اني جنت كاعده أفكر باخوي علي طلع لو ﻻ  وفجأة اسمعت واحد يكلي مرتاحين من ذبحتو اخوي رفعت راسي وكتله احنا مالنا ذنب بالي صار واخوك هو الي تهجم على اخوي  فارس شو هاي شكد صلفه رفعت عينها بعيني وتكلي هيج  كتلها ولج شلون ترفعين عينج وتحجين هيج وانطيته راجدي وبوكسيات ورفس على بطنها وضهرها ونزعت الحزام وبلشت ضرب بيها لحد ما تعبت  وفرغت كل القهر بيها  نوب كضيت شعرها وجريته  وضربت رأسه بالحايط  بس مع هذا الضرب كله  هيه أبد ما طلعت صوت  تركتها  وطلعت وقفلت الباب عليها وصحت أم عباس  اجت أم عباس  وكتلها شوفي هاي  أبد ما تفتحيلها الباب وماكو ﻻ  أكل وﻻ شرب 

علي  اني اطلعت من السجن  وجا اخوي وابوي واخذوني للبيت لما ادخلت استقبلني الكل  وأمي تشبك بيه وشمني  بس  احس اكو حزن بالبيت  رحت غسلت وكعدت على السفره وي أهلي  بعدين سألت كتلهم نادين أم مليق شو ماكو  بدت امي تبجي ومهند  كال  نادين ضاعت بسبب  تهورك وطيشك وتسرعك باﻻمور  واضاربنه اني  ومهند وبالكو فكونه  بعدها افتهمت انو على مود اطلع نادين راحت فصليه دخلت للغرفه وبديت إكسر كلشي كدامي 
فارس رجعت المغرب اتعشيت وصعدت  ردت اروح اشوف الفصليه بس اتراجعت ودخلت للغرفه
نادين  كعدت  الساعه بالتسعه  وأحس بكل جزء من جسمي يوجعني  جريت نفسي  ولميت رجليه ونمت من كد اﻻلم 
الصبح  فارس كعدت ورحت لغرفة الفصليه  فتحت الباب ولكيتها نايمه ومتكوره على نفسها  كمت وانطيتها راجدي خليتها تصحا سرى صعدت لغرفة الفصليه لكيت فارس واكف فوك رأسها  اتخصرت وكتلها يﻻ كومي اشتغلي نادين  حاولت أكوم بس من كد اﻻلم ما اكدرت شو هاي كامت ودفعتني ووكعت كتلها بس خل ابدل واجي  كالت ﻻ هسا اتكومين  كتلها جاي  كمت ورحت للمطبخ وعلمتني أم عباس على مكان إلغراض وبلشت انضف نضفت كل البيت وآخر شي غرفة فارس شفته كاعد بيها وخفت ادخل  سرى  شو هاي  واكفه أباب الغرفه كتلها ما تكملين شغلج لو بس تعرفين انتي  واهلج اذبحون الناس  نادين دخلت للغرفه وما باوعت على فارس أبد وبلشت انضف كملت ورحت انضف الخشاب وي ماجاي انضف وكعت صورة اخوه زيد الي مات فارس  اني جاي أكمل البحث مالت المستشفى وشفت هاي الفصليه وكعت الصوره مالت زيد وانكسرت  من شفتها هيج عصبت وصارن عيوني بكصتي اجيت عليها وبلشت ضرب وبقيت اضرب بيها بدون وعي  أم عباس صعدت أخذ العصير لفارس وشفته ﻹزم البنيه ويضرب بيها وخرته وكتله يمه راح اتموت بين اديك وشفتها تون
فارس تركتها وطلعت بس قبل ﻻ اطلع سمعتها تحجي وتكول يمه يمه وينج  نادين  اخذتني  أم عباس كوه امشي دخلت للحمام ونزعت مﻵبسي وشفت كل جسمي ازرك بسبب الضرب كعدت اسبح وابجي واكول حسبي الله عليكم  نوب لبست وطلعت نشفت شعري ومشطته فارس رجعت الوحده الضهر ولكيت أهلي متغدين  وشفت الفصليه واكفه تغسل بالغراض
رحت عليها انادين شفت فارس جاي علي من بعيد اني  ابتعدت وصرت بزاوية المطبخ صرت أخاف منه كلش من يضرب جنه وحش  فارس دخلت وكلتلي الله عليك ﻻ تضربني اني مالي  ذنب بالي صار والله ﻻ تضربني كتلها أريد غده بسرعه  بس حيل اتفاجات من كﻻمه امبينه حيل مرعوبه مني نادين  الحمد لله هذا ما ضربني  حميت الغده وجهزته  وصعدت فوك دكيت باب غرفته وكتله الغده جاهز
بعد أسبوع فارس اني سافرت على أمريكا أكمل أوراق النقل مالتي للعراق  نادين خﻻل هذا اﻻسبوع ارتاحيت من فارس بس هم شبعت ضيم بسبب سرى كله غلط وسب وضرب تضربني أغلب اﻻحيان  وكله اكعد  من الفجر اشتغل واطبخ  وانضف فارس  رجعت للعراق بعد ما خلصت أوراقي وشغلي