حقوق النشر محفوظة
البارت الثاني// فصليتي بنت عمي
الكاتبه //ندى الحساني
بعد ما رجعت للبيت لكيت اخواني وعمامي كلهم موجودين واخوي مهند جاي من السفر حيل افرحت ورحت شبكته وبسته وهما سلمت على عمامي ونسوانهم صاحتلي امي كالت نادين روح بدلي وتعالي ساعديني كتله اوك رحت لغرفتي بدلت وكملت اتصل هيثم شفته وما رديت عفت التليفون بالغرفه وانزلت للمطبخ اساعد امي واختي ومرت اخوي كملنا الغده ومدينه السفره وكعد الكل ياكلون ويسولفون والكل يضحك يعني احنا لمت عمامي كلش حلوا وكلوبهم طيبه على بعضهم من خلصنا كتلها ماما اني تعبانه راح صارلي فتره ما نايمه بسبب اﻵمتحانات وهذا اخر يوم كلش تعبانه كالت روحي رحت صعدت للغرفه لكيت هيثم متصل عشر مكالمات اجيت اتصل وبطلت كلت من يتصل احاجيه وفعﻵ اتصل وفتحت خط بس ما حجيت كال حبيبتي فدوه بعدج زعﻵنه موه ما رديت بعدين كال نادين كتله نعم كال احبج اميرتي كتله واني اعشقك كال اريد بوسه كتله هاا ردينه كال يابه شسالفه هيه بوسه بالهوى ضحكت وكتله اموووووح كال فدوه تخبل البوسه منج وبعدين سمعني شعر
ولو متأخره......
بس احبج وحق كول جره نشهكهاا اني وياااج 😌😍
العاافيةة انتي.....العمر.....اوكسجيني...رويحتي ...😘😍
كتله حبيبي راح نام تعبانه كال روحي نامي عمري نمت وكعدت الساعه 5العصر سبحت ولبست اترك وردي وسرحت شعري وخليته مفتوح وانزلت رحت للمطبخ فتحت الثﻵجه اخذت تفاحه وكعدت اكال اجتني رساله من حبيبي😘😍 هيثم وضلينا نتراسال صار الليل وكال اخوي مهند خلونا نطلع لتايم سكوير نتونس واني كعدت اهوس وشبكته كال وعلي اعرفج خبله يﻵ بدلي بسرعه طبعا شفت اختي ضاجت كتلها شبيج حبيبت كلبي كالت حسن مايقبل خطيبها كتالها انطيني تليفون اني احاجيه كالت فدوه اذا ما قبل ﻵ تلحين ﻵنو بسرعه يعصب كتالها وانتي شبيج لهل الدرجه خايفه منه خليلج شخصيه اتصلت ورد علي كتله مرحبا اني نادين كال ياهﻵ كتله حسن اريد اطلب منك طلب وما تردني كال كولي كتله خلي سكينه تروح ويانه ترى هاي اخر ايام راح تكضيها وي اخوتها خليها تروح كال اوك واني هم اريد اجي كتله اهﻵ وسهﻵ تعال خاطر تكمل لمتنه وصدك جهزنه انفسنا وعلي كلب الدنيه علينا ولجن شكد تتمكيجن نزلن ﻵ هسا اعوفجن واطلع كتله يابه على كيفك مليق نازلين كال شنو مليق كتله يعني مزعج ضل مهند بس يضحك علينه وصلنا لتايم سكوير و صعدنا وضلينا نلعب وحسن وسكينه حيل متونسين بهل الطلعه بعدين رجعنا وكلمن راح لغرفته طبعا اني كل ليله اراسال حبيبي الكبد مالتي هيثم ونبقى انسولف لوقت متاخر
مر اسبوع وهنا على هل الحاله رسايل ومخابرات صار اليوم الي ينطونه بيه النتائج حسيته احلى يوم بحياتي ﻵنو راح استلم نتيجتي وراح يجي هيثم يخطبني حيل جنت فرحانه بس ماجنت اتوقع انو من هذا اليوم راح تبدي معاناتي صعدت لغرفتي ولبست شال ماروني وبدي ماروني والتنوره بيضه والجنطه بيضه والحذاء اتكرمون ابيض هم وطلعت رحت للجامعه ولكيت صديقاتي وسلمت عليهن شفت هيثم من بعيد القلب مالتي طالع يخبل وهوا اجا متلهف علي وشبكني واني شبكته حسيت حيل مشتاقتله وبجيت كال عمري نداوي نادين ﻵ تبجين دمعتج غاليه علي شويه ورحنا للعميد استلمنا النتائج اني ونهى وسجى وهيثم وطلعنا الحمد الله كالنا ناجحين البنات راحن يسولفن وي الكروب مالتنه وبقينا اني وهيثم نتمشى وكلي حبيتي باجر ادز امي تخطبج اني حيل فرحة بس مع هل الفرحه احس اكو غصه بكلبي كالي اكلج حبي اريد هديه مالت النجاح كتله اوك كولي واني اشتريلك ياه كلي بس اني ما اريد هديه ماديه اريد هديه معنويه كتله شلون معنويه كال اني اعلمج اقترب مني😍😘😚 وباسني على شفتي احس رحت بغير عالم واجاوبت وياه ما ابتعدت عنه ومنعته مثل المره الي فاتت اجاني احساس انو ما اريده يبعد شفته عن شفتي بعدين رفع راسه وباسني على كصتي وجنت حيل 🙈🙊🙊خجﻵنه وخدودي صارت ورديه شبكته وشميت ريحته عبالك كانو بعد ما راح اشوفه جان كلبي ما مطمئن وشفت سجى من بعيد جايه عليه ابتعدت عنه واجت كالت يﻵ انروح كتلها اي ركبنا بالخط وصلنا
ولما وصلنا شفت كومة سيارت واكفه اباب بيتنه والناس ملتمه وصاير خبصه احس رجليه بعد ما يحملني اوصل للبيت بس بصعوبه مشيت ودخلت للبيت لكيت امي تبجي واصيح راح اوليدي مني واخواني وابوي وعمامي متجمعين يبجون واختي ومرت اخوي كذالك حاجيت امي ماما شنو صاير دخيل الله جاوبني اباوع ما شفت اخوي علي موجود كتلهم وين علي علي بس ﻵ صار بيه شي وضليت اصرخ وابجي نوب شوي حجتلي مرت اخوي السالفه وفهمتني انو اخوي علي متعاركين هوا وزيد ابن عمي ابراهيم نفسه عمي الي يكره والدي ولما مِـتعاركين طالع زيد سجينه وراد يضرب اخوي وآخوي محاول يدافع عن نفسه وضارب زيد بالغلط بالسجين وميت الولد وهسا اخوي عند الشرطه وبهاي اﻵثناء اسمعنا صوت رمي
يتبغ
البارت الجاي امتابعه ممتعه حبايبي تحياتي
أنت تقرأ
فصليتي بنت عمي
Lãng mạnالقصه تتحدث عن فتاة كان لها الكثير من الاحلام لكن تبخرة هذا الاحلام في لحضه واحده
